ಹೊಸ ‘ಕ್ಯಾಶಿಫೈ Select’ ಮೂಲಕ ಪ್ರೀಮಿಯಂ ರಿಫರ್ಬಿಶ್ಡ್ ಎಲೆಕ್ಟ್ರಾನಿಕ್ಸ್ ಸಾಧನಗಳಿಗೆ ಉತ್ತೇಜನ

ಬೆಂಗಳೂರು: ಕ್ಯಾಶಿಫೈ ಇಂದು ತನ್ನ ಆಫ್‌ಲೈನ್ ವ್ಯಾಪ್ತಿಯನ್ನು 95 ನಗರಗಳಿಗೆ ವಿಸ್ತರಿಸಿದ್ದು, 250ಕ್ಕೂ ಹೆಚ್ಚು ಕ್ಯಾಶಿಫೈ ಬ್ರಾಂಡೆಡ್ ಅಂಗಡಿಗಳನ್ನು ಹೊಂದಿದೆ ಎಂದು ಘೋಷಿಸಿದೆ. ಜೊತೆಗೆ, ಗ್ರಾಹಕರ ಖರೀದಿ ಪ್ರವೃತ್ತಿ ಕಡಿಮೆ ಬೆಲೆಯಿಂದ ಹೆಚ್ಚಿನ ಮೌಲ್ಯದ ಖರೀದಿಗಳತ್ತ ತಿರುಗುತ್ತಿರುವ ಹಿನ್ನೆಲೆ “ಕ್ಯಾಶಿಫೈ Select” ಎಂಬ ಪ್ರೀಮಿಯಂ ರಿಫರ್ಬಿಶ್ಡ್ ಸಾಧನ ಸೇವೆಯನ್ನು ಪರಿಚಯಿಸಿದೆ.

ಈ ಆಫ್‌ಲೈನ್ ವಿಸ್ತರಣೆಯೊಂದಿಗೆ, ಕಂಪನಿ ಸ್ಮಾರ್ಟ್‌ಫೋನ್‌ಗಳ ಹೊರತಾಗಿ ಲ್ಯಾಪ್‌ಟಾಪ್‌ಗಳು, ವೇಯರೇಬಲ್ಸ್, ಆಡಿಯೋ ಸಾಧನಗಳು, ಟ್ಯಾಬ್ಲೆಟ್‌ಗಳು ಮತ್ತು ಗೇಮಿಂಗ್ ಕನ್ಸೋಲ್‌ಗಳಂತಹ ವಿವಿಧ ಬೇಡಿಕೆಯ ವಿಭಾಗಗಳತ್ತ ವಿಸ್ತರಿಸಿದೆ. ಇದು ಗ್ರಾಹಕರ ಬದಲಾಗುತ್ತಿರುವ ಅಗತ್ಯಗಳನ್ನು ಪ್ರತಿಬಿಂಬಿಸುತ್ತದೆ.

ಭಾರತದ ರಿಫರ್ಬಿಶ್ಡ್ ಎಲೆಕ್ಟ್ರಾನಿಕ್ಸ್ ಮಾರುಕಟ್ಟೆಯಲ್ಲಿ ಗ್ರಾಹಕರ ನಡೆ-ನುಡಿಯಲ್ಲಿ ಸ್ಪಷ್ಟ ಬದಲಾವಣೆ ಕಾಣಿಸುತ್ತಿದೆ. ಖರೀದಿ ನಿರ್ಧಾರಗಳು ಈಗ ಬೆಲೆ ಮಾತ್ರವಲ್ಲದೆ ಮೌಲ್ಯ, ವಿಶ್ವಾಸಾರ್ಹತೆ ಮತ್ತು ನಂಬಿಕೆಯನ್ನು ಆಧರಿಸುತ್ತಿವೆ. ಹೆಚ್ಚಿನ ಗುಣಮಟ್ಟದ ಸಾಧನಗಳಿಗೆ ಗ್ರಾಹಕರು ಹೆಚ್ಚಿನ ಹಣ ಖರ್ಚು ಮಾಡಲು ಸಿದ್ಧರಾಗಿದ್ದಾರೆ.

