Jana Nayagan Twitter Review: ಕೊನೆಯ ಕ್ಷಣದಲ್ಲಿ ಕಣ್ತುಂಬಿ ಬಂತು! ಜನ ನಾಯಗನ್‌ಗೆ ಪ್ರೇಕ್ಷಕರ ಜಯಕಾರ

ಹೆಚ್. ವಿನೋದ್ ನಿರ್ದೇಶನದ ಈ ಬೃಹತ್ ಮಾಸ್ ಎಂಟರ್‌ಟೈನರ್ ಜನ ನಾಯಗನ್ ಇಂದು ಜುಲೈ 23 ರಂದು ವಿಶ್ವಾದ್ಯಂತ ಅದ್ದೂರಿಯಾಗಿ ಬಿಡುಗಡೆಯಾಯಿತು. ಭಾರೀ ಮುಂಗಡ ಬುಕ್ಕಿಂಗ್ ಹಾಗೂ ಹೆಚ್ಚುತ್ತಿರುವ ನಿರೀಕ್ಷೆಗಳ ಹಿನ್ನೆಲೆಯಲ್ಲಿ ಚಿತ್ರವು ಬಾಕ್ಸ್ ಆಫೀಸ್‌ನಲ್ಲಿ ದಾಖಲೆ ಆರಂಭ ಪಡೆಯುವ ನಿರೀಕ್ಷೆಯಿದೆ. ಭಾರತದಲ್ಲಿ ಸುಮಾರು 2,500 ಚಿತ್ರಮಂದಿರಗಳಲ್ಲಿ ಸಿನಿಮಾ ಬಿಡುಗಡೆಯಾಗಿದೆ. ಹಲವು ಪ್ರದೇಶಗಳಲ್ಲಿ ಬೆಳಗ್ಗೆ 6 ಗಂಟೆಯಿಂದಲೇ ವಿಶೇಷ ಪ್ರದರ್ಶನಗಳು ಆರಂಭವಾಗಿವೆ. ಆದರೆ ತಮಿಳುನಾಡಿನಲ್ಲಿ ಎಂದಿನಂತೆ ಬೆಳಗ್ಗೆ 9 ಗಂಟೆಯಿಂದ ಪ್ರದರ್ಶನಗಳು ಆರಂಭಗೊಂಡಿವೆ. ಟ್ವಿಟರ್‌ ವಿಮರ್ಶೆ ಹೀಗಿದೆ.

ಚಿತ್ರದಲ್ಲಿ ವಿಜಯ್ ಜತೆಗೆ ಪೂಜಾ ಹೆಗ್ಡೆ, ಬಾಬಿ ಡಿಯೋಲ್, ಮಮಿತಾ ಬೈಜು, ಪ್ರಕಾಶ್ ರಾಜ್, ಗೌತಮ್ ವಾಸುದೇವ್ ಮೆನನ್ ಹಾಗೂ ನರೇನ್ ಪ್ರಮುಖ ಪಾತ್ರಗಳಲ್ಲಿ ಅಭಿನಯಿಸಿದ್ದಾರೆ.

ಸಿನಿಮಾದ ವಿಲನ್ ಆಗಿ ಬಾಬಿ ಡಿಯೋಲ್ ಅವರನ್ನು ಸಹ ಭರ್ಜರಿಯಾಗಿ ತೋರಿಸಲಾಗಿದೆ. ಮೊದಲಾರ್ಧದಲ್ಲಿ ಮೂರು ಫೈಟ್, ಎರಡು ಹಾಡುಗಳಿವೆ. ವಿಜಯ್ ಡ್ಯಾನ್ಸ್ ಚೆನ್ನಾಗಿದೆ. ನಿಮಾದ ಮೊದಲಾರ್ಧದಲ್ಲಿ ಸಾಕಷ್ಟು ಮಾಸ್ ದೃಶ್ಯಗಳಿವೆ, ಸಂಭಾಷಣೆಗಳು ಗಮನ ಸೆಳೆಯುತ್ತವೆ ಎಂದು ಬರೆದುಕೊಂಡಿದ್ದಾರೆ ಪ್ರೇಕ್ಷಕರು.

