Vishweshwar Bhat at Tashkent: ಲಾಲ್ ಬಹದ್ದೂರ್ ಶಾಸ್ತ್ರಿಜೀ ಕಾರಣಕ್ಕೆ ತಾಷ್ಕೆಂಟ್ ಜತೆಗಿನ ಬಾಂಧವ್ಯ ಬಲವಾಗಿದೆ: ವಿಶ್ವೇಶ್ವರ ಭಟ್

ತಾಷ್ಕೆಂಟ್: ಉಜ್ಬೇಕಿಸ್ತಾನದ ಸುಂದರ ನಗರವಾದ ತಾಷ್ಕೆಂಟ್‌ಗೆ ಇದು ನನ್ನ ಐದನೇ ಭೇಟಿ. ಈ ಅದ್ಭುತ ನಗರದೊಂದಿಗೆ ನನಗೆ ಅನೇಕ ಆತ್ಮೀಯ ನೆನಪುಗಳಿವೆ. ಸುಮಾರು ಒಂದು ವರ್ಷದ ಹಿಂದೆಯೇ ನಮ್ಮ ಗ್ಲೋಬಲ್ ಅಚೀವರ್ಸ್ ಕಾರ್ಯಕ್ರಮವನ್ನು ಆಯೋಜಿಸುವ ಬಗ್ಗೆ ಯೋಚಿಸು ತ್ತಿದ್ದೆ. ಆದರೆ ಈ ಪ್ರಶಸ್ತಿ ಪ್ರದಾನ ಸಮಾರಂಭಕ್ಕೆ ವಿಶೇಷ ಅತಿಥಿಯಾಗಿ ಸುನೀಲ್ ಶಾಸ್ತ್ರಿಯವರೇ ಇರಬೇಕು ಎಂಬುದು ನನ್ನ ವಿಶೇಷ ಆಸೆಯಾಗಿತ್ತು.

ಈ ಕಾರ್ಯಕ್ರಮಕ್ಕೆ ಆಗಮಿಸಬೇಕೆಂದು ನಾನು ಅವರನ್ನು ಕೇಳಿದಾಗ, ಯಾವುದೇ ಹಿಂಜರಿಕೆ ಯಿಲ್ಲದೆ ಅವರು ತಕ್ಷಣವೇ ಒಪ್ಪಿಕೊಂಡರು. ಇದು ಅವರ ಸ್ನೇಹದ ಮೇಲಿನ ಬದ್ಧತೆ ಮತ್ತು ಸ್ನೇಹಕ್ಕೆ ಅವರು ನೀಡುವ ಮೌಲ್ಯವನ್ನು ತೋರಿಸುತ್ತದೆ ಎಂದು ವಿಶ್ವವಾಣಿ ಪ್ರಧಾನ ಸಂಪಾದಕ ವಿಶ್ವೇಶ್ವರ ಭಟ್ ಅವರು ಹೇಳಿದರು.

ತಾಷ್ಕೆಂಟ್‌ನಲ್ಲಿ ಆಯೋಜಿಸಿದ್ದ ವಿಶ್ವವಾಣಿ ‘ಗ್ಲೋಬಲ್ ಅಚೀವರ್ಸ್ ಅವಾರ್ಡ್-2026’ ಕಾರ್ಯ ಕ್ರಮದಲ್ಲಿ ಮಾತನಾಡಿದ ವಿಶ್ವೇಶ್ವರ ಭಟ್ ಅವರು, ನಾನು ಮನಸ್ಸಿಗೆ ತುಂಬಾ ಬೇಸರವಾದಾಗ ಲೆಲ್ಲ ಸುನೀಲ್ ಶಾಸ್ತ್ರಿ ಅವರೊಂದಿಗೆ ಮಾತನಾಡುತ್ತೇನೆ. ಅವರು ಉತ್ತಮ ಸಲಹೆ ನೀಡುತ್ತಾರೆ, ಮಾರ್ಗದರ್ಶನ ಮಾಡುತ್ತಾರೆ. ಅವರು ಅತ್ಯಂತ ಪ್ರೇರಣಾದಾಯಕ ವ್ಯಕ್ತಿತ್ವದವರು. ಈ ಕಾರ್ಯಕ್ರಮದಲ್ಲಿ ಅವರು ನಮ್ಮೊಂದಿಗೆ ಇರುವುದೇ ದೊಡ್ಡ ಗೌರವದ ಸಂಗತಿ ಎಂದರು.

