Shweta Bachchan: ಅಭಿಷೇಕ್ ಬಚ್ಚನ್, ಜಯಾ ಬಚ್ಚನ್‌ಗಿಂತ ಐಶ್ವರ್ಯಾ ರೈಗೆ ಹೆಚ್ಚು ಭಯಪಡುತ್ತಾರೆ: ಶ್ವೇತಾ ಬಚ್ಚನ್
Shweta Bachchan: ಕರಣ್ ಜೋಹಾರ್ ಅವರ ಜನಪ್ರಿಯ ಟಾಕ್ ಶೋ ಕಾಫಿ ವಿತ್ ಕರಣ್ ಬಾಲಿವುಡ್ ಗಾಸಿಪ್‌ಗಳಿಗೆ ಹೆಸರುವಾಸಿಯಾಗಿದೆ. ಈ ಶೋನ ಕ್ಲಿಪ್‌ಗಳು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುವುದು ಸಾಮಾನ್ಯ. ಈಗ, ಅಭಿಷೇಕ್ ಬಚ್ಚನ್ ಮತ್ತು ಶ್ವೇತಾ ಬಚ್ಚನ್ ಭಾಗವಹಿಸಿದ್ದ ಹಳೆಯ ಸಂಚಿಕೆಯ ಒಂದು ಕ್ಲಿಪ್ ಮತ್ತೆ ವೈರಲ್ ಆಗಿದೆ.
Sushmitha Jain
May 23, 2025 1:53 PM
ಮುಂಬೈ: ಕರಣ್ ಜೋಹಾರ್ (Karan Johar) ಅವರ ಜನಪ್ರಿಯ ಟಾಕ್ ಶೋ ಕಾಫಿ ವಿತ್ ಕರಣ್ (Coffee With Karan) ಬಾಲಿವುಡ್ ಗಾಸಿಪ್‌ಗಳಿಗೆ ಹೆಸರುವಾಸಿಯಾಗಿದೆ. ಈ ಶೋನ ಕ್ಲಿಪ್‌ಗಳು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುವುದು ಸಾಮಾನ್ಯ. ಈಗ, ಅಭಿಷೇಕ್ ಬಚ್ಚನ್ (Abhishek Bachchan) ಮತ್ತು ಶ್ವೇತಾ ಬಚ್ಚನ್ (Shweta Bachchan) ಭಾಗವಹಿಸಿದ್ದ ಹಳೆಯ ಸಂಚಿಕೆಯ ಒಂದು ಕ್ಲಿಪ್ ಮತ್ತೆ ವೈರಲ್ ಆಗಿದೆ. ಈ ವಿಡಿಯೋದಲ್ಲಿ ಕರಣ್ ಜೋಹಾರ್, ಅಭಿಷೇಕ್‌ಗೆ “ನಿಮಗೆ ಯಾರನ್ನು ಕಂಡರೆ ಹೆಚ್ಚು ಭಯ? ನಿಮ್ಮ ತಾಯಿ ಜಯಾ ಬಚ್ಚನ್ (Jaya Bachchan) ಅವರಾ ಅಥವಾ ಪತ್ನಿ ಐಶ್ವರ್ಯಾ ರೈ (Aishwarya Rai.) ಅವರಾ?” ಎಂದು ಕೇಳಿದ್ದಾರೆ.
ಇದಕ್ಕೆ ಅಭಿಷೇಕ್, “ನನ್ನ ತಾಯಿ” ಎಂದು ಉತ್ತರಿಸಿದರೆ, ಶ್ವೇತಾ ಬಚ್ಚನ್ ಮಧ್ಯಪ್ರವೇಶಿಸಿ “ಪತ್ನಿ” ಎಂದಿದ್ದಾರೆ. ಇದಕ್ಕೆ ಅಭಿಷೇಕ್, “ಇದು ನನ್ನ ರ‍್ಯಾಪಿಡ್ ಫೈರ್, ಸುಮ್ಮನಿರು” ಎಂದು ಹಾಸ್ಯಮಯವಾಗಿ ಹೇಳಿದ್ದಾರೆ. ಈ ತಮಾಷೆಯ ಕ್ಲಿಪ್ ಸಾಮಾಜಿಕ ಜಾಲತಾಣಗಳಲ್ಲಿ ಸಖತ್ ವೈರಲ್ ಆಗಿದೆ.
ಈ ಸುದ್ದಿಯನ್ನು ಓದಿ: Viral Video:ಜುಟ್ಟು ಹಿಡಿದುಕೊಂಡು ಬಡಿದಾಡಿಕೊಂಡ ಹುಡುಗಿಯರು; ಕಾರಣ ಕೇಳಿದ್ರೆ ಶಾಕ್‌ ಆಗ್ತೀರಿ!
