Vishweshwar Bhat Column: ಸೈನಿಕರು ಡ್ರಗ್ಸ್‌ ಸೇವಿಸಿದಾಗ..

ಸಂಪಾದಕರ ಸದ್ಯಶೋಧನೆ

ಇಂದು ಇರಾನ್ ಕೇವಲ ರಾಜಕೀಯ ಸಂಘರ್ಷದ ಭೂಮಿಯಲ್ಲ, ಅದು ಅಮಾನವೀಯ ಪ್ರಯೋಗಗಳ ಅಖಾಡವಾಗಿ ಮಾರ್ಪಟ್ಟಿದೆ. ಸಾವಿರಾರು ವರ್ಷಗಳ ಭವ್ಯ ನಾಗರಿಕತೆಯನ್ನು ಹೊಂದಿರುವ ಈ ದೇಶದಲ್ಲಿ, ಕಳೆದ ಐದು ದಶಕಗಳ ಆಡಳಿತವು ತನ್ನ ಅಧಿಕಾರವನ್ನು ಉಳಿಸಿ ಕೊಳ್ಳಲು ಎಂಥ ನೀಚ ಮಟ್ಟಕ್ಕಿಳಿಯಬಹುದು ಎಂಬುದಕ್ಕೆ ‘ಕ್ಯಾಪ್ಟಗನ್’ ಮಾತ್ರೆಗಳ ಬಳಕೆ ಒಂದು ಜ್ವಲಂತ ಸಾಕ್ಷಿ.

ತನ್ನದೇ ದೇಶದ ನಿರಪರಾಧಿ ಯುವಜನತೆಯನ್ನು, ಮಹಿಳೆಯರನ್ನು ಮತ್ತು ಮುಗ್ಧ ನಾಗರಿಕರನ್ನು ಸಾಯಿಸಲು ಸರಕಾರವು ತನ್ನ ಸೈನಿಕರನ್ನೇ ‘ಯಾಂತ್ರಿಕ ಕೊಲೆಗಡುಕ’ರನ್ನಾಗಿ ಬದಲಿಸುತ್ತಿದೆ. ಏನಿದು ಕ್ಯಾಪ್ಟಗನ್? ಕ್ಯಾಪ್ಟಗನ್ ಎನ್ನುವುದು ಒಂದು ಪ್ರಬಲವಾದ ಉತ್ತೇಜಕ ಔಷಧ. ಇದನ್ನು ವೈಜ್ಞಾನಿಕವಾಗಿ ‘ಫೆನೆಥಿಲ್ಲೈನ್’ ಎಂದು ಕರೆಯಲಾಗುತ್ತದೆ.

ಇದನ್ನು ಸೇವಿಸಿದ ವ್ಯಕ್ತಿಯ ಮಿದುಳಿನ ಮೇಲೆ ಅದು ತಕ್ಷಣವೇ ಪ್ರಭಾವ ಬೀರುತ್ತದೆ. ಇದನ್ನು ಸೇವಿಸಿದ ಸೈನಿಕನಿಗೆ ಯಾವುದೇ ರೀತಿಯ ಭಯ ಅಥವಾ ಆತಂಕವಾಗುವುದಿಲ್ಲ. ಎದುರಿಗಿರು ವವರು ತನ್ನದೇ ದೇಶದವರಾದರೂ, ಅವರನ್ನು ಶತ್ರುಗಳಂತೆ ಕಾಣುವ ಕ್ರೌರ್ಯ ಈ ಔಷಧದಿಂದ ಬರುತ್ತದೆ. ಸೈನಿಕರು ದಿನಗಟ್ಟಲೆ ನಿದ್ರೆಯಿಲ್ಲದೇ, ಹಸಿವಿಲ್ಲದೇ ಸತತವಾಗಿ ದಮನಕಾರಿ ಚಟುವಟಿಕೆ ಗಳಲ್ಲಿ ತೊಡಗಿರಲು ಇದು ನೆರವಾಗುತ್ತದೆ.

ಇದನ್ನೂ ಓದಿ: Vishweshwar Bhat Column: ‘ದಿ ಗ್ರೇ ಲೇಡಿ’ ಎಂದರೆ ಯಾರು ?

