ಸಾಗರ್ ಚಂದ್ರಮ್ಮ ಆಸ್ಪತ್ರೆ ವತಿಯಿಂದ ನೈಸರ್ಗಿಕ ಹೆರಿಗೆ ಕೇಂದ್ರ ಉದ್ಘಾಟನೆ

ಬೆಂಗಳೂರಿನ ಹೆಸರಾಂತ ಸಾಗರ್ ಚಂದ್ರಮ್ಮ ಆಸ್ಪತ್ರೆಗಳು ಬೆಂಗಳೂರಿನಲ್ಲಿರುವ ವಿಶೇಷ ತಾಯಿ ಮತ್ತು ಮಕ್ಕಳ ಆರೋಗ್ಯ ಸಂಸ್ಥೆಯಾಗಿದ್ದು, ಮಾತೃತ್ವ, ನವಜಾತ ಶಿಶು, ಮಕ್ಕಳ ಆರೈಕೆ, ಫಲವತ್ತತೆ ಮತ್ತು ಸಂಬಂಧಿತ ಮಹಿಳಾ ಆರೋಗ್ಯ ಸೇವೆಗಳಲ್ಲಿ ಸೇವೆಗಳನ್ನು ನೀಡುತ್ತಿದೆ.

ಇಂದು ‘ಬರ್ತಿಂಗ್ ಎಕ್ಸ್‌ಪೀರಿಯೆನ್ಸ್ ರೀಡಿಫೈನ್ಡ್’ (Birthing Experience Redefined) ಎಂಬ ವಿಶೇಷ ಕಾರ್ಯಕ್ರಮವನ್ನು ಆಸ್ಪತ್ರೆ ವತಿಯಿಂದ ಆಯೋಜಿಸಲಾಗಿತ್ತು. ಪೋಷಕರಾಗುವ ಪ್ರಯಾಣವನ್ನು ಸಂಭ್ರಮಿಸಲು ಹಾಗೂ ಹೆರಿಗೆಯ ಪ್ರಕ್ರಿಯೆಯಲ್ಲಿ ನೈಸರ್ಗಿಕ, ಬೆಂಬಲಿತ ಮತ್ತು ಸಬಲೀಕರಣದ ವಿಧಾನದ ಬಗ್ಗೆ ಜಾಗೃತಿ ಮೂಡಿಸಲು ಈ ಕಾರ್ಯಕ್ರಮವನ್ನು ರೂಪಿಸಲಾಗಿತ್ತು. 100ಕ್ಕೂ ಹೆಚ್ಚು ನಿರೀಕ್ಷಿತ ದಂಪತಿಗಳು ಈ ಕಾರ್ಯಕ್ರಮದಲ್ಲಿ ಪಾಲ್ಗೊಂಡಿದ್ದರು.

ಇದನ್ನೂ ಓದಿ: Private Hospital Charges: ಖಾಸಗಿ ಆಸ್ಪತ್ರೆಗಳ ವಿಪರೀತ ಶುಲ್ಕ ವಸೂಲಿಗೆ ಬ್ರೇಕ್; ಚಿಕಿತ್ಸಾ ದರಪಟ್ಟಿ ಪ್ರದರ್ಶನಕ್ಕೆ ಸಚಿವ ಯು.ಟಿ.ಖಾದರ್‌ ಸೂಚನೆ

ಈ ಕಾರ್ಯಕ್ರಮದಲ್ಲಿ ಬೆಂಗಳೂರು ಗ್ರಾಮಾಂತರ ಲೋಕಸಭಾ ಕ್ಷೇತ್ರದ ಸಂಸದರಾದ ಡಾ.ಸಿ.ಎನ್. ಮಂಜುನಾಥ್(Dr C N Manjunath), ವಿಧಾನ ಸಭೆಯ ಸದಸ್ಯ ಉದಯ್ ಬಿ. ಗರುಡಾಚಾರ್(Uday B Garudachar), ಶ್ರೀಮತಿ ಮೇಧಿನಿ ಗರುಡಾಚಾರ್ ಮತ್ತು ಕುಮಾರಿ ಸಪ್ತಮಿ ಗೌಡ, ಕನ್ನಡ ಚಲನಚಿತ್ರ ನಟಿ ಭಾಗವಹಿಸಿದ್ದರು.

ಈ ಕಾರ್ಯಕ್ರಮದಲ್ಲಿ ಸಂವಾದಾತ್ಮಕ ಚಟುವಟಿಕೆಗಳು, ಮೋಜಿನ ಸವಾಲುಗಳು, ತಜ್ಞರಿಂದ ಮಾಹಿತಿಪೂರ್ಣ ಅಧಿವೇಶನಗಳು ಹಾಗೂ ಗರ್ಭಾವಸ್ಥೆ, ಹೆರಿಗೆ ಮತ್ತು ನವಜಾತ ಶಿಶುವಿನ ಆರೈಕೆಯ ಕುರಿತು ಅರ್ಥಪೂರ್ಣ ಚರ್ಚೆಗಳು ನಡೆದವು.

ಈ ಉಪಕ್ರಮದ ಮೂಲಕ, ದಂಪತಿಗಳು ಸೂಕ್ತ ಮಾಹಿತಿಯೊಂದಿಗೆ ನಿರ್ಧಾರಗಳನ್ನು ತೆಗೆದು ಕೊಳ್ಳುವಂತೆ ಪ್ರೋತ್ಸಾಹಿಸುವುದು, ಸಕಾರಾತ್ಮಕ ಹೆರಿಗೆ ಅನುಭವಗಳನ್ನು ಉತ್ತೇಜಿಸುವುದು ಮತ್ತು ಪೋಷಕರಾಗುವ ತಮ್ಮ ಪ್ರಯಾಣವನ್ನು ಹೆಚ್ಚಿನ ಆತ್ಮವಿಶ್ವಾಸದಿಂದ ಮುಂದುವರಿಸಲು ದಂಪತಿ ಗಳಿಗೆ ಸಹಾಯ ಮಾಡುವುದು ಮತ್ತು ತಾಯಿ, ಮಗುವಿನ ಸುರಕ್ಷತೆ, ಸೌಕರ್ಯ ಹಾಗೂ ಯೋಗ ಕ್ಷೇಮಕ್ಕೆ ಆದ್ಯತೆ ನೀಡುತ್ತಲೇ, ಹೆರಿಗೆಯ ನೈಸರ್ಗಿಕ ಪ್ರಕ್ರಿಯೆಗೆ ಬೆಂಬಲ ನೀಡುವುದು ಚಂದ್ರಮ್ಮ ಆಸ್ಪತ್ರೆಗಳ ಉದ್ದೇಶವಾಗಿದೆ.