ಬ್ಲಾಕ್‌ಬಸ್ಟರ್ ಸಿನಿಮಾ

" ಜನ ನಾಯಗನ್ ಸಿನಿಮಾ ಮೊದಲ ಬ್ಲಾಕ್‌ಬಸ್ಟರ್ ಸಿನಿಮಾ. ಆರಂಭದಿಂದ ಕೊನೆಯವರೆಗೂ ರೋಮಾಂಚಕ. ದಳಪತಿ ವಿಜಯ್ ನಟಿಸಿದ ಟೈಟಲ್ ಕಾರ್ಡ್‌ನೊಂದಿಗೆ ಮೊದಲ 20 ನಿಮಿಷಗಳು ಸಂಪೂರ್ಣ ಆಚರಣೆಯಂತಿವೆ. ಪ್ರತಿಯೊಂದು ದೃಶ್ಯ ಮತ್ತು ಹಾಡಿನೊಂದಿಗೆ ಚಿತ್ರಮಂದಿರವು ಉತ್ಸಾಹದಿಂದ ಇದೆ. ಚಿತ್ರಕಥೆಯು ತುಂಬಾ ಸ್ಮಾರ್ಟ್ ಆಗಿದೆ" ಎಂದು ಒಬ್ಬರು ಬರೆದುಕೊಂಡಿದ್ದಾರೆ.

"ಮಮಿತಾ ಬೈಜು ವಿಜಯ್ ಜೊತೆ ಹಂಚಿಕೊಂಡ ಭಾವನಾತ್ಮಕ ಮತ್ತು ಹೃದಯಸ್ಪರ್ಶಿ ದೃಶ್ಯಗಳು ಪ್ರೇಕ್ಷಕರನ್ನು ಸುಂದರವಾಗಿ ಸಂಪರ್ಕಿಸುತ್ತವೆ. ಭಾಗ 2 ಲೋಡ್ ಆಗುತ್ತಿದೆ" ಎಂದು ಮತ್ತೊಬ್ಬರು ಬರೆದುಕೊಂಡಿದ್ದಾರೆ.

ಒನ್ ಮ್ಯಾನ್ ಶೋ

ಜನ ನಾಯಗನ್ ಒಂದು ಹಳೆಯ ಕಾಲದ ಮಾಸ್ ಕಮರ್ಷಿಯಲ್ ಎಂಟರ್ಟೈನರ್ ಆಗಿದ್ದು, ಮಾಸ್ ಇಮೇಜ್ ನಿಂದ ಕೂಡಿದೆ. ವಿಜಯ್ ಒಬ್ಬ ಒನ್ ಮ್ಯಾನ್ ಶೋ. ಅವರು ಆಕ್ಷನ್, ಎಮೋಷನ್, ಎಂಟರ್ಟೈನ್ಮೆಂಟ್, ಡ್ಯಾನ್ಸ್... ಮತ್ತು ಚಿತ್ರದುದ್ದಕ್ಕೂ ನಿಮ್ಮನ್ನು ರಂಜಿಸುತ್ತಾರೆ ಎಂದು ಬರೆದುಕೊಂಡಿದ್ದಾರೆ.

"ಒಂದು ದೃಶ್ಯದಲ್ಲಿ ಅನಿರುದ್ಧ್ ಒದಗಿಸಿದ ಹಿನ್ನೆಲೆ ಸಂಗೀತ ಮತ್ತು 'ರಾವಣದ' ಚಿತ್ರದ ಹಿನ್ನೆಲೆ ಸಂಗೀತ ಅದ್ಭುತವಾಗಿದೆ.

ಅಭಿಮಾನಿಗಳ ಕಣ್ಣಲ್ಲಿ ನೀರು

ಚಿತ್ರದ ಕೊನೆಯ ಕ್ಷಣದಲ್ಲಿ ವಿಜಯ್ ಅವರ ಚಲನಚಿತ್ರ ವೃತ್ತಿಜೀವನಕ್ಕೆ ನೀಡಿದ ಗೌರವ ಅಭಿಮಾನಿಗಳ ಕಣ್ಣಲ್ಲಿ ನೀರು ತರಿಸುತ್ತಿದೆ. ಅನಿರುದ್ಧ್ ಅವರ ಭಾವನಾತ್ಮಕ ಸಂಗೀತದ ನಡುವೆ ವಿಜಯ್ ಅವರ ಕೊನೆಯ ನೃತ್ಯ ಹೆಜ್ಜೆಗಳು, ಅವರ ಹಳೆಯ ಚಿತ್ರಗಳ ನೆನಪುಗಳನ್ನು ತೋರಿಸುತ್ತಾ, ಬೆಳ್ಳಿತೆರೆಗೆ ಅದ್ಭುತವಾದ ವಿದಾಯ ಹೇಳಲಾಗಿದೆ ಎಂದು ಬರೆದುಕೊಂಡಿದ್ದಾರೆ.