ಐಎಫ್‌ಎ 2026: ಡ್ರೀಮಿ ತನ್ನ ಬುದ್ಧಿವಂತ ತಂತ್ರಜ್ಞಾನ ಪರಿಸರ ವ್ಯವಸ್ಥೆಯ ವಿಸ್ತರಣೆಗೆ ಮತ್ತಷ್ಟು ವೇಗ

ಬೆಂಗಳೂರು: ಐಎಫ್‌ಎ 2026ರಲ್ಲಿ ಡ್ರೀಮ್ ತನ್ನ ಜಾಗತಿಕ ಬೆಳವಣಿಗೆಯ ಪಯಣದಲ್ಲಿ ಮತ್ತೊಂದು ಮಹತ್ವದ ಮೈಲಿಗಲ್ಲನ್ನು ಸಾಧಿಸಿದೆ. 190ಕ್ಕೂ ಹೆಚ್ಚು ದೇಶಗಳು ಮತ್ತು ಪ್ರದೇಶಗಳಲ್ಲಿ ತನ್ನ ಉಪಸ್ಥಿತಿ ಹೊಂದಿರುವ ಡ್ರೀಮಿ, ಗ್ರಾಹಕರ ದೈನಂದಿನ ಅಗತ್ಯಗಳ ವಿಸ್ತರಿಸುತ್ತಿರುವ ವ್ಯಾಪ್ತಿಯನ್ನು ಪೂರೈಸುವ ಉದ್ದೇಶದಿಂದ ಬುದ್ಧಿವಂತ ತಂತ್ರಜ್ಞಾನ ಪರಿಸರ ವ್ಯವಸ್ಥೆಯನ್ನು ನಿರ್ಮಿಸುವತ್ತ ಗಮನ ಹರಿಸಿದೆ. ಈ ಹೊಸ ವಿಸ್ತರಣೆಯು ದೈನಂದಿನ ಜೀವನವನ್ನು ಮತ್ತಷ್ಟು ಸುಲಭ, ಸೃಜನಾತ್ಮಕ ಮತ್ತು ಸಂಪರ್ಕಿತವಾಗಿಸುವ ತಂತ್ರಜ್ಞಾನ ಬಳಕೆಯ ಕುರಿತ ಸಂಸ್ಥೆಯ ಬದ್ಧತೆಯನ್ನು ಪ್ರತಿಬಿಂಬಿಸುತ್ತದೆ.

ಬಲಿಷ್ಠ ಜಾಗತಿಕ ಬೆಳವಣಿಗೆ 2026ರ ಮೊದಲಾರ್ಧದಲ್ಲಿ ಡ್ರೀಮಿ ವರ್ಷದಿಂದ ವರ್ಷಕ್ಕೆ ಶೇ. 91ರಷ್ಟು ಆದಾಯ ಬೆಳವಣಿಗೆಯನ್ನು ದಾಖಲಿಸಿದೆ. ಇದು ಸಂಸ್ಥೆಯ ನಿರಂತರ ಅಂತರರಾಷ್ಟ್ರೀಯ ವಿಸ್ತರಣೆ ಮತ್ತು ಯುರೋಪ್‌ನಲ್ಲಿ ದಾಖಲಿಸಿದ ಬಲಿಷ್ಠ ಕಾರ್ಯಕ್ಷಮತೆಯ ಆಧಾರದ ಮೇಲೆ ಮತ್ತಷ್ಟು ಬೆಳವಣಿಗೆಯನ್ನು ಸೂಚಿಸುತ್ತದೆ.

2025ರಲ್ಲಿ ಯುರೋಪ್‌ನ ರೋಬೋಟಿಕ್ ವ್ಯಾಕ್ಯೂಮ್ ಮಾರುಕಟ್ಟೆಯಲ್ಲಿ ನಂಬರ್ 1 ಬ್ರ್ಯಾಂಡ್ ಆಗಿ ಹೊರಹೊಮ್ಮಿದ ಬಳಿಕ, 2026ರ ಮೊದಲಾರ್ಧದಲ್ಲಿಯೂ ಡ್ರೀಮಿ ತನ್ನ ಸ್ಥಾನವನ್ನು ಮತ್ತಷ್ಟು ಬಲಪಡಿಸಿದೆ. ಪಶ್ಚಿಮ ಯುರೋಪ್‌ನ ರೋಬೋಟಿಕ್ ವ್ಯಾಕ್ಯೂಮ್ ಮಾರುಕಟ್ಟೆಯಲ್ಲಿ ಶೇ. 42.1ರಷ್ಟು ಪಾಲನ್ನು ಸಾಧಿಸಿದೆ.

