ಶ್ರೀಲಂಕಾ ಎದುರು ಭಾರತದ ಕಿರಿಯರಿಗೆ ಸುಲಭ ಜಯ, ಫೈನಲ್ನಲ್ಲಿ ಪಾಕಿಸ್ತಾನ ಎದುರಾಳಿ!
U19 ಏಷ್ಯಾ ಕಪ್ 2025: ಭಾರತ ಅಂಡರ್-19 ತಂಡ, 2025ರ ಏಷ್ಯಾ ಕಪ್ ಟೂರ್ನಿಯ ಫೈನಲ್ಗೆ ಅರ್ಹತೆ ಪಡೆದಿದೆ. ದುಬೈನಲ್ಲಿ ನಡೆದಿದ್ದ ಸೆಮಿಫೈನಲ್ ಪಂದ್ಯದಲ್ಲಿ ಭಾರತ ತಂಡ, ಶ್ರೀಲಂಕಾವನ್ನು ಎಂಟು ವಿಕೆಟ್ಗಳಿಂದ ಸೋಲಿಸಿತು. ಮಳೆಯಿಂದಾಗಿ ಪಂದ್ಯವನ್ನು ಪ್ರತಿ ತಂಡಕ್ಕೆ 20 ಓವರ್ಗಳಿಗೆ ಇಳಿಸಲಾಯಿತು. ಆದರೂ ಭಾರತ ಕಿರಿಯರ ತಂಡ ಸುಲಭವಾಗಿ ಗೆದ್ದುಕೊಂಡಿತು.
ಅಂಡರ್-19 ಏಷ್ಯಾ ಕಪ್ ಫೈನಲ್ಗೇರಿದ ಭಾರತ-ಪಾಕಿಸ್ತಾನ. -
ದುಬೈ: ಭಾರತ ತಂಡ 2025ರ ಅಂಡರ್-19 ಏಷ್ಯಾ ಕಪ್ (Asia Cup 2025) ಟೂರ್ನಿಯ ಫೈನಲ್ಗೆ ಅರ್ಹತೆ ಪಡೆದಿದೆ. ಶುಕ್ರವಾರ ದುಬೈನ ಐಸಿಸಿ ಅಕಾಡೆಮಿ ಮೈದಾನದಲ್ಲಿ ನಡೆದಿದ್ದ ಶ್ರೀಲಂಕಾ ವಿರುದ್ಧದ ಸೆಮಿಫೈನಲ್ ಪಂದ್ಯದಲ್ಲಿ ಭಾರತ ತಂಡ (India U-19) 8 ವಿಕೆಟ್ಗಳಿಂದ ಜಯಗಳಿಸಿತು. ಮಳೆಯಿಂದಾಗಿ ಪಂದ್ಯ ನಿಗದಿತ ಸಮಯಕ್ಕೆ ಸರಿಯಾಗಿ ಆರಂಭವಾಗಲಿಲ್ಲ ಮತ್ತು ಅಂತಿಮವಾಗಿ ಅದನ್ನು ತಲಾ 20 ಓವರ್ಗಳಿಗೆ ಇಳಿಸಲಾಯಿತು. ಟಾಸ್ ಸೋತ ನಂತರ ಮೊದಲು ಬ್ಯಾಟ್ ಮಾಡುವಂತಾದ ಶ್ರೀಲಂಕಾ ತಂಡ 8 ವಿಕೆಟ್ಗಳಿಗೆ 138 ರನ್ ಗಳಿಸಿತು. ಭಾರತದ ಆರಂಭಿಕ ಆಟಗಾರರಾದ ವೈಭವ್ ಸೂರ್ಯವಂಶಿ ಮತ್ತು ಆಯುಷ್ ಮ್ಹಾತ್ರೆ ಇಬ್ಬರೂ ವಿಫಲರಾದರು. ಇದರ ಹೊರತಾಗಿಯೂ, ತಂಡವು 18ನೇ ಓವರ್ನಲ್ಲಿ ಎರಡು ವಿಕೆಟ್ಗಳನ್ನು ಕಳೆದುಕೊಳ್ಳುವ ಮೂಲಕ ಗುರಿಯನ್ನು ತಲುಪಿತು. ಮತ್ತೊಂದು ಸೆಮಿಫೈನಲ್ನಲ್ಲಿ ಪಾಕಿಸ್ತಾನ (Pakistan U-19), ಬಾಂಗ್ಲಾದೇಶ ತಂಡವನ್ನು ಮಣಿಸಿತು. ಫೈನಲ್ ಈಗ ಭಾರತ ಮತ್ತು ಪಾಕಿಸ್ತಾನ ನಡುವೆ ನಡೆಯಲಿದೆ.
