BCCI Naman Awards: ʻಪಾಲಿ ಉಮ್ರಿಗರ್‌ʼ ಪ್ರಶಸ್ತಿಗೆ ಭಾಜನರಾದ ಶುಭಮನ್‌ ಗಿಲ್‌, ಸ್ಮೃತಿ ಮಂಧಾನಾ!

ನವದೆಹಲಿ: ಮಾರ್ಚ್‌ 15 ಭಾರತೀಯ ಕ್ರಿಕೆಟ್‌ಗೆ ನಿಜವಾಗಿಯೂ ವಿಶೇಷ ದಿನವಾಗಿದೆ. ನವದೆಹಲಿಯಲ್ಲಿ ನಡೆದಿದ್ದ 2026 ರ ಬಿಸಿಸಿಐ ನಮನ್ (BCCI Naman Awards) ಪ್ರಶಸ್ತಿಗಳು, ಭಾರತೀಯ ಕ್ರಿಕೆಟ್ ದಂತಕಥೆಗಳು ಮತ್ತು ಉದಯೋನ್ಮುಖ ತಾರೆಯರ ಅದ್ಧೂರಿ ಸಭೆಗೆ ಸಾಕ್ಷಿಯಾದವು. ಸಮಾರಂಭದಲ್ಲಿ, ಅಂತಾರಾಷ್ಟ್ರೀಯ, ದೇಶಿ ಮತ್ತು ಜೂನಿಯರ್ ಹಂತಗಳಲ್ಲಿ ಅಸಾಧಾರಣ ಪ್ರದರ್ಶನ ನೀಡಿದ ಆಟಗಾರರನ್ನು ಸನ್ಮಾನಿಸಲಾಯಿತು. ಈ ಕಾರ್ಯಕ್ರಮದ ಪ್ರಮುಖ ಅಂಶವೆಂದರೆ 'ಕರ್ನಲ್ ಸಿ.ಕೆ. ನಾಯ್ಡು ಜೀವಮಾನ ಸಾಧನೆ ಪ್ರಶಸ್ತಿ', ಇದನ್ನು ಮಾಜಿ ದಿಗ್ಗಜರಾದ ರೋಜರ್ ಬಿನ್ನಿ, ರಾಹುಲ್ ದ್ರಾವಿಡ್ (Rahul Dravid) ಮತ್ತು ಮಿಥಾಲಿ ರಾಜ್ (Mitahli Raj) ಅವರ ಅಮೂಲ್ಯ ಕೊಡುಗೆಗಳನ್ನು ಗುರುತಿಸಿ ನೀಡಲಾಯಿತು.

ಪ್ರಸ್ತುತ ತಲೆಮಾರಿನ ಟೀಮ್ ಇಂಡಿಯಾದ ಟೆಸ್ಟ್ ಮತ್ತು ಏಕದಿನ ನಾಯಕ ಶುಭಮನ್ ಗಿಲ್ ಅವರನ್ನು 2024-25 ಸಾಲಿನ 'ಅತ್ಯುತ್ತಮ ಅಂತಾರಾಷ್ಟ್ರೀಯ ಪುರುಷ ಕ್ರಿಕೆಟಿಗ' (ಪಾಲಿ ಉಮ್ರಿಗರ್ ಪ್ರಶಸ್ತಿ) ಎಂದು ಹೆಸರಿಸಲಾಯಿತು. ಇದರ ನಡುವೆ, ಮಹಿಳಾ ಕ್ರಿಕೆಟ್‌ನಲ್ಲಿ, ಸ್ಮೃತಿ ಮಂಧಾನ ಮತ್ತೊಮ್ಮೆ ತಮ್ಮ ಸಾಮರ್ಥ್ಯವನ್ನು ಸಾಬೀತುಪಡಿಸಿದರು, ಐದನೇ ಬಾರಿ ಈ ಪ್ರತಿಷ್ಠಿತ ಪ್ರಶಸ್ತಿಯನ್ನು ತನ್ನದಾಗಿಸಿಕೊಂಡರು. ಮಂಧಾನಾ ಈ ಋತುವನ್ನು ಮಹಿಲಾ ಒಡಿಐ ಕ್ರಿಕೆಟ್‌ನಲ್ಲಿ ಅತಿ ಹೆಚ್ಚು ರನ್ ಗಳಿಸಿದ ಆಟಗಾರ್ತಿಯಾಗಿ ಮುಗಿಸಿದರೆ, ದೀಪ್ತಿ ಶರ್ಮಾ ಅತಿ ಹೆಚ್ಚು ವಿಕೆಟ್ ಪಡೆದ ಆಟಗಾರ್ತಿ ಎಂಬ ಹೆಗ್ಗಳಿಕೆಗೆ ಪಾತ್ರರಾದರು.

