ಎಂಎಸ್‌ಡಿಯು ವಿಸ್ತರಿತ ಹೈದರಾಬಾದ್ ತಂತ್ರಜ್ಞಾನ ಕೇಂದ್ರ ಉದ್ಘಾಟನೆ

ಬೆಂಗಳೂರು: ಎಂಎಸ್‌ಡಿ (ಅಮೆರಿಕದ ನ್ಯೂಜೆರ್ಸಿಯ ರಾಹ್ವೇ ಮೂಲದ ಮರ್ಕ್‌ ಮತ್ತು ಕೋ ಇನ್‌ ವ್ಯಾಪಾರ ಹೆಸರಿನಡಿ ಕಾರ್ಯನಿರ್ವಹಿಸುವ ಸಂಸ್ಥೆ) ತನ್ನ ವಿಸ್ತರಿತ ಹೈದರಾಬಾದ್ ಟೆಕ್ ಸೆಂಟರ್ ಅನ್ನು ಉದ್ಘಾಟಿಸಿರುವುದಾಗಿ ಪ್ರಕಟಿಸಿದೆ. ಕೃತಕ ಬುದ್ಧಿಮತ್ತೆ, ದತ್ತಾಂಶ, ಡಿಜಿಟಲ್ ವೇದಿಕೆಗಳು, ಸೈಬರ್ ಭದ್ರತೆ, ಕ್ಲೌಡ್, ಸ್ವಯಂಚಾಲಿತ ತಂತ್ರಜ್ಞಾನ, ಸಾಫ್ಟ್‌ವೇರ್ ಎಂಜಿನಿಯರಿಂಗ್ ಸೇರಿದಂತೆ ಹಲವು ಕ್ಷೇತ್ರಗಳಲ್ಲಿ ಸಂಸ್ಥೆಯ ಡಿಜಿಟಲ್ ತಂತ್ರಜ್ಞಾನ ಸಾಮರ್ಥ್ಯಗಳನ್ನು ಮತ್ತಷ್ಟು ವೃದ್ಧಿಸಲು ಈ ನೂತನ ಕೇಂದ್ರ ಸಹಕಾರ ನೀಡಲಿದೆ.

ಈ ಕೇಂದ್ರವನ್ನು ಮಾಹಿತಿ ತಂತ್ರಜ್ಞಾನ, ಎಲೆಕ್ಟ್ರಾನಿಕ್ಸ್ ಮತ್ತು ಸಂವಹನ, ಕೈಗಾರಿಕೆ ಮತ್ತು ವಾಣಿಜ್ಯ ಹಾಗೂ ಶಾಸಕಾಂಗ ವ್ಯವಹಾರಗಳ ಸಚಿವರಾದ ಡಿ. ಶ್ರೀಧರ್ ಬಾಬು ಅವರು ಉದ್ಘಾಟಿಸಿ ದರು.

MSDಯ ಡಿಜಿಟಲ್ ಹ್ಯೂಮನ್ ಹೆಲ್ತ್ ವಿಭಾಗದ ಹಿರಿಯ ಉಪಾಧ್ಯಕ್ಷರಾದ ಅಭಿಷೇಕ್ ನಾರಾ ಯಣ್ ಸಿಂಗ್ ಅವರು ಈ ಸಂದರ್ಭದಲ್ಲಿ ಉಪಸ್ಥಿತರಿದ್ದರು. ಭಾರತದಲ್ಲಿ MSDಯ ದೀರ್ಘಕಾಲದ ಉಪಸ್ಥಿತಿಯ ಮುಂದುವರಿಕೆಯಾಗಿ, ವಿಸ್ತರಿಸಲಾದ ಈ ಕಚೇರಿಯು ಕಂಪನಿಯ ಜಾಗತಿಕ ತಂತ್ರಜ್ಞಾನ ಜಾಲವನ್ನು ಮತ್ತಷ್ಟು ಬಲಪಡಿಸುತ್ತದೆ ಮತ್ತು MSDಯ ಜೀವಗಳನ್ನು ಉಳಿಸುವ ಹಾಗೂ ಜೀವನವನ್ನು ಸುಧಾರಿಸುವ ಉದ್ದೇಶವನ್ನು ಮುನ್ನಡೆಸಲು ಸಹಾಯ ಮಾಡುವ, ವಿಸ್ತರಿಸ ಬಹುದಾದ ಡಿಜಿಟಲ್ ಪರಿಹಾರಗಳ ಅಭಿವೃದ್ಧಿಯತ್ತ ಗಮನಹರಿಸಿರುವ ತಂತ್ರಜ್ಞಾನ ಪ್ರತಿಭೆ ಗಳನ್ನು ಒಂದೆಡೆ ಸೇರಿಸುತ್ತದೆ.

