AI God: ವಿಶ್ವದಲ್ಲೇ ಮೊದಲ ಬಾರಿಗೆ AI ದೇವತೆ ಸೃಷ್ಟಿ; ಏನಿದರ ವಿಶೇಷತೆ?

ಕೌಲಾಂಪಪುರ: ಜಗತ್ತಿಗೆ AI ತಂತ್ರಜ್ಞಾನ ಕಾಲಿಟ್ಟಾಗಿನಿಂದ ಎಲ್ಲಾ ಕ್ಷೇತ್ರಗಳಲ್ಲಿಯೂ AI ತನ್ನ ಪ್ರಾಬಲ್ಯವನ್ನು ಸಾಧಿಸಿದೆ. ಇದೀಗ ದಕ್ಷಿಣ ಮಲೇಷ್ಯಾದ ಟಾವೊ ದೇವಾಲಯವೊಂದು, ವಿಶ್ವದ ಮೊದಲ ಕೃತಕ ಬುದ್ಧಿಮತ್ತೆ-ಚಾಲಿತ ದೇವತೆ (AI God) ಎಂದು ಹೇಳಿಕೊಳ್ಳುವ "AI ಮಜು ಪ್ರತಿಮೆ"ಯನ್ನು ಪರಿಚಯಿಸಿದೆ. ಇದು ಪೂಜ್ಯ ಚೀನೀ ಸಮುದ್ರ ದೇವತೆ ಮಾಜುವಿನ ಡಿಜಿಟಲ್ ಆವೃತ್ತಿಯಾಗಿದೆ. ಈ ಸಂಪ್ರದಾಯವನ್ನು ತಂತ್ರಜ್ಞಾನದೊಂದಿಗೆ ಬೆರೆಸುತ್ತದೆ, ಇದರಿಂದಾಗಿ ಭಕ್ತರು ನೈಜ ಸಮಯದಲ್ಲಿ ವರ್ಚುವಲ್ ದೇವತೆಯೊಂದಿಗೆ ಸಂವಾದ ನಡೆಸಲು ಅನುವು ಮಾಡಿಕೊಡುತ್ತದೆ.

ಜೋಹೋರ್‌ನ ಟಿಯಾನ್‌ಹೌ ದೇವಸ್ಥಾನದಲ್ಲಿ AI ಮಾಜು ಇದೆ. ಪರದೆಯ ಮೇಲೆ ಸಾಂಪ್ರದಾಯಿಕ ಚೀನೀ ದೇವತೆ ಕಾಣಬಹುದಾಗಿದೆ. ಭಕ್ತರ ಬಳಿ ಈ ದೇವತೆ ಮಾತನಾಡುತ್ತಾಳೆ. ಭಕ್ತರು ತಮ್ಮ ಸಂಕಷ್ಟಗಳನ್ನು ದೇವತೆ ಬಳಿ ಹೇಳಿಕೊಳ್ಳಬಹುದಾಗಿದೆ. ವೈಯಕ್ತಿಕ AI ಕ್ಲೋನಿಂಗ್ ಸೇವೆಗಳು ಸೇರಿದಂತೆ ಕೃತಕ ಬುದ್ಧಿಮತ್ತೆ ಅನ್ವಯಿಕೆಗಳಲ್ಲಿ ಪರಿಣತಿ ಹೊಂದಿರುವ ಮಲೇಷಿಯಾದ ತಂತ್ರಜ್ಞಾನ ಕಂಪನಿ ಐಮಾಜಿನ್, ಮಜುವಿನ AI ಆವೃತ್ತಿಯನ್ನು ಅಭಿವೃದ್ಧಿಪಡಿಸಿದೆ . ಮಾಜು ಸೌಮ್ಯವಾದ ಧ್ವನಿ ಮತ್ತು ಆಧ್ಯಾತ್ಮಿಕ ಬುದ್ಧಿವಂತಿಕೆಯಿಂದ ಪ್ರತಿಯೊಬ್ಬರಿಗೂ ಪ್ರತಿಕ್ರಿಯೆ ನೀಡುತ್ತಾಳೆ.