ಇದನ್ನೂ ಓದಿ: Dr Jagadeesh Maane Column: ಮಳೆ ಎಲ್ಲಿದೆ? ರೈತನ ಕಣ್ಣಲ್ಲಿ ಸಾವಿರ ಪ್ರಶ್ನೆಗಳು!

ಪ್ರಸ್ತುತ, ಜಾಗತಿಕವಾಗಿ 10,000ಕ್ಕೂ ಹೆಚ್ಚು ಭೌತಿಕ ಚಿಲ್ಲರೆ ಮಳಿಗೆಗಳ ಜಾಲದ ಮೂಲಕ ಸಂಸ್ಥೆ ತನ್ನ ಉತ್ಪನ್ನಗಳನ್ನು ಗ್ರಾಹಕರಿಗೆ ತಲುಪಿಸುತ್ತಿದೆ. ಉತ್ಪನ್ನ ನವೀನತೆ, ಗ್ರಾಹಕರೊಂದಿಗೆ ನಿಕಟ ಸಂಪರ್ಕ ಮತ್ತು ವಿಶ್ವದಾದ್ಯಂತದ ಪ್ರಮುಖ ಚಿಲ್ಲರೆ ವ್ಯಾಪಾರಿಗಳೊಂದಿಗಿನ ದೀರ್ಘಕಾಲೀನ ಸಹಭಾಗಿತ್ವಗಳು ಡ್ರೀಮಿ ನ ಬೆಳವಣಿಗೆಯ ಪ್ರಮುಖ ಚಾಲಕಗಳಾಗಿವೆ.

ಡ್ರೀಮಿ ಕಾರ್ಯತಂತ್ರದ ಕೇಂದ್ರಬಿಂದುವಿನಲ್ಲಿ ನವೀನತೆ

ಸ್ಥಾಪನೆಯಾದಂದಿನಿಂದಲೂ ನವೀನತೆಯೇ ಡ್ರೀಮಿ ಬೆಳವಣಿಗೆಯ ಪ್ರಮುಖ ಶಕ್ತಿಯಾಗಿದೆ. ಹೆಚ್ಚಿನ ವೇಗದ ಡಿಜಿಟಲ್ ಮೋಟಾರ್‌ಗಳು, ಕೃತಕ ಬುದ್ಧಿಮತ್ತೆ, ಬುದ್ಧಿವಂತ ಅಲ್ಗಾರಿದಮ್‌ಗಳು ಮತ್ತು ರೋಬೋಟಿಕ್ಸ್ ಕ್ಷೇತ್ರಗಳಲ್ಲಿನ ಪರಿಣತಿಯನ್ನು ಆಧರಿಸಿ, ನೈಜ ಗ್ರಾಹಕರ ಅಗತ್ಯಗಳಿಗೆ ಸ್ಪಂದಿಸುವ ಮತ್ತು ದೈನಂದಿನ ಅನುಭವಗಳನ್ನು ಸುಧಾರಿಸುವ ತಂತ್ರಜ್ಞಾನಗಳನ್ನು ಸಂಸ್ಥೆ ಅಭಿವೃದ್ಧಿಪಡಿಸುತ್ತಿದೆ.

ಡ್ರೀಮಿ ವಿಶ್ವದಾದ್ಯಂತ 14,000ಕ್ಕೂ ಹೆಚ್ಚು ಪೇಟೆಂಟ್ ಅರ್ಜಿಗಳನ್ನು ಸಲ್ಲಿಸಿದ್ದು, ಈ ಪೈಕಿ 4,400ಕ್ಕೂ ಹೆಚ್ಚು ಪೇಟೆಂಟ್‌ಗಳಿಗೆ ಮಂಜೂರಾತಿ ದೊರೆತಿದೆ. ಈ ವಿಸ್ತರಿಸುತ್ತಿರುವ ಬೌದ್ಧಿಕ ಸ್ವತ್ತಿನ ಪೋರ್ಟ್‌ಫೋಲಿಯೊವು ಅತ್ಯಾಧುನಿಕ ತಂತ್ರಜ್ಞಾನಗಳನ್ನು ಪ್ರಾಯೋಗಿಕ ಗ್ರಾಹಕ ಪರಿಹಾರ ಗಳಾಗಿ ಪರಿವರ್ತಿಸುವ ಸಂಸ್ಥೆಯ ಸಾಮರ್ಥ್ಯವನ್ನು ಪ್ರತಿಬಿಂಬಿಸುತ್ತದೆ.