ಇದನ್ನೂ ಓದಿ: Harish Kera Column: ಆಧುನಿಕತೆಯ ಸಂತೆಯಲ್ಲಿ ಹಸಿರಿನ ಸಂತ

2025ರಲ್ಲಿ ಪ್ರಾರಂಭವಾದಾಗಿನಿಂದ, ಹೈದರಾಬಾದ್ ಟೆಕ್ ಸೆಂಟರ್ MSDಯ ಜಾಗತಿಕ ತಂತ್ರಜ್ಞಾನ ಜಾಲದ ಪ್ರಮುಖ ಭಾಗವಾಗಿ ತನ್ನ ವ್ಯಾಪ್ತಿ ಮತ್ತು ಕಾರ್ಯವ್ಯಾಪ್ತಿಯನ್ನು ವಿಸ್ತರಿಸಿಕೊಂಡಿದೆ. ವಿಸ್ತರಿಸಲಾದ ಈ ಸೌಲಭ್ಯವು ಹೈದರಾಬಾದ್‌ನಲ್ಲಿರುವ ತಂಡಗಳಿಗೆ ಸಂಸ್ಥೆಯ ತಂತ್ರಜ್ಞಾನ ಪರಿಹಾರಗಳಿಗೆ ಕೊಡುಗೆ ನೀಡಲು, ಜಾಗತಿಕ ಸಹೋದ್ಯೋಗಿಗಳೊಂದಿಗೆ ಸಹಯೋಗಿಸಲು ಮತ್ತು ವಿಶ್ವದಾದ್ಯಂತ ಮಾನವ ಹಾಗೂ ಪ್ರಾಣಿಗಳ ಆರೋಗ್ಯಕ್ಕಾಗಿ ನವೀನ ಪರಿಹಾರಗಳನ್ನು ಒದಗಿಸುವ MSDಯ ಕಾರ್ಯಕ್ಕೆ ಪೂರಕವಾಗಿರುವ ಡಿಜಿಟಲ್ ಸಾಮರ್ಥ್ಯ ಗಳನ್ನು ಮತ್ತಷ್ಟು ಅಭಿವೃದ್ಧಿಪಡಿಸಲು ಹೆಚ್ಚಿನ ಅವಕಾಶವನ್ನು ಒದಗಿಸುತ್ತದೆ.

ಉತ್ಪಾದನಾ ಶ್ರೇಷ್ಠತೆ ಮತ್ತು ಔಷಧಿಗಳ ವಿಶ್ವಾಸಾರ್ಹ ಲಭ್ಯತೆಯನ್ನು ಬೆಂಬಲಿಸುವ ಕಾರ್ಯ ತಂತ್ರದ ಪಾಲುದಾರಿಕೆಗಳೊಂದಿಗೆ, ಈ ಉದ್ಘಾಟನೆಯು ರೋಗಿಗಳ ಆರೋಗ್ಯ ಫಲಿತಾಂಶಗಳನ್ನು ಸುಧಾರಿಸುವ MSDಯ ಪ್ರಯತ್ನಗಳಿಗೆ ಬೆಂಬಲವಾಗಿ ಭಾರತದೆಲ್ಲೆಡೆ ಅಭಿವೃದ್ಧಿಪಡಿಸ ಲಾಗುತ್ತಿರುವ ಸಾಮರ್ಥ್ಯಗಳ ವ್ಯಾಪ್ತಿಯನ್ನು ಪ್ರತಿಬಿಂಬಿಸುತ್ತದೆ.

