CSK vs LSG: ಲಖನೌ ಪರ ಅತ್ಯಂತ ವೇಗದ ಐಪಿಎಲ್ ಅರ್ಧಶತಕ ಬಾರಿಸಿದ ಜಾಶ್ ಇಂಗ್ಲಿಸ್!
2026ರ ಇಂಡಿಯನ್ ಪ್ರೀಮಿಯರ್ ಲೀಗ್ ಟೂರ್ನಿಯ ಚೆನ್ನೈ ಸೂಪರ್ ಕಿಂಗ್ಸ್ ವಿರುದ್ಧ ಲಖನೌ ಸೂಪರ್ ಜಯಂಟ್ಸ್ ತಂಡದ ಜಾಶ್ ಇಂಗ್ಲಿಸ್ ಸ್ಪೋಟಕ ಬ್ಯಾಟಿಂಗ್ ಪ್ರದರ್ಶನವನ್ನು ತೋರಿದ್ದರು. ಅವರು ಕೇವಲ 33 ಎಸೆತಗಳಲ್ಲಿ 85 ರನ್ ಗಳಿಸಿದರು. ಆ ಮೂಲಕ ಲಖನೌ ಪರ ವೇಗದ ಅರ್ಧಶತಕ ಬಾರಿಸಿದ ಬ್ಯಾಟ್ಸ್ಮನ್ ಎನಿಸಿಕೊಂಡಿದ್ದಾರೆ.
ಸಿಎಸ್ಕೆ ಎದುರು ಜಾಶ್ ಇಂಗ್ಲಿಸ್ ಅರ್ಧಶತಕ. -
ಚೆನ್ನೈ: ಆಸ್ಟ್ರೇಲಿಯಾ ಅರಂಭಿಕ ಜಾಶ್ ಇಂಗ್ಲಿಸ್ (Josh Inglis) 2026ರ ಇಂಡಿಯನ್ ಪ್ರೀಮಿಯರ್ ಲೀಗ್ (IPL 2026) ಟೂರ್ನಿಯ ಮೊದಲಾರ್ಧದಲ್ಲಿ ಲಖನೌ ಸೂಪರ್ ಜಯಂಟ್ಸ್ (LSG) ತಂಡಕ್ಕೆ ಲಭ್ಯವಿರಲಿಲ್ಲ. ಮುಂಬೈ ಇಂಡಿಯನ್ಸ್ ವಿರುದ್ಧ ಉತ್ತಮ ಆರಂಭ ಪಡೆದಿದ್ದರೂ, ಅದನ್ನು ದೊಡ್ಡ ಇನಿಂಗ್ಸ್ ಆಗಿ ಪರಿವರ್ತಿಸುವಲ್ಲಿ ವಿಫಲರಾಗಿದ್ದರು. ಆ ಪಂದ್ಯದ ಸಮಯದಲ್ಲಿ ಅವರು ಗಾಯದ ಸಮಸ್ಯೆಗೆ ಒಳಗಾಗಿದ್ದರು. ಚೆನ್ನೈ ಸೂಪರ್ ಕಿಂಗ್ಸ್ ವಿರುದ್ಧ ಇನಿಂಗ್ಸ್ ಆರಂಭಿಸಿದ ಇಂಗ್ಲಿಸ್, ಮೊದಲ ಓವರ್ನಿಂದಲೇ ಬೌಲರ್ಗಳ ಮೇಲೆ ದಾಳಿ ಮಾಡಲು ಪ್ರಾರಂಭಿಸಿದರು.
