4ನೇ ಟಿ20; ಸಂಜು ಅಥವಾ ಸೂರ್ಯವಂಶಿ? ಯಾರಿಗೆ ಚಾನ್ಸ್‌? ಹೀಗಿರಬಹುದು ಭಾರತದ ಸಂಭಾವ್ಯ XI
India's Probable XI For 4th T20I: ಸರಣಿಯನ್ನು ತಮ್ಮ ಪರವಾಗಿ ನಿರ್ಧರಿಸಬಲ್ಲ ಪಂದ್ಯದಲ್ಲಿ, ಸ್ಯಾಮ್ಸನ್ ಅವರಂತಹ ಅನುಭವಿ ಆಟಗಾರನನ್ನು ಹೊರಗಿಡುವ ಅಪಾಯವನ್ನು ಭಾರತ ತೆಗೆದುಕೊಳ್ಳಲಿದೆಯೇ? ಒಂದು ವೇಳೆ ಹಾಗೆ ಮಾಡಿದರೆ, ಅದು ಖಂಡಿತವಾಗಿಯೂ ಒಂದು ದಿಟ್ಟ ನಿರ್ಧಾರವಾಗಲಿದೆ.
sooryavanshi and sanju -
ಹೈದರಾಬಾದ್‌, ಅ.13: ಭಾರತ ಮತ್ತು ವೆಸ್ಟ್‌ ಇಂಡೀಸ್‌ ವಿರುದ್ಧದ ನಾಲ್ಕನೇ ಟಿ20 ಪಂದ್ಯ ಬುಧವಾರ ಹೈದರಾಬಾದ್‌ನ ರಾಜೀವ್ ಗಾಂಧಿ ಅಂತರರಾಷ್ಟ್ರೀಯ ಕ್ರಿಕೆಟ್ ಸ್ಟೇಡಿಯಂನಲ್ಲಿ ನಡೆಯುಲಿದೆ. 2-1 ಮುನ್ನಡೆ ಕಾಯ್ದುಕೊಂಡಿರುವ ಭಾರತ ಈ ಪಂದ್ಯವನ್ನು ಗೆದ್ದು ಸರಣಿ ಕೈವಶ ಮಾಡಿಕೊಳ್ಳುವ ಯೋಜನೆಯಲ್ಲಿದೆ. ಮಾತ್ರವಲ್ಲದೆ ಈ ಪಂದ್ಯಕ್ಕೆ ತಂಡದಲ್ಲಿ ಕೆಲವು ಮಹತ್ವದ ಬದಲಾವಣೆಯನ್ನು ಮಾಡುವ ಸಾಧ್ಯತೆಯಿದೆ.
ಕಳೆದ 10 ಪಂದ್ಯಗಳಲ್ಲಿ ಕ್ರಮವಾಗಿ 27, 10, 57, 50, 9, 7, 2, 11, 82, 3 ರನ್ ಗಳಿಸಿ ಸತತ ಬ್ಯಾಟಿಂಗ್‌ ವೈಫಲ್ಯ ಕಾಣುತ್ತಿರುವ ಸಂಜು ಸ್ಯಾಮ್ಸನ್ ಅವರನ್ನು ಈ ಪಂದ್ಯದಿಂದ ಕೈಬಿಡುವುದು ಖಚಿತ. ಅವರ ಸ್ಥಾನಕ್ಕೆ 15ರ ವೈಭವ್ ಸೂರ್ಯವಂಶಿ ಉತ್ತಮ ಆಯ್ಕೆ. ಈಗಾಗಲೇ ವೈಭವ್‌ಗೆ ತಂಡದಲ್ಲಿ ಸ್ಥಾನ ನೀಡದ ಕುರಿತು ಕೋಚ್‌ ಗೌತಮ್‌ ಗಂಭೀರ್‌ ಮತ್ತು ಟೀಮ್‌ ಮ್ಯಾನೆಜ್‌ಮೆಂಟ್‌ ವಿರುದ್ಧ ಟೀಕೆಗಳು ಕೇಳಿ ಬಂದಿವೆ.
ಸ್ಯಾಮ್ಸನ್ ಅವರ ಪ್ರದರ್ಶನದಲ್ಲಿ ಸ್ಥಿರತೆಯ ಕೊರತೆಯಿರುವುದನ್ನು ಅಂಕಿಅಂಶಗಳು ಸೂಚಿಸುತ್ತವೆ. ಇಲ್ಲಿಯವರೆಗಿನ ಪಂದ್ಯಗಳು ಬ್ಯಾಟಿಂಗ್‌ಗೆ ಹೆಚ್ಚು ಅನುಕೂಲಕರವಾದ ಪಿಚ್‌ಗಳಲ್ಲಿ ನಡೆದಿವೆ. ಹೀಗಿದ್ದರೂ ಸಂಜು ನಿರೀಕ್ಷಿತ ಪ್ರದರ್ಶನ ತೋರಿಲ್ಲ. ಈ ಪರಿಸ್ಥಿತಿಗಳಲ್ಲಿ ಸ್ಯಾಮ್ಸನ್ ಒಟ್ಟು 96 ರನ್ ಗಳಿಸಿದ್ದಾರೆ; ಇದರಲ್ಲಿ 82 ರನ್ ಒಂದೇ ಇನ್ನಿಂಗ್ಸ್‌ನಲ್ಲಿ ಬಂದಿವೆ. ಹಾಗೆಯೇ, ಸೂರ್ಯವಂಶಿಯವರಿಗೆ ಹೆಚ್ಚಿನ ಅವಕಾಶಗಳನ್ನು ನೀಡಬೇಕೆಂಬ ಒತ್ತಾಯವೂ ಹೆಚ್ಚುತ್ತಲೇ ಇದೆ. ಜಪಾನ್‌ನಲ್ಲಿ ಒಂದೆರಡು ಪಂದ್ಯಗಳನ್ನಾಡಿದ ನಂತರ ವೈಭವ್ ಅವರನ್ನು ಸದ್ಯ ತಂಡದಿಂದ ಹೊರಗಿಡಲಾಗಿದೆ.
