ತೂಕ ಇಳಿಸಲು ಇಂಜೆಕ್ಷನ್‌ ಬಳಸುತ್ತಿದ್ದಾರೆ ಭಾರತೀಯ ಕ್ರಿಕೆಟಿಗರು?

ಮುಂಬಯಿ, ಆ.11: ಆಟಗಾರರ ಪ್ರದರ್ಶನ ಅಥವಾ ಫಾರ್ಮ್ ಕಳೆದುಕೊಳ್ಳುವುದು ಕ್ರೀಡಾ ಜಗತ್ತಿನಲ್ಲಿ ಯಾವಾಗಲೂ ಕಳವಳಕಾರಿ ವಿಷಯವಾಗಿದೆ. ಇದರ ಮಧ್ಯೆ ಐಪಿಎಲ್ ಆಟಗಾರರು ಸೇರಿದಂತೆ ಹಲವಾರು ಭಾರತೀಯ ಕ್ರಿಕೆಟಿಗರು ತೆಳ್ಳಗಿನ ದೇಹವನ್ನು ಪಡೆಯಲು ಪ್ರಿಸ್ಕ್ರಿಪ್ಷನ್ ತೂಕ ಇಳಿಸುವ ಇಂಜೆಕ್ಷನ್‌ಗಳತ್ತ ಮುಖ ಮಾಡುತ್ತಿದ್ದಾರೆ ಎಂಬ ಆಘಾತಕಾರಿ ಸಂಗತಿ ಬಹಿರಂಗಗೊಂಡಿದೆ.

ಈ ಪ್ರವೃತ್ತಿ ಯಾವುದೇ ವೈದ್ಯಕೀಯ ಅಗತ್ಯವಿಲ್ಲದೆ ಈ ಔಷಧಿಗಳನ್ನು ಪ್ರಯೋಗಿಸುತ್ತಿರುವ ಯುವ ಆಟಗಾರರಿಗೂ ವಿಸ್ತರಿಸುತ್ತದೆ ಎಂದು ಹೇಳಲಾಗುತ್ತಿದೆ. ಹೆಸರಿಸದ ಮೂಲಗಳನ್ನು ಉಲ್ಲೇಖಿಸಿರುವ ವರದಿಯನ್ನು ಸ್ವತಂತ್ರವಾಗಿ ಪರಿಶೀಲಿಸಲಾಗಿಲ್ಲ ಮತ್ತು ಯಾವುದೇ ನಿರ್ದಿಷ್ಟ ಆಟಗಾರರ ಹೆಸರುಗಳನ್ನು ದೃಢೀಕರಿಸಲಾಗಿಲ್ಲ. ವರದಿಯ ಪ್ರಕಾರ, ಭಾರತೀಯ ಕ್ರಿಕೆಟ್‌ನಲ್ಲಿ ಕಟ್ಟುಮಸ್ತಾದ ದೇಹದ ಮೇಲೆ ಹೆಚ್ಚುತ್ತಿರುವ ಒತ್ತು ಈ ಬೆಳವಣಿಗೆಗೆ ಕಾರಣವಾಗಿದೆ.

"ಇದನ್ನು ನಿಯಮಿತ ವ್ಯಾಯಾಮದ ಜೊತೆಗೆ ತೂಕ ಇಳಿಸಿಕೊಳ್ಳಲು ಒಂದು ಮಾರ್ಗವೆಂದು ಪರಿಗಣಿಸಲಾಗುತ್ತಿದೆ. ಅದಕ್ಕಾಗಿಯೇ ಕೆಲವು ಕ್ರಿಕೆಟಿಗರು ಇದನ್ನು ಆರಿಸಿಕೊಳ್ಳುತ್ತಿದ್ದಾರೆ. ಬಾಲಿವುಡ್ ತಾರೆಯರು ಸಹ ಇದರಲ್ಲಿ ತೊಡಗಿಸಿಕೊಂಡಿದ್ದಾರೆ" ಎಂದು ಕ್ರಿಕ್‌ಬ್ಲಾಗರ್ ಉಲ್ಲೇಖಿಸಿದ ಮೂಲವೊಂದು ತಿಳಿಸಿದೆ.