ಲಖನೌ ಸೂಪರ್ ಜಯಂಟ್ಸ್ ಪರ ಆಡುತ್ತಿರುವ ಜಾಶ್ಶ್ ಇಂಗ್ಲಿಸ್ 5ನೇ ಓವರ್ನಲ್ಲೇ ಅರ್ಧಶತಕ ಬಾರಿಸಿದರು. ಅವರು ಕೇವಲ 17 ಎಸೆತಗಳಲ್ಲಿ ಅರ್ಧಶತಕ ಪೂರೈಸಿದರು. ಇದು ಐಪಿಎಲ್ ಟೂರ್ನಿಯಲ್ಲಿ ಬ್ಯಾಟ್ಸ್ಮನ್ ಗಳಿಸಿದ ಮೂರನೇ ಅತಿ ವೇಗದ ಅರ್ಧಶತಕವಾಗಿದೆ. ನಿಕೋಲಸ್ ಪೂರನ್ ಕ್ರಮವಾಗಿ 15 ಮತ್ತು 16 ಎಸೆತಗಳಲ್ಲಿ ಅರ್ಧಶತಕ ಗಳಿಸುವ ಮೂಲಕ ತಂಡದ ದಾಖಲೆಯನ್ನು ಹೊಂದಿದ್ದಾರೆ. ಇದಲ್ಲದೆ, ಇದು ಚೆಪಾಕ್ ಕ್ರೀಡಾಂಗಣದಲ್ಲಿ ಐಪಿಎಲ್ನಲ್ಲಿ ಯಾವುದೇ ಬ್ಯಾಟ್ಸ್ಮನ್ ಮಾಡಿದ ವೇಗದ ಅರ್ಧಶತಕವಾಗಿದೆ.
ರಾಜಸ್ಥಾನದಿಂದ ಚೆನ್ನೈ ಸೂಪರ್ ಕಿಂಗ್ಸ್ಗೆ ಬಂದಿದ್ದು ನಾಯಕತ್ವಕ್ಕಾಗಿ? ಅಸಲಿ ಸತ್ಯ ಬಾಯ್ಬಿಟ್ಟ ಸಂಜು ಸ್ಯಾಮ್ಸನ್!
ಲಖನೌ ಸೂಪರ್ ಜಯಂಟ್ಸ್ ಪರ ಅತಿ ವೇಗದ ಅರ್ಧಶತಕಗಳು
15 ಎಸೆತಗಳು – ನಿಕೋಲಸ್ ಪೂರನ್ vs ಆರ್ಸಿಬಿ, ಬೆಂಗಳೂರು, 2023
16 ಎಸೆತಗಳು – ನಿಕೋಲಸ್ ಪೂರನ್ vs ಎಂಐ, ಮುಂಬೈ, 2026
17 ಎಸೆತಗಳು – ಜಾಶ್ ಇಂಗ್ಲಿಸ್ vs ಸಿಎಸ್ಕೆ, ಚೆನ್ನೈ, 2026
18 ಎಸೆತಗಳು – ನಿಕೋಲಸ್ ಪೂರನ್ vs ಎಸ್ಆರ್ಹೆಚ್, ಹೈದರಾಬಾದ್, 2025
19 ಎಸೆತಗಳು – ನಿಕೋಲಸ್ ಪೂರನ್ vs ಎಂಐ, ಮುಂಬೈ, 2024
Forget the textbook, Josh is teaching his own Inglis 😉
— IndianPremierLeague (@IPL) May 10, 2026
An innovative 1️⃣7️⃣-ball FIFTY for #LSG opener 👏
Updates ▶️ https://t.co/MoXhlWHk4O#TATAIPL | #KhelBindaas | #CSKvLSG | @LucknowIPL pic.twitter.com/iYVn9iT5W5
ಪವರ್ಪ್ಲೇನಲ್ಲಿ ಇಂಗ್ಲಿಸ್ 77 ರನ್
