ಬಾಲ್ಯದಲ್ಲಿ ಕಿರುಕುಳ ನೀಡಿದ್ದಕ್ಕಾಗಿ ವೃದ್ಧ ತಂದೆಯನ್ನು ಹೊಡೆದು ಕೊಂದ ಮಗ

ಇಲಿನಾಯ್ಸ್‌: ತಂದೆಯನ್ನು ಕೊಲ್ಲುವುದು ನನ್ನ ಕರ್ತವ್ಯವಾಗಿತ್ತು. ನಾನು ಮಗುವಾಗಿದ್ದಾಗ ಅವರು ನನಗೆ ಶಿಕ್ಷೆ ನೀಡಿದ್ದರು... ಹೀಗೆ ಪೊಲೀಸರ ಮುಂದೆ ಭಾರತೀಯ ಮೂಲದ (Indian origin ) ವ್ಯಕ್ತಿಯೊಬ್ಬ ತಂದೆಯನ್ನು ಕೊಂದ (Murder) ಬಳಿಕ ತಪ್ಪೊಪ್ಪಿಕೊಂಡ ಘಟನೆ ಅಮೆರಿಕದ ಇಲಿನಾಯ್ಸ್‌ನ (Illinois) ಶಾಂಬರ್ಗ್‌ನಲ್ಲಿ ನಡೆದಿದೆ. ಮಾನಸಿಕವಾಗಿ ಅಸ್ವಸ್ಥನಾಗಿದ್ದ (sledgehammer) ಮಗ ತಂದೆ ತನಗೆ ಬಾಲ್ಯದಲ್ಲಿ ಕಿರುಕುಳ ನೀಡಿದ್ದರು ಎಂದು ಹೇಳಿ ಸುತ್ತಿಗೆಯಿಂದ ಹೊಡೆದು ಕೊಂದಿದ್ದಾನೆ. ಭಾರತೀಯ ಮೂಲದ ಅನುಪಮ್ ಪಟೇಲ್ (67) ಮೃತರು. ಅವರ ಮಗ ಅಭಿಜಿತ್ ಪಟೇಲ್ (28) ಕೊಲೆ ಮಾಡಿದ ಯುವಕ.

ಸ್ಕಿಜೋಫ್ರೇನಿಯಾದಿಂದ ಬಳಲುತ್ತಿದ್ದ ಅಭಿಜಿತ್ ಪಟೇಲ್ ಪೊಲೀಸರು ಮನೆಗೆ ಬಂದ ತಕ್ಷಣ ಅವರಿಗೆ ಶರಣಾಗಿದ್ದು, ವಿಚಾರಣೆಯ ಸಮಯದಲ್ಲಿ ತಾನು ಮಗುವಾಗಿದ್ದಾಗ ತಂದೆ ಕಿರುಕುಳ ನೀಡುತ್ತಿದ್ದರು. ಹೀಗಾಗಿ ಅವರನ್ನು ಕೊಂದಿದ್ದೇನೆ ಎಂದು ಹೇಳಿದ್ದಾನೆ.

ದ್ವೇಷ ರಾಜಕಾರಣ ಬಿಜೆಪಿ ಆಸ್ತಿ, ಅವರ ಸುಳ್ಳು ಕೇಸ್‌ಗಳಿಗೆ ಆಯುಷ್ಯವಿಲ್ಲ: ಡಿ.ಕೆ. ಶಿವಕುಮಾರ್ ಟೀಕೆ

ಥ್ಯಾಂಕ್ಸ್ ಗೀವಿಂಗ್ ವಾರಾಂತ್ಯದಲ್ಲಿ ಶಾಂಬರ್ಗ್‌ನಲ್ಲಿರುವ ಮನೆಯಲ್ಲಿ ಅಭಿಜಿತ್ ಪಟೇಲ್ ಅವರು ತಮ್ಮ ತಂದೆಯನ್ನು ಕೊಂಡಿದ್ದಾನೆ. ಈ ಘಟನೆ ನವೆಂಬರ್ 29ರಂದು ಬೆಳಗ್ಗೆ 11 ಗಂಟೆಗೆ ಸುಮಾರಿಗೆ ನಡೆದಿದೆ. ಅನುಪಮ್ ಪಟೇಲ್ ಅವರು ಮಲಗುವ ಕೋಣೆಯಲ್ಲಿ ಶವವಾಗಿ ಪತ್ತೆಯಾಗಿದ್ದಾರೆ.

ನವೆಂಬರ್ 29ರಂದು ಅನುಪಮ್ ಪಟೇಲ್ ಅವರ ಪತ್ನಿ ಬೆಳಗ್ಗೆ 5.42 ರ ಸುಮಾರಿಗೆ ಕೆಲಸಕ್ಕೆ ಹೋಗಿದ್ದರು. ಅವರ ಪತಿ ಅನುಪಮ್ ಪಟೇಲ್ ಮತ್ತು ಮಗ ಅಭಿಜಿತ್ ಪಟೇಲ್ ಮನೆಯಲ್ಲಿದ್ದರು. ಮಧುಮೇಹದಿಂದ ಬಳಲುತ್ತಿದ್ದ ಅನುಪಮ್ ಅವರ ಗ್ಲೂಕೋಸ್ ಮಾನಿಟರ್ ಅವರ ಪತ್ನಿಯ ಫೋನ್‌ಗೆ ಸಂಪರ್ಕಗೊಂಡಿತ್ತು. ಬೆಳಗ್ಗೆ 8 ಗಂಟೆ ಅನುಪಮ್ ಅವರು ಪತ್ನಿಗೆ ಕೊನೆಯದಾಗಿ ಕರೆ ಮಾಡಿದ್ದರು. ಇದಾದ ಸ್ವಲ್ಪ ಹೊತ್ತಿನ ಬಳಿಕ ಪತಿಯ ರಕ್ತದಲ್ಲಿನ ಸಕ್ಕರೆ ಮಟ್ಟ ಕುಸಿಯುತ್ತಿರುವುದನ್ನು ನೋಡಿದ ಪತ್ನಿ ಮನೆಗೆ ಫೋನ್ ಮಾಡಿದ್ದಾರೆ. ಆದರೆ ಯಾರೂ ಫೋನ್ ಸ್ವೀಕರಿಸಲಿಲ್ಲ.