ಇದನ್ನೂ ಓದಿ: Vishwavani Global Achievers Awards Celebration in Tashkent: ತಾಷ್ಕೆಂಟ್‌ʼನಲ್ಲಿ ಕರುನಾಡ ಸಾಧಕರಿಗೆ ಸನ್ಮಾನ

ಸುನೀಲ್ ಶಾಸ್ತ್ರಿ ಅವರು ವಿಶಿಷ್ಟ ವ್ಯಕ್ತಿತ್ವದ ಪ್ರತಿರೂಪ. ಅವರು ಕೇವಲ ದೈಹಿಕವಾಗಿ ತಮ್ಮ ತಂದೆಯನ್ನು ಹೋಲುವುದಷ್ಟೇ ಅಲ್ಲ, ತಮ್ಮ ತಂದೆ ಬೆಳೆಸಿದ ಮೌಲ್ಯಗಳನ್ನು ಕೂಡ ತಮ್ಮ ಜೀವನದಲ್ಲಿ ಅಳವಡಿಸಿಕೊಂಡಿದ್ದಾರೆ. ತಮ್ಮ ತಂದೆಯ ಪರಂಪರೆಯನ್ನು ಮುಂದುವರಿಸಿ ಕೊಂಡು ಹೋಗುತ್ತಿದ್ದಾರೆ. ಭಾರತೀಯ ರಾಜಕೀಯದಲ್ಲಿ ಇಂತಹ ಗುಣ ಬಹಳ ಅಪರೂಪ.

ಸಾರ್ವಜನಿಕ ಜೀವನದಲ್ಲಿ ಸುನೀಲ್ ಶಾಸ್ತ್ರಿ ಅವರು ಅಳವಡಿಸಿಕೊಂಡಿರುವ ಮೌಲ್ಯಗಳಿಗೆ ಬಹಳ ದೊಡ್ಡ ಸ್ಥಾನ ನೀಡುತ್ತೇನೆ ಎಂದು ಗೌರವ ಸೂಚಿಸಿದರು. ತಾಷ್ಕೆಂಟ್ ಎಂಬ ಹೆಸರು ಒಬ್ಬ ಅಸಾಧಾರಣ ನಾಯಕನೊಂದಿಗೆ ಸದಾ ಬೆಸೆದುಕೊಂಡಿದೆ. ಅದು ಲಾಲ್ ಬಹಾದ್ದೂರ್ ಶಾಸ್ತ್ರಿಜೀ. ಈ ನಗರವು ಜಾಗತಿಕ ಶೃಂಗಸಭೆಗಳು ಮತ್ತು ಆಧುನಿಕ ಸಹಭಾಗಿತ್ವಗಳ ಕೇಂದ್ರವಾಗುವುದಕ್ಕೂ ಬಹಳ ಹಿಂದೆಯೇ, ಇದು ಭಾರತದ ಸಾಮೂಹಿಕ ನೆನಪಿನಲ್ಲಿ ಅಚ್ಚಳಿಯದೆ ಸ್ಥಾಪನೆಯಾಗಿದೆ.

