ಭಾರತ ತಂಡದಲ್ಲಿ ಸ್ಥಾನ ಕಳೆದುಕೊಂಡ ಬೆನ್ನಲ್ಲೆ ಶತಕ ಸಿಡಿಸಿದ ಪ್ರಭ್ಸಿಮ್ರಾನ್ ಸಿಂಗ್!
ಜಿಂಬಾಬ್ವೆ ಪ್ರವಾಸಕ್ಕಾಗಿ ಪ್ರಭ್ಸಿಮ್ರಾನ್ ಸಿಂಗ್ ಟೀಮ್ ಇಂಡಿಯಾದ ಭಾಗವಾಗಿದ್ದರು ಆದರೆ ಅಫ್ಘಾನಿಸ್ತಾನ ವಿರುದ್ಧದ ಸರಣಿಗೆ ಅವರನ್ನು ಕೈಬಿಡಲಾಯಿತು. ಚೊಚ್ಚಲ ಪಂದ್ಯಕ್ಕೆ ಅವಕಾಶ ಸಿಗದೆ ಹೊರಗುಳಿದ ಕೆಲವೇ ಗಂಟೆಗಳ ನಂತರ, ಪ್ರಭ್ಸಿಮ್ರಾನ್ 47 ಎಸೆತಗಳಲ್ಲಿ 125 ರನ್ ಗಳಿಸಿದರು.
ಶತಕ ಸಿಡಿಸಿದ ಪ್ರಭ್ಸಿಮ್ರಾನ್ ಸಿಂಗ್. -
ನವದೆಹಲಿ: ಜಿಂಬಾಬ್ವೆ ಪ್ರವಾಸದ ಭಾರತ ಟಿ20 ತಂಡದಲ್ಲಿ(India's T20I Squad) ಪ್ರಭ್ಸಿಮ್ರಾನ್ ಸಿಂಗ್ (Prabhsimran Singh) ಸ್ಥಾನ ಪಡೆದಿದ್ದರು. ಆದರೆ ಅಲ್ಲಿ ಅಂತಾರಾಷ್ಟ್ರೀಯ ಕ್ರಿಕೆಟ್ಗೆ ಪದಾರ್ಪಣೆ ಮಾಡಲು ಅವಕಾಶ ಸಿಗಲಿಲ್ಲ. ಆದರೆ, ಅಫ್ಘಾನಿಸ್ತಾನ ವಿರುದ್ಧದ ಟಿ20ಐ ಸರಣಿಯ (IND vs AFG) ಭಾರತ ತಂಡದಿಂದ ಪ್ರಭ್ಸಿಮ್ರಾನ್ ಸಿಂಗ್ ಅವರನ್ನು ಕೈ ಬಿಡಲಾಗಿದೆ. ಅಫ್ಘಾನಿಸ್ತಾನ ವಿರುದ್ಧದ ಸರಣಿಗೆ ಆಯ್ಕೆ ಮಾಡಲಾದ ಟಿ20 ತಂಡದಲ್ಲಿ ಅವರ ಹೆಸರು ಇಲ್ಲ. ಬಿಸಿಸಿಐ ಮಂಗಳವಾರ ಸಂಜೆ ತಂಡವನ್ನು ಘೋಷಿಸಿತು, ಮತ್ತು ಕೆಲವೇ ಗಂಟೆಗಳ ನಂತರ ಪ್ರಭ್ಸಿಮ್ರಾನ್ ಭರ್ಜರಿ ಶತಕ ಸಿಡಿಸಿದ್ದಾರೆ.
ಶೇರ್-ಎ-ಪಂಜಾಬ್ ಟಿ20 ಲೀಗ್ನಲ್ಲಿ ಪ್ರಭ್ಸಿಮ್ರಾನ್ ಸಿಂಗ್ ಜಲಂಧರ್ ವಾರಿಯರ್ಸ್ ತಂಡದ ನಾಯಕರಾಗಿದ್ದಾರೆ. ಮಂಗಳವಾರ ರಾತ್ರಿ ಅವರ ತಂಡ, ಅಭಿಷೇಕ್ ಶರ್ಮಾ ಅವರ ಅಮೃತಸರ ಸುರ್ಮಾಸ್ ತಂಡವನ್ನು ಎದುರಿಸಿತು. ಋತುವಿನ ಈ ಐದನೇ ಪಂದ್ಯದಲ್ಲಿ ಪ್ರಭ್ಸಿಮ್ರಾನ್ ಸಿಂಗ್ 125 ರನ್ಗಳ ಅಜೇಯ ಇನಿಂಗ್ಸ್ಆಡಿದರು. ಅವರು ಕೇವಲ 41 ಎಸೆತಗಳಲ್ಲಿ ತಮ್ಮ ಶತಕವನ್ನು ಪೂರ್ಣಗೊಳಿಸಿದರು. 47 ಎಸೆತಗಳಲ್ಲಿ 125 ರನ್ ಗಳಿಸಿದ ಅವರು 14 ಬೌಂಡರಿ ಮತ್ತು 8 ಸಿಕ್ಸರ್ಗಳನ್ನು ಬಾರಿಸಿದರು, 266 ಸ್ಟ್ರೈಕ್ ರೇಟ್ ಕಾಯ್ದುಕೊಂಡರು.
