CSK vs PBKS: ಅರ್ಧಶತಕ ಸಿಡಿಸಿ ಸುರೇಶ್ ರೈನಾ ದಾಖಲೆ ಮುರಿದ ಆಯುಷ್ ಮ್ಹಾತ್ರೆ!
ಆಯುಷ್ ಮ್ಹಾತ್ರೆ ಅವರು ಅರ್ಧಶತಕ ಬಾರಿಸುವ ಮೂಲಕ ಚೆನ್ನೈ ಸೂಪರ್ ಕಿಂಗ್ಸ್ ಪರ ಇತಿಹಾಸ ನಿರ್ಮಿಸಿದ್ದಾರೆ. ಅವರು 43 ಬಾಲ್ಗಳಲ್ಲಿ 73 ರನ್ಗಳನ್ನು ಸಿಡಿಸಿದರು ಹಾಗೂ ಸುರೇಶ ರೈನಾ ದಾಖಲೆಯನ್ನು ಮುರಿದಿದ್ದಾರೆ. ಆ ಮೂಲಕ ಸಿಎಸ್ಕೆ ತನ್ನ ಪಾಲಿನ 20 ಓವರ್ಗಳಿಗೆ 209 ರನ್ಗಳನ್ನು ಕಲೆ ಹಾಕಿತು.
ಆಯುಷ್ ಮ್ಹಾತ್ರೆ ಅರ್ಧಶತಕ ಬಾರಿಸಿದ್ದಾರೆ. -
ಚೆನ್ನೈ: ಶುಕ್ರವಾರ (ಏಪ್ರಿಲ್ 3) ಎಂಎ ಚಿದಂಬರಂ ಕ್ರೀಡಾಂಗಣದಲ್ಲಿ ನಡೆದಿದ್ದ ಚೆನ್ನೈ ಸೂಪರ್ ಕಿಂಗ್ಸ್ (CSK) ಮತ್ತು ಪಂಜಾಬ್ ಕಿಂಗ್ಸ್ (PBKS) ನಡುವಣ 2026ರ ಇಂಡಿಯನ್ ಪ್ರೀಮಿಯರ್ ಲೀಗ್ ಟೂರ್ನಿಯ ಪಂದ್ಯದಲ್ಲಿ ಆಯುಷ್ ಮ್ಹಾತ್ರೆ ವಿಶೇಷ ದಾಖಲೆಯನ್ನು ಬರೆದಿದ್ದಾರೆ. ಬಲಗೈ ಬ್ಯಾಟ್ಸ್ಮನ್ ಮ್ಹಾತ್ರೆ, 43 ಎಸೆತಗಳಲ್ಲಿ 73 ರನ್ ಗಳಿಸಿ ಸಿಎಸ್ಕೆ ತಂಡವನ್ನು 209/5 ಎಂಬ ಬೃಹತ್ ಮೊತ್ತಕ್ಕೆ ಕೊಂಡೊಯ್ದರು. 169.77ರ ಸ್ಟ್ರೈಕ್ ರೇಟ್ನೊಂದಿಗೆ ಬ್ಯಾಟಿಂಗ್ ನಡೆಸಿದ ಅವರು, ತಮ್ಮ ಇನಿಂಗ್ಸ್ 5 ಸಿಕ್ಸರ್ಗಳು ಮತ್ತು 6 ಬೌಂಡರಿಗಳನ್ನು ಬಾರಿಸಿದರು.
