Viral Video: ಪ್ರೇಯಸಿ ಜೊತೆ ಶಾಪಿಂಗ್ ಹೋಗಿದ್ದ ಪತಿ; ರೆಡ್ ಹ್ಯಾಂಡ್ ಆಗಿ ಹಿಡಿದ ಪತ್ನಿ ಮಾಡಿದ್ದೇನು ಗೊತ್ತಾ?

ಇಂದೋರ್‌: ಅನೇಕ ವಿವಾಹಿತ ಮಹಿಳೆಯರು ಮತ್ತು ದಂಪತಿಗಳು ಕರ್ವಾ ಚೌತ್ (Karwa Chauth) ಅನ್ನು ಪ್ರೀತಿ ಮತ್ತು ಉತ್ಸಾಹದಿಂದ ಆಚರಿಸಿದ್ದರೆ, ಮಧ್ಯಪ್ರದೇಶದ ಇಂದೋರ್‌ನ ನಂದಾ ನಗರ ಪ್ರದೇಶದಲ್ಲಿ ಸಿನಿಮೀಯ ಶೈಲಿಯ ಘಟನೆ ನಡೆದಿದೆ. ಕರ್ವಾ ಚೌತ್ ಮುನ್ನಾದಿನದಂದು, ಒಬ್ಬ ಮಹಿಳೆಯು ತನ್ನ ಪತಿಯು ಆತನ ಗೆಳತಿಯೊಂದಿಗೆ ಶಾಪಿಂಗ್ ಮಾಡುತ್ತಿರುವಾಗ ರೆಡ್ ಹ್ಯಾಂಡ್ ಆಗಿ ಸಿಕ್ಕಿಬಿದ್ದಿದ್ದಾರೆ. ಹಬ್ಬದ ಸಿದ್ಧತೆಗಳ ಪತ್ನಿಯು ಶಾಪಿಂಗ್‍ಗೆಂದು ಮಾರ್ಕೆಟ್‍ಗೆ ಹೋದರೆ ಅಲ್ಲಿ ತನ್ನ ಪತಿಯು ಬೇರೊಬ್ಬ ಮಹಿಳೆಯೊಂದಿಗೆ ಇರುವುದನ್ನು ನೋಡಿ, ಅವರನ್ನು ಸೆರೆಹಿಡಿದಿದ್ದಾರೆ. ಇದರ ವಿಡಿಯೊ ಸಾಮಾಜಿಕ ಮಾಧ್ಯಮಗಳಲ್ಲಿ ವೈರಲ್ (Viral Video) ಆಗಿದೆ.

ಪತಿಯ ಗೆಳತಿಯನ್ನು ಹಿಡಿದುಕೊಂಡ ಪತ್ನಿಯು ತನ್ನ ಗಂಡನ ಜೊತೆ ಜಗಳವಾಡಿದ್ದಾಳೆ. ಈ ವಾಗ್ವಾದವು ಶೀಘ್ರದಲ್ಲೇ ಜನಸಮೂಹವನ್ನು ಸೆಳೆಯಿತು. ಅಲ್ಲಿದ್ದ ಜನರು ಈ ಘಟನೆಯನ್ನು ತಮ್ಮ ಫೋನ್‌ಗಳಲ್ಲಿ ರೆಕಾರ್ಡ್ ಮಾಡಿಕೊಂಡು, ಸಾಮಾಜಿಕ ಮಾಧ್ಯಮದಲ್ಲಿ ಹಂಚಿಕೊಂಡಿದ್ದಾರೆ. ವ್ಯಾಪಕವಾಗಿ ಹಂಚಿಕೊಳ್ಳಲಾದ ವಿಡಿಯೊದಲ್ಲಿ, ಪತ್ನಿ ತನ್ನ ಪತಿ ಮತ್ತು ಇತರ ಮಹಿಳೆ ಇಬ್ಬರನ್ನೂ ಹಿಡಿದುಕೊಂಡು ಕೋಪದಿಂದ ಅವರ ಮೇಲೆ ಕೂಗುತ್ತಿರುವುದನ್ನು ತೋರಿಸುತ್ತದೆ. ಪತಿ ಬಿಡಿಸಿಕೊಳ್ಳಲು ಎಷ್ಟೇ ಪ್ರಯತ್ನಿಸಿದರೂ, ಅವಳು ಬಿಟ್ಟುಕೊಡಲು ನಿರಾಕರಿಸಿದ್ದಾಳೆ.

ವೈರಲ್ ಆಗಿರುವ ವಿಡಿಯೊದಲ್ಲಿ ಮಹಿಳೆಯು, ತಾನು ಒಂ ನಾನು ನಿನ್ನ ಮಕ್ಕಳ ತಾಯಿ ಎಂದು ಕೂಗುವುದನ್ನು ಕೇಳಬಹುದು. ಘಟನೆಯನ್ನು ನೋಡಿ ಆಘಾತಕ್ಕೊಳಗಾದ ಜನರು ಸುತ್ತಲೂ ಜಮಾಯಿಸಿದ್ದಾರೆ. ಗೆಳತಿ ಆ ಪುರುಷನ ಹಿಂದೆ ನಿಂತಿದ್ದಾಳೆ. ಪತಿಯು ತನ್ನ ಪತ್ನಿಯನ್ನು ದೂರ ಸರಿಯಲು ಪ್ರಯತ್ನಿಸುತ್ತಾನೆ. ವಯಸ್ಸಾದ ವ್ಯಕ್ತಿಯೊಬ್ಬರು ಮಧ್ಯಪ್ರವೇಶಿಸಿ ಪರಿಸ್ಥಿತಿಯನ್ನು ಶಾಂತಗೊಳಿಸಲು ಪ್ರಯತ್ನಿಸುವವರೆಗೂ ಈ ದೃಶ್ಯವು ಹಲವಾರು ನಿಮಿಷಗಳ ಕಾಲ ಮುಂದುವರಿಯುತ್ತದೆ.