ಇದನ್ನೂ ಓದಿ: Vishweshwar Bhat Column: ಒಂದು ಗಾದೆಯ ಕುರಿತು

“ಭಾರತದ ರಿಫರ್ಬಿಶ್ಡ್ ಎಲೆಕ್ಟ್ರಾನಿಕ್ಸ್ ಮಾರುಕಟ್ಟೆ ವೇಗವಾಗಿ ಬೆಳೆಯುತ್ತಿದೆ, ಮತ್ತು ಗ್ರಾಹಕರ ನಿರೀಕ್ಷೆಗಳು ಕೂಡ ಅದರ ಜೊತೆಗೆ ಬದಲಾಗುತ್ತಿವೆ. ಕಳೆದ ಒಂದು ವರ್ಷದಲ್ಲಿ, ನಾವು ಹೆಚ್ಚು ನಗರಗಳಲ್ಲಿ ಮಾತ್ರವಲ್ಲದೆ ವಿವಿಧ ವಿಭಾಗಗಳಲ್ಲಿ ಮತ್ತು ಪ್ರೀಮಿಯಂ ಉತ್ಪನ್ನಗಳಲ್ಲಿ ಬಲವಾದ ಬೇಡಿಕೆಯನ್ನು ಕಂಡಿದ್ದೇವೆ. ಗ್ರಾಹಕರು ಈಗ ಉತ್ತಮ ಗುಣಮಟ್ಟದ ಸಾಧನಗಳನ್ನು ಹೆಚ್ಚಿನ ಭರವಸೆ, ಪಾರದರ್ಶಕತೆ ಮತ್ತು ಸುಲಭತೆಯೊಂದಿಗೆ ಪಡೆಯಲು ಬಯಸುತ್ತಿದ್ದಾರೆ,” ಎಂದು ಕ್ಯಾಶಿಫೈ ಸಹ-ಸ್ಥಾಪಕ ಮತ್ತು CEO ಮಂದೀಪ್ ಮನೋಚಾ ಹೇಳಿದ್ದಾರೆ.

ಉದ್ಯಮದಲ್ಲಿ ಪುನಃ ಖರೀದಿ ಮತ್ತು ಅಪ್‌ಗ್ರೇಡ್ ಚಕ್ರಗಳು ಕೂಡ ಹೆಚ್ಚುತ್ತಿರುವುದು, ಭಾರತದ ರಿಕಾಮರ್ಸ್ ಪರಿಸರವು ಹಂತ ಹಂತವಾಗಿ ಪರಿಪಕ್ವವಾಗುತ್ತಿದೆ ಎಂಬುದನ್ನು ಸೂಚಿಸುತ್ತದೆ.

ಕ್ಯಾಶಿಫೈ Select ಪರಿಚಯ: ಪ್ರೀಮಿಯಂ ರಿಫರ್ಬಿಶ್ಡ್ ಅನುಭವ

ಕ್ಯಾಶಿಫೈ ತನ್ನ ಮುಂದಿನ ಬೆಳವಣಿಗೆಯ ಹಂತದ ಭಾಗವಾಗಿ “ಕ್ಯಾಶಿಫೈ Select” ಅನ್ನು ಪರಿಚಯಿ ಸಿದೆ. ಇದು ಉನ್ನತ ಗುಣಮಟ್ಟ, ಹೆಚ್ಚುವರಿ ಭರವಸೆ ಮತ್ತು ಹೊಸ ಸಾಧನದ ಅನುಭವ ನೀಡುವ ಪ್ರೀಮಿಯಂ ಸೇವೆಯಾಗಿರುತ್ತದೆ.

ಕ್ಯಾಶಿಫೈ Select ಗ್ರಾಹಕರಿಗೆ ಹೊಸ ಸಾಧನಗಳಂತೆ ವಿಶ್ವಾಸ ನೀಡುವ, ಆದರೆ ಕಡಿಮೆ ಬೆಲೆಯಲ್ಲಿ ರುವ ರಿಫರ್ಬಿಶ್ಡ್ ಸಾಧನಗಳ ಅಗತ್ಯವನ್ನು ಪೂರೈಸುತ್ತದೆ.

ಈ ಸೇವೆಯಲ್ಲಿ ಒಳಗೊಂಡಿರುವವುಗಳು:
● ಸ್ಮಾರ್ಟ್‌ಫೋನ್‌ಗಳು
● ಲ್ಯಾಪ್‌ಟಾಪ್‌ಗಳು (MacBook ಸೇರಿದಂತೆ ಪ್ರೀಮಿಯಂ ಸಾಧನಗಳು)
● ಗೇಮಿಂಗ್ ಕನ್ಸೋಲ್‌ಗಳು (PS5 ಸೇರಿದಂತೆ)
● ಸ್ಮಾರ್ಟ್‌ವಾಚ್‌ಗಳು ಮತ್ತು ವೇಯರೇಬಲ್ಸ್
● ಕ್ಯಾಮೆರಾಗಳು ಮತ್ತು ಪ್ರೀಮಿಯಂ ಆಡಿಯೋ ಸಾಧನಗಳು
● ಅಮೆಜಾನ್ ಸಾಧನಗಳು

