ಇತ್ತೀಚಿನ ದಿನಗಳಲ್ಲಿ ನಿರಂತರವಾಗಿ ಏರಿಕೆಯಾಗುತ್ತಿರುವ ಅಗತ್ಯ ವಸ್ತುಗಳ ಬೆಲೆಗಳಿಂದಾಗಿ ಸಾಮಾನ್ಯ ಜನರ ಬದುಕು ದುಸ್ತರವಾಗಿದೆ. ಎಲ್ಲಕ್ಕಿಂತ ಆಘಾತಕಾರಿ ವಿಷಯವೆಂದರೆ ಮಾರುಕಟ್ಟೆಯ ಏರಿಳಿತ ಗಳಿಗಿಂತ ಹೆಚ್ಚಾಗಿ ಸರ್ಕಾರವೇ ವಿವಿಧ ಸೇವೆಗಳು, ತೆರಿಗೆಗಳು ಮತ್ತು ಸಾರಿಗೆ ದರಗಳನ್ನು ಹೆಚ್ಚಿಸುವ ಮೂ ಲಕ ಬೆಲೆ ಏರಿಕೆಗೆ ನೇರ ಕಾರಣವಾಗುತ್ತಿರುವುದು ನಿಜಕ್ಕೂ ಕಳವಳ ಕಾರಿ ಸಂಗತಿ. ಬಸ್ ದರಗಳ ಏರಿಕೆ, ವಿದ್ಯುತ್ ಶುಲ್ಕ ಹೆಚ್ಚಳ, ಹಾಲಿ ನ ದರ ಏರಿಕೆ ಮತ್ತು ಆಸ್ತಿ ತೆರಿಗೆಗಳ ಹೆಚ್ಚಳದಿಂದಾಗಿ ಬಡ ಹಾಗೂ ಮಧ್ಯಮ ವರ್ಗದವರ ಜೇಬಿಗೆ ಕತ್ತರಿ ಬೀಳುತ್ತಿದೆ.
ಮುಖ್ಯವೋ ಅಥವಾ ಜಾಹೀರಾತು ತರುವ ಆದಾಯವೋ ಎಂಬುದಕ್ಕೆ ಸಮರ್ಥ ಉತ್ತರ ಅ.1ರ ‘ನೂರೆಂಟು ವಿಶ್ವ’ ಬರಹದಲ್ಲಿ ಸಿಕ್ಕಿದೆ. ಪತ್ರಿಕೆಗೆ ಸಂಪನ್ಮೂಲ ಜಾಹೀರಾತಿನಿಂದ. ಆದರೆ, ಸಮಾಜಕ್ಕೆ ಕಳಂಕ ತರುವಂತಹ ಜಾಹೀರಾತನ್ನು, ಅದೆಷ್ಟೇ ಹಣ ತರುತ್ತಿದ್ದರೂ, ಹೆಸರು ಗಳಿಸಿದ ಪತ್ರಿಕೆಗಳು ಸ್ವೀಕರಿಸುವುದಿಲ್ಲ ಎಂಬುದು ಎಷ್ಟು ಸತ್ಯವೋ, ಕೆಲವೊಮ್ಮೆ ತಿಳಿದೋ, ತಿಳಿಯದೆ ಯೋ ಪ್ರಮಾದವಾ ಗುವುದೂ ಉಂಟು.
ಇದು ಔಷಧಿ ಕಂಪನಿಗಳ ಹಗಲು ದರೋಡೆ. ಇಷ್ಟು ವರ್ಷಗಳಿಂದ ಔಷಧಿ ನಿಯಂತ್ರಣ ಮಂಡಳಿ ಯವರು ಏನು ಮಾಡುತ್ತಿದ್ದರು? ಈ ದಂಧೆಯಲ್ಲಿ ಅವರು ಸಹ ಶಾಮೀಲಾಗಿರುವ ಶಂಕೆ ಇದೆ. ಇದರಲ್ಲಿ ಕೆಲವು ಡಾಕ್ಟರ್‌ಗಳಿಗೂ ಕಮಿಷನ್ ಇರಬಹುದು. ಒಂದು ಕಡೆ ದುಬಾರಿ ಬೆಲೆ ತೆತ್ತು ಔಷಧಿ ಖರೀದಿ, ಮತ್ತೊಂದು ಕಡೆ ನಕಲಿ ಔಷಧಿ ಮಾರಾಟ, ಇನ್ನೊಂದು ಕಡೆ ನಕಲಿ ವೈದ್ಯರು, ಇವೆಲ್ಲದರಿಂದ ರೋಗಿ ಪಾರಾಗುವುದು ಹೇಗೆ?