ʻಶ್ರೇಯಸ್‌ ಅಯ್ಯರ್‌ರನ್ನು ರಿಲೀಸ್‌ ಮಾಡಬಾರದಿತ್ತುʼ-ಕೋಲ್ಕತಾ ಫ್ರಾಂಚೈಸಿಯನ್ನು ಟೀಕಿಸಿದ ಅನಿಲ್‌ ಕುಂಬ್ಳೆ!

ಹರ್ಷಿತ್ ರಾಣಾಗೂ ಸನ್ಮಾನ

ಅಂತಾರಾಷ್ಟ್ರೀಯ ಕ್ರಿಕೆಟ್‌ನಲ್ಲಿ ಅದ್ಭುತ ಆರಂಭಕ್ಕಾಗಿ ವೇಗದ ಬೌಲರ್ ಹರ್ಷಿತ್ ರಾಣಾ ಪುರುಷರ ವಿಭಾಗದಲ್ಲಿ ಬೆಸ್ಟ್‌ ಡೆಬ್ಯೂ ಪ್ರಶಸ್ತಿಗೆ ಭಾಜರಾಗಿದ್ದಾರೆ.ಇತ್ತೀಚಿನ ಮುಗಿದಿದ್ದ 2026ರ ಐಸಿಸಿ ಟಿ20 ವಿಶ್ವಕಪ್‌ ಟೂರ್ನಿಯಲ್ಲಿ ಅವರು ಆಡಬೇಕಾಗಿತ್ತು. ಆದರೆ, ಗಾಯದ ಕಾರಣ ಅವರು ತಪ್ಪಿಸಿಕೊಂಡಿದ್ದರು. ಮಹಿಳಾ ವಿಭಾಗದಲ್ಲಿ ಶ್ರೀ ಚರಣಿ ಬೆಸ್ಟ್‌ ಡೆಬ್ಯೂ ಪ್ರಶಸ್ತಿಯನ್ನು ಸ್ವೀಕರಿಸಿದರು. ದೇಶಿ ಕ್ರಿಕೆಟ್‌ನಲ್ಲಿ ಮುಂಬೈನ ಆಯುಷ್ ಮ್ಹಾತ್ರೆ ಮತ್ತು ವಿದರ್ಭದ ಹರ್ಷ್ ದುಬೆ ಅವರು ತಮ್ಮ ಸರ್ವತೋಮುಖ ಪ್ರದರ್ಶನದಿಂದ ಎಲ್ಲರನ್ನೂ ಮೆಚ್ಚಿಸುವ ಮೂಲಕ ಆಟದಲ್ಲಿ ಪ್ರಾಬಲ್ಯ ಸಾಧಿಸಿದರು.

