ವೆನೆಜುವೆಲಾ ಪ್ರಬಲ ಭೂಕಂಪ; ಅರ್ಜೆಂಟೀನಾದ ಫುಟ್ಬಾಲ್ ಆಟಗಾರನ ಪತ್ನಿ, ಮಕ್ಕಳು ಸಾವು
Venezuela Earthquake: ವೆನೆಜುವೆಲಾದಲ್ಲಿ ಬುಧವಾರ ಸಂಜೆ 7.2ರಷ್ಟು ತೀವ್ರತೆಯ ಭೂಕಂಪ ಸಂಭವಿಸಿತ್ತು. ಅದಾದ ಕೆಲ ಸೆಕೆಂಡುಗಳ ಅಂತರದಲ್ಲಿಯೇ ಮತ್ತೆ 7.5ರಷ್ಟು ತೀವ್ರತೆಯ ಭಾರಿ ಭೂಕಂಪ ಸಂಭವಿಸಿತ್ತು. ಇದರಿಂದ ದೇಶದ ವಿವಿಧೆಡೆ ಕಟ್ಟಡಗಳು ಕುಸಿದಿದ್ದು, ಅವಶೇಷಗಳ ಅಡಿ ನೂರಾರು ಜನ ಸಿಲುಕಿದ್ದಾರೆ. ದೇಶದ ಪ್ರಮುಖ ವಿಮಾನ ನಿಲ್ದಾಣಕ್ಕೂ ಹಾನಿಯಾಗಿದ್ದು, ಸಂಚಾರ ಸ್ಥಗಿತಗೊಳಿಸಲಾಗಿದೆ.
Lucas Trejo's family -
ಕರಾಕಸ್, ಜೂ.28: ವೆನೆಜುವೆಲಾ(Venezuela Earthquake)ದಲ್ಲಿ ಸಂಭವಿಸಿದ ಪ್ರಬಲ ಭೂಕಂಪಗಳಿಂದಾಗಿ ಇಡೀ ದೇಶ ನಲುಗಿ ಹೋಗಿದೆ. ಮೃತಪಟ್ಟವರ ಸಂಖ್ಯೆ ಸಾವಿರದ ಗಡಿ ದಾಟಿದೆ. ಅವಶೇಷಗಳ ಅಡಿಯಲ್ಲಿ ಸಿಲುಕಿರುವವರಿಗಾಗಿ ರಕ್ಷಣಾ ಪಡೆಗಳು ಹಗಲು-ರಾತ್ರಿ ಶೋಧ ಕಾರ್ಯಾಚರಣೆ ಮುಂದುವರಿಸಿವೆ. ಇದೇ ವೇಳೆ ಅರ್ಜೆಂಟೀನಾದ ಡಿಫೆಂಡರ್ ಲ್ಯೂಕಸ್ ಟ್ರೆಜೊ ಅವರ ಪತ್ನಿ ಮತ್ತು ಇಬ್ಬರು ಮಕ್ಕಳು ದುರಂತದಲ್ಲಿ ಸಾವಿಗೀಡಾಗಿದ್ದಾರೆ ಎಂಬ ಸುದ್ದಿ ಹೊರಬಿದ್ದಿದೆ. ಮುಂಬರುವ ಪಂದ್ಯಕ್ಕೆ ತಯಾರಿ ನಡೆಸಲು ಟ್ರೆಜೊ ಪತ್ನಿ ಮತ್ತು ಮಕ್ಕಳು ಇದ್ದ ಸ್ಥಳದಲ್ಲಿ ಇರಲಿಲ್ಲ. ಹೀಗಾಗಿ ಅವರ ಪ್ರಾಣ ಉಳಿದಿದೆ. ಆದರೆ ಅವರ ಕುಟುಂಬ ಕಳೆದುಕೊಂಡ ದುಃಖದಲ್ಲಿದ್ದಾರೆ.
"ಆಟಗಾರ ಲ್ಯೂಕಸ್ ಟ್ರೆಜೊ ಅವರ ಪತ್ನಿ ಯಾನಿನಾ ಮರನೆಲ್ಲಾ ಮತ್ತು ಅವರ ಮಕ್ಕಳಾದ ಆರನ್ ಮತ್ತು ಐನ್ಹೋವಾ ಟ್ರೆಜೊ ಅವರ ಆತ್ಮಕ್ಕೆ ಶಾಂತಿ ಮತ್ತು ಲ್ಯೂಕಸ್ ಮತ್ತು ಅವರ ಎಲ್ಲಾ ಪ್ರೀತಿಪಾತ್ರರಿಗೆ ಸಾಂತ್ವನ" ಎಂದು ಕ್ಲಬ್ ಅಧಿಕೃತ ಹೇಳಿಕೆಯಲ್ಲಿ ತಿಳಿಸಿದೆ.