ವಿಡಿಯೋ ಒಂದರಲ್ಲಿ ವ್ಯಕ್ತಿಯೊಬ್ಬರು ತಾನು ನಿದ್ರಾ ಹೀನತೆಯಿಂದ ಬಳಲುತ್ತಿದ್ದೇನೆ. ತನಗೆ ಇದಕ್ಕೆ ಪರಿಹಾರ ಕೊಡೆ ಎಂದು ಕೇಳಿಕೊಳ್ಳುತ್ತಾರೆ. ಡಿಜಿಟಲ್ ದೇವತೆ ಪ್ರೀತಿಯಿಂದ ಉತ್ತರಿಸುತ್ತಾ, "ಮಲಗುವ ಮೊದಲು ಸ್ವಲ್ಪ ಬೆಚ್ಚಗಿನ ನೀರನ್ನು ಕುಡಿಯಿರಿ ಎಂದು ನಗುತ್ತಾ ಉತ್ತರಿಸಿದ್ದಾಳೆ. ಈ ಸಂವಾದಗಳ ಬಿಡುಗಡೆಯ ನಂತರ, ದೇವಾಲಯದ ಸಾಮಾಜಿಕ ಮಾಧ್ಯಮ ವೇದಿಕೆಗಳಲ್ಲಿ ಪ್ರತಿಕ್ರಿಯೆಗಳ ಮಹಾಪೂರವೇ ಹರಿದು ಬಂದಿತು, ಅನುಯಾಯಿಗಳು ಪ್ರಾರ್ಥನಾ ಎಮೋಜಿಗಳು ಮತ್ತು AI ದೇವತೆಯಿಂದ ವರ್ಚುವಲ್ ಆಶೀರ್ವಾದವನ್ನು ಕೋರುವ ಸಂದೇಶಗಳನ್ನು ಪೋಸ್ಟ್ ಮಾಡಿದರು.

ಈ ಸುದ್ದಿಯನ್ನೂ ಓದಿ: New Technology: ಮಿಂಚಿನ ದಾಳಿ ನಿಯಂತ್ರಣಕ್ಕೆ ವಿಶ್ವದ ಮೊದಲ ತಂತ್ರಜ್ಞಾನ ಅಭಿವೃದ್ಧಿ ಪಡಿಸಿದ ಜಪಾನ್

ಏಪ್ರಿಲ್ 20 ರಂದು ಆಚರಿಸಲಾದ ದೇವತೆಯ 1,065 ನೇ ಹುಟ್ಟುಹಬ್ಬದ ಆಚರಣೆಯೊಂದಿಗೆ AIಯನ್ನು ಪರಿಚಯಿಸಲಾಗಿದೆ. ಚೀನಾದ ಫುಜಿಯಾನ್ ಪ್ರಾಂತ್ಯದ ಮೀಝೌ ದ್ವೀಪದಲ್ಲಿ 960 AD ಯಲ್ಲಿ ಲಿನ್ ಮೊ ಜನಿಸಿದ ಮಜು, ಸಮುದ್ರದಲ್ಲಿ ನಾವಿಕರನ್ನು ರಕ್ಷಿಸುವಾಗ ಸಾವನ್ನಪ್ಪಿದರು ಎಂದು ಹೇಳಲಾಗುತ್ತದೆ. ನಂತರ ಅವಳನ್ನು ಪೂಜಿಸಲಾಯಿತು ಮತ್ತು ಈಗ ಪ್ರಪಂಚದಾದ್ಯಂತದ ಚೀನೀ ಸಮುದಾಯಗಳಾದ್ಯಂತ ಮೀನುಗಾರರು ಮತ್ತು ಪ್ರಯಾಣಿಕರ ಪ್ರಬಲ ರಕ್ಷಕಿಯಾಗಿ ಗೌರವಿಸಲ್ಪಟ್ಟಿದ್ದಾಳೆ.