ಆರಂಭದಲ್ಲೇ ವಿಕೆಟ್ ಕಳೆದುಕೊಂಡ ನಂತರ ಸಿಎಸ್ಕೆ ತಂಡ ಕಮ್ಬ್ಯಾಕ್ ಮಾಡಲು ಆಯುಷ್ ಮ್ಹಾತ್ರೆ ನೆರವು ನೀಡಿದರು ಹಾಗೂ ನಾಯಕ ಋತುರಾಜ್ ಗಾಯಕ್ವಾಡ್ ಜೊತೆಯಲ್ಲಿ ಎರಡನೇ ವಿಕೆಟ್ಗೆ 96 ರನ್ಗಳ ಜೊತೆಯಾಟವಾಡಿದರು. ಸಿಎಸ್ಕೆ ನಾಯಕ ಮ್ಹಾತ್ರೆಗೆ ಬೆಂಬಲವಾಗಿ 17 ಎಸೆತಗಳಲ್ಲಿ 22 ರನ್ ಗಳಿಸಿದರು. ಈ ಜೊತೆಯಾಟದಲ್ಲಿ ಮ್ಹಾತ್ರೆ ಕೇವಲ 38 ಎಸೆತಗಳಲ್ಲಿ 67 ರನ್ ಬಾರಿಸಿ ತಂಡದ ಮೊತ್ತವನ್ನು ಬಲಪಡಿಸಿದರು.
IPL 2026: 2 ಬಾರಿ ಬ್ಯಾಟ್ ಟೆಸ್ಟ್ನಲ್ಲಿ ವಿಫಲರಾದ ಆಯುಷ್ ಮ್ಹಾತ್ರೆ! ಮುಂದೇನಾಯ್ತು ಗೊತ್ತೆ?
ಚೊಚ್ಚಲ ಶತಕ ಸಿಡಿಸುವ ಸನಿಹದಲ್ಲಿ ಮ್ಹಾತ್ರೆ, ವೈಶಾಖ್ ವಿಜಯ್ಕುಮಾರ್ ಅವರ ಬೌಲಿಂಗ್ನಲ್ಲಿ ಯುಜ್ವೇಂದ್ರ ಚಹಲ್ಗೆ ಕ್ಯಾಚ್ ಕೊಟ್ಟು ಭಟ್ ಆದರು. ಋತುರಾಜ್ ಗಾಯಕ್ವಾಡ್ 22 ಎಸೆತಗಳಲ್ಲಿ 28 ರನ್ ಗಳಿಸಿ ವಿಕೆಟ್ ಒಪ್ಪಿಸಿದರು.
ಸುರೇಶ್ ರೈನಾ ದಾಖಲೆ ಮುರಿದ ಆಯುಷ್ ಮ್ಹಾತ್ರೆ
ಅರ್ಧಶತಕದ ಮೂಲಕ ಆಯುಷ್ ಮ್ಹಾತ್ರೆ ವಿಶೇಷ ದಾಖಲೆಯನ್ನು ಬರೆದಿದ್ದಾರೆ. ಚೆಪಾಕ್ನಲ್ಲಿ ಸಿಎಸ್ಕೆ ಪರ ಅರ್ಧಶತಕ ಬಾರಿಸಿದ ಅತ್ಯಂತ ಕಿರಿಯ ಆಟಗಾರನಾಗಿ ಮ್ಹಾತ್ರೆ ಹೊರಹೊಮ್ಮಿದರು. ಈ ದಾಖಲೆ ಮೊದಲು ಸುರೇಶ್ ರೈನಾ ಅವರ ಹೆಸರಿನಲ್ಲಿತ್ತು. ಅವರು 21 ವರ್ಷ 148 ದಿನಗಳ ವಯಸ್ಸಿನಲ್ಲಿ 50 ರನ್ ಗಡಿ ದಾಟಿದ್ದರು. ಮ್ಹಾತ್ರೆ 18 ವರ್ಷ 261 ದಿನಗಳ ವಯಸ್ಸಿನಲ್ಲಿ ಇದೇ ಅಂಗಣದಲ್ಲಿ ತಮ್ಮ ಮೊದಲ ಐಪಿಎಲ್ ಅರ್ಧಶತಕವನ್ನು ದಾಖಲಿಸಿದ್ದಾರೆ.
