Viral Video: ಸಂಗೀತ ಕಾರ್ಯಕ್ರಮದಲ್ಲಿ ಯುವಕ-ಯುವತಿಯ ನಡುವೆ ನಡೀತು ಬಿಗ್ ಫೈಟ್; ಇಲ್ಲಿದೆ ನೋಡಿ ವಿಡಿಯೊ

ನವದೆಹಲಿ: ರಾಷ್ಟ್ರ ರಾಜಧಾನಿ ದೆಹಲಿಯ ಜವಾಹರಲಾಲ್ ನೆಹರು ಕ್ರೀಡಾಂಗಣದಲ್ಲಿ ಟ್ರಾವಿಸ್ ಸ್ಕಾಟ್ (Travis Scott) ಅವರ ಸರ್ಕಸ್ ಮ್ಯಾಕ್ಸಿಮಸ್ ವರ್ಲ್ಡ್ ಟೂರ್ ಬಂದಿಳಿಯಿತು. ಅಕ್ಟೋಬರ್ 18 ಮತ್ತು 19 ರಂದು ಎರಡು ದಿನಗಳ ಕಾಲ ನಡೆದ ಈ ಸಂಗೀತ ಕಾರ್ಯಕ್ರಮವು, ದೇಶದಲ್ಲಿ ಮೊದಲ ಬಾರಿಗೆ ಅಭಿಮಾನಿಗಳು ಹರ್ಷೋದ್ಗಾರ ಮಾಡುತ್ತಾ ರ‍್ಯಾಪರ್‌ನ ನೇರಪ್ರಸಾರವನ್ನು ವೀಕ್ಷಿಸಿದರು. ಈ ವೇಳೆ ನಡೆದ ಘಟನೆಯೊಂದರ ವಿಡಿಯೊ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ (Viral Video) ಆಗಿದೆ.

ಆದರೆ ಈ ಮೋಜಿನ ನಡುವೆ, ಸಂಗೀತ ಕಾರ್ಯಕ್ರಮವು ಉದ್ವಿಗ್ನ ಕ್ಷಣಕ್ಕೂ ಸಾಕ್ಷಿಯಾಯಿತು. ಒಬ್ಬ ಯುವಕ ಹಾಗೂ ಯುವತಿಯ ನಡುವೆ ಹಠಾತ್ ಜಗಳ ನಡೆದಿದೆ. ಒಬ್ಬ ವ್ಯಕ್ತಿ ತನ್ನನ್ನು ತಾನು ಬಿಡಿಸಿಕೊಳ್ಳಲು ಹೆಣಗಾಡುತ್ತಿರುವಾಗ ಯುವತಿಯೊಬ್ಬರು ಅವನ ಕೂದಲನ್ನು ಹಿಡಿದು ಎಳೆದಾಡಿದ್ದಾಳೆ. ಈ ಜಗಳದ ದೃಶ್ಯವು ಕ್ಯಾಮರಾದಲ್ಲಿ ಸೆರೆಹಿಡಿಯಲ್ಪಟ್ಟಿದೆ. ಇದರ ವಿಡಿಯೊ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗಿದ್ದು, ಬಳಕೆದಾರರಿಂದ ಹಲವಾರು ಪ್ರತಿಕ್ರಿಯೆಗಳನ್ನು ಪಡೆಯಿತು.

X (ಹಿಂದೆ ಟ್ವಿಟರ್) ನಲ್ಲಿ ಹಂಚಿಕೊಳ್ಳಲಾದ ವೈರಲ್ ವಿಡಿಯೊದಲ್ಲಿ, ಆ ವ್ಯಕ್ತಿಯ ಕೂದಲನ್ನು ಹಿಡಿದುಕೊಂಡು ಹೋಗಲಿ ಬಿಡು ಎಂದು ಕೂಗುತ್ತಿರುವುದನ್ನು ನೋಡಬಹುದು. ಅವನ ಎಚ್ಚರಿಕೆಯ ಹೊರತಾಗಿಯೂ, ಅವಳು ಅವನನ್ನು ತಕ್ಷಣ ಬಿಡುಗಡೆ ಮಾಡುವುದಿಲ್ಲ. ಕನಿಷ್ಠ ನಾಲ್ಕರಿಂದ ಐದು ಸದಸ್ಯರ ಭದ್ರತಾ ಸಿಬ್ಬಂದಿ ಇಬ್ಬರನ್ನು ಬೇರ್ಪಡಿಸಲು ಪ್ರಯತ್ನಿಸುತ್ತಿರುವುದು ಕಂಡುಬರುತ್ತದೆ. ಭದ್ರತಾ ಸಿಬ್ಬಂದಿಯು ಆ ಯುವಕನ ಕೂದಲನ್ನು ಬಿಟ್ಟು ಬಿಡುವಂತೆ ಆಕೆಯನ್ನು ಒತ್ತಾಯಿಸಿದ್ದಾರೆ. ಆದರೆ, ಯುವತಿ ಮಾತ್ರ ಆತನ ಟಿ-ಶರ್ಟ್ ಅನ್ನು ಹಿಡಿದು ಎಳೆದಾಡಿದ್ದಾಳೆ. ಭದ್ರತಾ ಸಿಬ್ಬಂದಿ ಅಂತಿಮವಾಗಿ ಆ ವ್ಯಕ್ತಿಯನ್ನು ಕರೆದುಕೊಂಡು ಹೋಗಿದ್ದಾರೆ. ಈ ದೃಶ್ಯವು ಇನ್ನೊಬ್ಬ ವ್ಯಕ್ತಿ ಭದ್ರತಾ ಸಿಬ್ಬಂದಿಯೊಂದಿಗೆ ವಾದಿಸುವುದನ್ನು ಸಹ ತೋರಿಸುತ್ತದೆ.