ನೋವು ಅಥವಾ ಮಾನವೀಯ ಸಂವೇದನೆಗಳು ಈ ಡ್ರಗ್ ಸೇವಿಸಿದಾಗ ನಶಿಸಿ ಹೋಗುತ್ತವೆ. ಅದಕ್ಕಾಗಿಯೇ ಇದನ್ನು ‘ಕೆಮಿಕಲ್ ಕರೇಜ್’ ಅಥವಾ ‘ರಾಸಾಯನಿಕ ಧೈರ್ಯ’ ಎಂದು ಕರೆಯು ತ್ತಾರೆ. ಇರಾನ್‌ನ ಭದ್ರತಾ ಪಡೆಗಳಾದ ‘ಇಸ್ಲಾಮಿಕ್ ರೆವಲ್ಯೂಷನರಿ ಗಾರ್ಡ್ ಕಾರ್ಪ್ಸ್’ (IRGC) ಮತ್ತು ‘ಬಸಿಜ’ (Basij) ಪಡೆಯ ಸೈನಿಕರು ಮೂಲತಃ ಇರಾನಿನವರೇ.

ಬೀದಿಗಳಲ್ಲಿ ಪ್ರತಿಭಟನೆ ನಡೆಸುತ್ತಿರುವ ಯುವಕ-ಯುವತಿಯರು ಅವರದೇ ನೆರೆಹೊರೆಯವರೋ ಅಥವಾ ಸಂಬಂಧಿಕರೋ ಆಗಿರುವ ಸಾಧ್ಯತೆ ಇರುತ್ತದೆ. ಸಹಜ ಸ್ಥಿತಿಯಲ್ಲಿರುವ ಯಾವುದೇ ಸೈನಿಕನು ತನ್ನದೇ ದೇಶದ ನಿರಾಯುಧ ವಿದ್ಯಾರ್ಥಿನಿಯರ ಮೇಲೆ ಅಥವಾ ವೃದ್ಧರ ಮೇಲೆ ಗುಂಡು ಹಾರಿಸಲು ಹಿಂಜರಿಯುತ್ತಾನೆ. ಈ ‘ಹಿಂಜರಿಕೆ’ಯನ್ನು ಹೋಗಲಾಡಿಸಲು ಇರಾನ್ ಸರಕಾರವು ಕ್ಯಾಪ್ಟಗನ್ ಅನ್ನು ಬಳಸುತ್ತಿದೆ.

ಈ ಮಾತ್ರೆಗಳನ್ನು ಸೇವಿಸಿದ ಸೈನಿಕರು ಕೆಂಪು ಕಣ್ಣುಗಳೊಂದಿಗೆ, ಯಾವುದೇ ಭಾವನೆಗಳಿಲ್ಲದೆ ಜನರ ಮೇಲೆ ಮುರಕತ್ತಿನಂತೆ ಮುಗಿಬೀಳುತ್ತಾರೆ. ಇತ್ತೀಚಿನ ‘ಮಹಸಾ ಅಮಿನಿ’ ಪ್ರತಿಭಟನೆಯ ಸಮಯದಲ್ಲಿ ಸೆರೆಹಿಡಿಯಲಾದ ಅನೇಕ ದೃಶ್ಯಗಳಲ್ಲಿ ಸೈನಿಕರ ವರ್ತನೆ ಅತಿಮಾನುಷವಾಗಿತ್ತು ಮತ್ತು ಕ್ರೂರವಾಗಿತ್ತು, ಇದು ಅವರು ಡ್ರಗ್ ಪ್ರಭಾವದಲ್ಲಿದ್ದರು ಎಂಬುದನ್ನು ಸಾಬೀತುಪಡಿಸು ತ್ತದೆ.

ಇರಾನ್ ಸರಕಾರವು ಕೇವಲ ಡ್ರಗ್ ನೀಡುವುದಕ್ಕೆ ಸೀಮಿತವಾಗಿಲ್ಲ. ಅದು ಇರಾಕಿನ ‘ಹಶದ್ ಅಲ್-ಶಬಿ’ ಮತ್ತು ಅಫ್ಘಾನಿಸ್ತಾನದ ‘ಫಾತಿಮಿಯೋನ್ ಬ್ರಿಗೇಡ್’ನಂಥ ವಿದೇಶಿ ಗುಂಪುಗಳನ್ನು ಕರೆಯಿಸಿ ಅವರಿಗೆ ಕ್ಯಾಪ್ಟಗನ್ ನೀಡಿ ಇರಾನಿಯನ್ನರ ಮೇಲೆ ದಾಳಿ ಮಾಡಿಸುತ್ತಿದೆ. ಈ ವಿದೇಶಿ ಪಡೆಗಳಿಗೆ ಇರಾನಿನ ಸಂಸ್ಕೃತಿಯ ಬಗ್ಗೆ ಗೌರವವಿಲ್ಲ ಅಥವಾ ಅಲ್ಲಿನ ಜನರ ಬಗ್ಗೆ ಸಹಾನುಭೂತಿ ಇಲ್ಲ.