ಈ ಸಂದರ್ಭದಲ್ಲಿ ಮಾತನಾಡಿದ ತೆಲಂಗಾಣ ಸರ್ಕಾರದ ಮಾಹಿತಿ ತಂತ್ರಜ್ಞಾನ, ಎಲೆಕ್ಟ್ರಾನಿಕ್ಸ್ ಮತ್ತು ಸಂವಹನ, ಕೈಗಾರಿಕೆ ಮತ್ತು ವಾಣಿಜ್ಯ ಹಾಗೂ ಶಾಸನ ವ್ಯವಹಾರಗಳ ಮಾನ್ಯ ಸಚಿವರಾದ ಡಿ.ಶ್ರೀಧರ್ ಬಾಬು ಅವರು ಹೀಗೆ ಹೇಳಿದರು: “ಇಂದು, ಬೆಳೆಯುತ್ತಿರುವ ಜೀವ ವಿಜ್ಞಾನ ಪರಿಸರ ವ್ಯವಸ್ಥೆಗೆ MSD ಸಂಸ್ಥೆಯನ್ನು ಸ್ವಾಗತಿಸುವು ದಕ್ಕೆ ನಮಗೆ ಹೆಮ್ಮೆಯಾಗಿದೆ. 2,000ಕ್ಕೂ ಹೆಚ್ಚು ಕಂಪನಿಗಳನ್ನು ಒಳಗೊಂಡ, ಸಂಶೋಧನೆಯಿಂದ ಉತ್ಪಾದನೆಯವರೆಗೆ ಸಂಪೂರ್ಣ ವ್ಯಾಪ್ತಿಯನ್ನು ಹೊಂದಿರುವ ಜೀವ ವಿಜ್ಞಾನ ಪರಿಸರ ವ್ಯವಸ್ಥೆಯನ್ನು ತೆಲಂಗಾಣ ನಿರ್ಮಿಸಿದೆ. ಅಮೆರಿಕದ ಹೊರಗೆ USFDA ಅನುಮೋದಿತ ಸೌಲಭ್ಯಗಳ ಅತಿ ದೊಡ್ಡ ಸಮೂಹಗಳಲ್ಲಿ ಒಂದನ್ನು ಹೊಂದಿರುವ ಹೈದರಾಬಾದ್, ಜಾಗತಿಕ ಜೀವ ವಿಜ್ಞಾನ ರಾಜಧಾನಿಯಾಗಿ ಹೊರಹೊಮ್ಮಿದೆ.

ಕಳೆದ ಎರಡು ವರ್ಷಗಳಲ್ಲಿ, ಸಂಶೋಧನೆ, ನವೀನತೆ, ಉನ್ನತ ಮಟ್ಟದ R&D ಮತ್ತು ಜಾಗತಿಕ ಸಾಮರ್ಥ್ಯ ನಿರ್ಮಾಣವನ್ನು ವೇಗಗೊಳಿಸಲು ನಾವು ಈ ಬಲವಾದ ಅಡಿಪಾಯವನ್ನು ಮತ್ತಷ್ಟು ಅಭಿವೃದ್ಧಿ ಪಡಿಸಿದ್ದೇವೆ. ನಮ್ಮ Next-Gen Life Sciences Policy 2026–30ರ ಮೂಲಕ, ಸಂಶೋಧನೆ, ಉತ್ಪಾದನೆ, ಕ್ಲಿನಿಕಲ್ ಸಂಶೋಧನೆ ಮತ್ತು ತಂತ್ರಜ್ಞಾನವನ್ನು ಒಂದೇ ವೇದಿಕೆಯಡಿ ಒಗ್ಗೂಡಿಸುತ್ತಿದ್ದೇವೆ. ಇದರಿಂದ ಹೈದರಾಬಾದ್‌ಗೆ ಜಾಗತಿಕ ಮಟ್ಟದಲ್ಲಿ ವಿಶಿಷ್ಟವಾದ ಮುನ್ನಡೆ ದೊರೆಯುತ್ತಿದೆ.