“ಭಾರತದಲ್ಲಿ ರಿಫರ್ಬಿಶ್ಡ್ ಎಲೆಕ್ಟ್ರಾನಿಕ್ಸ್ ಮಾರುಕಟ್ಟೆ ಈಗ ಬೆಲೆ ಆಧಾರಿತದಿಂದ ಮೌಲ್ಯ ಮತ್ತು ನಂಬಿಕೆ ಆಧಾರಿತವಾಗುತ್ತಿದೆ. ಗುಣಮಟ್ಟ ಮತ್ತು ವಿಶ್ವಾಸಾರ್ಹತೆಯ ಬಗ್ಗೆ ವಿಶ್ವಾಸ ಇದ್ದರೆ ಗ್ರಾಹಕರು ಪ್ರೀಮಿಯಂ ಸಾಧನಗಳಿಗೆ ಹೆಚ್ಚಿನ ಹಣ ಖರ್ಚು ಮಾಡಲು ಸಿದ್ಧರಾಗಿದ್ದಾರೆ. ಕ್ಯಾಶಿಫೈ Select ಈ ಬದಲಾವಣೆಗೆ ನಮ್ಮ ಉತ್ತರವಾಗಿದೆ,” ಎಂದು ಕ್ಯಾಶಿಫೈ ಸಹ-ಸ್ಥಾಪಕ ಮತ್ತು CMO ನಕುಲ್ ಕುಮಾರ್ ತಿಳಿಸಿದ್ದಾರೆ.

ಕ್ಯಾಶಿಫೈ Select ಅಡಿಯಲ್ಲಿ ಮಾರಾಟವಾಗುವ ಪ್ರತಿಯೊಂದು ಸಾಧನವೂ ಸಂಯೋಜಿತ ಮೌಲ್ಯ ಮಾಪನ ಪ್ರಕ್ರಿಯೆಗೆ ಒಳಪಡುತ್ತದೆ. ಇದರಲ್ಲಿ ಸಾಧನದ ಹೊರಗಿನ ಸ್ಥಿತಿ, ಕಾರ್ಯಕ್ಷಮತೆ, ಬ್ಯಾಟರಿ ಆರೋಗ್ಯ, ಘಟಕಗಳ ಗುಣಮಟ್ಟ ಮತ್ತು ಬಹು ಹಂತದ ಪರೀಕ್ಷೆ ಒಳಗೊಂಡಿದೆ. ಜೊತೆಗೆ, ಓಪನ್-ಬಾಕ್ಸ್ ಉತ್ಪನ್ನಗಳನ್ನೂ ನೀಡಲಾಗುತ್ತದೆ, ಇದು ಗ್ರಾಹಕರಿಗೆ ಪ್ರೀಮಿಯಂ ಸಾಧನಗಳನ್ನು ಕಡಿಮೆ ಬೆಲೆಯಲ್ಲಿ ಪಡೆಯಲು ಅವಕಾಶ ನೀಡುತ್ತದೆ.

ಕ್ಯಾಶಿಫೈ Select ಪರಿಚಯವು ಕಂಪನಿಯು ಸ್ಮಾರ್ಟ್‌ಫೋನ್ ಕೇಂದ್ರಿತ ವೇದಿಕೆಯಿಂದ ವ್ಯಾಪಕ ರಿಫರ್ಬಿಶ್ಡ್ ಎಲೆಕ್ಟ್ರಾನಿಕ್ಸ್ ಪರಿಸರದತ್ತ ವಿಸ್ತರಿಸುತ್ತಿರುವುದನ್ನು ಸೂಚಿಸುತ್ತದೆ. ಸ್ಮಾರ್ಟ್‌ಫೋನ್ ಹೊರತಾದ ವಿಭಾಗಗಳಲ್ಲಿ ಉತ್ತಮ ಪ್ರತಿಕ್ರಿಯೆ ಕಂಡುಬರುತ್ತಿದೆ.

ಆಯ್ದ ಅಂಗಡಿಗಳನ್ನು ಗ್ರಾಹಕ ಅನುಭವದ ಮೇಲೆ ಕೇಂದ್ರೀಕರಿಸಿ ವಿನ್ಯಾಸಗೊಳಿಸಲಾಗಿದ್ದು, ಅಂಗಡಿಯಲ್ಲಿ ಉತ್ತಮ ಸಂವಹನ ಮತ್ತು ವಿಶ್ವಾಸವನ್ನು ನಿರ್ಮಿಸಲು ವಿಶೇಷ ವ್ಯವಸ್ಥೆಗಳನ್ನು ಹೊಂದಿವೆ.