ಭಾರತ ಮತ್ತು ಉಜ್ಬೇಕಿಸ್ತಾನ ದೇಶಗಳ ನಡುವೆ ಸಾಕಷ್ಟು ಸಾಮ್ಯತೆಗಳಿವೆ. ಭಾರತ ಮತ್ತು ಉಜ್ಬೇಕಿಸ್ತಾನ ಕೇವಲ ವಿದೇಶಾಂಗ ನೀತಿಯ ದಾಖಲೆಗಳಲ್ಲಿರುವ ಎರಡು ಹೆಸರುಗಳಲ್ಲ. ಬಹಳ ಕಾಲ ಭೇಟಿಯಾಗದ ಇಬ್ಬರು ಸೋದರ ಸಂಬಂಧಿಗಳಂತೆ ನಾವು ಭಾಸವಾಗುತ್ತೇವೆ. ಆದರೆ ಭೇಟಿಯಾದ ತಕ್ಷಣ, ಹಿಂದೆ ಎಲ್ಲಿ ನಿಲ್ಲಿಸಿzವೋ ಅಲ್ಲಿಂದಲೇ ನಮ್ಮ ಆತ್ಮೀಯತೆ ಮುಂದುವರಿಯು ತ್ತದೆ. ನಮ್ಮ ಸಂಪರ್ಕ ಸಾವಿರಾರು ವರ್ಷಗಳಷ್ಟು ಹಳೆಯದು, ಹಳೆಯ ರೇಷ್ಮೆ ಮಾರ್ಗದ ಕಾಲದಿಂದಲೇ ನಮ್ಮ ನಡುವೆ ನಂಟಿದೆ. ನಮಗೆ ತಿಳಿಯದೆಯೇ ನಾವು ಪ್ರತಿನಿತ್ಯ ಬಳಸುವ ಹಲವು ಪದಗಳು ಎರಡೂ ದೇಶಗಳಲ್ಲೂ ಸಾಮಾನ್ಯವಾಗಿವೆ ಎಂದು ಭಟ್ಟರು ಹೇಳಿದರು.

ಉದಾಹರಣೆಗೆ ‘ದೋಸ್ತ್’ ಎಂಬ ಅರ್ಥದ ಈ ಪದ ಉಜ್ಬೇಕಿಸ್ತಾನದಲ್ಲೂ ಸಾಮಾನ್ಯವಾಗಿದೆ. ‘ಬಜಾರ್’ ಎಂದರೆ ಮಾರುಕಟ್ಟೆ, ‘ಕಲಂ’ ಎಂದರೆ ಲೇಖನಿ. ಹೀಗೆ ನಾವು ಅನೇಕ ಪದಗಳನ್ನು, ಅನೇಕ ಗುರುತುಗಳನ್ನು ಮತ್ತು ಅನೇಕ ಸಾಂಸ್ಕೃತಿಕ ಪರಂಪರೆಗಳನ್ನು ಹಂಚಿಕೊಂಡಿದ್ದೇವೆ. ವಿಶೇಷವಾಗಿ ಬಾಲಿವುಡ್ ನಮ್ಮ ಎರಡೂ ದೇಶಗಳನ್ನು ಇನ್ನಷ್ಟು ಹತ್ತಿರಕ್ಕೆ ತಂದಿದೆ.

