ಶಾಲಾ ಪ್ರಾರ್ಥನೆಯ ಸಮಯದಲ್ಲಿ ಕಣ್ಮುಚ್ಚಿ ಲಾಲಿಪಾಪ್ ತಿಂದ ಬಾಲಕ: ಮುಗ್ದತೆಗೆ ನೆಟ್ಟಿಗರು ಫಿದಾ!

ಬೆಂಗಳೂರು,ಮಾ.27: ಮಕ್ಕಳ ಮುಗ್ದತೆಯ ಗಮನ ಸೆಳೆಯುವ ಅನೇಕ ವಿಡಿಯೊಗಳು ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ (Viral News) ಆಗುತ್ತವೆ. ಇದೀಗ ಅಂತಹುದೇ ದೃಶ್ಯವೊಂದು ಕಂಡು ಬಂದಿದ್ದು ಬಾಲಕನೊಬ್ಬನ ವರ್ತನೆ ಎಲ್ಲರಲ್ಲೂ ನಗೆ ಬೀರುವಂತೆ ಮಾಡಿದೆ. ಬಾಲಕನು ಶಾಲಾ ಪ್ರಾರ್ಥನೆ ಸಮಯದಲ್ಲಿ ಲಾಲಿ ಪಾಪ್ ಸವಿದಿರುವ ದೃಶ್ಯ ಕಂಡು ಬಂದಿದೆ.

ಈ ದೃಶ್ಯವು ಮುಗ್ಧತೆ ಮತ್ತು ಹಾಸ್ಯದಿಂದ ಎಲ್ಲರ ಹೃದಯಗಳನ್ನು ಗೆಲ್ಲುತ್ತಿದೆ. ವೀಡಿಯೊದಲ್ಲಿ, ಮಕ್ಕಳ ಗುಂಪೊಂದು ಸಾಲುಗಳಲ್ಲಿ ನಿಂತು ಕಣ್ಣು ಮುಚ್ಚಿ ಪ್ರಾರ್ಥಿಸುತ್ತಾ ಕೈಗಳನ್ನು ಮಡಚಿ ಶಿಸ್ತನ್ನು ಕಾಪಾಡಿಕೊಳ್ಳುವುದನ್ನು ನೋಡಬಹುದು.ಇದರ ಮಧ್ಯದಲ್ಲಿ, ಒಬ್ಬ ಚಿಕ್ಕ ಹುಡುಗನ ಮುಗ್ದತೆ ಗಮನ ಸೆಳೆದಿದೆ.

ವಿಡಿಯೋ ನೋಡಿ:

ಬಾಲಕನು ಕಣ್ಣು ಮುಚ್ಚಿ ಪ್ರಾರ್ಥಿಸುವಂತೆ ನಟಿಸುತ್ತಾ ಮೆಲ್ಲ ಲಾಲಿಪಾಪ್ ಸವಿಯುವುದನ್ನು ಕಾಣಬಹುದು. ಕಣ್ಣುಗಳನ್ನು ಬಿಗಿಯಾಗಿ ಮುಚ್ಚಿ, ಯಾರೂ ತನ್ನನ್ನು ನೋಡುವುದಿಲ್ಲ ಎಂದು ನಂಬಿದ್ದಾನೆ. ಈ ದೃಶ್ಯ ವೀಕ್ಷಕರಿಗೆ ವಿಶೇಷವಾಗಿ ಇಷ್ಟವಾಗುವಂತೆ ಮಾಡಿದೆ. ಲಾಲಿಪಾಪ್ ತಿಂದ ನಂತರ, ಅವನು ಅದರ ಕೋಲನ್ನು ತನ್ನ ಶರ್ಟ್ ಜೇಬಿನಲ್ಲಿ ಎಚ್ಚರಿಕೆಯಿಂದ ಇಟ್ಟುಕೊಂಡು ತನ್ನ ಪ್ರಾರ್ಥನಾ ನಿಲುವನ್ನು ಪುನರಾರಂಭಿಸುತ್ತಾನೆ.

Viral Video: ಏನಿದು ಪವಾಡ?! ಎಲ್‌ಪಿಜಿ ಕೊರತೆ ಬಗ್ಗೆ 5 ತಿಂಗಳ ಹಿಂದೆಯೇ ಭವಿಷ್ಯ ನುಡಿದಿದ್ದ ಜ್ಯೋತಿಷಿ

ಈ ವಿಡಿಯೋವನ್ನು shubham_x_rana_ ಎಂಬ ಇನ್‌ ಸ್ಟಾಗ್ರಾಮ್ ಬಳಕೆದಾರರು ಹಂಚಿಕೊಂಡಿದ್ದಾರೆ. "ಪ್ರಾರ್ಥನ ಸಮಯದಲ್ಲಿ ಚಾಕೋಲೆಟ್'' ಎಂದು ಶೀರ್ಷಿಕೆ ನೀಡಿದ್ದಾರೆ. ಈ ವಿಡಿಯೋ ಈಗ ವೈರಲ್ ಆಗಿದ್ದು, ಹಲವು ಬಳಕೆದಾರರು ಇದಕ್ಕೆ ಲೈಕ್ ,ಕಾಮೆಂಟ್ ನೀಡಿ ಪ್ರತಿಕ್ರಿಯೆ ನೀಡಿದ್ದಾರೆ. ಒಬ್ಬ ಬಳಕೆದಾರರು ಬರೆದಿದ್ದಾರೆ, "ಅವನು ಕೋಲನ್ನು ಎಸೆಯಲಿಲ್ಲ. ಅವನು ಅದನ್ನು ತನ್ನ ಜೇಬಿನೊಳಗೆ ಇಟ್ಟುಕೊಂಡಿದ್ದನು..ಶಿಸ್ತಿನ ಹುಡುಗ ಎಂದಿದ್ದಾರೆ. ಮತ್ತೊಬ್ಬರು ಬಾಲ್ಯ ನನ್ನನ್ನು ನೆನಪಿಸುವಂತೆ ಮಾಡಿದೆ ಎಂದು ಬರೆದಿದ್ದಾರೆ.