ಯಶಸ್ವಿಯಾಗಿ ಜರುಗಿದ ಡಾವಿಂಚಿ ಗೌರ್ಮೆಟ್ ಬರಿಸ್ಟಾ ಕ್ರಾಫ್ಟ್ ಚಾಂಪಿಯನ್ ಶಿಪ್ 2025–26ರ ಪ್ರಾದೇಶಿಕ ಸುತ್ತು
ಭಾರತೀಯ ಪ್ರತಿನಿಧಿಯಾಗಿದ್ದ ಬೆಂಗಳೂರಿನ ಮೋಹನ್ ಎನ್.ಎಸ್. ಅವರು ತಮ್ಮ ಕೃಷಿ ಹಿನ್ನೆಲೆಯನ್ನು ಕಾಫಿ ತಯಾರಿಕೆಯಲ್ಲಿ ಅದ್ಭುತವಾಗಿ ಬಳಸಿಕೊಂಡರು. ಫಾರ್ಮ್ ಟು ಕಪ್ (ತೋಟದಿಂದ ಕಪ್ ವರೆಗೆ) ಎಂಬ ಪರಿಕಲ್ಪನೆಯಡಿ ಅವರು ಸಿದ್ಧಪಡಿಸಿದ ಪಾನೀಯ ಗಳು ತೀರ್ಪುಗಾರರ ಮೆಚ್ಚುಗೆಗೆ ಪಾತ್ರವಾದವು.
-
ಬೆಂಗಳೂರು: ಡಾವಿಂಚಿ ಗೌರ್ಮೆಟ್ ಸಂಸ್ಥೆಯ ಆಯೋಜಿಸಿದ್ದ ಬರಿಸ್ಟಾ ಕ್ರಾಫ್ಟ್ ಚಾಂಪಿ ಯನ್ ಶಿಪ್ 2025–26ರ ಮಧ್ಯಪ್ರಾಚ್ಯ, ಭಾರತೀಯ ಉಪಖಂಡ ಮತ್ತು ಆಫ್ರಿಕಾ (ಎಂಐ ಎಸ್ಎ) ಪ್ರಾದೇಶಿಕ ಸುತ್ತು ಯಶಸ್ವಿಯಾಗಿ ನಡೆದಿದ್ದು, ಈ ಸುತ್ತಿನ ಫೈನಲ್ ನಲ್ಲಿ ಟರ್ಕಿಯ ಸೆಟಿನ್ ಅಲ್ಪೇ ಬಾಸ್ಕನ್ ವಿಜಯಶಾಲಿಯಾಗಿ ಹೊರಹೊಮ್ಮಿದ್ದಾರೆ. ಎಂಐಎಸ್ಎ ಸುತ್ತಿನಲ್ಲಿ ಬೆಂಗಳೂರಿನ ಮೋಹನ್ ಎನ್.ಎಸ್. ಅವರು ಭಾರತೀಯ ಉಪಖಂಡವನ್ನು ಪ್ರತಿನಿಧಿಸಿದ್ದು ವಿಶೇಷವಾಗಿದೆ.
ಪೂರ್ವ ಆಫ್ರಿಕಾದ ಕೀನ್ಯಾದಲ್ಲಿ 11 ಏಪ್ರಿಲ್ 2026 ರಂದು ನಡೆದ ಎಂಐಎಸ್ಎ ಪ್ರಾದೇಶಿಕ ಸುತ್ತಿನ ಫೈನಲ್ ಮುಕ್ತಾಯವಾಗಿದ್ದು, ಬಾಸ್ಕನ್ ಅವರು ಇದೀಗ 9 ಮೇ 2026 ರಂದು ಥೈಲ್ಯಾಂಡ್ ನ ಬ್ಯಾಂಕಾಕ್ ನಲ್ಲಿ ನಡೆಯಲಿರುವ ವರ್ಲ್ಡ್ ಆಫ್ ಕಾಫಿಯ ಜಾಗತಿಕ ಫೈನಲ್ ಗೆ ಅರ್ಹತೆ ಪಡೆದಿದ್ದಾರೆ.
ಬ್ಯಾಂಕಾಕ್ ನಲ್ಲಿ ಅವರು ಏಷ್ಯಾ ಪೆಸಿಫಿಕ್ (ಎಪಿಎಸಿ) ಮತ್ತು ಲ್ಯಾಟಿನ್ ಅಮೇರಿಕಾ (ಎಲ್ಎಟಿಎಎಂ) ವಲಯದ ಚಾಂಪಿಯನ್'ಗಳ ವಿರುದ್ಧ ಡಾವಿಂಚಿ ಗೌರ್ಮೆಟ್ ಬರಿಸ್ಟಾ ಕ್ರಾಫ್ಟ್ ಚಾಂಪಿಯನ್ 2025–26 ಪ್ರಶಸ್ತಿಗಾಗಿ ಸ್ಪರ್ಧಿಸಲಿದ್ದಾರೆ.