ರಾಜ್ ಕಪೂರ್ ಮತ್ತು ಮಿಥುನ್ ಚಕ್ರವರ್ತಿ ಅವರು ಉಜ್ಬೇಕಿಸ್ತಾನದಲ್ಲಿ, ಹಾಗೆಯೇ ಸಾಮಾನ್ಯ ವಾಗಿ ರಷ್ಯಾದಲ್ಲೂ ಮನೆಮಾತಾಗಿರುವ ಹೆಸರುಗಳು. ನೀವು ಎಲ್ಲೇ ಹೋದರೂ, ನಾನು ಭಾರತ ದಿಂದ ಬಂದಿದ್ದೇನೆ ಎಂದು ಹೇಳಿದರೆ, ಅವರು ರಾಜ್ ಕಪೂರ್ ಅವರ ಪ್ರಸಿದ್ಧ ಚಿತ್ರಗಳ ಹಾಡು ಗಳನ್ನು ಹಾಡಲು ಆರಂಭಿಸುತ್ತಾರೆ. ಆ ಹಾಡುಗಳು ಅಲ್ಲಿನ ಜನರಿಗೆ ರಾಷ್ಟ್ರೀಯ ಗೀತೆಯಷ್ಟೇ ಆತ್ಮೀಯವಾಗಿವೆ. ಸೋವಿಯತ್ ರಷ್ಯಾದಲ್ಲಿಯೂ ಇಂದಿಗೂ ಜನರು ರಾಜ್ ಕಪೂರ್ ಮತ್ತು ಮಿಥುನ್ ಚಕ್ರವರ್ತಿಯನ್ನು ನೆನಪಿಸಿಕೊಳ್ಳುತ್ತಾರೆ. ವಿಶೇಷವಾಗಿ ‘ಜಿಮ್ಮಿ ಜಿಮ್ಮಿ’ ಹಾಡು ಇನ್ನೂ ಜನಪ್ರಿಯವಾಗಿದೆ. ಹಾಗಾಗಿ ಉಜ್ಬೇಕಿಸ್ತಾನದಲ್ಲಿ ವಿಶ್ವವಾಣಿಯ ಕಾರ್ಯಕ್ರಮವನ್ನು ಆಯೋಜಿಸು ತ್ತಿರುವುದು ನಮಗೆ ಅಪಾರ ಹೆಮ್ಮೆಯ ಸಂಗತಿ ಎಂದರು.

ಕಳೆದ ಮೂರೂವರೆ ವರ್ಷಗಳಿಂದ ನಾವು ವಿದೇಶಗಳಲ್ಲಿ ಗ್ಲೋಬಲ್ ಅಚೀವರ್ಸ್ ಅವಾರ್ಡ್ ಕಾರ್ಯಕ್ರಮವನ್ನು ಆಯೋಜಿಸುತ್ತಿದ್ದೇವೆ. ವಿವಿಧ ಕ್ಷೇತ್ರಗಳಲ್ಲಿ ಸಾಧನೆ ಮಾಡಿದ ನಾಯಕರು, ನವೋದ್ಯಮಿಗಳು, ವೃತ್ತಿಪರರು ಮತ್ತು ಸಮಾಜದಲ್ಲಿ ಬದಲಾವಣೆ ತರುತ್ತಿರುವವರನ್ನು ಗುರುತಿಸಿ ಗೌರವಿಸುವುದೇ ಈ ಕಾರ್ಯಕ್ರಮದ ಪ್ರಮುಖ ಉದ್ದೇಶ.

ವ್ಯಾಪಾರ, ಆರೋಗ್ಯ, ಶಿಕ್ಷಣ, ಸಮಾಜಸೇವೆ, ಕಲೆ, ವಿಜ್ಞಾನ ಮತ್ತು ಆಡಳಿತ ಸೇರಿದಂತೆ ವಿವಿಧ ಕ್ಷೇತ್ರಗಳ ಸಾಧಕರನ್ನು ನಾವು ಗುರುತಿಸುತ್ತೇವೆ. ಮಹತ್ತರ ಸಾಧನೆಗಳನ್ನು ಪ್ರದರ್ಶಿಸಲು ಇದು ವಿಶ್ವಾಸಾರ್ಹ ವೇದಿಕೆಯನ್ನು ಒದಗಿಸುತ್ತದೆ ಪ್ರಶಸ್ತಿ ಪುರಸ್ಕೃತರನ್ನು ಹಾಗೂ ಸಹ ಪ್ರಯಾಣಿಕ ರನ್ನು ಆಯ್ಕೆ ಮಾಡುವಲ್ಲಿ ವಿಶ್ವವಾಣಿ ಅತ್ಯಂತ ಉನ್ನತ ಮಾನದಂಡಗಳನ್ನು ಇಟ್ಟುಕೊಂಡಿದೆ.