ಸತತವಾಗಿ ಫೋನ್ ಮಾಡಿದರೂ ಅನುಪಮ್ ಪಟೇಲ್ ಕರೆಗೆ ಉತ್ತರಿಸದೇ ಇದ್ದಾಗ ಕಳವಳಗೊಂಡ ಪತ್ನಿ ಮಗನಿಗೆ ಫೋನ್ ಮಾಡಿದ್ದಾರೆ. ಆತ ಕೂಡ ಫೋನ್ ಗೆ ಉತ್ತರಿಸದೇ ಇದ್ದುದರಿಂದ ಚಿಂತಿತರಾದ ಆಕೆ ಮನೆಗೆ ಮರಳಿದ್ದಾರೆ. ಮನೆಯ ಬಾಗಿಲು ತೆರೆದಿತ್ತು. ಮಗ ಅಪ್ಪನನ್ನು ನೋಡಿಕೊಂಡಿದ್ದೇನೆ. ನೀವು ಒಮ್ಮೆ ಪರೀಕ್ಷಿಸಿ ಎಂದು ಆಕೆಗೆ ಹೇಳಿದ್ದಾನೆ. ಕೂಡಲೇ ಆಕೆ ಬೆಡ್ ರೂಮ್ ಗೆ ಹೋದಾಗ ಪತಿ ಹಾಸಿಗೆಯಲ್ಲಿ ರಕ್ತದ ಮಡುವಿನಲ್ಲಿ ಬಿದ್ದಿದ್ದರು. ಕೂಡಲೇ ಆಕೆ ಪೊಲೀಸರಿಗೆ ಕರೆ ಮಾಡಿದ್ದಾರೆ. ತುರ್ತು ತಂಡ ಮನೆಗೆ ಬಂದು ಅನುಪಮ್ ಪಟೇಲ್ ಅವರನ್ನು ಪರೀಕ್ಷಿಸಿದ್ದು, ಅವರು ಮೃತಪಟ್ಟಿರುವುದಾಗಿ ಘೋಷಿಸಿದರು. ಸ್ಥಳದಲ್ಲೇ ಸುತ್ತಿಗೆ ಬಿದ್ದಿತ್ತು.

ರಸ್ತೆ ಬದಿ ನಿಂತಿದ್ದ ಯುವತಿಯನ್ನು ಅನುಚಿತವಾಗಿ ಸ್ಪರ್ಶಿಸಿದ ಯುವಕ; ಆಘಾತಕಾರಿ ವಿಡಿಯೊ ವೈರಲ್‌

ಮರಣೋತ್ತರ ಪರೀಕ್ಷೆಯಲ್ಲಿ ಅನುಪಮ್ ಪಟೇಲ್ ಅವರ ತಲೆಗೆ ಎರಡು ಹೊಡೆತ ಬಿದ್ದಿದ್ದು, ಇದರಿಂದಲೇ ಅವರು ಸಾವನ್ನಪ್ಪಿರುವುದಾಗಿ ಕಂಡು ಬಂದಿದೆ. ಪೊಲೀಸರು ಮನೆಗೆ ಬಂದ ತಕ್ಷಣ ಅಭಿಜಿತ್ ಪಟೇಲ್ ಪೊಲೀಸರಿಗೆ ಶರಣಾಗಿದ್ದಾನೆ. ಆತನಿಗೆ ಸ್ಕಿಜೋಫ್ರೇನಿಯಾ ಇರುವುದು ವೈದ್ಯಕೀಯ ಪರೀಕ್ಷೆಯಲ್ಲಿ ಕಂಡು ಬಂದಿದೆ.

ಅನುಪಮ್ ಪಟೇಲ್ ಅವರ ಕೊಲೆಗೆ ಅಭಿಜಿತ್ ಪಟೇಲ್ ಹಿಂದೆಯೇ ಯೋಜನೆ ಮಾಡಿಕೊಂಡಿದ್ದನು. ಇದೀಗ ಅಭಿಜಿತ್ ಪಟೇಲ್ ನನ್ನು ಬಂಧಿಸಲಾಗಿದ್ದು, ಆತನಿಗೆ ತಾಯಿಯನ್ನು ಸಂಪರ್ಕಿಸಲು ಕೂಡ ಅವಕಾಶವಿಲ್ಲ. ಆತನ ವಿಚಾರಣೆಯನ್ನು ಡಿಸೆಂಬರ್ 19ಕ್ಕೆ ನಿಗದಿಪಡಿಸಲಾಗಿದೆ ಪ್ರಾಸಿಕ್ಯೂಟರ್‌ ತಿಳಿಸಿದ್ದಾರೆ.