2013ರಲ್ಲಿ ಸ್ಥಾಪಿತವಾದ ಕ್ಯಾಶಿಫೈ, ಭಾರತದಲ್ಲಿನ ಅತಿದೊಡ್ಡ ರಿಕಾಮರ್ಸ್ ವೇದಿಕೆಗಳಲ್ಲಿ ಒಂದಾಗಿದೆ. ಇದು ಸ್ಮಾರ್ಟ್‌ಫೋನ್ ಮತ್ತು ಇತರ ಎಲೆಕ್ಟ್ರಾನಿಕ್ಸ್ ಸಾಧನಗಳನ್ನು ಖರೀದಿಸಲು, ಮಾರಾಟ ಮಾಡಲು ಮತ್ತು ದುರಸ್ತಿ ಮಾಡಲು ಸಹಾಯ ಮಾಡುತ್ತದೆ. ಆನ್‌ಲೈನ್ ಮತ್ತು ಆಫ್‌ಲೈನ್ ಚಾನೆಲ್‌ಗಳ ಮೂಲಕ ಗ್ರಾಹಕರಿಗೆ ಕಡಿಮೆ ಬೆಲೆಯಲ್ಲೂ ಉತ್ತಮ ಗುಣಮಟ್ಟದ ತಂತ್ರಜ್ಞಾನವನ್ನು ಒದಗಿಸುತ್ತದೆ.

ಸ್ಮಾರ್ಟ್‌ಫೋನ್‌ಗಳ ಜೊತೆಗೆ, ಕ್ಯಾಶಿಫೈ ಲ್ಯಾಪ್‌ಟಾಪ್‌ಗಳು, ಸ್ಮಾರ್ಟ್‌ವಾಚ್‌ಗಳು, ಟ್ಯಾಬ್ಲೆಟ್‌ಗಳು, ಗೇಮಿಂಗ್ ಕನ್ಸೋಲ್‌ಗಳು ಮತ್ತು ಆಡಿಯೋ ಸಾಧನಗಳಂತಹ ವಿವಿಧ ವಿಭಾಗಗಳಲ್ಲಿ ಉತ್ಪನ್ನ ಗಳನ್ನು ನೀಡುತ್ತದೆ. ಪ್ರಸ್ತುತ, ಭಾರತದಲ್ಲಿ 95 ನಗರಗಳಲ್ಲಿ 250ಕ್ಕೂ ಹೆಚ್ಚು ಕ್ಯಾಶಿಫೈ ಬ್ರಾಂಡೆಡ್ ಅಂಗಡಿಗಳನ್ನು ನಡೆಸುತ್ತಿದೆ.

*

● 22+ ಹೊಸ ನಗರಗಳಿಗೆ ವಿಸ್ತರಿಸಿಕೊಂಡು, ಕ್ಯಾಶಿಫೈ ತನ್ನ ಬ್ರಾಂಡ್ ಹಾಜರಾತಿಯನ್ನು 95 ನಗರಗಳಿಗೆ ಹೆಚ್ಚಿಸಿದ್ದು, ದೇಶದಾದ್ಯಂತ 250+ ಆಫ್‌ಲೈನ್ ಕ್ಯಾಶಿಫೈ ಬ್ರಾಂಡೆಡ್ ಅಂಗಡಿಗಳನ್ನು ಹೊಂದಿದೆ
● ಸ್ಮಾರ್ಟ್‌ಫೋನ್‌ಗಳ ಹೊರತಾಗಿ ಲ್ಯಾಪ್‌ಟಾಪ್‌ಗಳು, ವೇಯರೇಬಲ್ಸ್, ಆಡಿಯೋ ಸಾಧನಗಳು ಮತ್ತು ಗೇಮಿಂಗ್ ಕನ್ಸೋಲ್‌ಗಳತ್ತ ವಿಸ್ತರಣೆ ಮಾಡಿ ಒಮ್ನಿಚಾನೆಲ್ ಹಾದಿಯನ್ನು ಬಲಪಡಿಸಿದೆ
● ವಿವಿಧ ವರ್ಗಗಳಲ್ಲಿ ಪ್ರೀಮಿಯಂ, ಉನ್ನತ ಗುಣಮಟ್ಟದ ರಿಫರ್ಬಿಶ್ಡ್ ಸಾಧನಗಳ ಬೇಡಿಕೆಗೆ ತಕ್ಕಂತೆ “ಕ್ಯಾಶಿಫೈ Select” ಪರಿಚಯ
● ಗ್ರಾಹಕರ ಖರೀದಿ ಧೋರಣೆ ಬೆಲೆ ಆಧಾರಿತದಿಂದ ಮೌಲ್ಯ ಆಧಾರಿತವಾಗಿದ್ದು, ಟಿಯರ್ 2/3 ಮಾರುಕಟ್ಟೆಗಳು ಬೆಳವಣಿಗೆಗೆ ಕಾರಣವಾಗುತ್ತಿದ್ದು, ಮೆಟ್ರೋ ನಗರಗಳು ಪ್ರೀಮಿಯಂ ಬೇಡಿಕೆಯಲ್ಲಿ ಮುನ್ನಡೆಯಲ್ಲಿವೆ