ಭಾರತೀಯ ಬೌಲರ್ಗಳು ಶ್ರೀಲಂಕಾದ ಬ್ಯಾಟ್ಸ್ಮನ್ಗಳನ್ನು ಮುಕ್ತವಾಗಿ ಆಡಲು ಬಿಡಲಿಲ್ಲ. ಆರಂಭಿಕ ಆಟಗಾರ ದುಲ್ನಿತ್ ಸಿಗೇರಾ 7 ಎಸೆತಗಳಲ್ಲಿ ಕೇವಲ ಒಂದು ರನ್ ಗಳಿಸಿದರು. ವೀರನ್ ಚಾಮುದಿತಾ ತ್ವರಿತವಾಗಿ ರನ್ ಗಳಿಸಲು ಪ್ರಯತ್ನಿಸಿದರು ಆದರೆ 11 ಎಸೆತಗಳಲ್ಲಿ 19 ರನ್ ಗಳಿಸಿ ಔಟಾದರು. ಕವಿಜಾ ಗಮಗೆ ಕೇವಲ 2 ರನ್ಗಳಿಗೆ ರನೌಟ್ ಆದರು. 28 ರನ್ಗಳಿಗೆ ಮೂರು ವಿಕೆಟ್ಗಳನ್ನು ಕಳೆದುಕೊಂಡ ನಂತರ, ನಾಯಕ ವಿಮತ್ ದಿನಸಾಗೆ ಮತ್ತು ಚಾಮಿಕಾ ಹೀನಟಿಗಲ ಇನಿಂಗ್ಸ್ ಅನ್ನು ಸ್ಥಿರಗೊಳಿಸಿದರು. ಆದರೆ, ಇಬ್ಬರೂ ಮುಕ್ತವಾಗಿ ಆಡಲು ಸಾಧ್ಯವಾಗಲಿಲ್ಲ. ವಿಮತ್ ಅವರನ್ನು ಕನಿಷ್ಕ್ ಚೌಹಾಣ್ 34 ರನ್ಗಳಿಗೆ ಔಟ್ ಮಾಡಿದರು.
U19 Asia Cup: ಫೈನಲ್ನಲ್ಲಿ ಭಾರತ- ಪಾಕಿಸ್ತಾನ ಮುಖಾಮುಖಿಯಾಗುವ ಸಾಧ್ಯತೆ!
84 ರನ್ಗಳಿಗೆ ಆರು ವಿಕೆಟ್ಗಳು ಪತನಗೊಂಡವು. ಶ್ರೀಲಂಕಾದ ಅತಿದೊಡ್ಡ ಪಾಲುದಾರಿಕೆ ಏಳನೇ ವಿಕೆಟ್ಗೆ ಬಂದಿತು. ನಂತರ ಚಾಮಿಕಾ ಹೀನಾಟಿಗಲ ಅವರೊಂದಿಗೆ ಸೇಥ್ಮಿಕಾ ಸೆನೆವಿರತ್ನೆ ಸೇರಿಕೊಂಡರು. ಇಬ್ಬರೂ 52 ರನ್ಗಳನ್ನು ಸೇರಿಸಿದರು ಮತ್ತು ಭಾರತೀಯ ಬೌಲರ್ಗಳನ್ನು ತೊಂದರೆಗೊಳಿಸಿದರು.