ನ್ಯೂಜಿಲೆಂಡ್ ಟೆಸ್ಟ್ ಸರಣಿಗೆ ಭಾರತ ತಂಡದ ಮೂರನೇ ಕ್ರಮಾಂಕಕ್ಕೆ ಕನ್ನಡಿಗನನ್ನು ಆರಿಸಿದ ದೀಪ್ ದಾಸ್ಗುಪ್ತಾ!
265 ರನ್ಗಳ ಗುರಿಯನ್ನು ಸುಲಭವಾಗಿ ಬೆನ್ನಟ್ಟಿದ ಜಲಂಧರ್
ಜಲಂಧರ್ ವಾರಿಯರ್ಸ್ ತಂಡ ಗೆಲುವಿಗೆ 265 ರನ್ಗಳ ಗುರಿಯನ್ನು ಮುಟ್ಟಬೇಕಿತ್ತು. ತಂಡ ಕೇವಲ 16.5 ಓವರ್ಗಳಲ್ಲಿ ಗುರಿಯನ್ನು ತಲುಪಿತು. ಆರಂಭಿಕ ಬ್ಯಾಟ್ಸ್ಮನ್ ವಿಶ್ವನಾಥ್ ಸಿಂಗ್ 12 ಎಸೆತಗಳಲ್ಲಿ 31 ರನ್ಗಳ ಇನಿಂಗ್ಸ್ ಆಡಿದರು. ಪವರ್ಪ್ಲೇನಲ್ಲಿ ತಂಡ 103 ರನ್ಗಳನ್ನು ಗಳಿಸಿತು. ಹರ್ಜಸ್ ಸಿಂಗ್ ಟಂಡನ್ 21 ಎಸೆತಗಳಲ್ಲಿ 42 ರನ್ ಗಳಿಸಿದರೆ, ಅನ್ಮೋಲ್ ಮಲ್ಹೋತ್ರಾ 23 ಎಸೆತಗಳಲ್ಲಿ 53 ರನ್ಗಳ ಇನಿಂಗ್ಸ್ ಆಡಿದರು. ಮೊಹಾಲಿಯ ಐಎಸ್ ಬಿಂದ್ರಾ ಕ್ರೀಡಾಂಗಣದಲ್ಲಿ ಅನ್ಮೋಲ್ ಮತ್ತು ಪ್ರಭ್ಸಿಮ್ರಾನ್ ಮೂರನೇ ವಿಕೆಟ್ಗೆ 35 ಎಸೆತಗಳಲ್ಲಿ 92 ರನ್ಗಳ ಅಜೇಯ ಪಾಲುದಾರಿಕೆಯನ್ನು ಹಂಚಿಕೊಂಡರು.
CENTURY 💯
— Cricbuzz (@cricbuzz) September 2, 2026
Prabhsimran Singh smashed 125* (47) to as his team Jalandhar Warriors chased 265 in the Shere-E-Punjab T20 League 🔥
Swipe to see the scorecard ⏩ pic.twitter.com/e6wSPrQw3P
ನಮನ್ ಧೀರ್-ಅಭಿಷೇಕ್ ಶರ್ಮಾ ಸ್ಪೋಟಕ ಬ್ಯಾಟಿಂಗ್
ಅಮೃತಸರ ಸುರ್ಮಾಸ್ ಪರ, ನಾಯಕ ಅಭಿಷೇಕ್ ಶರ್ಮಾ ಕೇವಲ 36 ಎಸೆತಗಳಲ್ಲಿ 82 ರನ್ಗಳ ಇನಿಂಗ್ಸ್ ಆಡಿದರು, 5 ಬೌಂಡರಿಗಳು ಮತ್ತು 7 ಸಿಕ್ಸರ್ಗಳೊಂದಿಗೆ. ಇದರ ನಡುವೆ ಮುಂಬೈ ಇಂಡಿಯನ್ಸ್ ಪರ ಆಡುತ್ತಿರುವ ನಮನ್ ಧೀರ್ ಶತಕ ಗಳಿಸಿದರು; ಬಲಗೈ ಬ್ಯಾಟ್ಸ್ಮನ್ 56 ಎಸೆತಗಳಲ್ಲಿ 10 ಸಿಕ್ಸರ್ಗಳು ಮತ್ತು 7 ಬೌಂಡರಿಗಳ ನೆರವಿನಿಂದ 117 ರನ್ ಗಳಿಸಿದರು. ಜಲಂಧರ್ನ ಮೂವರು ಬೌಲರ್ಗಳು ತಮ್ಮ ಸ್ಪೆಲ್ಗಳಲ್ಲಿ 50 ಕ್ಕೂ ಹೆಚ್ಚು ರನ್ಗಳನ್ನು ಬಿಟ್ಟುಕೊಟ್ಟರು.