ಎಂಬಪ್ಪೆ ಅವಳಿ ಗೋಲು; ಸೆನೆಗಲ್ ವಿರುದ್ಧ ಫ್ರಾನ್ಸ್‌ಗೆ 3-1 ಅಂತರದ ಗೆಲುವು

ಜ್ಯೂಜೆರ್ಸಿ, ಜೂ.17: ಫ್ರಾನ್ಸ್ ತಂಡವು 2026 ರ ಫಿಫಾ ವಿಶ್ವಕಪ್‌(FIFA World Cup 2026)ನಲ್ಲಿ ಗೆಲುವಿನ ಶುಭಾರಂಭ ಮಾಡಿದೆ. ಭಾರತೀಯ ಕಾಲಮಾನ ಮಂಗಳವಾರ ತಡರಾತ್ರಿ ನ್ಯೂಜೆರ್ಸಿಯ ಮೆಟ್‌ಲೈಫ್ ಕ್ರೀಡಾಂಗಣದಲ್ಲಿ ನಡೆದ ಪಂದ್ಯದಲ್ಲಿ ಸೆನೆಗಲ್ ವಿರುದ್ಧ 3-1 ಅಂತರದ ಗೆಲುವು ಸಾಧಿಸಿತು. ತಂಡದ ಸ್ಟಾರ್‌ ಆಟಗಾರ, ನಾಯಕ ಕೈಲಿಯನ್ ಎಂಬಾಪೆ ಎರಡು ಗೋಲು ಬಾರಿಸಿ ತಂಡದ ಪರ ಸಾರ್ವಕಾಲಿಕ ಗೋಲಿನ ದಾಖಲೆ ನಿರ್ಮಿಸಿದರು. ಆಲಿವಿಯರ್ ಗಿರೌಡ್ ಅವರ ದೀರ್ಘಕಾಲದ ದಾಖಲೆಯನ್ನು ಹಿಂದಿಕ್ಕಿದರು.

ಮೊದಲಾರ್ಧದ ಬಹುಪಾಲು ಸಮಯ ಫ್ರಾನ್ಸ್ ತಂಡವು ಉತ್ಸಾಹಭರಿತವಾಗಿ ಆಡಿತು. ಆದರೆ ಆರಂಭಿಕ 45 ನಿಮಿಷಗಳ ಕಾಲ ಹೆಚ್ಚಾಗಿ ಮೌನವಾಗಿದ್ದ ಎಂಬಾಪೆ ಆ ಬಳಿಕ ಎರಡು ಗೋಲು ಬಾರಿಸಿದರು. ಪಂದ್ಯದ ನಂತರ ಮಾತನಾಡಿದ ಎಂಬಪ್ಪೆ, ಫ್ರಾನ್ಸ್ ಮತ್ತೊಂದು ವಿಶ್ವಕಪ್ ಗೆಲ್ಲಲು ಸಹಾಯ ಮಾಡುವ ಅಂತಿಮ ಮಹತ್ವಾಕಾಂಕ್ಷೆಗೆ ವೈಯಕ್ತಿಕ ದಾಖಲೆಗಳು ನೆರವಾಗಲಿದೆ ಎಂದು ಸ್ಪಷ್ಟಪಡಿಸಿದರು.

ಸೂರ್ಯವಂಶಿ-ಹಲಂಬಗೆ ನಡುವೆ ಜಗಳ: ಆಟಗಾರರಿಗೆ ದಂಡ ವಿಧಿಸಿದ ಮ್ಯಾಚ್‌ ರೆಫರಿ!

"ನನ್ನ ದೇಶದ ಇತಿಹಾಸದಲ್ಲಿ ಒಂದು ಗುರುತು ಸ್ಥಾಪಿಸಲು ಮತ್ತು ನನ್ನ ತಂಡವು ವಿಶ್ವಕಪ್ ಗೆಲ್ಲಲು ಸಹಾಯ ಮಾಡಲು ನಾನು ಆಡುತ್ತೇನೆ. ನಾವು ಇನ್ನೂ ಸಂಪೂರ್ಣವಾಗಿ ಸಜ್ಜಾಗಿಲ್ಲ ಎಂದು ನಾನು ಭಾವಿಸುತ್ತೇನೆ. ಆದರೆ ಟೂರ್ನಮೆಂಟ್ ಅನ್ನು ಗೆಲುವಿನೊಂದಿಗೆ ಪ್ರಾರಂಭಿಸುವುದು ಯಾವಾಗಲೂ ಒಳ್ಳೆಯದು" ಎಂದರು.

ಎಂಬಪ್ಪೆ ಅವರ ಎರಡು ಗೋಲುಗಳು ಫ್ರಾನ್ಸ್ ಪರ 58 ಅಂತರರಾಷ್ಟ್ರೀಯ ಗೋಲುಗಳನ್ನು ಗಳಿಸಲು ಸಹಾಯ ಮಾಡಿತು ಮತ್ತು ವಿಶ್ವಕಪ್‌ನಲ್ಲಿ ಒಟ್ಟಾರೆ 14 ಗೋಲುಗಳನ್ನು ಗಳಿಸಿದರು. ಈ ಮೂಲಕ ಅವರು ಟೂರ್ನಮೆಂಟ್‌ನ ಸ್ಕೋರಿಂಗ್ ಪಟ್ಟಿಯಲ್ಲಿ ಲಿಯೋನೆಲ್ ಮೆಸ್ಸಿ ಮತ್ತು ಫ್ರೆಂಚ್ ದಿಗ್ಗಜ ಜಸ್ಟ್ ಫಾಂಟೈನ್ ಅವರನ್ನು ಹಿಂದಿಕ್ಕಿ ಜರ್ಮನಿಯ ದಂತಕಥೆ ಗೆರ್ಡ್ ಮುಲ್ಲರ್ ಅವರೊಂದಿಗೆ ಸಮಬಲ ಸಾಧಿಸಿದ್ದಾರೆ. ಮಿರೋಸ್ಲಾವ್ ಕ್ಲೋಸ್ ಮಾತ್ರ ಅವರಿಗಿಂತ ಮುಂದಿದ್ದಾರೆ.

66 ನೇ ನಿಮಿಷದಲ್ಲಿ ಸೆನೆಗಲ್ ರಕ್ಷಣಾ ಕೋಟೆಯನ್ನು ದಾಟಿ ಎಂಬಪ್ಪೆ ಅದ್ಭುತ ಗೋಲು ಬಾರಿಸಿದರು. ಆ ಬಳಿಕ 90+6 ನಿಮಿಷದಲ್ಲಿ ಮತ್ತೊಂದು ಗೋಲು ಬಾರಿಸಿದರು.