ಹಕ್ಕಿಯ ಮೊಟ್ಟೆಗಳಿಂದ ಮಳೆ ಮುನ್ಸೂಚನೆ ಗೊತ್ತಾಗುತ್ತಾ? : ಮಧ್ಯಪ್ರದೇಶದ ರೈತರ ವಿಶಿಷ್ಟ ನಂಬಿಕೆ ಏನಿದು?

ಮಧ್ಯ ಪ್ರದೇಶ,ಜೂ.12: ಕೃಷಿಯೇತರ ಚಟುವಟಿಕೆಯಲ್ಲಿ ತೊಡಗಿಕೊಂಡಿರುವ ಪ್ರತಿಯೊಬ್ಬ ರೈತನಿಗೂ ಮಳೆ ಅನ್ನೋದು ಬಹಳಷ್ಟು ಪ್ರಮುಖವಾಗುತ್ತದೆ. ಬೆಳೆಸಿದ ಬೆಳೆಗಳು ಫಲ ನೀಡ ಬೇಕಾದರೆ ಮಳೆಯ ಅಗತ್ಯತೆ ಹೆಚ್ಚಿದೆ. ಆದರೆ ಇಂದಿನ ಆಧುನಿಕ ಯುಗದಲ್ಲಿ ಮಳೆಯ ಮುನ್ಸೂಚನೆ ಅರಿತುಕೊಳ್ಳಲು ನಾವು ಮೊಬೈಲ್ ಆ್ಯಪ್ ಅಥವಾ ಹವಾಮಾನ ಇಲಾಖೆಯ ವರದಿಗಳನ್ನು ಅವಲಂಬಿಸಿ ಇರುತ್ತೇವೆ.‌ ಆದರೆ ಮಧ್ಯಪ್ರದೇಶದ ಹಳ್ಳಿಯಲ್ಲಿ ರೈತರು ಇಂದಿಗೂ ಮಳೆಯನ್ನು ಅಂದಾಜಿಸಲು ಸಣ್ಣ ಹಕ್ಕಿಗಳ ಮೊಟ್ಟೆಯನ್ನು ಗಮನಿಸಿ ಮಳೆಯ ಮುನ್ಸೂಚನೆ ಯನ್ನು ಅರಿಯುತ್ತಾರೆ. ಸದ್ಯ ಈ ವಿಚಾರ ಕೇಳಿ ನೆಟ್ಟಿಗರೇ ಆಶ್ಚರ್ಯ ಪಟ್ಟಿದ್ದು ಸೋಷಿಯಲ್ ಮೀಡಿಯಾದಲ್ಲಿ ಭಾರೀ ವೈರಲ್ (Viral News) ಆಗುತ್ತಿದೆ.

ಮಧ್ಯ ಪ್ರದೇಶದ ಕೆಲವು ಭಾಗಗಳಲ್ಲಿ, ಹಕ್ಕಿಯ ಮೊಟ್ಟೆಗಳು ಪ್ರತಿ ವರ್ಷ ಮಾನ್ಸೂನ್ ಅನ್ನು ಹೇಗೆ ಬರಮಾಡಿಕೊಳ್ಳುತ್ತವೆ ಎಂದು ಬಹಿರಂಗಪಡಿಸುತ್ತದೆ. ಇಂದಿಗೂ ಇಲ್ಲಿ ಮುಂಗಾರು ಮಳೆಯನ್ನು ಅಂದಾಜಿಸಲು ಕೆಂಪು ಮೂಗಿನ ಸಣ್ಣ ಆಕಾರದ ಟಿಟ್ಟಿಭ ಹಕ್ಕಿಯನ್ನು ರೈತರು ಅವಲಂಬಿಸಿದ್ದಾರೆ. ಹಲವು ತಲೆಮಾರುಗಳಿಂದ, ಈ ಪ್ರದೇಶದ ಸಮುದಾಯಗಳು ಮುಂಬರುವ ಮಾನ್ಸೂನ್ ಬಗ್ಗೆ ತಿಳಿಯಲು ಪಕ್ಷಿಗಳ ಗೂಡು ಕಟ್ಟುವ ಅಭ್ಯಾಸ ಮತ್ತು ಮೊಟ್ಟೆಗಳನ್ನು ಅವಲಂಬಿಸಿವೆ.

