ನಾಳೆಯಿಂದ ಮಹಿಳಾ ಏಷ್ಯಾಕಪ್‌; ಭಾರತದ ದಾಖಲೆ ಹೇಗಿದೆ?

ದುಬೈ, ಆ.27: ಮಹಿಳಾ ಏಷ್ಯಾಕಪ್‌ನ ಆರನೇ ಟಿ20ಐ ಆವೃತ್ತಿಯು ಆಗಸ್ಟ್ 28 ರಿಂದ ಸೆಪ್ಟೆಂಬರ್ 13 ರವರೆಗೆ ದುಬೈನಲ್ಲಿ ನಡೆಯಲಿದೆ. 2024 ರ ಆವೃತ್ತಿಯ ಫೈನಲ್‌ನಲ್ಲಿ ಶ್ರೀಲಂಕಾ ವಿರುದ್ಧ ಸೋತ ನಂತರ ಹರ್ಮನ್‌ಪ್ರೀತ್ ಕೌರ್ ನೇತೃತ್ವದ ಭಾರತ, ಏಷ್ಯನ್ ಚಾಂಪಿಯನ್ ಪಟ್ಟವನ್ನು ಮರಳಿ ಪಡೆಯಲು ಎದುರು ನೋಡುತ್ತಿದೆ.

ಒಟ್ಟಾರೆಯಾಗಿ ಭಾರತವು 7 ಬಾರಿ ಟೂರ್ನಿಯಲ್ಲಿ ಚಾಂಪಿಯನ್‌ ಆಗುವ ಮೂಲಕ ಪ್ರಭುತ್ವ ಸ್ಥಾಪಿಸಿದೆ. ಟಿ20 ಮಾದರಿಯಲ್ಲಿ ಮೂರು ಬಾರಿ (2012, 2016 ಮತ್ತು 2022 ರಲ್ಲಿ) ಮತ್ತು ಏಕದಿನ ಮಾದರಿಯಲ್ಲಿ(2004, 2005, 2006, 2008) ನಾಲ್ಕು ಬಾರಿ ಚಾಂಪಿಯನ್‌ ಪಟ್ಟ ಅಲಂಕರಿಸಿದೆ. ಎರಡು ಬಾರಿ ರನ್ನರ್‌ ಅಪ್‌ ಆಗಿದೆ.

ಹರ್ಮನ್‌ಪ್ರೀತ್ ಕೌರ್ ನೇತೃತ್ವದ ತಂಡವು ಆಗಸ್ಟ್ 30 ರಂದು ಥೈಲ್ಯಾಂಡ್ ವಿರುದ್ಧ ಆಡುವ ಮೂಲಕ ತನ್ನ ಅಭಿಯಾನ ಆರಂಭಿಸಲಿದೆ. ಸೆಪ್ಟೆಂಬರ್ 3 ರಂದು ಹಾಂಗ್ ಕಾಂಗ್ ವಿರುದ್ಧ, ಬದ್ಧ ಎದುರಾಳಿ ಪಾಕಿಸ್ತಾನ ವಿರುದ್ಧ ಸೆಪ್ಟೆಂಬರ್ 5 ರಂದು ಪಂದ್ಯವನ್ನಾಡಲಿದೆ. ಶುಕ್ರವಾರ ನಡೆಯುವ ಉದ್ಘಾಟನಾ ಪಂದ್ಯದಲ್ಲಿ ಹಾಂಗ್ ಕಾಂಗ್ ಚೀನಾ ತಂಡವು ಗ್ರೂಪ್ 'ಎ' ನಲ್ಲಿ ಥೈಲ್ಯಾಂಡ್ ತಂಡವನ್ನು ಎದುರಿಸಲಿದೆ. ಎಲ್ಲಾ ಪಂದ್ಯಗಳು ದುಬೈ ಅಂತರರಾಷ್ಟ್ರೀಯ ಕ್ರಿಕೆಟ್ ಕ್ರೀಡಾಂಗಣದಲ್ಲಿ ನಡೆಯಲಿದ್ದು, ಸ್ಥಳೀಯ ಸಮಯ ಸಂಜೆ 6.30 ಕ್ಕೆ ಪಂದ್ಯಗಳು ಪ್ರಾರಂಭವಾಗಲಿವೆ.