ಟ್ರೆಜೊ ಅವರ ಕುಟುಂಬವು ಅವಳಿ ಭೂಕಂಪಗಳಿಂದ ಹೆಚ್ಚು ಹಾನಿಗೊಳಗಾದ ಕರಾವಳಿ ಪ್ರದೇಶಗಳಲ್ಲಿ ಒಂದಾದ ಪ್ಲಾಯಾ ಗ್ರಾಂಡೆಯಲ್ಲಿತ್ತು, ಅಲ್ಲಿ ಅವರು ವಾಸಿಸುತ್ತಿದ್ದ ವಸತಿ ಕಟ್ಟಡ ಕುಸಿದು ಬಿದ್ದಿತ್ತು. ದುರಂತವನ್ನು ದೃಢಪಡಿಸುವ ಮೊದಲು, ಟ್ರೆಜೊ ತನ್ನ ಕುಟುಂಬದ ಸ್ಥಳ ಅಥವಾ ಸಂಭಾವ್ಯ ಬದುಕುಳಿಯುವಿಕೆಯ ಬಗ್ಗೆ ಮಾಹಿತಿ ಪಡೆಯಲು ಸಾರ್ವಜನಿಕ ಮನವಿಯನ್ನು ಮಾಡಿದ್ದರು.
Argentine footballer Lucas Trejo's life changed forever after two powerful earthquakes struck Venezuela on June 24. At the time, he was in Caracas playing a Copa Venezuela match. The moment he learned that the disaster had hit his hometown of La Guaira, he immediately left and… pic.twitter.com/CtQA2nQKDr
— ALEXIS ™I ❤️🇷🇼• (@dufitalexis1) June 28, 2026
"ಪ್ಲಾಯಾ ಗ್ರಾಂಡೆಯಲ್ಲಿರುವ ನಮ್ಮ ಕಟ್ಟಡ ಕುಸಿದಿದೆ. ನನ್ನ ಕುಟುಂಬದ ಬಗ್ಗೆ ನನಗೆ ಏನೂ ತಿಳಿದಿಲ್ಲ. ದಯವಿಟ್ಟು ಅವರಿಗಾಗಿ ಪ್ರಾರ್ಥಿಸಿ ಮತ್ತು ಯಾರಾದರೂ ಅವರನ್ನು ನೋಡಿದರೆ ಈ ಸಂದೇಶವನ್ನು ಹಂಚಿಕೊಳ್ಳಿ. ಅವರು ಅಲ್ಲಿ ಇರಲಿಲ್ಲ ಎಂದು ನಾನು ನಂಬಲು ಬಯಸುತ್ತೇನೆ. ದಯವಿಟ್ಟು ನನ್ನ ಕುಟುಂಬಕ್ಕಾಗಿ ಪ್ರಾರ್ಥಿಸಿ" ಎಂದು ಟ್ರೆಜೊ Instagram ನಲ್ಲಿ ಬರೆದಿದ್ದರು. ಆದರೆ ಕೊನೆಗೂ ಅವರು ದುಃಖದ ಸುದ್ದಿಯನ್ನೇ ಕೇಳುವಂತಾಯಿತು.
ವೆನೆಜುವೆಲಾದಲ್ಲಿ ಭಾರೀ ಭೂಕಂಪ: ಅವಶೇಷಗಳಡಿಯಲ್ಲಿ ಸಿಲುಕಿದ್ದ ನವಜಾತ ಶಿಶುವಿನ ರಕ್ಷಣೆ, ವಿಡಿಯೋ ನೋಡಿ
ವೆನೆಜುವೆಲಾದಲ್ಲಿ ಬುಧವಾರ ಸಂಜೆ 7.2ರಷ್ಟು ತೀವ್ರತೆಯ ಭೂಕಂಪ ಸಂಭವಿಸಿತ್ತು. ಅದಾದ ಕೆಲ ಸೆಕೆಂಡುಗಳ ಅಂತರದಲ್ಲಿಯೇ ಮತ್ತೆ 7.5ರಷ್ಟು ತೀವ್ರತೆಯ ಭಾರಿ ಭೂಕಂಪ ಸಂಭವಿಸಿತ್ತು. ಇದರಿಂದ ದೇಶದ ವಿವಿಧೆಡೆ ಕಟ್ಟಡಗಳು ಕುಸಿದಿದ್ದು, ಅವಶೇಷಗಳ ಅಡಿ ನೂರಾರು ಜನ ಸಿಲುಕಿದ್ದಾರೆ. ದೇಶದ ಪ್ರಮುಖ ವಿಮಾನ ನಿಲ್ದಾಣಕ್ಕೂ ಹಾನಿಯಾಗಿದ್ದು, ಸಂಚಾರ ಸ್ಥಗಿತಗೊಳಿಸಲಾಗಿದೆ.
ಅನುಭವಿ ಆಟಗಾರ ಲ್ಯೂಕಾಸ್ ಟ್ರೆಜೊ ಪ್ರಸ್ತುತ ವೆನೆಜುವೆಲಾದ ಸೆಗುಂಡಾ ಡಿವಿಷನ್ ಕ್ಲಬ್ 'ಮಾರಿಟಿಮೊ' (Maritimo) ಪರ ಡಿಫೆಂಡರ್ ಆಗಿ ಆಡುತ್ತಿದ್ದಾರೆ. ಈ ಹಿಂದೆ ಅವರು ಯುರೋಪ್, ಅಮೆರಿಕ, ಕೊಲಂಬಿಯಾ, ಪೆರು ಮತ್ತು ಮೆಕ್ಸಿಕೋದ ಹೆಸರಾಂತ ಫುಟ್ಬಾಲ್ ಕ್ಲಬ್ಗಳ ಪರವಾಗಿಯೂ ಆಡಿದ ದೀರ್ಘ ಅನುಭವ ಹೊಂದಿದ್ದಾರೆ.