Big stage, bigger statement 👊
— IndianPremierLeague (@IPL) April 3, 2026
Ayush Mhatre raising the bar 📈
Updates ▶️ https://t.co/riWrE2EZiF#TATAIPL | #KhelBindaas | #CSKvPBKS pic.twitter.com/Vqab4eT2cQ
ಮ್ಹಾತ್ರೆ ಈಗಾಗಲೇ ಸಿಎಸ್ಕೆ ಪರ ಐಪಿಎಲ್ ಟೂರ್ನಿಯಲ್ಲಿ ಅರ್ಧಶತಕ ಬಾರಿಸಿದ ಅತ್ಯಂತ ಕಿರಿಯ ಆಟಗಾರರಾಗಿದ್ದಾರೆ. ಈ ಸಾಧನೆಯನ್ನು ಅವರು 2025ರ ಐಪಿಎಲ್ ಟೂರ್ನಿಯಲ್ಲಿ ಮಾಡಿದ್ದರು. 2025ರ ಐಪಿಎಲ್ ಟೂರ್ನಿಯಲ್ಲಿ ಬದಲಿ ಆಟಗಾರನಾಗಿ ತಂಡಕ್ಕೆ ಸೇರಿಕೊಂಡ ಅವರು, 2026ರ ಐಪಿಎಲ್ ನಿಮಿತ್ತ ಸಿಎಸ್ಕೆ ಅವರನ್ನು ಉಳಿಸಿಕೊಂಡಿತ್ತು.
ಅಗ್ರ ಸ್ಥಾನದ ಮೇಲೆ ಪಂಜಾಬ್ ಕಿಂಗ್ಸ್ ಕಣ್ಣು
ಮತ್ತೊಂದೆಡೆ ಪಂಜಾಬ್ ಕಿಂಗ್ಸ್ ಟೂರ್ನಿಯಲ್ಲಿ ಅಂಕಪಟ್ಟಿಯಲ್ಲಿ ಅಗ್ರಸ್ಥಾನದ ಮೇಲೆ ಕಣ್ಣಿಟ್ಟಿದೆ. ಸಿಎಸ್ಕೆ ವಿರುದ್ಧ ಜಯ ಸಾಧಿಸಿದರೆ, ಅವರು ನೇರವಾಗಿ ಪಾಯಿಂಟ್ಸ್ ಟೇಬಲ್ನಲ್ಲಿ ಮೊದಲ ಸ್ಥಾನಕ್ಕೆ ಏರಲಿದ್ದಾರೆ. ಪ್ರಸ್ತುತ, ಪಂಜಾಬ್ +0.509 ರನ್ರೇಟ್ನೊಂದಿಗೆ 2 ಅಂಕಗಳನ್ನು ಹೊಂದಿದ್ದು, ಐದನೇ ಸ್ಥಾನದಲ್ಲಿದೆ.
IPL 2026 Points Table: ಕೆಕೆಆರ್ ಮಣಿಸಿ ಅಂಕಪಟ್ಟಿಯಲ್ಲಿ ಖಾತೆ ತೆರೆದ ಸನ್ರೈಸರ್ಸ್
ಸಿಎಸ್ಕೆ ತಮ್ಮ ಮೊದಲ ಪಂದ್ಯದಲ್ಲಿ ರಾಜಸ್ಥಾನ್ ರಾಯಲ್ಸ್ ವಿರುದ್ಧ ಸೋಲು ಕಂಡಿದ್ದು, ಅಂಕಪಟ್ಟಿಯಲ್ಲಿ ಒಂಬತ್ತನೇ ಸ್ಥಾನದಲ್ಲಿದೆ. ರಿಯನ್ ಪರಾಗ್ ನೇತೃತ್ವದ ತಂಡದ ವಿರುದ್ಧ ಅವರು ಏಕಪಕ್ಷೀಯ ಸೋಲು ಅನುಭವಿಸಿತ್ತು. ರಾಜಸ್ಥಾನ್ ರಾಯಲ್ಸ್ ಈಗ ಅಂಕಪಟ್ಟಿಯಲ್ಲಿ ಅಗ್ರಸ್ಥಾನದಲ್ಲಿದೆ.