ಪಶು ಪ್ರಾಣಿ ಉರಗಗಳು ಇತ್ಯಾದಿಗಳ ಸಾಂಗತ್ಯದಲ್ಲಿ ನಿತ್ಯವೂ ಬಾಳುವ ಗಂಡ ಮತ್ತು ಇಬ್ಬರು ಮಕ್ಕಳನ್ನು ನೋಡಿಕೊಂಡು, ಹೊಂದಿಕೊಂಡು, ಅನುಸರಿಸಿಕೊಂಡು ಹೋಗುವ ಗೌರಿಯ ನಡೆ ನಿಜವಾಗಿಯೂ ಅಭಿನಂದನೀಯ ಹಾಗೂ ಸಾರ್ವಕಾಲಿಕ ಪೂಜ್ಯ. ಕಡೆಯದಾಗಿ ಗಂಡಸಿಗೇನು ಗೊತ್ತು ಗೌರಿ ದುಃಖ? ಅನ್ನುವ ಗಾದೆಯ ಮಾತನ್ನು ಪುಷ್ಟೀಕರಿಸುವಂತೆ ಲೇಖಕರ ಸಾಂದರ್ಭಿಕ ಶಬ್ದಾಲಂಕಾರ ಗಳೂ ಅಭಿನಂದನೀಯ.
‘ಅಪ್ಪನ ಕೊನೆಯುಸಿರಿನ ಹಾದಿಯಲ್ಲಿ ಮಗನ ಜೊತೆ ಭಾವಪೂರ್ಣ ಪಯಣ’ ನೂರೆಂಟು ವಿಶ್ವ ಅಂಕಣದಲ್ಲಿ ವಿಶ್ವೇಶ್ವರ ಭಟ್ಟರು ಬರೆದುದು ಕೇವಲ ಒಂದು ಲೇಖನವಲ್ಲ, ಅದು ಓದುಗರ ಹೃದಯ ದೊಳಗೆ ನಿಧಾನವಾಗಿ ಇಳಿದು, ಅಪ್ಪ ಎಂಬ ಅಮೂಲ್ಯ ಸಂಬಂಧದ ನೆನಪುಗಳನ್ನು ಎಚ್ಚರಿಸುವ ಭಾವಯಾನ. ಲೇಖನ ಓದುತ್ತಿದ್ದಂತೆ ಕಣ್ಣುಗಳು ತೇವವಾದವು, ಹೃದಯ ತುಂಬಿ ಬಂತು. ಅರವತ್ತು ವರುಷ ಹಿಂದೆ ಪಾಕಿಸ್ತಾನದೊಡನೆ ಯುದ್ಧ ಗೆದ್ದ ನಂತರ ತಾಷ್ಕೆಂಟ್ ಒಪ್ಪಂದಕ್ಕೆ ಸಹಿ ಹಾಕಲು ಹೋದ
ಶ್ರೀ ವತ್ಸ ಜೋಶಿ ಅವರ ‘ತಿಳಿರು ತೋರಣ’ ಅಂಕಣ ಸಂಗ್ರಹಯೋಗ್ಯ. ಒಂದೇ ಅಂಕಣದಲ್ಲಿ ಬೇರೆ ಬೇರೆ ಹಿನ್ನೆಲೆಯಿಂದ ಬಂದ, ಬೇರೆ ಬೇರೆ ತರಹದ ಕಷ್ಟಗಳನ್ನು ಎದುರಿಸಿ ವಿವಿಧ ಕ್ಷೇತ್ರದಲ್ಲಿ ಸಾಧನೆ ಮಾಡಿದ, ವಿಭಿನ್ನ ವ್ಯಕ್ತಿತ್ವ ಹೊಂದಿದ್ದ 9 ಸಾಧಕರ ಸಂಕ್ಷಿಪ್ತ ಆಟೋಬಯೋಗ್ರಾಫಿ ನೀಡಿದ್ದಾರೆ. ಕೊನೆಯಲ್ಲಿ ಚಹ ಮಾರುತಿದ್ದ ಹುಡುಗ ನಮ್ಮ ದೇಶದ ಪ್ರಧಾನಿ ಆದ ಸಾಧನೆ ಬಗ್ಗೆಯೂ ಕೂಡ ಹೆಮ್ಮೆಯಿಂದ ಬರೆದಿದ್ದಾರೆ. ಒಳ್ಳೆಯ ಅಂಕಣ ಬರಹ. ಲೇಖಕರಿಗೆ ಮತ್ತು ಪತ್ರಿಕೆಗೂ ಧನ್ಯವಾದಗಳು.