Vihaan Malhotra and Aaron George combined to power India into the final of the #DPWorldMensU19AsiaCup2025, where they will face Pakistan on the 21st 🇮🇳#INDvSL #ACC pic.twitter.com/ueGyQn2FfD
— AsianCricketCouncil (@ACCMedia1) December 19, 2025
ಬಾಂಗ್ಲಾದೇಶವನ್ನು ಮಣಿಸಿದ ಪಾಕಿಸ್ತಾನ
ಮತ್ತೊಂದು ಸೆಮಿಫೈನಲ್ ಪಂದ್ಯದಲ್ಲಿ ಪಾಕಿಸ್ತಾನ ಹಾಗೂ ಬಾಂಗ್ಲಾದೇಶ ತಂಡಗಳು ಕಾದಾಟ ನಡೆಸಿದ್ದವು. ಈ ಪಂಂದ್ಯದಲ್ಲಿ ಟಾಸ್ ಸೋತು ಮೊದಲು ಬ್ಯಾಟ್ ಮಾಡುವಂತಾದ ಬಾಂಗ್ಲಾದೇಶ ತಂಡ ಸಂಪೂರ್ಣವಾಗಿ ಬ್ಯಾಟಿಂಗ್ ವೈಫಲ್ಯ ಅನುಭವಿಸಿತು. ಅಬ್ದುಲ್ ಸುಭನ್ ಮಾರಕ ಬೌಲಿಂಗ್ ದಾಳಿಗೆ ನಲುಗಿದ ಬಾಂಗ್ಲಾ, 26.3 ಓವರ್ಗಳಿಗೆ 121 ರನ್ಗಳಿಗೆ ಆಲ್ಔಟ್ ಆಯಿತು. ಬಳಿಕ ಗುರಿಯನ್ನು ಹಿಂಬಾಲಿಸಿದ ಪಾಕಿಸ್ತಾನ ತಂಡ, ಸಮೀರ್ ಮಿನ್ಹಾಸ್ (69 ರನ್) ಅವರ ಅರ್ಧಶತಕದ ಬಲದಿಂದ 16.3 ಓವರ್ಗಳಿಗೆ ಎರಡು ವಿಕೆಟ್ ನಷ್ಟಕ್ಕೆ 122 ರನ್ಗಳನ್ನು ಗಳಿಸಿ ಎಂಟು ವಿಕೆಟ್ಗಳಿಂದ ಗೆದ್ದು ಬೀಗಿತು. ಆ ಮೂಲಕ ಫೈನಲ್ಗೆ ಪ್ರವೇಶ ಮಾಡಿತು.
A masterclass from Sameer Minhas, combined with clinical bowling, has propelled Pakistan U19 into the Grand Finale! 🇵🇰#DPWorldMensU19AsiaCup2025 #BANvPAK #ACC pic.twitter.com/Uu7tPQTLMk
— AsianCricketCouncil (@ACCMedia1) December 19, 2025
ಡಿಸೆಂಬರ್ 21 ರಂದು ಫೈನಲ್
ಇದೀಗ ಡಿಸೆಂಬರ್ 21 ರಂದು ದುಬೈನ ಐಸಿಸಿ ಅಕಾಡೆಮಿ ಗ್ರೌಂಡ್ನಲ್ಲಿ ಅಂಡರ್-19 ಏಷ್ಯಾ ಕಪ್ ಗಾಗಿ ಸಾಂಪ್ರದಾಯಿಕ ಎದುರಾಳಿಗಳಾದ ಭಾರತ ಹಾಗೂ ಪಾಕಿಸ್ತಾನ ಕಾದಾಟ ನಡೆಸಲಿವೆ. ಲೀಗ್ನಲ್ಲಿ ಈ ಎರಡೂ ತಂಡಗಳು ಒಮ್ಮೆ ಕಾದಾಟ ನಡೆಸಿದ್ದವು. ಈ ಪಂದ್ಯದಲ್ಲಿ ಭಾರತ ಗೆದ್ದಿತ್ತು.