ಸರಣಿಯನ್ನು ತಮ್ಮ ಪರವಾಗಿ ನಿರ್ಧರಿಸಬಲ್ಲ ಪಂದ್ಯದಲ್ಲಿ, ಸ್ಯಾಮ್ಸನ್ ಅವರಂತಹ ಅನುಭವಿ ಆಟಗಾರನನ್ನು ಹೊರಗಿಡುವ ಅಪಾಯವನ್ನು ಭಾರತ ತೆಗೆದುಕೊಳ್ಳಲಿದೆಯೇ? ಒಂದು ವೇಳೆ ಹಾಗೆ ಮಾಡಿದರೆ, ಅದು ಖಂಡಿತವಾಗಿಯೂ ಒಂದು ದಿಟ್ಟ ನಿರ್ಧಾರವಾಗಲಿದೆ.
2027ರ ವಿಶ್ವಕಪ್‌ಗೆ ವಿರಾಟ್, ರೋಹಿತ್ ಲಭ್ಯತೆಯ ಕುರಿತು ಮಿಥುನ್ ಮನ್ಹಾಸ್ ಮಹತ್ವದ ಹೇಳಿಕೆ
ಮೂರನೇ ಟಿ20 ಪಂದ್ಯಕ್ಕಾಗಿ ಭಾರತ ತನ್ನ ಆಡುವ ಬಳಗದಲ್ಲಿ ಎರಡು ಬದಲಾವಣೆಗಳನ್ನು ಮಾಡಿಕೊಂಡಿದ್ದು, ಶಿವಂ ದುಬೆ ಮತ್ತು ಕುಲದೀಪ್ ಯಾದವ್ ಅವರ ಬದಲಿಗೆ ನಿತೀಶ್ ರೆಡ್ಡಿ ಮತ್ತು ಪ್ರಿನ್ಸ್ ಯಾದವ್ ಅವರನ್ನು ತಂಡಕ್ಕೆ ಸೇರಿಸಿಕೊಂಡಿದೆ. ಇದೀಗ, ಇದೇ ಸಂಯೋಜನೆಯನ್ನು ಮುಂದುವರಿಸಬೇಕೇ ಅಥವಾ ಪರಿಣಿತ ಸ್ಪಿನ್ನರ್ ಕುಲದೀಪ್ ಅವರನ್ನು ಮತ್ತೆ ತಂಡಕ್ಕೆ ಕರೆತರಬೇಕೇ ಎಂಬುದನ್ನು ತಂಡದ ಆಡಳಿತ ಮಂಡಳಿ ನಿರ್ಧರಿಸಬೇಕಿದೆ.
ಪ್ರಿನ್ಸ್ ತಮ್ಮ ನಾಲ್ಕು ಓವರ್‌ಗಳಲ್ಲಿ ಯಾವುದೇ ವಿಕೆಟ್ ಪಡೆಯಲಿಲ್ಲವಾದರೂ, ಬ್ಯಾಟಿಂಗ್‌ನಲ್ಲಿ ಗಮನಾರ್ಹ ಪ್ರದರ್ಶನ ನೀಡಿದರು. 10ನೇ ಕ್ರಮಾಂಕದಲ್ಲಿ ಕಣಕ್ಕಿಳಿದ ಅವರು ಆರು ಎಸೆತಗಳಲ್ಲಿ ಅಜೇಯ 13 ರನ್ ಗಳಿಸಿದರು. ನಿತೀಶ್ ಕೂಡ ಬ್ಯಾಟಿಂಗ್‌ನಲ್ಲಿ ತಂಡಕ್ಕೆ ನೆರವಾದರಾದರೂ, ಬೌಲಿಂಗ್‌ನಲ್ಲಿ ದುಬಾರಿಯಾದರು. ಆದಾಗ್ಯೂ, ಅವರು ಒಂದು ವಿಕೆಟ್ ಪಡೆಯುವಲ್ಲಿ ಯಶಸ್ವಿಯಾದರು.
4ನೇ ಟಿ20ಗೆ ಭಾರತ ಸಂಭಾವ್ಯ ತಂಡ
ಅಭಿಷೇಕ್ ಶರ್ಮಾ, ಸಂಜು ಸ್ಯಾಮ್ಸನ್/ವೈಭವ್ ಸೂರ್ಯವಂಶಿ, ಇಶಾನ್ ಕಿಶನ್, ಶ್ರೇಯಸ್ ಅಯ್ಯರ್ (ನಾಯಕ), ತಿಲಕ್ ವರ್ಮಾ, ನಿತೀಶ್ ಕುಮಾರ್ ರೆಡ್ಡಿ, ನಮನ್ ಧೀರ್, ಅಕ್ಸರ್ ಪಟೇಲ್, ಮಯಾಂಕ್ ಯಾದವ್/ಕುಲದೀಪ್ ಯಾದವ್, ಅರ್ಷದೀಪ್ ಸಿಂಗ್, ಪ್ರಿನ್ಸ್ ಯಾದವ್.