Kangana Ranaut: ಕೊರಳಲ್ಲಿ ಮಾಂಗಲ್ಯ! ರಹಸ್ಯವಾಗಿ ಮದುವೆಯಾದರೇ ನಟಿ ಕಂಗನಾ?

ನಟಿ-ರಾಜಕಾರಣಿಯ ಕಂಗನಾ ರಣಾವತ್ (Kangana) ಅವರ 'ಮದುಮಗಳ' ಲುಕ್ ವೈರಲ್ ಆಗಿದ್ದು ಸೋಷಿಯಲ್‌ ಮೀಡಿಯಾದಲ್ಲಿ ಸೆನ್ಷೇಷನ್‌ ಆಗಿದೆ. ಇತ್ತೀಚಿನ ವಿಡಿಯೋ ಆನ್‌ಲೈನ್‌ನಲ್ಲಿ ಕಾಣಿಸಿಕೊಂಡ ನಂತರ ಕಂಗನಾ ರಣಾವತ್ ಮತ್ತೊಮ್ಮೆ ಇಂಟರ್ನೆಟ್‌ನ ಗಮನ ಸೆಳೆದಿದ್ದಾರೆ. ಈಗ ವೈರಲ್ ಆಗಿರುವ ಕ್ಲಿಪ್‌ನಲ್ಲಿ, ಕಂಗನಾ ಮಂಗಳಸೂತ್ರ (mangalsutra) ಮತ್ತು ಹಸಿರು ಬಳೆಗಳನ್ನು ಧರಿಸಿರುವುದು ಕಂಡುಬಂದಿದ್ದು, ಅವರು ರಹಸ್ಯವಾಗಿ ಮದುವೆಯಾದರೇ ಎಂದು ಅಭಿಮಾನಿಗಳು ಊಹಿಸುತ್ತಿದ್ದಾರೆ.

ಯಾರಿಗೂ ತಿಳಿಯದಂತೆ ಮದುವೆ ಆದ್ರಾ?

ಭದ್ರತಾ ಸಿಬ್ಬಂದಿಯೊಂದಿಗೆ ನಡೆದು ಹೋಗುತ್ತಿರುವ ಅವರ ಈ ‘ಮದುಮಗಳ’ ಲುಕ್ ಕಂಡ ಅಭಿಮಾನಿಗಳು, ಕಂಗನಾ ಯಾರಿಗೂ ತಿಳಿಯದಂತೆ ಮದುವೆ ಆದ್ರಾ ಅನ್ನೋ ಚರ್ಚೆ ನಡೆಯುತ್ತಿದೆ.

ಇದನ್ನೂ ಓದಿ: Jr NTR: ಪ್ರಶಾಂತ್ ನೀಲ್ ಮೇಲೆ ಜ್ಯೂ. ಎನ್‌ಟಿಆರ್ ಪತ್ನಿ ಅಸಮಾಧಾನಗೊಂಡಿದ್ದೇಕೆ?

ತಿಳಿ ಗುಲಾಬಿ ಬಣ್ಣದ ಸಲ್ವಾರ್ ಸೂಟ್ ಧರಿಸಿದ್ದ ನಟಿ, ಪಾಪರಾಜಿಗಳೊಂದಿಗೆ ಸಂವಹನ ನಡೆಸಲಿಲ್ಲ. ಇದೀಗ ಈ ಬಗ್ಗೆ ರಿವೀಲ್‌ ಆಗಿದೆ. ವೈರಲ್ ಆಗಿರುವ ಅವರ ಈ ಸಾಂಪ್ರದಾಯಿಕ ಲುಕ್ ನಿಜ ಜೀವನದ್ದಲ್ಲ, ಬದಲಿಗೆ ಅವರ ಮುಂಬರುವ ಬಹುನಿರೀಕ್ಷಿತ ಚಿತ್ರ ‘ಕ್ವೀನ್ 2’ ಚಿತ್ರೀಕರಣದ ಸಂದರ್ಭದ್ದಾಗಿದೆ. ಈ ಚಿತ್ರಕ್ಕೆ ತಾತ್ಕಾಲಿಕವಾಗಿ ‘ಕ್ವೀನ್ ಫಾರೆವರ್’ ಎಂದು ಹೆಸರಿಡಲಾಗಿದ್ದು, ಕಂಗನಾ ಈಗಾಗಲೇ ಮುಂಬೈನಲ್ಲಿ ಇದರ ಶೂಟಿಂಗ್ ಆರಂಭಿಸಿದ್ದಾರೆ.

ಈ ಚಿತ್ರವು ತಾತ್ಕಾಲಿಕವಾಗಿ ಕ್ವೀನ್ ಫಾರೆವರ್ ಎಂಬ ಶೀರ್ಷಿಕೆಯಡಿಯಲ್ಲಿ ತಯಾರಾಗುತ್ತಿದೆ ಎಂದು ವರದಿಯಾಗಿದೆ. ಇಲ್ಲಿಯವರೆಗೆ, ಕಂಗನಾ ಅಥವಾ ಅವರ ತಂಡದಿಂದ ಯಾವುದೇ ಮದುವೆಯ ವದಂತಿಗಳ ಬಗ್ಗೆ ಯಾವುದೇ ದೃಢೀಕರಣ ಬಂದಿಲ್ಲ.

ಕ್ವೀನ್ 2 ಚಿತ್ರದ ಮೂಲಕ ಕಂಗನಾ ರನೌತ್ ಬಾಲಿವುಡ್‌ಗೆ ಮರಳಿದ್ದಾರೆ. ಏತನ್ಮಧ್ಯೆ, ಕಂಗನಾ ರಣಾವತ್ ಮುಂಬೈನಲ್ಲಿ ಕ್ವೀನ್ 2 ಚಿತ್ರೀಕರಣವನ್ನು ಪ್ರಾರಂಭಿಸಿದ್ದಾರೆ ಎಂದು ವರದಿಯಾಗಿದೆ. ಜೂನ್‌ನಲ್ಲಿ ‘ಭಾರತ್ ಭಾಗ್ಯ ವಿಧಾತಾ’ ಬಿಡುಗಡೆ:’ಕ್ವೀನ್ ೨’ ಮಾತ್ರವಲ್ಲದೆ ಕಂಗನಾ ಅವರ ಮತ್ತೊಂದು ಪ್ರಮುಖ ಚಿತ್ರ ‘ಭಾರತ್ ಭಾಗ್ಯ ವಿಧಾತಾ’ಬಿಡುಗಡೆಗೆ ಸಜ್ಜಾಗಿದೆ.

ಇದನ್ನೂ ಓದಿ: Bandar trailer: ಬಾಬಿ ಡಿಯೋಲ್‌, ರಾಜ್‌ ಬಿ.ಶೆಟ್ಟಿ ನಟನೆಯ 'ಬಂದರ್‌' ಸಿನಿಮಾ ಟ್ರೈಲರ್ ಔಟ್‌

ಮನೋಜ್ ತಪಾಡಿಯಾ ನಿರ್ದೇಶನದ ಈ ಸಿನಿಮಾದಲ್ಲಿ ಕಂಗನಾ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದು, ಚಿತ್ರವು ಇದೇ ಜೂನ್ 12ರಂದು ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಲಿದೆ.