Coolie Movie: ಅಬ್ಬಬ್ಬಾ! 'ಕೂಲಿ' ಸೆಟ್‌ಗೆ ಮಾಸ್ ಆಗಿ ಎಂಟ್ರಿ ಕೊಟ್ಟ ತಲೈವಾ; ಇಲ್ಲಿದೆ ವಿಡಿಯೊ

ಚೆನ್ನೈ: ರಜನಿಕಾಂತ್‌ (Rajinikanth) ನಟನೆಯ ಬಹುನಿರೀಕ್ಷಿತ ಚಿತ್ರ ಕೂಲಿ (Coolie Movie), ಲೋಕೇಶ್ ಕನಗರಾಜ್ (Lokesh Kanagaraj) ಅವರ ನಿರ್ದೇಶನದಲ್ಲಿ, ಆಗಸ್ಟ್ 14, 2025ಕ್ಕೆ ಬಿಡುಗಡೆಯಾಗಲಿದೆ. ಚಿತ್ರದ ಬಿಡುಗಡೆಗೆ ಉತ್ಸಾಹ ಹೆಚ್ಚಿಸಲು, ಚಿತ್ರತಂಡವು ಹೊಸ ದೃಶ್ಯಗಳನ್ನು ಬಿಡುಗಡೆ ಮಾಡಿದೆ ಮತ್ತು ‘ಕೂಲಿ ಪವರ್‌ಹೌಸ್’ ಗೀತೆಯನ್ನು ವಿವಿಧ ಆಡಿಯೋ ವೇದಿಕೆಗಳಲ್ಲಿ ಲಾಂಚ್ ಮಾಡಿದೆ. ಹೊಸದಾಗಿ ಬಿಡುಗಡೆಯಾದ ದೃಶ್ಯಗಳಲ್ಲಿ ರಜನಿಕಾಂತ್ ಚಿತ್ರೀಕರಣದ ಸೆಟ್‌ನಲ್ಲಿ ಕೆಲಸ ಮಾಡುತ್ತಿರುವುದು, ಅಭಿಮಾನಿಗಳ ಜೊತೆ ಮಾತನಾಡಯತ್ತಿರುವುದು, ಜನರ ಗುಂಪಿನತ್ತ ಕೈ ಬೀಸುತ್ತಿರುವ ದೃಶ್ಯಗಳನ್ನು ಕಾಣಬಹುದು. ಟೀಸರ್‌ಗೆ ತಮಿಳಿನಲ್ಲಿ “ಎಂಗೆಂಗುಂ ಕೊರೈಯಾತು ಮಾಸ್” ಎಂದು ಶೀರ್ಷಿಕೆ ನೀಡಲಾಗಿದ್ದು, ಇದರ ಅರ್ಥ “ಮಾಸ್ ಎಂದಿಗೂ ಕಡಿಮೆಯಾಗದು.”

ಯೂಟ್ಯೂಬ್‌ನಲ್ಲಿ ಸುಧೀರ್ ಶ್ರೀನಿವಾಸನ್ ಜೊತೆಗಿನ ಇತ್ತೀಚಿನ ಸಂಭಾಷಣೆಯಲ್ಲಿ, ನಿರ್ದೇಶಕ ಲೋಕೇಶ್ ಕನಗರಾಜ್ ರಜನಿಕಾಂತ್‌ ಅವರ ಪ್ರಭಾವವನ್ನು ಕೊಂಡಾಡಿದ್ದರು. “ಸೂಪರ್‌ಸ್ಟಾರ್ ನನ್ನಲ್ಲಿ ಉಂಟುಮಾಡಿದ ಭಾವನೆಯನ್ನು ವಿವರಿಸಲು ಸಾಧ್ಯವಿಲ್ಲ. ಅವರು ಜೀವನದ ಬಗ್ಗೆ ಯೋಚಿಸುವಂತೆ ಮಾಡಿದರು, ನಾನು ಅಳುತ್ತಿದ್ದೆ, ನಗುತ್ತಿದ್ದೆ. ಪ್ರತಿದಿನ ಏನನ್ನಾದರೂ ಕಲಿಯುತ್ತಿದ್ದೆ” ಎಂದು ಅವರು ಹೇಳಿದರು.

