Bethlehem Kudumba Unit OTT: ಸಾರ್ವಕಾಲಿಕ ದಾಖಲೆ ಬರೆದ ನಿವಿನ್ ನಟನೆಯ ಈ ಮೂವಿ ಒಟಿಟಿ ರಿಲೀಸ್‌ ಡೇಟ್‌ ಅನೌನ್ಸ್‌!

'ಬೆತ್ಲಹೆಮ್ ಕುಟುಂಬ ಯುನಿಟ್' (Bethlehem Kudumba) ಸಿನಿಮಾ ಈ ವರ್ಷ ಮಲಯಾಳಂ ಚಿತ್ರರಂಗದಲ್ಲಿ ಅತಿ ಹೆಚ್ಚು ಚರ್ಚೆಗೆ ಗ್ರಾಸವಾಗಿದೆ. ನಿವಿನ್ ಪೌಲಿ (Nivin) ಮತ್ತು ಮಮಿತಾ ಬೈಜು ನಟಿಸಿರುವ ಈ ಸಿನಿಮಾ ಆಗಸ್ಟ್ 21 ರಂದು ಚಿತ್ರಮಂದಿರಗಳಲ್ಲಿ ಬಿಡುಗಡೆ ಆಯ್ತು. ಗಿರೀಶ್ ಎಡಿ ನಿರ್ದೇಶಿಸಿದ ಈ ಚಿತ್ರವು ಬಿಡುಗಡೆಯಾದ ವಾರಗಳ ನಂತರವೂ ಪ್ರೇಕ್ಷಕರನ್ನು ಆಕರ್ಷಿಸುತ್ತಲೇ ಇತ್ತು ಮತ್ತು ವಿಶ್ವಾದ್ಯಂತ 300 ಕೋಟಿ ರೂ.ಗಳನ್ನು ದಾಟಿದೆ ಎಂದು ವರದಿಯಾಗಿದೆ. ಸಾರ್ವಕಾಲಿಕ ಹಿಟ್ 'ಬೆತ್ಲಹೆಮ್ ಕುಟುಂಬ ಯುನಿಟ್' ಸಿನಿಮಾ ಈಗ ಒಟಿಟಿಗೆ (OTT) ಕಾಲಿಡಲು ಸಜ್ಜಾಗಿದೆ.

ಕನ್ನಡ ಭಾಷೆಯಲ್ಲೂ ಲಭ್ಯವಿರಲಿದ್ದು, ಚಿತ್ರಪ್ರೇಮಿಗಳು ತಮ್ಮ ನೆಚ್ಚಿನ ಒಟಿಟಿ ಪ್ಲಾಟ್‌ಫಾರ್ಮ್‌ನಲ್ಲಿ ಈ ಸಿನಿಮಾವನ್ನು ವೀಕ್ಷಿಸಬಹುದಾಗಿದೆ.

'ಬೆತ್ಲಹೆಮ್ ಕುಟುಂಬ ಯುನಿಟ್' ಅಕ್ಟೋಬರ್ 2 ಕ್ಕೆ ಒಟಿಟಿಗೆ ಎಂಟ್ರಿ ಕೊಡಲಿದೆ.

'ಬೆತ್ಲಹೆಮ್ ಕುಟುಂಬ ಯುನಿಟ್' ಅಕ್ಟೋಬರ್ 2 ರಿಂದ ಜಿಯೋ ಹಾಟ್‌ಸ್ಟಾರ್‌ನಲ್ಲಿ ಸ್ಟ್ರೀಮ್ ಆಗಲಿದ್ದು, ಥಿಯೇಟ್ರಿಕಲ್ ಬಿಡುಗಡೆಯನ್ನು ತಪ್ಪಿಸಿಕೊಂಡ ಪ್ರೇಕ್ಷಕರಿಗೆ ಮನೆಯಿಂದಲೇ ಚಿತ್ರವನ್ನು ವೀಕ್ಷಿಸುವ ಅವಕಾಶ ಇರಲಿದೆ.

