ವಿಶ್ವ ಅಥ್ಲೆಟಿಕ್ಸ್ U20 ಚಾಂಪಿಯನ್‌ಶಿಪ್‌; ಬೆಳ್ಳಿ ಗೆದ್ದು ಭಾರತದ ಪದಕ ಖಾತೆ ತೆರೆದ ಆಶಿಶ್ ಯಾದವ್

ನವದೆಹಲಿ, ಆ.8: ಯುಜೀನ್‌ನಲ್ಲಿ ನಡೆದ ವಿಶ್ವ ಅಥ್ಲೆಟಿಕ್ಸ್ U20 ಚಾಂಪಿಯನ್‌ಶಿಪ್‌(World Athletics U20 Championships)ನ ಮೂರನೇ ದಿನದಂದು ಆಶಿಶ್ ಯಾದವ್ ಪುರುಷರ ಜಾವೆಲಿನ್ ಥ್ರೋ ಸ್ಪರ್ಧೆಯಲ್ಲಿ ಬೆಳ್ಳಿ ಪದಕ ಗೆದ್ದು ಭಾರತದ ಪದಕ ಖಾತೆಯನ್ನು ತೆರೆದರು. ದಕ್ಷಿಣ ಆಫ್ರಿಕಾದ ಜಾನ್-ಹೆಂಡ್ರಿಕ್ ಹೇಮನ್ಸ್(80.50 ಮೀ) ಚಿನ್ನದ ಪದಕವನ್ನು ಗೆದ್ದರು.

ಯಾದವ್ ತಮ್ಮ ಮೂರನೇ ಸುತ್ತಿನ ಪ್ರಯತ್ನದಲ್ಲಿ 74.09 ಮೀಟರ್ ಎಸೆತವು ಅವರಿಗೆ ಬೆಳ್ಳಿ ಪದಕವನ್ನು ತಂದುಕೊಟ್ಟಿತು ಮತ್ತು ಪುರುಷರ ಜಾವೆಲಿನ್ ಥ್ರೋ ಫೈನಲ್‌ನಲ್ಲಿ ಸ್ಪರ್ಧಿಸಿದ್ದ ಮತ್ತೊಬ್ಬ ಭಾರತೀಯ ಟಿ. ಧರಣಿಧರನ್ 72.35 ಮೀಟರ್‌ಗಳೊಂದಿಗೆ ಆರನೇ ಸ್ಥಾನ ಪಡೆದರು.

19 ವರ್ಷದ ಆಶಿಶ್, ಎರಡು ಬಾರಿ ಒಲಿಂಪಿಕ್ ಪದಕ ವಿಜೇತ ನೀರಜ್ ಚೋಪ್ರಾ ನಂತರ ಈ ಸ್ಪರ್ಧೆಯಲ್ಲಿ ಬೆಳ್ಳಿ ಪದಕ ಗೆದ್ದ ಎರಡನೇ ಭಾರತೀಯರಾದರು. ಚೋಪ್ರಾ 2016 ರ ಪೋಲೆಂಡ್ ಆವೃತ್ತಿಯಲ್ಲಿ ಚಿನ್ನ ಗೆದ್ದು ವಿಶ್ವ ಜೂನಿಯರ್ ದಾಖಲೆಯನ್ನು ಸ್ಥಾಪಿಸಿದ್ದರು. ನೀರಜ್‌ ಅಂದು 86.48 ಮೀಟರ್ ದೂರ ಜಾವೆಲಿನ್‌ ಎಸೆದಿದ್ದರು.

ಆಶಿಶ್ ಮೊದಲ ಎರಡು ಎಸೆತಗಳಲ್ಲಿ 70 ಮೀ. ಮೀರಿ ಹೋಗಲು ವಿಫಲರಾದರು. ಆದರೆ ಅವರು ಮೂರನೇ ಎಸೆತದೊಂದಿಗೆ ತಮ್ಮ ಲಯ ಕಂಡುಕೊಂಡು ತಮ್ಮ ವೃತ್ತಿಜೀವನದ ಅತಿದೊಡ್ಡ ಪದಕವನ್ನು ಪಡೆದುಕೊಂಡರು. ಕಾಮನ್‌ವೆಲ್ತ್ ಆಫ್ ಡೊಮಿನಿಕಾದ ಅಡಿಸನ್ ಜೇಮ್ಸ್ 73.89 ಮೀ. ಪ್ರಯತ್ನದಿಂದ ಕಂಚಿನ ಪದಕ ಗೆದ್ದರು.