ಕಳೆದ ವರ್ಷ ಸ್ಥಾಪಿಸಲಾದ 75ಕ್ಕೂ ಹೆಚ್ಚು GCCಗಳ ಆಧಾರದ ಮೇಲೆ, ಈ ವರ್ಷ ನಾವು ಶೀಘ್ರ ದಲ್ಲೇ 100 GCCಗಳ ಗುರಿಯನ್ನು ತಲುಪಲಿದ್ದೇವೆ. ಇದರ ಮೂಲಕ ತೆಲಂಗಾಣದಾದ್ಯಂತ 4 ಲಕ್ಷ ನೇರ ಮತ್ತು ಪರೋಕ್ಷ ಉನ್ನತ ಮೌಲ್ಯದ ಉದ್ಯೋಗಾವಕಾಶಗಳನ್ನು ಸೃಷ್ಟಿಸಲಾಗುವುದು.”

“ನಮ್ಮ ಹೈದರಾಬಾದ್ ತಂತ್ರಜ್ಞಾನ ಕೇಂದ್ರದ ಉದ್ಘಾಟನೆಯು, ನಮ್ಮ ಸಾಮೂಹಿಕ ಉದ್ದೇಶಕ್ಕೆ ಚಾಲನೆ ನೀಡುವ ವಿಶ್ವಮಟ್ಟದ ಡಿಜಿಟಲ್ ಸಾಮರ್ಥ್ಯಗಳನ್ನು ನಿರ್ಮಿಸುವಲ್ಲಿ MSD ಸಂಸ್ಥೆಯ ದೀರ್ಘಕಾಲೀನ ಬದ್ಧತೆಯನ್ನು ಪ್ರತಿಬಿಂಬಿಸುತ್ತದೆ,” ಎಂದು ಅಭಿಷೇಕ್ ನಾರಾಯಣ್ ಸಿಂಗ್ ಹೇಳಿದರು.

“ಹೈದರಾಬಾದ್‌ನ ಚೈತನ್ಯಭರಿತ ತಂತ್ರಜ್ಞಾನ ಪರಿಸರ ವ್ಯವಸ್ಥೆ, ಆಳವಾದ ಡಿಜಿಟಲ್ ಪರಿಣತಿ ಮತ್ತು ಬಲವಾದ ಪ್ರತಿಭಾ ಸಂಪತ್ತು MSD ಸಂಸ್ಥೆಗೆ ಇದನ್ನು ಆದರ್ಶ ಸ್ಥಳವನ್ನಾಗಿ ಮಾಡುತ್ತವೆ. ತೆಲಂಗಾಣ ಸರ್ಕಾರ ನೀಡುತ್ತಿರುವ ಬೆಂಬಲ ಮತ್ತು ಸಕ್ರಿಯ ಸಹಭಾಗಿತ್ವಕ್ಕಾಗಿ ನಾವು ಕೃತಜ್ಞ ರಾಗಿದ್ದೇವೆ. ವಿಸ್ತರಿಸಬಹುದಾದ ಪರಿಹಾರಗಳನ್ನು ಬೆಂಬಲಿಸುವ ಸಲುವಾಗಿ ಪ್ರತಿಭೆ, ತಂತ್ರಜ್ಞಾನ ಮತ್ತು ಜಾಗತಿಕ ಸಹಯೋಗವನ್ನು ಒಗ್ಗೂಡಿಸುವ ನಮ್ಮ ಸಾಮರ್ಥ್ಯವನ್ನು ಈ ತಂತ್ರಜ್ಞಾನ ಕೇಂದ್ರ ಮತ್ತಷ್ಟು ಬಲಪಡಿಸುತ್ತದೆ. ಈ ಪರಿಹಾರಗಳು MSD ಸಂಸ್ಥೆಯ ಉದ್ದೇಶಕ್ಕೆ ಕೊಡುಗೆ ನೀಡುತ್ತವೆ.