ನ್ಯೂಜಿಲೆಂಡ್‌ನ 36 ವರ್ಷಗಳ ಬರಗಾಲ ಅಂತ್ಯ; ನಂ.1 ಸ್ಥಾನಕ್ಕೇರಿದ ಮ್ಯಾಟ್ ಹೆನ್ರಿ

ಓವಲ್‌ನಲ್ಲಿ ನಡೆದ ಎರಡನೇ ಟೆಸ್ಟ್ ಪಂದ್ಯದಲ್ಲಿ ಇಂಗ್ಲೆಂಡ್ ವಿರುದ್ಧ ನ್ಯೂಜಿಲೆಂಡ್ ತಂಡವು ಪ್ರಾಬಲ್ಯ ಸಾಧಿಸುವಲ್ಲಿ ಹೆನ್ರಿ ಎರಡೂ ಇನ್ನಿಂಗ್ಸ್‌ಗಳಲ್ಲಿ ಐದು ವಿಕೆಟ್‌ಗಳನ್ನು ಪಡೆಯುವ ಮೂಲಕ ಇಂಗ್ಲೆಂಡ್ ಬ್ಯಾಟಿಂಗ್ ಲೈನ್ ಅನ್ನು ಛಿದ್ರಗೊಳಿಸಿದರು. ಲಾರ್ಡ್ಸ್‌ನಲ್ಲಿ ನಡೆದ ಮೊದಲ ಟೆಸ್ಟ್‌ನಲ್ಲಿ ನ್ಯೂಜಿಲೆಂಡ್‌ನ 115 ರನ್‌ಗಳ ಸೋಲಿನಲ್ಲಿ ಏಕೈಕ ವಿಕೆಟ್ ಪಡೆದ ನಂತರ, ಎರಡನೇ ಪಂದ್ಯದಲ್ಲಿ 11 ವಿಕೆಟ್ ಗೊಂಚಲು ಗಳಿಸಿ ತಂಡದ 253 ರನ್‌ಗಳ ಬೃಹತ್ ಗೆಲುವಿನಲ್ಲಿ ಪ್ರಮುಖ ಪಾತ್ರವಹಿಸಿದ್ದರು.

ಐಸಿಸಿ ಟೆಸ್ಟ್‌ ನಂ.1 ಸ್ಥಾನಕ್ಕೇರಿದ ನ್ಯೂಜಿಲ್ಯಾಂಡ್‌ನ ಮ್ಯಾಟ್ ಹೆನ್ರಿ

Matt Henry -

Abhilash BC Jun 24, 2026 3:56 PM

ದುಬೈ, ಜೂ.24: ನ್ಯೂಜಿಲೆಂಡ್ ಪರ 36 ವರ್ಷಗಳ ಬರಗಾಲವನ್ನು ಮ್ಯಾಟ್ ಹೆನ್ರಿ(Matt Henry) ಕೊನೆಗೊಳಿಸಿದ್ದಾರೆ. ಐಸಿಸಿ ಟೆಸ್ಟ್ ಬೌಲಿಂಗ್‌ ಶ್ರೇಯಾಂಕ(ICC Test rankings)ದಲ್ಲಿ ನಂ.1 ಸ್ಥಾನ ಪಡೆದಿದ್ದಾರೆ. ಈ ಸಾಧನೆಗೈದ ಮೂರನೇ ಕಿವೀಸ್ ಬೌಲರ್ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ. ಇಂಗ್ಲೆಂಡ್ ವಿರುದ್ಧದ ಎರಡನೇ ಟೆಸ್ಟ್ ಪಂದ್ಯದಲ್ಲಿ ಅವರು 11 ವಿಕೆಟ್ ಗೊಂಚಲು ಪಡೆದಿದ್ದರು. ಸದ್ಯ ಹೆನ್ರಿ ಭಾರತದ ಜಸ್ಪ್ರಿತ್ ಬುಮ್ರಾ ಜತೆ ಜಂಟಿ ಅಗ್ರಸ್ಥಾನ ಪಡೆದಿದ್ದಾರೆ. ಉಭಯ ಆಟಗಾರರು ತಲಾ 870 ರೇಟಿಂಗ್‌ ಅಂಕ ಹೊಂದಿದ್ದಾರೆ.