ನಿರಂತರವಾಗಿ ವಿಸ್ತರಿಸುತ್ತಿರುವ ಪರಿಸರ ವ್ಯವಸ್ಥೆ

ನೆಲದ ಸ್ವಚ್ಛತೆ ಮತ್ತು ನಿರ್ವಹಣಾ ಉತ್ಪನ್ನಗಳಲ್ಲಿ ಬಲಿಷ್ಠ ಸ್ಥಾನವನ್ನು ನಿರ್ಮಿಸಿಕೊಂಡಿರುವ ಡ್ರೀಮಿ, ಇದೀಗ ತನ್ನ ಪರಿಸರ ವ್ಯವಸ್ಥೆಯನ್ನು ಉದ್ಯಾನ ನಿರ್ವಹಣೆ, ವೈಯಕ್ತಿಕ ಆರೈಕೆ, ಅಡುಗೆ ಮನೆಯ ಉಪಕರಣಗಳು ಮತ್ತು ಮನರಂಜನೆ ಸೇರಿದಂತೆ ವಿವಿಧ ವಿಭಾಗಗಳಿಗೆ ವಿಸ್ತರಿಸಿದೆ.

ಐಎಫ್‌ಎ 2026ರಲ್ಲಿ ಸಂಸ್ಥೆಯು ಎರಡು ಹೊಸ ಉತ್ಪನ್ನ ವಿಭಾಗಗಳನ್ನು ಜಾಗತಿಕವಾಗಿ ಪರಿಚಯಿ ಸುವ ಮೂಲಕ ಮತ್ತೊಂದು ಮಹತ್ವದ ಹೆಜ್ಜೆ ಮುಂದಿಟ್ಟಿದೆ. ಸೃಜನಶೀಲತೆಗೆ ಹೊಸ ಅವಕಾಶ ಗಳನ್ನು ಒದಗಿಸುವ ಉದ್ದೇಶದೊಂದಿಗೆ ವಿನ್ಯಾಸಗೊಳಿಸಲಾದ 3ಡಿ ಮುದ್ರಕಗಳ ಸರಣಿ ಮತ್ತು ಜೀವನದ ಮಹತ್ವದ ಕ್ಷಣಗಳನ್ನು ಸೆರೆಹಿಡಿಯಲು ವಿನ್ಯಾಸಗೊಳಿಸಲಾದ ಹೊಸ ತಲೆಮಾರಿನ ಆಕ್ಷನ್ ಕ್ಯಾಮೆರಾಗಳನ್ನು ಸಂಸ್ಥೆ ಅನಾವರಣಗೊಳಿಸಿದೆ.

ಈ ರೀತಿಯಾಗಿ ನಿರಂತರವಾಗಿ ವಿಸ್ತರಿಸುತ್ತಿರುವ ಪರಿಸರ ವ್ಯವಸ್ಥೆಯ ಮೂಲಕ, ದೈನಂದಿನ ಕಾರ್ಯಗಳನ್ನು ಸ್ವಯಂಚಾಲಿತಗೊಳಿಸುವುದು, ಹೊಸ ಅನುಭವಗಳಿಗೆ ಅವಕಾಶ ಕಲ್ಪಿಸುವುದು ಮತ್ತು ಗ್ರಾಹಕರಿಗೆ ಅತ್ಯಂತ ಮಹತ್ವದ್ದಾದ ಸಂಗತಿಗಳಿಗಾಗಿ ಸೃಜನಶೀಲತೆ, ಸಂಪರ್ಕ ಮತ್ತು ಜೀವನವನ್ನು ಆನಂದಿಸಲು ಹೆಚ್ಚಿನ ಸಮಯ ಒದಗಿಸುವುದು ಡ್ರೀಮಿ, ನ ಉದ್ದೇಶವಾಗಿದೆ.