ಇದನ್ನೂ ಓದಿ: Bigg Boss Kannada 13: ಅಸಹ್ಯ ನೀನು, ತಂದು ಹಾಕಿ ತಮಾಷೆ ನೋಡೋ ವ್ಯಕ್ತಿತ್ವ ಎಂದು ಕಿರಣ್‌ ಮೇಲೆ ಗಾನವಿ ಗರಂ

ಚಿತ್ರವು ಕೇರಳ ಮತ್ತು ಇತರ ಮಾರುಕಟ್ಟೆಗಳಲ್ಲಿ ವೀಕ್ಷಕರನ್ನು ಸೆಳೆಯುತ್ತಲೇ ಇದೆ. ನಿವಿನ್ ಪೌಲಿ ಮತ್ತು ಮಮಿತಾ ಬೈಜು ಮಲಯಾಳಂನಲ್ಲಿ ಹಿಟ್ ಆಗಿದ್ದಾರೆ

ಜಸ್ಟಿನ್ ಪಾತ್ರದಲ್ಲಿ ನಿವಿನ್ ಪೌಲಿ ಮತ್ತು ಆಶ್ಲೇ ಪಾತ್ರದಲ್ಲಿ ಮಮಿತಾ ಬೈಜು ಕಾಣಿಸಿಕೊಂಡಿದ್ದಾರೆ. ದಿಲೀಶ್ ಪೋಥನ್, ಸಂಗೀತ ಪ್ರತಾಪ್ , ಸುರೇಶ್ ಕೃಷ್ಣ, ವಿನಯ್ ಫೋರ್ಟ್ ಮತ್ತು ರೋಶನ್ ಶಾನವಾಸ್ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ. ಗಿರೀಶ್ ಎಡಿ ಮತ್ತು ಕಿರಣ್ ಜೋಸಿ ಚಿತ್ರಕಥೆ ಬರೆದಿದ್ದರೆ, ವಿಷ್ಣು ವಿಜಯ್ ಸಂಗೀತ ಸಂಯೋಜಿಸಿದ್ದಾರೆ.

'ಬೆತ್ಲಹೆಮ್ ಕುಟುಂಬ ಯುನಿಟ್' ವಿಶ್ವಾದ್ಯಂತ 323 ಕೋಟಿ ರೂ.ಗಳಿಗೂ ಹೆಚ್ಚು ಸಂಗ್ರಹಿಸಿದೆ ಎಂದು ವರದಿಯಾಗಿದೆ, ಕೇರಳ 150 ಕೋಟಿ ರೂ.ಗಳಿಗೂ ಹೆಚ್ಚು ಕೊಡುಗೆ ನೀಡಿದೆ. ಇದು 2025 ರ ಸೂಪರ್‌ಹಿಟ್ 'ಲೋಕಾ' ಸೇರಿದಂತೆ ಹಲವಾರು ಇತ್ತೀಚಿನ ಹಿಟ್‌ಗಳನ್ನು ಮೀರಿಸಿ ಅತಿ ಹೆಚ್ಚು ಗಳಿಕೆ ಮಾಡಿದ ಮಲಯಾಳಂ ಚಿತ್ರ ಎಂದು ವರದಿಯಾಗಿದೆ.

ಇದನ್ನೂ ಓದಿ: Bigg Boss Kannada 13: ನಿಯಮ ಮುರಿದ ಯಶಸ್; ಚಪ್ಪಾಳೆ ಗಿಟ್ಟಿಸಿಕೊಂಡ ಆಸಿಯಾ ಇದಕ್ಕೆ ಸಾಥ್‌!

ಚಿತ್ರಮಂದಿರಗಳಲ್ಲಿ ರಿಲೀಸ್ ಆದಾಗ ಇದು ಮಲಯಾಳಂನಲ್ಲಿ ಮಾತ್ರ ಇತ್ತು. ಆ ಬಳಿಕ ತೆಲುಗಿನಲ್ಲಿ ಚಿತ್ರ ತೆರೆಗೆ ಬಂತು. ಈಗ ಒಟಿಟಿಯಲ್ಲಿ ಕನ್ನಡ ಆಡಿಯೋ ಜೊತೆ ಸಿನಿಮಾ ವೀಕ್ಷಿಸಬಹುದಾಗಿದೆ.