Allu Arjun: ಅಲ್ಲು ಅರ್ಜುನ್ ಬರ್ತ್‌ಡೇ ; ಮನೆ ಎದುರು ಜಮಾಯಿಸಿದ ಅಭಿಮಾನಿಗಳಿಗೆ ಪೊಲೀಸರ ಲಾಠಿ ಏಟು

ಏಪ್ರಿಲ್ 8 ರಂದು ನಟ ಅಲ್ಲು ಅರ್ಜುನ್ (Allu Arjun) ತಮ್ಮ 44 ನೇ ಹುಟ್ಟುಹಬ್ಬವನ್ನು (allu Arjun Birthday) ಅದ್ಧೂರಿಯಾಗಿ ಆಚರಿಸಿಕೊಂಡಿದ್ದಾರೆ. ಫ್ಯಾನ್ಸ್‌ ಮಂಗಳವಾರ ರಾತ್ರಿಯಿಂದಲೇ ಹೈದರಾಬಾದ್‌ನಲ್ಲಿರುವ ಅವರ ಜುಬಿಲಿ ಹಿಲ್ಸ್ ಮನೆಯ ಹೊರಗೆ ಅವರನ್ನು ನೋಡಲು ಮತ್ತು ವೈಯಕ್ತಿಕವಾಗಿ ಶುಭ ಹಾರೈಸಲು ( Arjun’s security struggled) ಅವರು ಸಾಲುಗಟ್ಟಿ ನಿಂತಿದ್ದರು. ಜನರನ್ನು ನಿಯಂತ್ರಣ ಮಾಡಲು ಪೊಲೀಸರು ಲಾಠಿ ಬೀಸಬೇಕಾಯಿತು.

ಅಲ್ಲು ಅರ್ಜುನ್ ಮನೆಯ ಹೊರಗೆ ಜನಸಂದಣಿಯನ್ನು ನಿಯಂತ್ರಿಸಲು ಪೊಲೀಸರು ಲಾಠಿ ಪ್ರಹಾರ ನಡೆಸಿದರು.

ಫ್ಯಾನ್ಸ್‌ ಹರ್ಷೋದ್ಗಾರ

ಅರ್ಜುನ್ ಮನೆಯ ಹೊರಗೆ ಹಾಜರಿದ್ದ ಪಾಪರಾಜೋ ಒಬ್ಬರು ಹಲವಾರು ವೀಡಿಯೊಗಳನ್ನು ಪೋಸ್ಟ್ ಮಾಡಿದ್ದಾರೆ. ಮಂಗಳವಾರ ರಾತ್ರಿ, ಫ್ಯಾನ್ಸ್‌ ಕೈಯಲ್ಲಿ ಫಲಕಗಳು ಮತ್ತು ಉಡುಗೊರೆಗಳನ್ನು ಹಿಡಿದುಕೊಂಡು ಜಮಾಯಿಸಿದೆ. ಪೊಲೀಸರು ಮತ್ತು ಅವರ ಭದ್ರತಾ ಸಿಬ್ಬಂದಿ ಅವರನ್ನು ನಿಯಂತ್ರಿಸಲು ಪ್ರಯತ್ನಿಸುತ್ತಿದ್ದರೂ ಸಹ, ಅನೇಕರು ಅವರಿಗೆ ಹರ್ಷೋದ್ಗಾರ ಮಾಡಿ ಅವರ ದ್ವಾರವನ್ನು ತಲುಪಲು ಪ್ರಯತ್ನಿಸುತ್ತಲೇ ಇದ್ದರು. ಕೊನೆಗೆ ಅರ್ಜುನ್ ಅವರತ್ತ ಕೈ ಬೀಸಲು ಹೊರಗೆ ಬರಬೇಕಾಯಿತು.