Viral Video: ಅಯ್ಯಯ್ಯೋ! ಅಂತ್ಯಕ್ರಿಯೆ ವೇಳೆ ಶವಪೆಟ್ಟಿಗೆಯಿಂದ ಜೀವಂತವಾಗಿ ಎದ್ದು ಬಂದ ಮಹಿಳೆ: ವಿಡಿಯೋ ನೋಡಿ

ಈ ಹಕ್ಕಿ ಸಾಮಾನ್ಯವಾಗಿ ನಾಲ್ಕು ಮೊಟ್ಟೆಗಳನ್ನು ಇಡುತ್ತದೆ, ಇದನ್ನು ಗ್ರಾಮದ ಹಿರಿಯರು ಮಾನ್ಸೂನ್‌ನ ನಾಲ್ಕು ತಿಂಗಳುಗಳೊಂದಿಗೆ ಸಂಯೋಜಿಸುತ್ತಾರೆ. ಪ್ರತಿ ಮೊಟ್ಟೆಯು ನಿರ್ದಿಷ್ಟ ತಿಂಗಳಲ್ಲಿ ಮಳೆಯನ್ನು ಪ್ರತಿನಿಧಿಸುತ್ತದೆ ಎಂದು ನಂಬಲಾಗಿದೆ. ​ಹಕ್ಕಿಯು ಎತ್ತರವಾದ ಪ್ರದೇಶದಲ್ಲಿ ಅಥವಾ ದಿಬ್ಬಗಳ ಮೇಲೆ ಮೊಟ್ಟೆಯಿಟ್ಟಿದ್ದರೆ ಆ ವರ್ಷ ಅತಿ ಹೆಚ್ಚು ಮಳೆ ಬರಲಿದೆ ಎಂದರ್ಥ. ಹಕ್ಕಿಯು ತನ್ನ ಮೊಟ್ಟೆಗಳನ್ನು ನೀರಿನಿಂದ ರಕ್ಷಿಸಲು ಮೊದಲೇ ಮುನ್ನೆಚ್ಚರಿಕೆ ವಹಿಸುತ್ತದೆ ಎಂದು ರೈತರು ನಂಬಿದ್ದಾರೆ.

ಮತ್ತೊಂದೆಡೆ, ಕಡಿಮೆ ಅಥವಾ ಸಮತಟ್ಟಾದ ಭೂಪ್ರದೇಶದಲ್ಲಿ ಇಡುವ ಮೊಟ್ಟೆಗಳನ್ನು ಕಡಿಮೆ ಮಾನ್ಸೂನ್ ಅಥವಾ ಸರಾಸರಿಗಿಂತ ಕಡಿಮೆ ಮಳೆಯ ಸಂಕೇತವೆಂದು ಅರ್ಥೈಸಲಾಗುತ್ತದೆ. ಮೊಟ್ಟೆಯ ಮೊನಚಾದ ಭಾಗವು ಕೆಳಮುಖವಾಗಿದ್ದರೆ ಭಾರಿ ಮಳೆಯಾಗುತ್ತದೆ ಹಾಗೂ ಮೊಟ್ಟೆ ಗಳು ಇಡಲ್ಪಟ್ಟ ದಿಕ್ಕು ಮುಂಗಾರು ಮಾರುತಗಳು ಬರುವ ದಾರಿಯನ್ನು ತೋರಿಸುತ್ತದೆ ಎಂದು ಇಲ್ಲಿನ ಜನರು ನಂಬುತ್ತಾರೆ. ಈ ಹಕ್ಕಿಯು ವೇಗವಾಗಿ ಚಲಿಸುವ ಹಕ್ಕಿಯಾಗಿದ್ದು, ತಿಳಿ ಕಂದು ಮತ್ತು ಬಿಳಿ ಪುಕ್ಕಗಳು ಇವೆ. ಕಣ್ಣುಗಳು ಮತ್ತು ಕೊಕ್ಕಿನ ಬಳಿ ವಿಶಿಷ್ಟವಾದ ಕೆಂಪು ಗುರುತುಗಳಿಂದ ಗುರುತಿಸಲ್ಪಡುತ್ತದೆ. ಇದರ ಸಂತಾನೋತ್ಪತ್ತಿ ಅವಧಿಯು ಸಾಮಾನ್ಯವಾಗಿ ಮಾರ್ಚ್‌ನಿಂದ ಆಗಸ್ಟ್ ವರೆಗೆ ವಿಸ್ತರಿಸುತ್ತದೆ. ಒಟ್ಟಿನಲ್ಲಿ ಇಲ್ಲಿನ ಜನರ ನಂಬಿಕೆ ಕಂಡು ನೆಟ್ಟಿಗರು ನಿಜಕ್ಕೂ ಆಶ್ಚರ್ಯ ಪಟ್ಟಿದ್ದಾರೆ.