ಪಾಕ್‌ನ ಉಸ್ಮಾನ್‌ ತಾರಿಕ್‌ ಕ್ರಿಕೆಟ್‌ ಆಡಲು ಧೋನಿ ಬಯೋಪಿಕ್‌ ಕಾರಣವಂತೆ!

ಕೊಲಂಬೊ, ಫೆ.18: ಸದ್ಯ ಸಾಮಾಜಿಕ ಜಾಲತಾಣದಲ್ಲಿ ಭಾರೀ ಚರ್ಚೆಯಾಗತ್ತಿರುವ ಪಾಕಿಸ್ತಾನದ ನಿಗೂಢ ಸ್ಪಿನ್ನರ್ ಉಸ್ಮಾನ್ ತಾರಿಕ್(Usman Tariq) ಅವರು, ತಮ್ಮ ಕ್ರಿಕೆಟ್‌ ಜರ್ನಿ ಬಗ್ಗೆ ಮುಕ್ತವಾಗಿ ಮಾತನಾಡಿದ್ದಾರೆ. ತಾನು ಕ್ರಿಕೆಟ್‌ ಆಡಲು ಟೀಮ್‌ ಇಂಡಿಯಾದ ದಿಗ್ಗಜ ಮಹೇಂದ್ರ ಸಿಂಗ್‌ ಧೋನಿ(MS Dhoni's biopic) ಅವರ ಧೋನಿ ಅವರ ಬಯೋಪಿಕ್‌ ಸ್ಫೂರ್ತಿ ಎಂದಿದ್ದಾರೆ.

ನಮೀಬಿಯಾ ವಿರುದ್ಧದ ಪಂದ್ಯಕ್ಕೂ ಮುನ್ನ ನಡೆದ ಪೂರ್ವ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ತಾರಿಕ್‌, "ನನ್ನ ಸ್ಫೂರ್ತಿಯ ಬಗ್ಗೆ ಹೇಳುವುದಾದರೆ, ಎಂಎಸ್ ಧೋನಿ ಅವರನ್ನು ನೋಡಿದ ನಂತರ ನಾನು ಕ್ರಿಕೆಟ್‌ಗೆ ಮರಳಿದೆ. ಅವರ ಕಥೆ ನನ್ನಂತೆಯೇ ಇತ್ತು ಏಕೆಂದರೆ ನಾನು ಕೂಡ ಅವರಂತೆಯೆ ಕೆಲಸ ಮಾಡುತ್ತಿದ್ದೆ. ಅವರು ಇತಿಹಾಸ ಸೃಷ್ಟಿಸಿದರು, ಮತ್ತು ಅವರು ಅದನ್ನು ಮಾಡಲು ಸಾಧ್ಯವಾದರೆ, ಬಹುಶಃ ನಾನು ಸಹ ಹಾಗೆ ಮಾಡಬಹುದು ಎಂದು ನಾನು ಭಾವಿಸಿದೆ. ಆದರೆ ಅದಕ್ಕಾಗಿ, ನಾನು ತುಂಬಾ ಶ್ರಮಿಸಬೇಕಾಗುತ್ತದೆ. ಅದು ನನಗೆ ಕ್ರಿಕೆಟ್‌ಗೆ ಮರಳಲು ಸ್ಫೂರ್ತಿ ನೀಡಿತು" ಎಂದು ತಾರಿಕ್ ಹೇಳಿದರು.

ಮಾಜಿ ಭಾರತೀಯ ನಾಯಕ ಧೋನಿ ಕ್ರಿಕೆಟ್‌ನಲ್ಲಿ ಛಾಪು ಮೂಡಿಸುವ ಮೊದಲು ಭಾರತೀಯ ರೈಲ್ವೆಯಲ್ಲಿ ಟಿಕೆಟ್ ಪರೀಕ್ಷಕರಾಗಿ ಕೆಲಸ ಮಾಡಿದರು, ಇದನ್ನು ಅವರ ಜೀವನ ಚರಿತ್ರೆಯಲ್ಲಿ ಸುಂದರವಾಗಿ ಚಿತ್ರಿಸಲಾಗಿದೆ. ತಾರಿಕ್‌ ಕ್ರಿಕೆಟ್‌ ಆಟಗಾರನಾಗುವ ಮೊದಲು ದುಬೈನ ರಿಯಲ್ ಎಸ್ಟೇಟ್ ಸಂಸ್ಥೆಯಲ್ಲಿ ಕೆಲಸ ಮಾಡುತ್ತಿದ್ದರು. ಟಿ20 ವಿಶ್ವಕಪ್‌ನಲ್ಲಿ ಇದುವರೆಗೆ ಎರಡು ಪಂದ್ಯಗಳಲ್ಲಿ ನಾಲ್ಕು ವಿಕೆಟ್‌ಗಳನ್ನು ಪಡೆದಿದ್ದಾರೆ.

ಮೋದಿ ಸ್ಟೇಡಿಯಂನ ಪಿಚ್‌ ಯಾರಿಗೆ ಸಹಕಾರಿ; ಇಂದು ಭಾರತ-ನೆದರ್ಲೆಂಡ್ಸ್ ಮುಖಾಮುಖಿ

ಭಾರತದ ವಿರುದ್ಧದ ಟಿ20 ವಿಶ್ವಕಪ್ ಸೋಲಿನಿಂದ ಪಾಕಿಸ್ತಾನ ಚೇತರಿಸಿಕೊಂಡು ಮುಂದಿನ ಸುತ್ತಿಗೆ ಅರ್ಹತೆ ಗಳಿಸಲಿದೆ ಎಂದು ತಾರಿಕ್ ವಿಶ್ವಾಸ ವ್ಯಕ್ತಪಡಿಸಿದರು. ಸೂಪರ್ 8ಗೆ ಅರ್ಹತೆ ಪಡೆಯಲು ಪಾಕಿಸ್ತಾನ ಬುಧವಾರ ಕೊಲಂಬೊದಲ್ಲಿ ನಡೆಯುವ ತನ್ನ ಕೊನೆಯ ಪಂದ್ಯದಲ್ಲಿ ನಮೀಬಿಯಾವನ್ನು ಸೋಲಿಸಲೇಬೇಕು.

"ಕಳೆದ ಪಂದ್ಯದಲ್ಲಿ ಮಾಡಿದ ತಪ್ಪುಗಳ ಮೇಲೆ ಕೆಲಸ ಮಾಡದಿದ್ದರೆ ಮಾತ್ರ ತಂಡವನ್ನು ಮೇಲೆತ್ತಬಹುದು. ನಾವು ನಮ್ಮ ತಪ್ಪುಗಳ ಮೇಲೆ ಕೆಲಸ ಮಾಡಿದ್ದೇವೆ, ಆದ್ದರಿಂದ ಅದು ಕಠಿಣ ಕೆಲಸವಲ್ಲ ಎಂದು ನಾನು ಭಾವಿಸುತ್ತೇನೆ. ಮತ್ತೆ ಅದೇ ತಪ್ಪುಗಳನ್ನು ಮಾಡದಿರಲು ನಾವು ಸಂಕಲ್ಪ ಹೊಂದಿದ್ದೇವೆ" ಎಂದು ತಾರಿಕ್‌ ಹೇಳಿದರು.