ಇದನ್ನೂ ಓದಿ: Daali Dhananjaya: ಡಾಲಿ ಧನಂಜಯ ನಿರ್ಮಾಣದ ಹೊಸ ಹಾಸ್ಯ ವೆಬ್ ಸರಣಿ ಘೋಷಣೆ; ಸ್ಟ್ರೀಮಿಂಗ್‌ ಯಾವಾಗ?

ಬುಧವಾರ ಬೆಳಿಗ್ಗೆ ಅಲ್ಲು ಅರ್ಜುನ್ ಅವರು ತಮ್ಮ ಮನೆಯಿಂದ ಹೊರಬಂದು ಅಭಿಮಾನಿಗಳಿಗೆ ದರ್ಶನ ನೀಡಿದರು. ಈ ವೇಳೆ ಅಭಿಮಾನಿಯೊಬ್ಬರು ‘ಪುಷ್ಪ 2: ದಿ ರೂಲ್’ ಸಿನಿಮಾದ ಜಾತ್ರೆ ಗೆಟಪ್‌ನಲ್ಲಿ ಬಂದು ಎಲ್ಲರ ಗಮನ ಸೆಳೆದರು. ಅಭಿಮಾನಿಗಳ ಪ್ರೀತಿಗೆ ಮನಸೋತ ಅಲ್ಲು ಅರ್ಜುನ್, ಕಾಂಪೌಂಡ್ ಗೋಡೆಯ ಮೇಲೆ ನಿಂತು ಕೈ ಮುಗಿದು ಎಲ್ಲರಿಗೂ ಧನ್ಯವಾದ ತಿಳಿಸಿದರು.

ಅಲ್ಲು ಅರ್ಜುನ್ ಅವರ ಖಾಸಗಿ ಭದ್ರತಾ ಸಿಬ್ಬಂದಿ ಮತ್ತು ಪೊಲೀಸರು ಹರಸಾಹಸ ಪಡಬೇಕಾಯಿತು. ಪರಿಸ್ಥಿತಿ ಕೈಮೀರುತ್ತಿದ್ದಂತೆಯೇ ಪೊಲೀಸರು ಲಾಠಿ ಬೀಸಿ ಜನರನ್ನು ಚದುರಿಸುವ ದೃಶ್ಯಗಳು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿವೆ.

ಅರ್ಜುನ್ ತಮ್ಮ ವೃತ್ತಿಜೀವನ

ಸುಕುಮಾರ್ ಅವರ ಪುಷ್ಪ: ದಿ ರೈಸ್ (2021) ಮತ್ತು ಪುಷ್ಪ 2: ದಿ ರೂಲ್ (2024) ನಲ್ಲಿ ನಿರ್ವಹಿಸಿದರು. ಈ ಚಿತ್ರಗಳು ಭಾರಿ ಹಿಟ್ ಆದವು, ಪುಷ್ಪ 2: ದಿ ರೂಲ್ (2024) ವಿಶ್ವದಾದ್ಯಂತ ₹ 1800 ಕೋಟಿಗೂ ಹೆಚ್ಚು ಗಳಿಸಿ ಅತಿ ಹೆಚ್ಚು ಗಳಿಕೆ ಮಾಡಿದ ತೆಲುಗು ಚಿತ್ರವಾಯಿತು.

ಅಲ್ಲು ಅರ್ಜುನ್‌ ಅವರ ಹುಟ್ಟುಹಬ್ಬದ ಹಿನ್ನೆಲೆಯಲ್ಲಿ ನಿರ್ಮಾಣ ಸಂಸ್ಥೆಯಾದ ಸನ್ ಪಿಕ್ಚರ್ಸ್ ತನ್ನ ಇನ್‌ಸ್ಟಾಗ್ರಾಮ್‌ನಲ್ಲಿ ಶೀರ್ಷಿಕೆಯ ಪೋಸ್ಟರ್ ಅನ್ನು ಹಂಚಿಕೊಂಡಿದೆ.