ಲಖನೌ ಸೂಪರ್ ಜಯಂಟ್ಸ್ ಪರ ಆಡುತ್ತಿರುವ ಜಾಶ್ ಇಂಗ್ಲಿಸ್ ಪವರ್ಪ್ಲೇ ಸಮಯದಲ್ಲಿ ಕೇವಲ 25 ಎಸೆತಗಳಲ್ಲಿ 77 ರನ್ ಗಳಿಸಿದರು. ಇದು ತಂಡಕ್ಕೆ ಮಾತ್ರವಲ್ಲದೆ ಈ ಋತುವಿನಲ್ಲಿ ಯಾವುದೇ ಬ್ಯಾಟ್ಸ್ಮನ್ಗೆ ಅತ್ಯಧಿಕ ಪವರ್ಪ್ಲೇ ಸ್ಕೋರ್ ಆಗಿದೆ. ಐಪಿಎಲ್ ಇತಿಹಾಸದಲ್ಲಿ ಕೇವಲ ಮೂವರು ಬ್ಯಾಟ್ಸ್ಮನ್ಗಳು ಮಾತ್ರ ಪವರ್ಪ್ಲೇ ಸಮಯದಲ್ಲಿ ಅವರಿಗಿಂತ ಹೆಚ್ಚು ರನ್ ಗಳಿಸಿದ್ದಾರೆ. ಲಖನೌ ಸೂಪರ್ ಜಯಂಟ್ಸ್ ಪವರ್ಪ್ಲೇನಲ್ಲಿ ಒಟ್ಟು 91 ರನ್ ಗಳಿಸಿತು; ಇದು ಐಪಿಎಲ್ನಲ್ಲಿ ಈ ತಂಡದ ಅತ್ಯಧಿಕ ಪವರ್ಪ್ಲೇ ಸ್ಕೋರ್ ಆಗಿದೆ.
ಐಪಿಎಲ್ ಪವರ್ಪ್ಲೇನಲ್ಲಿ ಬ್ಯಾಟ್ಸ್ಮನ್ ಗಳಿಸಿದ ಅತಿ ಹೆಚ್ಚು ಸ್ಕೋರ್
87 (25) – ಸುರೇಶ್ ರೈನಾ vs ಪಿಬಿಕೆಎಸ್, ಮುಂಬೈ, 2014
84 (26) – ಟ್ರಾವಿಸ್ ಹೆಡ್ vs ಡಿಸಿ, ದೆಹಲಿ, 2024
78 (24) – ಜೇಕ್ ಫ್ರೇಸರ್-ಮೆಗರ್ಕ್ vs ಎಂಐ, ದೆಹಲಿ, 2024
77 (25) – ಜೋಶ್ ಇಂಗ್ಲಿಸ್ vs ಸಿಎಸ್ಕೆ, ಚೆನ್ನೈ, 2026
74 (25) – ಆಡಮ್ ಗಿಲ್ಕ್ರಿಸ್ಟ್ vs ಡಿಸಿ, ಸೆಂಚುರಿಯನ್, 2009
GT vs RR: ಯಶಸ್ವಿ ಜೈಸ್ವಾಲ್ ನಾಯಕತ್ವವನ್ನು ಟೀಕಿಸಿದ ಇರ್ಫಾನ್ ಪಠಾಣ್!
ಜಾಶ್ ಇಂಗ್ಲಿಸ್ ಶತಕ ಬಾರಿಸುವಲ್ಲಿ ವಿಫಲ
ಜಾಶ್ ಇಂಗ್ಲಿಸ್ ಈ ಪಂದ್ಯದಲ್ಲಿ 85 ರನ್ಗಳ ಇನಿಂಗ್ಸ್ ಆಡಿದರು. ಈ ಇನಿಂಗ್ಸ್ನಲ್ಲಿ ಅವರು ಕೇವಲ 33 ಎಸೆತಗಳನ್ನು ಎದುರಿಸಿದರು. ಇಂಗ್ಲಿಸ್ ಅವರ ಬ್ಯಾಟ್ 10 ಬೌಂಡರಿಗಳ ಜೊತೆಗೆ 6 ಸಿಕ್ಸರ್ಗಳನ್ನು ಬಾರಿಸಿತು. ಜೇಮೀ ಓವರ್ಟನ್ 10 ನೇ ಓವರ್ನ ಮೊದಲ ಎಸೆತದಲ್ಲೇ ಇಂಗ್ಲಿಸ್ ಅವರನ್ನು ಔಟ್ ಮಾಡಿದರು.