50 ವಿಶ್ವ ಟೆಸ್ಟ್ ಚಾಂಪಿಯನ್‌ಶಿಪ್ ಪಂದ್ಯ ಆಡಿದ ಮೊದಲ ಭಾರತೀಯ ಎಂಬ ಹೆಗ್ಗಳಿಕೆಗೆ ಪಾತ್ರರಾದ ರವೀಂದ್ರ ಜಡೇಜಾ

ಕೊಲಂಬೊ, ಆ.23: ಭಾರತದ ಸ್ಟಾರ್ ಆಲ್‌ರೌಂಡರ್ ರವೀಂದ್ರ ಜಡೇಜಾ 50 ವಿಶ್ವ ಟೆಸ್ಟ್ ಚಾಂಪಿಯನ್‌ಶಿಪ್ ಪಂದ್ಯಗಳಲ್ಲಿ ಕಾಣಿಸಿಕೊಂಡ ಮೊದಲ ಭಾರತೀಯ ಕ್ರಿಕೆಟಿಗ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ. 37 ವರ್ಷ ವಯಸ್ಸಿನ ಆಲ್‌ರೌಂಡರ್, ಕೊಲಂಬೊದ ಸಿಂಹಳೀಸ್ ಸ್ಪೋರ್ಟ್ಸ್ ಕ್ಲಬ್‌ನಲ್ಲಿ ಶ್ರೀಲಂಕಾ ವಿರುದ್ಧದ ಎರಡನೇ ಟೆಸ್ಟ್ ಪಂದ್ಯದಲ್ಲಿ ಭಾರತ ಪರ ಆಡುವ ಮೂಲಕ ಈ ಮೈಲಿಗಲ್ಲು ತಲುಪಿದರು.

ಜಡೇಜ ತಮ್ಮ ಟೆಸ್ಟ್ ವೃತ್ತಿಜೀವನದಲ್ಲಿ, ಬ್ಯಾಟಿಂಗ್‌ನಲ್ಲಿ 4117 ರನ್‌ಗಳನ್ನು ಗಳಿಸಿದ್ದಾರೆ, ಗರಿಷ್ಠ 175* ಸ್ಕೋರ್ ಮತ್ತು ಆರು ಶತಕಗಳನ್ನು ಗಳಿಸಿದ್ದಾರೆ. ಬೌಲಿಂಗ್‌ನಲ್ಲಿ 352 ವಿಕೆಟ್‌ಗಳನ್ನು ಪಡೆದಿದ್ದಾರೆ. ಅವರ ಅತ್ಯುತ್ತಮ ಅಂಕಿಅಂಶಗಳು 7/42, ಮತ್ತು 49 ಕ್ಯಾಚ್‌ಗಳನ್ನು ಹಿಡಿದಿದ್ದಾರೆ. ಡಬ್ಲ್ಯೂಟಿಸಿ ಇತಿಹಾಸದಲ್ಲಿ ಜಡೇಜಾ 2,632 ರನ್ ಗಳಿಸಿದ್ದಾರೆ ಮತ್ತು 160 ವಿಕೆಟ್‌ಗಳನ್ನು ಪಡೆದಿದ್ದಾರೆ.

ಈ ಪಟ್ಟಿಯಲ್ಲಿ ಜಡೇಜಾ ನಂತರ ಮೊಹಮ್ಮದ್ ಸಿರಾಜ್‌ ಮತ್ತು ವಿರಾಟ್ ಕೊಹ್ಲಿ ಇದ್ದಾರೆ. ಸಿರಾಜ್‌ 48 ಪಂದ್ಯ ಮತ್ತು ವಿರಾಟ್‌ ಕೊಹ್ಲಿ 47 ಪಂದ್ಯ ಆಡಿದ್ದಾರೆ. ಡಬ್ಲ್ಯೂಟಿಸಿಯಲ್ಲಿ ಅತಿ ಹೆಚ್ಚು ಪಂದ್ಯಗಳನ್ನು ಆಡಿದ ದಾಖಲೆ ಇಂಗ್ಲೆಂಡ್ ಟೆಸ್ಟ್ ನಾಯಕ ಜೋ ರೂಟ್ ಅವರ ಹೆಸರಲ್ಲಿದೆ. ಡಬ್ಲ್ಯೂಟಿಸಿ ಇತಿಹಾಸದಲ್ಲಿ ಅತಿ ಹೆಚ್ಚು ರನ್ ಗಳಿಸಿದವರ ಪಟ್ಟಿಯಲ್ಲಿ ಅಗ್ರಸ್ಥಾನದಲ್ಲಿರುವ ರೂಟ್ ಇಲ್ಲಿಯವರೆಗೆ 78 ಪಂದ್ಯಗಳನ್ನು ಆಡಿದ್ದಾರೆ. ರೂಟ್ ಹೊರತುಪಡಿಸಿ, ಇತರ 10 ಆಟಗಾರರು WTC ನಲ್ಲಿ ಕನಿಷ್ಠ 50 ಪಂದ್ಯಗಳನ್ನು ಆಡಿದ್ದಾರೆ.

ಟೆಸ್ಟ್ ತಂಡದ ಎಲೈಟ್ ಪಟ್ಟಿಯಲ್ಲಿ ತೆಂಡೂಲ್ಕರ್, ಸೆಹ್ವಾಗ್ ಜೊತೆ ಸೇರ್ಪಡೆಗೊಂಡ ಶುಭಮನ್ ಗಿಲ್

ವಿದೇಶಿ ನೆಲದಲ್ಲಿ ಭಾರತ ಪರ 100 ಟೆಸ್ಟ್ ವಿಕೆಟ್‌ಗಳನ್ನು ಪೂರ್ಣಗೊಳಿಸುವ ಅವಕಾಶವನ್ನು ಹೊಂದಿದ್ದಾರೆ. ಪ್ರಸ್ತುತ, ಅವರು ತವರಿನಿಂದ ಹೊರಗೆ 37 ಟೆಸ್ಟ್ ಪಂದ್ಯಗಳಲ್ಲಿ 96 ಬ್ಯಾಟ್ಸ್‌ಮನ್‌ಗಳನ್ನು ಔಟ್ ಮಾಡಿದ್ದಾರೆ. ಭಾರತ ಪರ ವಿದೇಶ ಪಂದ್ಯಗಳಲ್ಲಿ 2,000 ಟೆಸ್ಟ್ ರನ್ ಪೂರ್ಣಗೊಳಿಸುವ ಅವಕಾಶ ಅವರಿಗಿದೆ. ಅವರಿಗೆ ಇನ್ನೂ 115 ರನ್‌ಗಳ ಅಗತ್ಯವಿದೆ. ಜಡೇಜಾ ಇದುವರೆಗೆ 37 ವಿದೇಶ ಟೆಸ್ಟ್ ಪಂದ್ಯಗಳಲ್ಲಿ 62 ಇನ್ನಿಂಗ್ಸ್‌ಗಳಲ್ಲಿ 1,885 ರನ್ ಗಳಿಸಿದ್ದಾರೆ.