ಈ ವಿಷಯದ ಬಗ್ಗೆ ಬಿಸಿಸಿಐ ಅಥವಾ ಐಪಿಎಲ್ ಯಾವುದೇ ಅಧಿಕೃತ ಹೇಳಿಕೆಯನ್ನು ನೀಡಿಲ್ಲ. ವರದಿಯು ಸಂಪೂರ್ಣವಾಗಿ ಹೆಸರಿಸದ ಮೂಲಗಳನ್ನು ಅವಲಂಬಿಸಿದೆ ಮತ್ತು ಯಾವುದೇ ಹೆಸರಿಸಲಾದ ವ್ಯಕ್ತಿ ಅಥವಾ ಅಧಿಕೃತ ಸಂಸ್ಥೆಯಿಂದ ದೃಢೀಕರಿಸಲ್ಪಟ್ಟಿಲ್ಲ.

2027 ರ ಏಕದಿನ ವಿಶ್ವಕಪ್‌ಗೆ ನೇರ ಪ್ರವೇಶ ಪಡೆದ ಅಫ್ಘಾನಿಸ್ತಾನ

ಭಾರತ ತಂಡದ ಆಟಗಾರರು ಪದೇ ಪದೇ ಗಾಯಾಳುಗಳಾಗುತ್ತಿರುವುದಕ್ಕೆ ಐಪಿಎಲ್ ಕಾರಣ ಎಂಬ ಆಘಾತಕಾರಿ ಸಂಗತಿ ಬಹಿರಂಗಗೊಂಡಿದೆ. ಫ್ರಾಂಚೈಸಿಗಳ ಕಡೆಯಿಂದ ತೀವ್ರ ಒತ್ತಡ ಹಾಗೂ ಹಣಕಾಸಿನ ಕಾರಣಗಳಿಂದಾಗಿ ಆಟಗಾರರು ಗಾಯಗೊಂಡಿದ್ದರೂ ಲೆಕ್ಕಿಸದೆ ಐಪಿಎಲ್ ಪಂದ್ಯಗಳಲ್ಲಿ ಆಡುತ್ತಿರುವುದು ಭಾರತೀಯ ಕ್ರೀಡಾಪಟುಗಳ ಸರಣಿ ಗಾಯದ ಸಮಸ್ಯೆಗೆ ಪ್ರಮುಖ ಕಾರಣವಾಗಿದೆ ಎನ್ನಲಾಗಿದೆ.

ಆಟಗಾರರ ಮೇಲೆ ಪಂದ್ಯಗಳ ಅತಿಯಾದ ಹೊರೆಯಿದೆ. ಮಾನವನ ದೇಹಕ್ಕೆ ತನ್ನದೇ ಆದ ಸೀಮಿತ ಸಾಮರ್ಥ್ಯವಿರುತ್ತದೆ. ಅತಿಯಾದ ಬಳಕೆಯಿಂದಾಗಿ ಉಂಟಾಗುವ ಗಾಯಗಳಿಂದ ಆಟಗಾರರು ಯಾವಾಗ ಗುಣಮುಖರಾಗಿ ಮರಳುತ್ತಾರೆ ಎಂದು ಹೇಳುವುದು ಕಷ್ಟ. ಫ್ರಾಂಚೈಸಿ ಹಾಗೂ ಹಣಕಾಸಿನ ಒತ್ತಡಗಳಿಂದಾಗಿ ಐಪಿಎಲ್‌ನಲ್ಲಿ ಗಾಯದ ನಡುವೆಯೂ ಆಡುವ ಆಟಗಾರರು, ಆ ನಂತರ ಬಿ‌ಸಿಸಿಐ ವೈದ್ಯಕೀಯ ತಂಡಕ್ಕೆ ದೊಡ್ಡ ಸವಾಲಾಗಿ ಪರಿಣಮಿಸುತ್ತಿದ್ದಾರೆ ಎಂದು ಬಿಸಿ‌ಸಿಸಿಐ ಉನ್ನತ ಶ್ರೇಷ್ಠತಾ ಕೇಂದ್ರದ (CoE) ಮೂಲಗಳು ಎಎನ್ಐ ಸುದ್ದಿಸಂಸ್ಥೆಗೆ ತಿಳಿಸಿವೆ.