ಡ್ರಗ್ ಪ್ರಭಾವದಲ್ಲಿರುವ ಈ ಪರಕೀಯ ಪಡೆಗಳು ಇರಾನಿನ ಬೀದಿಗಳಲ್ಲಿ ರಕ್ತಪಾತ ನಡೆಸುತ್ತಿವೆ. ವಿಪರ್ಯಾಸವೆಂದರೆ, ಈ ಕ್ಯಾಪ್ಟಗನ್ ಉತ್ಪಾದನೆ ಮತ್ತು ವಿತರಣೆಯ ದೊಡ್ಡ ಜಾಲವು ಇರಾನ್‌ನ ಐಆರ್‌ಜಿಸಿಯ ನಿಯಂತ್ರಣದಲ್ಲಿದೆ.

ಅಂತಾರಾಷ್ಟ್ರೀಯ ಆರ್ಥಿಕ ದಿಗ್ಬಂಧನಗಳಿಂದ ಬಳಲುತ್ತಿರುವ ಇರಾನ್ ಸರಕಾರವು ಈ ಮಾದಕ ವಸ್ತುವನ್ನು ಅಕ್ರಮವಾಗಿ ಉತ್ಪಾದಿಸಿ ಗಲ್ಫ್ ದೇಶಗಳಿಗೆ ರಫ್ತು ಮಾಡುವ ಮೂಲಕ ಕೋಟ್ಯಂತರ ಡಾಲರ್ ಸಂಪಾದಿಸುತ್ತಿದೆ. ಒಂದು ಕಡೆ ಅದೇ ಹಣದಿಂದ ಶಸ್ತ್ರಾಸ್ತ್ರ ಖರೀದಿಸಿದರೆ, ಇನ್ನೊಂದು ಕಡೆ ಅದೇ ಡ್ರಗ್ ಅನ್ನು ತನ್ನ ಸೈನಿಕರಿಗೆ ನೀಡಿ ದೇಶದ ಒಳಗೆ ದಮನಕಾರಿ ಆಡಳಿತ ನಡೆಸುತ್ತಿದೆ.

ಅಂದರೆ, ಇರಾನ್ ತನ್ನ ದೇಶದ ಸಂಪತ್ತನ್ನು ಮತ್ತು ತನ್ನ ಸೈನಿಕರ ಮಾನಸಿಕ ಆರೋಗ್ಯವನ್ನು ದೇಶದ ವಿನಾಶಕ್ಕಾಗಿ ಬಳಸಿಕೊಳ್ಳುತ್ತಿದೆ. ಇರಾನ್‌ನಲ್ಲಿ ಕಳೆದ ಕೆಲವು ವರ್ಷಗಳಲ್ಲಿ ಸುಮಾರು 40000ಕ್ಕೂ ಹೆಚ್ಚು ಜನರು ಬಲಿಯಾಗಿದ್ದಾರೆ ಎಂದು ವರದಿಗಳು ಹೇಳುತ್ತವೆ.

ಜೈಲಿನಲ್ಲಿರುವ ರಾಜಕೀಯ ಕೈದಿಗಳಿಗೆ ಚಿತ್ರಹಿಂಸೆ ನೀಡುವ ಸಿಬ್ಬಂದಿಗಳು ಸಹ ಇಂಥ ಉತ್ತೇಜಕ ಗಳನ್ನು ಬಳಸುತ್ತಾರೆ ಎಂದು ಮಾಜಿ ಕೈದಿಗಳು ಹೇಳಿಕೆ ನೀಡಿದ್ದಾರೆ. ಈ ಡ್ರಗ್ಸ್ ಸೈನಿಕರಲ್ಲಿ ಸ್ಯಾಡಿಸಂ (ಪರಪೀಡಕ ಬುದ್ಧಿ) ಅನ್ನು ಹೆಚ್ಚಿಸುತ್ತದೆ. ಯುವತಿಯರನ್ನು ಬೀದಿಗಳಲ್ಲಿ ಎಳೆದಾಡು‌ ವುದು, ಹತ್ತಿರದಿಂದ ಗುಂಡು ಹಾರಿಸುವುದು ಮತ್ತು ಕಣ್ಣುಗಳಿಗೆ ಪೆಲೆಟ್ ಗನ್‌ಗಳಿಂದ ಹೊಡೆಯು ವುದು- ಇವೆಲ್ಲವೂ ಕೇವಲ ಸಿದ್ಧಾಂತದಿಂದ ಬರುವ ಕ್ರೌರ್ಯವಲ್ಲ, ಇದು ಮಾದಕ ಪದಾರ್ಥ ಗಳಿಂದ ಪ್ರೇರಿತವಾದ ಅತಿಮಾನುಷ ವರ್ತನೆ.