ಯುವ ಆಟಗಾರರಿಗೂ ಮನ್ನಣೆ

ಕ್ರಿಕೆಟ್ ಅನ್ನು ಉತ್ತೇಜಿಸುವ ಉದ್ದೇಶದಿಂದ ಬಿಸಿಸಿಐ ಹಿರಿಯ ಆಟಗಾರರನ್ನು ಮಾತ್ರವಲ್ಲದೆ ಅಂಡರ್-16, ಅಂಡರ್-19 ಮತ್ತು ಅಂಡರ್-23 ಹಂತಗಳಲ್ಲಿರುವ ಆಟಗಾರರನ್ನು ಸಹ ಗೌರವಿಸಿತು. 'ಅತ್ಯುತ್ತಮ ಅಂಪೈರ್' ಪ್ರಶಸ್ತಿಯನ್ನು ಉಲ್ಹಾಸ್ ಗಂಧೆ ಪಡೆದರು, ಆದರೆ ದೇಶಿ ಟೂರ್ನಿಗಳಲ್ಲಿ ಅತ್ಯುತ್ತಮ ಪ್ರದರ್ಶನ ನೀಡಿದ್ದಕ್ಕಾಗಿ ಮುಂಬೈ ಕ್ರಿಕೆಟ್ ಅಸೋಸಿಯೇಷನ್ ​​(ಎಂಸಿಎ) 'ಅತ್ಯುತ್ತಮ ರಾಜ್ಯ ಸಂಘ' ಪ್ರಶಸ್ತಿಯನ್ನು ಪಡೆದುಕೊಂಡಿತು.

ಅಂತಾರಾಷ್ಟ್ರೀಯ ಕ್ರಿಕೆಟ್‌ ಸಾಧಕರಿಗೆ ಪ್ರಶಸ್ತಿಗಳು

ಕರ್ನಲ್ ಸಿ.ಕೆ. ನಾಯುಡು ಜೀವಮಾನ ಸಾಧನೆ ಪ್ರಶಸ್ತಿ: ರೋಜರ್ ಬಿನ್ನಿ, ರಾಹುಲ್ ದ್ರಾವಿಡ್, ಮಿಥಾಲಿ ರಾಜ್

ಶ್ರೇಷ್ಠ ಅಂತಾರಾಷ್ಟ್ರೀಯ ಪುರುಷ ಕ್ರಿಕೆಟಿಗ (2024-25): ಶುಭಮನ್ ಗಿಲ್

ಶ್ರೇಷ್ಠ ಅಂತಾರಾಷ್ಟ್ರೀಯ ಮಹಿಳಾ ಆಟಗಾರ್ತಿ (2024-25): ಸ್ಮೃತಿ ಮಂಧಾನಾ

ಶ್ರೇಷ್ಠ ಅಂತಾರಾಷ್ಟ್ರೀಯ ಬೆಸ್ಟ್‌ ಡೆಬ್ಯೂ (ಪುರುಷರು): ಹರ್ಷಿತ್ ರಾಣಾ

ಶ್ರೇಷ್ಠ ಅಂತಾರಾಷ್ಟ್ರೀಯ ಬೆಸ್ಟ್‌ ಡೆಬ್ಯೂ (ಮಹಿಳೆಯರು) ಎನ್. ಶ್ರೀ ಚರಣಿ

ಒಡಿಐ ಕ್ರಿಕೆಟ್‌ನಲ್ಲಿ ಅತಿ ಹೆಚ್ಚು ರನ್‌ಗಳು (ಮಹಿಳೆಯರು): ಸ್ಮೃತಿ ಮಂಧಾನಾ

ಒಡಿಐ ಕ್ರಿಕೆಟ್‌ಲ್ಲಿ ಅತಿ ಹೆಚ್ಚು ವಿಕೆಟ್‌ಗಳು (ಮಹಿಳೆಯರು): ದೀಪ್ತಿ ಶರ್ಮಾ

ದೇಶಿ ಪ್ರಶಸ್ತಿಗಳು

ಲಾಲಾ ಅಮರನಾಥ್ ಪ್ರಶಸ್ತಿ (ಶ್ರೇಷ್ಠ ಆಲ್‌ರೌಂಡರ್): ಆಯುಷ್ ಮ್ಹಾತ್ರೆ (ದೇಶಿ ಸೀಮಿತ ಓವರ್‌ಗಳು)

ಲಾಲಾ ಅಮರನಾಥ್ ಪ್ರಶಸ್ತಿ (ರಣಜಿ ಟ್ರೋಫಿ ಆಲ್‌ರೌಂಡರ್) ಹರ್ಷ್ ದುಬೆ (ವಿದರ್ಭ)