ಯಾರು ಈ ಆಶಿಶ್‌ ಯಾದವ್‌?

ಏಪ್ರಿಲ್ 11, 2007 ರಂದು ಜನಿಸಿದ ಆಶಿಶ್, ಉತ್ತರ ಪ್ರದೇಶ ಮತ್ತು ಸೇನೆಯ ಪರವಾಗಿ ದೇಶೀಯವಾಗಿ ಸ್ಪರ್ಧಿಸಿದ್ದಾರೆ. ಮಾರ್ಚ್ 2026 ರಲ್ಲಿ, ಪಟಿಯಾಲದಲ್ಲಿ ನಡೆದ ಇಂಡಿಯನ್ ಓಪನ್ ಥ್ರೋಸ್ ಸ್ಪರ್ಧೆಯಲ್ಲಿ ಅವರು U-20 ಪ್ರಶಸ್ತಿಯನ್ನು ಗೆದ್ದರು, ಅವರ ಅಂತಿಮ ಪ್ರಯತ್ನದಲ್ಲಿ 74.49 ಮೀಟರ್ ವೈಯಕ್ತಿಕ ಅತ್ಯುತ್ತಮ ಪ್ರದರ್ಶನ ನೀಡಿದರು.

ರಿಷಭ್‌ ಪಂತ್‌ ತಡರಾತ್ರಿಯ ಮನವಿಗೆ ಸ್ಪಂದಿಸಿದ ಸಿಎಂ ಪುಷ್ಕರ್ ಸಿಂಗ್ ಧಾಮಿ

ನಂತರ ಅವರು ಲುಧಿಯಾನದಲ್ಲಿ ನಡೆದ ಭಾರತೀಯ ಅಥ್ಲೆಟಿಕ್ಸ್ ಸರಣಿಯಲ್ಲಿ ಮೂರನೇ ಸ್ಥಾನ ಪಡೆದರು ಮತ್ತು ತುಮಕೂರಿನಲ್ಲಿ ನಡೆದ ರಾಷ್ಟ್ರೀಯ ಜೂನಿಯರ್ ಅಂಡರ್-20 ಅಥ್ಲೆಟಿಕ್ಸ್ ಫೆಡರೇಶನ್ ಸ್ಪರ್ಧೆಯಲ್ಲಿ 73.12 ಮೀಟರ್ ಪ್ರಯತ್ನದೊಂದಿಗೆ ಬೆಳ್ಳಿ ಪದಕ ಗೆದ್ದರು ಈ ಮೂಲಕ ರೋಹನ್ ಯಾದವ್ ಅವರ 73.37 ಮೀಟರ್ ದೂರದ ದಾಖಲೆಯನ್ನು ಹಿಂದಿಕ್ಕಿದರು.

ಒರೆಗಾನ್‌ನಲ್ಲಿ ನಡೆದ ವಿಶ್ವ ಅಥ್ಲೆಟಿಕ್ಸ್ ಅಂಡರ್-20 ಚಾಂಪಿಯನ್‌ಶಿಪ್‌ನಲ್ಲಿ, ಆಶಿಶ್ ಅರ್ಹತಾ ಸುತ್ತಿನಲ್ಲಿ 69.87 ಮೀ. ದಾಖಲೆಯೊಂದಿಗೆ ಪುರುಷರ ಜಾವೆಲಿನ್ ಫೈನಲ್‌ಗೆ ಮುನ್ನಡೆದರು. ನಂತರ ಫೈನಲ್‌ನಲ್ಲಿ ತಮ್ಮ ಮೂರನೇ ಪ್ರಯತ್ನದಲ್ಲಿ 74.09 ಮೀ. ದೂರ ಎಸೆದು ಬೆಳ್ಳಿ ಪದಕ ಗೆದ್ದರು.