ಪಂದ್ಯದ ಸ್ವರೂಪ

ಪಂದ್ಯಾವಳಿಯ ಸ್ವರೂಪವು ಲೀಗ್ ಹಂತದಲ್ಲಿ ಪ್ರತಿ ಗುಂಪಿನ ಎಲ್ಲಾ ತಂಡಗಳು ಪರಸ್ಪರ ಒಮ್ಮೆ ಆಡುತ್ತವೆ. ಪ್ರತಿ ಗುಂಪಿನಿಂದ ಎರಡು ಅತ್ಯುನ್ನತ ಶ್ರೇಯಾಂಕಿತ ತಂಡಗಳು ಸೆಮಿಫೈನಲ್‌ಗೆ ಮುನ್ನಡೆಯುತ್ತವೆ, ಸೆಪ್ಟೆಂಬರ್ 10 ರಂದು A1 ತಂಡವು B2 ವಿರುದ್ಧ ಮೊದಲ ನಾಕೌಟ್ ಪಂದ್ಯವನ್ನು ಆಡುತ್ತದೆ. A2 ಮತ್ತು B1 ನಡುವಿನ ಎರಡನೇ ಸೆಮಿಫೈನಲ್ ಸೆಪ್ಟೆಂಬರ್ 11 ರಂದು ನಡೆಯಲಿದೆ. ಸೆಪ್ಟೆಂಬರ್ 13 ರಂದು ಫೈನಲ್‌ ನಡೆಯಲಿದೆ.

ಮಹಿಳಾ ಏಷ್ಯಾ ಕಪ್ (T20 ಆವೃತ್ತಿಗಳು) ನಲ್ಲಿ ಭಾರತದ ಪ್ರದರ್ಶನ

ಆಡಿದ ಪಂದ್ಯಗಳು: 25

ಗೆಲುವು: 21

ಸೋಲು: 4

ಅತ್ಯಧಿಕ ಸ್ಕೋರ್: 201/5 vs ಯುಎಇ (2024)

ಕಡಿಮೆ ಸ್ಕೋರ್: ಪಾಕಿಸ್ತಾನ ವಿರುದ್ಧ 81 ಆಲ್ ಔಟ್ (2012)

ಚಾಂಪಿಯನ್: 2012, 2016 ಮತ್ತು 2022

ಜೋಸ್ ಬಟ್ಲರ್ ವಿಶ್ವ ದಾಖಲೆ ಮುರಿದ ಕೀರನ್ ಪೊಲಾರ್ಡ್

ಮಹಿಳಾ ಏಷ್ಯಾಕಪ್‌ನಲ್ಲಿ ಭಾರತ ಪರ ಅತಿ ಹೆಚ್ಚು ರನ್‌ಗಳು

ಹರ್ಮನ್ಪ್ರೀತ್ ಕೌರ್-481*

ಸ್ಮೃತಿ ಮಂಧಾನ-402*

ಮಿಥಾಲಿ ರಾಜ್- 402

ಮಹಿಳಾ ಏಷ್ಯಾಕಪ್‌ನಲ್ಲಿ ಭಾರತ ಪರ ಅತಿ ಹೆಚ್ಚು ವಿಕೆಟ್‌ಗಳು

ದೀಪ್ತಿ ಶರ್ಮಾ-26 ವಿಕೆಟ್‌

ಏಕ್ತಾ ಬಿಷ್ಟ್‌ - 16 ವಿಕೆಟ್‌

ಪೂನಾಂ ಯಾದವ್‌-14 ವಿಕೆಟ್‌