ಮಾಧವರಾವ್ ಸಿಂಧಿಯಾ ಪ್ರಶಸ್ತಿ (ಅತ್ಯುತ್ತಮ ರನ್‌ಗಳು - ರಣಜಿ) ವೈ ವಿ ರಾಥೋಡ್ (ಎಲೈಟ್) / ಸ್ನೇಹಲ್ ಕೌಥಂಕರ್ (ಪ್ಲೇಟ್) ವಿದರ್ಭ / ಗೋವಾ

ಮಾಧವರಾವ್ ಸಿಂಧಿಯಾ ಪ್ರಶಸ್ತಿ: (ಹೆಚ್ಚು ವಿಕೆಟ್ - ರಣಜಿ) ಹರ್ಷ ದುಬೆ (ಎಲೈಟ್) / ಸುಚಿತ್ ಜೆ (ಪ್ಲೇಟ್) ವಿದರ್ಭ / ನಾಗಾಲ್ಯಾಂಡ್

ಜಗಮೋಹನ್ ದಾಲ್ಮಿಯಾ ಟ್ರೋಫಿ (ಅತ್ಯುತ್ತಮ ಮಹಿಳಾ ಜೂನಿಯರ್): ಇರಾ ಜಾಧವ್ ಮುಂಬೈ

ಜಗಮೋಹನ್ ದಾಲ್ಮಿಯಾ ಟ್ರೋಫಿ (ಅತ್ಯುತ್ತಮ ಮಹಿಳಾ ಹಿರಿಯ): ಶಫಾಲಿ ವರ್ಮಾ ಹರಿಯಾಣ

ಎಂಎ ಚಿದಂಬರಂ ಟ್ರೋಫಿ (U23 ಕರ್ನಲ್, ಸಿಕೆ ನಾಯುಡು ಟ್ರೋಫಿ): ಮ್ಯಾಕ್ನೀಲ್ ಎಚ್‌ಎನ್‌ (ರನ್ಸ್) / ವಿಕ್ಕಿ ಓಸ್ತ್ವಾಲ್ (ವಿಕೆಟ್ಸ್) ಕರ್ನಾಟಕ / ಮಹಾರಾಷ್ಟ್ರ

ಎಂ.ಎ. ಚಿದಂಬರಂ ಟ್ರೋಫಿ (U19 ಕೂಚ್ ಬೆಹಾರ್ ಟ್ರೋಫಿ): ನಿತ್ಯ ಜೆ. ಪಾಂಡ್ಯ (ರನ್ಸ್) / ಹೇಮಚುದೇಶನ್ ಜೆ. (ವಿಕೆಟ್ಸ್) ಬರೋಡಾ / ತಮಿಳುನಾಡು

ಜಗಮೋಹನ್ ದಾಲ್ಮಿಯಾ ಟ್ರೋಫಿ (U16 ವಿಜಯ್ ಮರ್ಚೆಂಟ್ ಟ್ರೋಫಿ): ಶಂತನು ಸಿಂಗ್ (ರನ್) / ಯಶವರ್ಧನ್ ಸಿಂಗ್ ಚೌಹಾಣ್ (ವಿಕೆಟ್) ಉತ್ತರ ಪ್ರದೇಶ / ಮಧ್ಯ ಪ್ರದೇಶ

ಅತ್ಯುತ್ತಮ ದೇಶೀಯ ಅಂಪೈರ್: ಉಲ್ಹಾಸ್ ಗಂಧೆ ವಿದರ್ಭ

ದೇಶಿ ಟೂರ್ನಿಗಳಲ್ಲಿ ಅತ್ಯುತ್ತಮ ಪ್ರದರ್ಶನ: ಮುಂಬೈ ಕ್ರಿಕೆಟ್ ಅಸೋಸಿಯೇಷನ್ ​​(ಎಂಸಿಎ) ರಾಜ್ಯ ಅಸೋಸಿಯೇಷನ್