ಕೂಲಿ ಚಿತ್ರದ ವಿಶೇಷತೆ

ಕೂಲಿ ಒಂದು ಆಕ್ಷನ್ ಎಂಟರ್‌ಟೈನರ್ ಆಗಿದ್ದು, ರಜನಿಕಾಂತ್ ಇದರಲ್ಲಿ ಖಳನಾಯಕ ಛಾಯೆಯ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಚಿತ್ರದಲ್ಲಿ ನಾಗಾರ್ಜುನ ಅಕ್ಕಿನೇನಿ ಮತ್ತು ಉಪೇಂದ್ರ ಸಹ-ನಾಯಕರಾಗಿ, ಆಮಿರ್ ಖಾನ್ ಒಂದು ಕ್ಯಾಮಿಯೋ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಶ್ರುತಿ ಹಾಸನ್, ಸತ್ಯರಾಜ್, ಮತ್ತು ಸೌಬಿನ್ ಶಾಹಿರ್ ಪ್ರಮುಖ ಪಾತ್ರಗಳಲ್ಲಿ ನಟಿಸುತ್ತಿದ್ದಾರೆ. ಚಿತ್ರಕ್ಕೆ ಸಂಗೀತ ಮತ್ತು ಹಿನ್ನೆಲೆ ಸಂಗೀತವನ್ನು ಅನಿರುದ್ಧ್ ರವಿಚಂದರ್ ಸಂಯೋಜಿಸಿದ್ದಾರೆ.

ಈ ಸುದ್ದಿಯನ್ನು ಓದಿ: Bollywood Actress Divya Bharti: 18ನೇ ವಯಸ್ಸಿಗೆ ಮತಾಂತರ... ಮದ್ವೆ ಆದ 11 ತಿಂಗಳಿಗೆ ದುರಂತ ಅಂತ್ಯ ಕಂಡ ಈ ನಟಿ ಬಗ್ಗೆ ನಿಮಗೆಷ್ಟು ಗೊತ್ತು?

ಈ ಚಿತ್ರವು ಆಗಸ್ಟ್ 14 ರಂದು ಸ್ವಾತಂತ್ರ್ಯ ದಿನಾಚರಣೆಯ ವಾರಾಂತ್ಯದಲ್ಲಿ ಬಿಡುಗಡೆಯಾಗಲಿದ್ದು, ಹೃತಿಕ್ ರೋಷನ್ ಮತ್ತು ಜೂನಿಯರ್ ಎನ್‌ಟಿಆರ್ ನಟಿಸಿದ ಅಯನ್ ಮುಖರ್ಜಿ ಅವರ ವಾರ್ 2 ಚಿತ್ರಕ್ಕೆ ಸ್ಪರ್ಧೆ ಒಡ್ಡಲಿದೆ.

ಇದೇ ವೇಳೆ, ರಜನಿಕಾಂತ್ ನೆಲ್ಸನ್ ದಿಲೀಪ್‌ಕುಮಾರ್ ನಿರ್ದೇಶನದ ಜೈಲರ್ 2 ಚಿತ್ರದ ಚಿತ್ರೀಕರಣವನ್ನು ಆರಂಭಿಸಿದ್ದಾರೆ. ಈ ಚಿತ್ರದಲ್ಲಿ ಅವರು ಟೈಗರ್ ಮುತ್ತುವೇಲ್ ಪಾಂಡಿಯನ್ ಪಾತ್ರದಲ್ಲಿ ಮತ್ತೆ ಕಾಣಿಸಿಕೊಳ್ಳಲಿದ್ದಾರೆ. ನಂದಮೂರಿ ಬಾಲಕೃಷ್ಣ ಕ್ಯಾಮಿಯೋ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಮೊಹನ್‌ಲಾಲ್ ಮತ್ತು ಶಿವ ರಾಜಕುಮಾರ್ ಕೂಡ ಜೈಲರ್‌ ಮೂಲ ಕ್ಯಾಮಿಯೋ ಪಾತ್ರಗಳಲ್ಲಿ ಮರಳಲಿದ್ದಾರೆ ಎಂದು ನಿರೀಕ್ಷಿಸಲಾಗಿದೆ.