‘ಕೇನ್ಸ್‌ನ ರಾಣಿ’ ಎಂದೇ ಖ್ಯಾತರಾದ ಐಶ್ವರ್ಯಾ ರೈ, ಬುಧವಾರ ಕೇನ್ಸ್ ಫಿಲ್ಮ್ ಫೆಸ್ಟಿವಲ್‌ನ ರೆಡ್ ಕಾರ್ಪೆಟ್‌ನಲ್ಲಿ ಕಾಣಿಸಿಕೊಂಡರು. ಬಿಳಿ ಸೀರೆಯಲ್ಲಿ ಚಿನ್ನದ ವಿನ್ಯಾಸದೊಂದಿಗೆ ರಾಯಲ್ ಲುಕ್‌ನಲ್ಲಿ ಐಶ್ವರ್ಯಾ ಕಂಗೊಳಿಸಿದರು. ಫ್ರೆಂಚ್ ರೆಡ್ ಕಾರ್ಪೆಟ್ ಮೇಲೆ ಎರಡನೇ ಬಾರಿಗೆ ಕಾಣಿಸಿಕೊಂಡ ಅವರು ಬೆರಗುಗೊಳಿಸುವ ಕಪ್ಪು ಗೌನ್ ಅನ್ನು ಧರಿಸಿದ್ದರು. ಐಶ್ವರ್ಯಾ ರೈ ಬಚ್ಚನ್ ಎರಡು ದಶಕಗಳಿಗೂ ಹೆಚ್ಚು ಕಾಲ ಕೇನ್ಸ್ ಚಲನಚಿತ್ರೋತ್ಸವದಲ್ಲಿ ಭಾಗವಹಿಸುತ್ತಿದ್ದಾರೆ. ಲೋರಿಯಲ್ ಪ್ಯಾರಿಸ್ ಬ್ರಾಂಡ್ ರಾಯಭಾರಿಯಾಗಿ, ಅವರು ಫ್ರೆಂಚ್ ರೆಡ್ ಕಾರ್ಪೆಟ್ ಮೇಲೆ ಆಗಾಗ್ಗೆ ಕಾಣಿಸಿಕೊಳ್ಳುತ್ತಾರೆ.
ಅಭಿಷೇಕ್ ಬಚ್ಚನ್ ಇತ್ತೀಚೆಗೆ ರಿತೇಶ್ ದೇಶಮುಖ್ ನಿರ್ದೇಶನದ ತಮ್ಮ ಮುಂದಿನ ಚಿತ್ರ ರಾಜ ಶಿವಾಜಿಯನ್ನು ಘೋಷಿಸಿದ್ದಾರೆ. ಮೇ 21ರಂದು ಚಿತ್ರದ ಮೊದಲ ಲುಕ್ ಮತ್ತು ಬಿಡುಗಡೆ ದಿನಾಂಕವನ್ನು ಅನಾವರಣಗೊಳಿಸಲಾಯಿತು. ಈ ಚಿತ್ರದಲ್ಲಿ ಸಂಜಯ್ ದತ್, ಮಹೇಶ್ ಮಾಂಜ್ರೇಕರ್, ಸಚಿನ್ ಖೇಡೇಕರ್, ಭಾಗ್ಯಶ್ರೀ, ಫರ್ದೀನ್ ಖಾನ್, ಜಿತೇಂದ್ರ ಜೋಶಿ, ಅಮೋಲ್ ಗುಪ್ತೆ, ಮತ್ತು ಜೆನೆಲಿಯಾ ದೇಶಮುಖ್ ಸೇರಿದಂತೆ ದೊಡ್ಡ ತಾರಾಗಣವಿದೆ. ಮುಂಬೈ ಫಿಲ್ಮ್ ಕಂಪನಿಯಡಿ ಜೆನೆಲಿಯಾ ಸಹ-ನಿರ್ಮಾಪಕರಾಗಿದ್ದಾರೆ. ಈ ಚಿತ್ರವು ಮುಂದಿನ ವರ್ಷದ ಮಹಾರಾಷ್ಟ್ರ ದಿನ, ಮೇ 1, 2026ರಂದು ಬಿಡುಗಡೆಯಾಗಲಿದೆ.
ಅಭಿಷೇಕ್ ಬಚ್ಚನ್ ಮತ್ತು ಐಶ್ವರ್ಯಾ ರೈ 2007ರ ಏಪ್ರಿಲ್ 20ರಂದು ವಿವಾಹವಾದರು. ಮುಂಬೈನ ಜುಹುವಿನ ಬಚ್ಚನ್ ನಿವಾಸ ಪ್ರತೀಕ್ಷಾದಲ್ಲಿ ನಡೆದ ಆಪ್ತ ಸಮಾರಂಭದಲ್ಲಿ ಈ ಜೋಡಿ ವಿವಾಹವಾಯಿತು. ಈ ದಂಪತಿಗೆ 2011ರಲ್ಲಿ ಆರಾಧ್ಯ ಎಂಬ ಮಗಳು ಜನಿಸಿದಳು.