ಮುಖದ ಬಹುಭಾಗವು ನೆರಳು ಮತ್ತು ಕೂದಲಿನಿಂದ ಮುಚ್ಚಲ್ಪಟ್ಟಿದ್ದು, ಕೇವಲ ಒಂದು ಕಣ್ಣು ಮಾತ್ರ ಕಾಣಿಸುತ್ತದೆ. ಅಲ್ಲು ಅರ್ಜುನ್ ಈ ಹಿಂದೆಂದೂ ಕಾಣಿಸಿಕೊಳ್ಳದ ಅತ್ಯಂತ ಭಯಾನಕ ಮತ್ತು ವಿಭಿನ್ನವಾದ ರಗಡ್ ಲುಕ್‌ನಲ್ಲಿ ಕಾಣಿಸಿಕೊಂಡಿದ್ದಾರೆ. ತೋಳದ ಕಾಲುಗಳಂತಹ ಕೈಗಳು ಮತ್ತು ಉದ್ದನೆಯ ಉಗುರುಗಳಿರುವ ಈ 'ಕ್ರಿಯೇಚರ್ ಸ್ಟೈಲ್' ಲುಕ್ ಸಿನಿಮಾ ಬಗ್ಗೆ ಕುತೂಹಲವನ್ನು ಹೆಚ್ಚಿಸಿದೆ. ಅಲ್ಲು ಅರ್ಜುನ್‌ ಅವರ ಲುಕ್‌ ಅನ್ನು ಗಮನಿಸಿದರೆ, ಇದು ವೃತ್ತಿಜೀವನದಲ್ಲೇ ಅತ್ಯಂತ ವಿಭಿನ್ನ ಪ್ರಯೋಗ ಎಂಬುದು ಮೇಲ್ನೋಟಕ್ಕೆ ಗೊತ್ತಾಗುತ್ತದೆ. ಇದೊಂದು ಸೈನ್ಸ್ ಫಿಕ್ಷನ್ ಅಥವಾ ಫ್ಯಾಂಟಸಿ ಥ್ರಿಲ್ಲರ್ ಇರಬಹುದು ಎಂಬದು ಸಿನಿಪ್ರಿಯರ ಊಹೆ ಆಗಿದೆ.

"ರಾಕಾ ಕೇವಲ ಒಂದು ಸಿನಿಮಾವಲ್ಲ.. ಇದು ನಾನು ವರ್ಷಗಳಿಂದ ನನ್ನೊಳಗೆ ಹೊತ್ತು ಸಾಗುತ್ತಿರುವ ನನ್ನದೇ ಒಂದು ಭಾಗ. 18 ವರ್ಷಗಳ ಕಾಲ, ಒಂದು ಆಲೋಚನೆಯನ್ನು ಅದು ಎಂದಿಗೂ ಮಾಸದಂತೆ ಗಟ್ಟಿಯಾಗಿ ಹಿಡಿದಿಟ್ಟುಕೊಂಡಿದ್ದೆ.

ಇದನ್ನೂ ಓದಿ: Amruthadhaare Serial: ಆನಂದ್‌ ಕಣ್ಗಾವಲಲ್ಲಿ ಸುನಿ; ಜೈದೇವ್‌ ಕಥೆ ಏನು?

ಅದು ನನ್ನನ್ನು ಪರೀಕ್ಷಿಸಿತು, ನನ್ನ ವ್ಯಕ್ತಿತ್ವವನ್ನು ರೂಪಿಸಿತು ಮತ್ತು ಪ್ರತಿಯೊಂದು ಹಂತದಲ್ಲೂ ನನ್ನ ಜೊತೆಗೇ ಇತ್ತು. ಪ್ರಾಮಾಣಿಕವಾಗಿ ಹೇಳಬೇಕೆಂದರೆ… ಇದು ಕೇವಲ ಆರಂಭವಷ್ಟೇ" ಎಂದು ನಿರ್ದೇಶಕ ಅಟ್ಲಿ ಹೇಳಿದ್ದಾರೆ.