ಏತನ್ಮಧ್ಯೆ, ಎರಡನೇ ಓವಲ್ ಟೆಸ್ಟ್‌ನಲ್ಲಿ 77 ರನ್ ಗಳಿಸಿದ ನಂತರ ಜೋ ರೂಟ್ ಮತ್ತೆ ವಿಶ್ವದ ನಂ.1 ಟೆಸ್ಟ್ ಬ್ಯಾಟ್ಸ್‌ಮನ್ ಎನಿಸಿಕೊಂಡಿದ್ದಾರೆ. ಮೂರನೇ ಸ್ಥಾನದಿಂದ ಎರಡು ಸ್ಥಾನಗಳ ಜಿಗಿತದೊಂದಿಗೆ ದಾಖಲೆಯ ಉತ್ತುಂಗಕ್ಕೇರಿದ್ದಾರೆ. ನೈಟ್‌ಕ್ಲಬ್ ಘಟನೆಯಿಂದಾಗಿ ಬೆನ್ ಸ್ಟೋಕ್ಸ್ ಅವರನ್ನು ಕೈಬಿಟ್ಟ ನಂತರ ರೂಟ್ ಓವಲ್ ಟೆಸ್ಟ್‌ಗೆ ಹಂಗಾಮಿ ನಾಯಕರಾಗಿದ್ದರು. ಅವರು ಎರಡನೇ ಇನ್ನಿಂಗ್ಸ್‌ನಲ್ಲಿ 77 ರನ್ ಗಳಿಸಿದರು ಮತ್ತು ಟೆಸ್ಟ್ ಕ್ರಿಕೆಟ್‌ನಲ್ಲಿ 14,000 ರನ್‌ಗಳನ್ನು ತಲುಪಿದರು.

'ಸ್ಟೋಕ್ಸ್‌ ನನ್ನ ಉತ್ತಮ ಸ್ನೇಹಿತ'; ಭಿನ್ನಾಭಿಪ್ರಾಯ ವದಂತಿ ತಳ್ಳಿಹಾಕಿದ ಮೆಕಲಮ್

ಓವಲ್‌ನಲ್ಲಿ ನಡೆದ ಎರಡನೇ ಟೆಸ್ಟ್ ಪಂದ್ಯದಲ್ಲಿ ಇಂಗ್ಲೆಂಡ್ ವಿರುದ್ಧ ನ್ಯೂಜಿಲೆಂಡ್ ತಂಡವು ಪ್ರಾಬಲ್ಯ ಸಾಧಿಸುವಲ್ಲಿ ಹೆನ್ರಿ ಎರಡೂ ಇನ್ನಿಂಗ್ಸ್‌ಗಳಲ್ಲಿ ಐದು ವಿಕೆಟ್‌ಗಳನ್ನು ಪಡೆಯುವ ಮೂಲಕ ಇಂಗ್ಲೆಂಡ್ ಬ್ಯಾಟಿಂಗ್ ಲೈನ್ ಅನ್ನು ಛಿದ್ರಗೊಳಿಸಿದರು. ಲಾರ್ಡ್ಸ್‌ನಲ್ಲಿ ನಡೆದ ಮೊದಲ ಟೆಸ್ಟ್‌ನಲ್ಲಿ ನ್ಯೂಜಿಲೆಂಡ್‌ನ 115 ರನ್‌ಗಳ ಸೋಲಿನಲ್ಲಿ ಏಕೈಕ ವಿಕೆಟ್ ಪಡೆದ ನಂತರ, ಎರಡನೇ ಪಂದ್ಯದಲ್ಲಿ 11 ವಿಕೆಟ್ ಗೊಂಚಲು ಗಳಿಸಿ ತಂಡದ 253 ರನ್‌ಗಳ ಬೃಹತ್ ಗೆಲುವಿನಲ್ಲಿ ಪ್ರಮುಖ ಪಾತ್ರವಹಿಸಿದ್ದರು.

ಇತ್ತೀಚಿನ ದಿನಗಳಲ್ಲಿ ರೂಟ್ ಮತ್ತು ಬ್ರೂಕ್ ಮಧ್ಯೆ ನಂ.1 ಸ್ಥಾನಕ್ಕೆ ಹಲವು ಬಾರಿ ಪೈಪೋಟಿ ನಡೆದಿದೆ. ಯಾರ್ಕ್‌ಷೈರ್‌ನ ಈ ಜೋಡಿ ಕಳೆದ 18 ತಿಂಗಳುಗಳಲ್ಲಿ ಒಟ್ಟು ಆರು ಬಾರಿ ಅಗ್ರ ಸ್ಥಾನವನ್ನು ಪಡೆದಿದ್ದಾರೆ.