ವಿಡಿಯೊ ವೀಕ್ಷಿಸಿ:

ವಿಡಿಯೊದ ಕೊನೆಯಲ್ಲಿ, ಉದ್ವಿಗ್ನತೆ ಹೆಚ್ಚುತ್ತಿರುವಾಗ ಪತಿಯು ತನ್ನ ಹೆಂಡತಿಗೆ ಕೈಯಲ್ಲಿ ಹಿಡಿದುಕೊಂಡಿದ್ದ ತನ್ನ ಗೆಳತಿಯ ಬಟ್ಟೆಗಳನ್ನು ಬಿಟ್ಟು ಬಿಡುವಂತೆ ಹೇಳುವುದನ್ನು ಕೇಳಬಹುದು. ಈ ವಾಗ್ವಾದ ಸುಮಾರು ಅರ್ಧ ಗಂಟೆಗಳ ಕಾಲ ನಡೆಯಿತು ಎಂದು ವರದಿಯಾಗಿದೆ. ಅನೇಕರು ತಮ್ಮ ಫೋನ್‌ಗಳಲ್ಲಿ ದೃಶ್ಯವನ್ನು ರೆಕಾರ್ಡ್ ಮಾಡಿದ್ದಾರೆ.

ಇದನ್ನೂ ಓದಿ: Viral Video: ಗಾಜಾ ಶಾಂತಿ ಶೃಂಗಸಭೆಯಲ್ಲಿ ಮೆಲೋನಿಯದ್ದೇ ಸದ್ದು; ಭಾರೀ ವೈರಲ್ ಆಯ್ತು ಇಟಲಿ ಪ್ರಧಾನಿಯ ವಿಡಿಯೊ

ಇನ್ನು ಆ ವ್ಯಕ್ತಿಯನ್ನು ನಗರಾಡಳಿತ ಇಲಾಖೆಯ ಉದ್ಯೋಗಿ ಸಂದೀಪ್ ಶಮಿ ಎಂದು ಗುರುತಿಸಲಾಗಿದೆ. ತನ್ನ ಗೆಳತಿಯನ್ನು ಕರ್ವಾ ಚೌತ್ ಶಾಪಿಂಗ್‌ಗೆ ಕರೆದುಕೊಂಡು ಹೋಗಿದ್ದಾನೆ ಎನ್ನಲಾಗಿದೆ. ಈ ವೇಳೆ ಅವನ ಹೆಂಡತಿ ಇಬ್ಬರನ್ನೂ ಒಟ್ಟಿಗೆ ನೋಡಿದ್ದಾಳೆ. ಕೂಡಲೇ ಸಿಟ್ಟಿಗೆದ್ದ ಪತ್ನಿಯು ಇಬ್ಬರನ್ನೂ ಹಿಡಿದು ವಾಗ್ವಾದ ನಡೆಸಿದ್ದಾಳೆ.

ಈ ವಿಡಿಯೊ 2 ಲಕ್ಷಕ್ಕೂ ಹೆಚ್ಚು ವೀಕ್ಷಣೆಗಳನ್ನು ಗಳಿಸಿದೆ. ಅನೇಕ ಬಳಕೆದಾರರು ಪತ್ನಿಯ ಬಗ್ಗೆ ಸಹಾನುಭೂತಿ ವ್ಯಕ್ತಪಡಿಸಿದರು. ಈ ವಿಡಿಯೊ ದಾಂಪತ್ಯ ದ್ರೋಹ ಮತ್ತು ಸಂಬಂಧಗಳ ಬಗ್ಗೆ ಸಾಮಾಜಿಕ ಮಾಧ್ಯಮದಲ್ಲಿ ವ್ಯಾಪಕ ಚರ್ಚೆಯನ್ನು ಹುಟ್ಟುಹಾಕಿದೆ. ಇನ್ನು ಕೆಲವರು ಪತಿಯ ಕೃತ್ಯಗಳನ್ನು ಟೀಕಿಸಿದರು. ಇದು ನಿಜಕ್ಕೂ ತುಂಬಾ ನೋವುಂಟುಮಾಡುವ ಮತ್ತು ದುಃಖಕರ ವಿಷಯವಾಗಿದೆ. ಒಮ್ಮೆ ನೀವು ಮೋಸ ಹೋದರೆ, ಅದು ನಿಮ್ಮನ್ನು ಎಷ್ಟು ನೋಯಿಸುತ್ತದೆ ಎಂದರೆ ನೀವು ಪ್ರಪಂಚದ ಬಗ್ಗೆ ಕಾಳಜಿ ವಹಿಸುವುದಿಲ್ಲ ಎಂದು ಒಬ್ಬ ಬಳಕೆದಾರರು ಬರೆದಿದ್ದಾರೆ. ನಾನು ಅವರ ಹೆಂಡತಿಯಾಗಿದ್ದರೆ, ನನಗೂ ಕೋಪ ಬರುತ್ತಿತ್ತು ಎಂದು ಮತ್ತೊಬ್ಬರು ಕಾಮೆಂಟ್ ಮಾಡಿದ್ದಾರೆ.