ವಿಡಿಯೊ ವೀಕ್ಷಿಸಿ:

ಇದನ್ನೂ ಓದಿ: Viral Video: ಅಜ್ಜಿಯ ಮನೆ ಬೆಳಗಲು ಈ ಪೊಲೀಸ್‌ ಅಧಿಕಾರಿ ಮಾಡಿದ್ದೇನು ಗೊತ್ತಾ? ವಿಡಿಯೊ ನೋಡಿ

ಸದ್ಯ, ಈ ವಿಡಿಯೊ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗಿದೆ. ಸಂಗೀತ ಕಚೇರಿಯಲ್ಲಿನ ಅನಿರೀಕ್ಷಿತ ಅವ್ಯವಸ್ಥೆಗೆ ಜನರು ತಮ್ಮ ವೈವಿಧ್ಯಮಯ ಪ್ರತಿಕ್ರಿಯೆಗಳನ್ನು ಹಂಚಿಕೊಳ್ಳುವುದರೊಂದಿಗೆ ಈ ಜಗಳ ಸಾಮಾಜಿಕ ಮಾಧ್ಯಮದಲ್ಲಿ ಚರ್ಚೆಗೆ ನಾಂದಿ ಹಾಡಿತು. ಸಂಗೀತ ಕಚೇರಿ ಬರಬಹುದು ಹೋಗಬಹುದು. ಆದರೆ ಜಗಳ ಕಡ್ಡಾಯ ಎಂದು ಒಬ್ಬ ಬಳಕೆದಾರರೊಬ್ಬರು ಕಾಮೆಂಟ್ ಮಾಡಿದ್ದಾರೆ. ದೆಹಲಿ ಜನಸಮೂಹ ಎಂದಿಗೂ ನಿರಾಶೆಗೊಳಿಸುವುದಿಲ್ಲ. ಇದು ಸಂಗೀತ ಕಚೇರಿಯೋ ಅಥವಾ WWE ಲೈವ್ ಎಂದು ಟ್ರಾವಿಸ್ ಸ್ಕಾಟ್ ಕೂಡ ಯೋಚಿಸುತ್ತಿರಬೇಕು ಎಂದು ಮತ್ತೊಬ್ಬ ಬಳಕೆದಾರರೊಬ್ಬರು ಬರೆದಿದ್ದಾರೆ.

ಇನ್ನು ಸಂಗೀತ ಕಾರ್ಯರ್ಮದಲ್ಲಿ ಮಾತ್ರ ಯಾವುದೇ ಅಸ್ತವ್ಯಸ್ತ ಕ್ಷಣ ನಡೆಯಲಿಲ್ಲ. ಒಂದು ಹಂತದಲ್ಲಿ, ಟ್ರಾವಿಸ್ ಸ್ಕಾಟ್ ಅಭಿಮಾನಿಗಳಿಗೆ ಹತ್ತಿರವಾಗಲು ವೇದಿಕೆಯಿಂದ ಕೆಳಗಿಳಿದರು. ಅವರನ್ನು ಹತ್ತಿರದಿಂದ ನೋಡಿ ರೋಮಾಂಚನಗೊಂಡ ಜನಸಮೂಹ, ಅವರನ್ನು ತಮ್ಮ ಕಡೆಗೆ ಎಳೆಯಲು ಕೈ ಚಾಚಿತು. ಕೆಲವೇ ಸೆಕೆಂಡುಗಳಲ್ಲಿ ಭದ್ರತಾ ಸಿಬ್ಬಂದಿ ಮಧ್ಯೆ ಪ್ರವೇಶಿಸಿ ಪರಿಸ್ಥಿತಿಯನ್ನು ಸರಿಪಡಿಸಿದರು.