ಸುಸ್ಥಿರ ಅಭಿವೃದ್ಧಿ, ಸಮುದಾಯ ಅಭಿವೃದ್ಧಿ ಮತ್ತು ನೈಜ ಜಗತ್ತಿನ ಸಮಸ್ಯೆಗಳಿಗೆ ಪರಿಹಾರ ಒದಗಿಸುವ ತಂತ್ರಜ್ಞಾನ ಆಧಾರಿತ ಯೋಜನೆಗಳನ್ನು ಅನುಷ್ಠಾನಗೊಳಿಸುವ ವ್ಯಕ್ತಿಗಳು ಹಾಗೂ ಸಂಸ್ಥೆಗಳನ್ನು ಈ ಕಾರ್ಯಕ್ರಮದಲ್ಲಿ ಸಕ್ರಿಯವಾಗಿ ಗೌರವಿಸಲಾಗುತ್ತದೆ ಎಂದು ವಿಶ್ವೇಶ್ವರ ಭಟ್ ಅವರು ವಿವರಿಸಿದರು.

ನೀಲೇಶ್, ಸಿರಿ, ಪ್ರಕಾಶ್ ಶೆಟ್ಟಿ ಅವರ ಎಂಆರ್‌ಜಿ ಗ್ರೂಪ್ ಸೇರಿದಂತೆ ಹಲವರು ನಮ್ಮೊಂದಿಗೆ ಕೈಜೋಡಿಸಿದ್ದಾರೆ. ಹಲವರು ನಮ್ಮ 13-14 ಕಾರ್ಯಕ್ರಮಗಳಲ್ಲಿ ಭಾಗವಹಿಸಿದ್ದಾರೆ. ಕೆಲವರು 8, 9 ಮತ್ತು 10 ಕಾರ್ಯಕ್ರಮಗಳಲ್ಲಿ ಭಾಗವಹಿಸಿದ್ದಾರೆ. ಸಮಾಜದ ವಿವಿಧ ಕ್ಷೇತ್ರಗಳಿಗೆ ಸೇರಿದ ಜನರು ಈ ಸಮಾರಂಭದಲ್ಲಿ ಭಾಗವಹಿಸಿರುವುದನ್ನು ನಾವು ನೋಡಬಹುದು.

ಮಾಜಿ ಶಾಸಕರಾದ ಸುಕುಮಾರ್ ಶೆಟ್ಟಿ ಅವರು ನಮ್ಮ ಆರು ಕಾರ್ಯಕ್ರಮಗಳಲ್ಲಿ ಭಾಗವಹಿಸಿ ದ್ದಾರೆ. ಹಿರಿಯ ನ್ಯಾಯವಾದಿ ಚಂದ್ರಮೌಳಿ ಅವರು ನಾಲ್ಕು ಕಾರ್ಯಕ್ರಮಗಳಲ್ಲಿ ಭಾಗವಹಿಸಿ ದ್ದಾರೆ. ರಾಘವೇಂದ್ರ ನಾಯಕ್, ವಿಶಾಲ, ರವಿ, ಪೂಜಾ, ಬಸವರಾಜ್ ಉಪ್ಪಾರ, ಲಕ್ಷ್ಮಣ್ ಉಪ್ಪಾರ, ಸಿದ್ದೇಶ್, ಕಿರಣ್ ಕುಮಾರ್ ಸೇರಿದಂತೆ ಹಲವರು ನಮ್ಮ 4-5 ಕಾರ್ಯಕ್ರಮಗಳಲ್ಲಿ ಭಾಗವಹಿಸಿ ದ್ದಾರೆ. ಇವರೆಲ್ಲರೂ ವಿಶ್ವವಾಣಿ ಕುಟುಂಬದೊಂದಿಗೆ ಕೈಜೋಡಿಸಿರುವುದು ಹೆಮ್ಮೆಯ ಸಂಗತಿ ಎಂದು ಕೃತಜ್ಞತೆ ಸಲ್ಲಿಸಿದರು.