ಭಾರತೀಯ ಪ್ರತಿನಿಧಿಯಾಗಿದ್ದ ಬೆಂಗಳೂರಿನ ಮೋಹನ್ ಎನ್.ಎಸ್. ಅವರು ತಮ್ಮ ಕೃಷಿ ಹಿನ್ನೆಲೆಯನ್ನು ಕಾಫಿ ತಯಾರಿಕೆಯಲ್ಲಿ ಅದ್ಭುತವಾಗಿ ಬಳಸಿಕೊಂಡರು. ಫಾರ್ಮ್ ಟು ಕಪ್ (ತೋಟದಿಂದ ಕಪ್ ವರೆಗೆ) ಎಂಬ ಪರಿಕಲ್ಪನೆಯಡಿ ಅವರು ಸಿದ್ಧಪಡಿಸಿದ ಪಾನೀಯ ಗಳು ತೀರ್ಪುಗಾರರ ಮೆಚ್ಚುಗೆಗೆ ಪಾತ್ರವಾದವು. ಮೋಹನ್ ಅವರು ಎಸ್ ಪ್ರೆಸ್ಸೊದೊಂದಿಗೆ ಓಟ್ ಮಿಲ್ಕ್, ಎಲ್ಡರ್ ಫ್ಲವರ್ ಸಿರಪ್ ಮತ್ತು ತೆಂಗಿನ ನೀರಿನ ಐಸ್ ಕ್ಯೂಬ್ ಗಳನ್ನು ಬಳಸಿ ಸಿದ್ಧಪಡಿಸಿದ ಪಾನೀಯ ಹಾಗೂ ಅರ್ಲ್ ಗ್ರೇ ಟೀ ಮತ್ತು ಲ್ಯಾವೆಂಡರ್ ಸಿರಪ್ ಮಿಶ್ರಿತ ಅವರ ಎರಡನೇ ಪಾನೀಯವು ಅವರ ಉತ್ಕೃಷ್ಟ ಆಧುನಿಕ ಕಾಫಿ ಕಲೆಯನ್ನು ಪ್ರದರ್ಶಿಸಿತು.
ಈ ವರ್ಷದ ಚಾಂಪಿಯನ್ ಶಿಪ್ ಅನ್ನು ಎಸ್ ಪ್ರೆಸೊ ಯುವರ್ ಫ್ಲೇವರ್ ಎಂಬ ವಿಷಯದ ಅಡಿಯಲ್ಲಿ ಆಯೋಜಿಸಲಾಗಿತ್ತು. 2024ರ ಚೊಚ್ಚಲ ಆವೃತ್ತಿಯ ಯಶಸ್ಸಿನ ನಂತರ, ಡಾವಿಂಚಿ ಗೌರ್ಮೆಟ್ ಈ ಕಾರ್ಯಕ್ರಮವನ್ನು ಮತ್ತಷ್ಟು ಅಭಿವೃದ್ಧಿಪಡಿಸಿದೆ. ಕಾಫಿ ತಯಾರಿಸುವ ಬರಿಸ್ಟಾಗಳನ್ನು ಕೇಂದ್ರವಾಗಿಟ್ಟುಕೊಂಡು, ಅವರ ವಿಶಿಷ್ಟ ದೃಷ್ಟಿಕೋನ ವನ್ನು ರುಚಿ, ಕಥೆ ಹೇಳುವ ಕಲೆ ಮತ್ತು ತಾಂತ್ರಿಕತೆಯ ಮೂಲಕ ವ್ಯಕ್ತಪಡಿಸಲು ಒಂದು ಅದ್ಭುತ ವೇದಿಕೆಯನ್ನು ಕಲ್ಪಿಸಿಕೊಟ್ಟಿದೆ.
ಈ ಕುರಿತು ಮಾತನಾಡಿದ ಕೆರಿ ಏಷ್ಯಾ ಪೆಸಿಫಿಕ್, ಮಧ್ಯಪ್ರಾಚ್ಯ ಮತ್ತು ಆಫ್ರಿಕಾ ವಲಯದ ಫುಡ್ ಸರ್ವಿಸ್ ಬ್ರಾಂಡ್ಸ್ ನ ಪ್ರಧಾನ ವ್ಯವಸ್ಥಾಪಕಿ ಎಲೋಯಿಸ್ ಡುಬ್ಯೂಸನ್ ಅವರು, "ಈ ವರ್ಷದ ಎಸ್ ಪ್ರೆಸೊ ಯುವರ್ ಫ್ಲೇವರ್ ವಿಷಯದ ಅಡಿಯಲ್ಲಿ, ಎಂಐಎಸ್ಎ ವಲಯದಾದ್ಯಂತದ ಸ್ಪರ್ಧಿಗಳು ಕೇವಲ ಉತ್ಕೃಷ್ಟ ತಾಂತ್ರಿಕತೆಯನ್ನು ಪ್ರದರ್ಶಿಸಿರುವುದು ಮಾತ್ರವಲ್ಲದೆ, ಅವರ ಅದ್ಭುತ ಸಾಮರ್ಥ್ಯವನ್ನು ಕೂಡ ಪ್ರದರ್ಶಿಸಿರುವುದನ್ನು ನಾವು ಕಂಡಿದ್ದೇವೆ. ಬರಿಸ್ಟಾ ಕ್ರಾಫ್ಟ್ ಚಾಂಪಿಯನ್ಶಿಪ್ ಮೂಲಕ, ಈ ಸಮುದಾಯಕ್ಕೆ ಬೆಂಬಲ ನೀಡಲು ಮತ್ತು ಅವರನ್ನು ಸಬಲೀಕರಿಸಲು ಡಾವಿಂಚಿ ಗೌರ್ಮೆಟ್ ಹೆಮ್ಮೆಪಡುತ್ತದೆ. ಪ್ರತಿಭೆಗಳು ಬೆಳೆಯಲು, ಕಥೆಗಳನ್ನು ಹಂಚಿಕೊಳ್ಳಲು ಮತ್ತು ಸ್ಥಳೀಯ ಕಾಫಿ ಸಂಸ್ಕೃತಿ ಯು ಜಾಗತಿಕ ಮಟ್ಟದಲ್ಲಿ ತನ್ನ ಸ್ಥಾನವನ್ನು ಪಡೆದುಕೊಳ್ಳಲು ನಾವು ಈ ವೇದಿಕೆಯನ್ನು ಸೃಷ್ಟಿಸುತ್ತಿದ್ದೇವೆ" ," ಎಂದು ಹೇಳಿದರು.