ಇತ್ತೀಚೆಗೆ ಪ್ರವಾಸೋದ್ಯಮ ಸಚಿವ ಕೆ.ಜೆ.ಜಾರ್ಜ್ ಅವರು ಕರ್ನಾಟಕ ಪರಂಪರೆ ಮತ್ತು ಸಾಂಸ್ಕೃತಿಕ ಪ್ರತಿಷ್ಠಾನ ಸ್ಥಾಪಿಸಲಾಗುತ್ತಿದೆ ಎಂದು ತಿಳಿಸಿದ್ದಾರೆ. ಅದಕ್ಕೂ ಮೊದಲು ಭವ್ಯ ಇತಿಹಾಸ ಹೊಂದಿರುವ ಈ ನಾಡಿನ ಐತಿಹಾಸಿಕ ಸ್ಮಾರಕಗಳು, ವಸ್ತು ಸಂಗ್ರಹಾ ಲಯಗಳು, ಪುರಾತತ್ವ ತಾಣಗಳ ಸೂಕ್ತ ಸಂರಕ್ಷಣೆ ಅಗತ್ಯವಿದೆ. ಈಗಾಗಲೇ ಪ್ರವಾಸೋದ್ಯಮ ಇಲಾಖೆ, ಪುರಾತತ್ವ ಇಲಾಖೆಗಳಿದ್ದರೂ ಉತ್ತರ ಕರ್ನಾಟಕದ ಎಷ್ಟೋ ಸ್ಮಾರಕಗಳು ದನದ ಕೊಟ್ಟಿಗೆಯಂತಾಗಿರುವುದು ಬೇಸರದ ಸಂಗತಿ.
ಅಧಿವೇಶನಕ್ಕೆ ತಗಲುವ ವೆಚ್ಚ ಸಾರ್ವಜನಿಕರ ತೆರಿಗೆಯ ಹಣ. ಹಾಗಾಗಿ ಎಲ್ಲಾ 224 ಶಾಸಕರ ಈ ಆಗ ತಿಂಗಳ ಸಂಬಳ, ಭತ್ಯೆ, ಸೌಲಭ್ಯಗಳನ್ನು ಸಂಪೂರ್ಣ ಮುಟ್ಟುಗೋಲು ಹಾಕಿಕೊಳ್ಳಬೇಕು. ಸರಕಾರದ ಹಣ ಜನರ ಹಣ, ಹಾಗಾಗಿ ಈ ಬಗ್ಗೆ ಸ್ಪೀಕರ್ ಅಥವಾ ರಾಜ್ಯಪಾಲರು ಸೂಕ್ತ ಆದೇಶ ನೀಡುವ ಮೂಲಕ ಅಧಿವೇಶನದ ವೆಚ್ಚವನ್ನು ಈ ಅಪ್ರಬುದ್ಧ ಶಾಸಕರಿಂದಲೇ ವಸೂಲಿ ಮಾಡಬೇಕು.
ಭಾರತ ಸಂವಿಧಾನದ 164(1) ನೇ ವಿಧಿ ಅತ್ಯಂತ ಸ್ಪಷ್ಟವಾಗಿದೆ. ರಾಜ್ಯಪಾಲರು ಮುಖ್ಯಮಂತ್ರಿ ಯನ್ನು ನೇಮಿಸುತ್ತಾರೆ ಮತ್ತು ಮುಖ್ಯಮಂತ್ರಿಯ ಸಲಹೆಯ ಮೇರೆಗೆ ಸಚಿವರನ್ನು ನೇಮಿಸಲಾಗು ತ್ತದೆ. ಅಂದರೆ ಸಂಪುಟ ರಚನೆ, ಸಚಿವರ ಆಯ್ಕೆ, ಖಾತೆ ಹಂಚಿಕೆ ಸಂಪೂರ್ಣವಾಗಿ ಮುಖ್ಯಮಂತ್ರಿಯ ಸಂವಿಧಾನಾತ್ಮಕ ಹಕ್ಕು ಮತ್ತು ಹೊಣೆಗಾರಿಕೆ. ಆದರೆ ಕರ್ನಾಟಕದಲ್ಲಿ ನಡೆದಿರುವುದು ಇದಕ್ಕೆ ತದ್ವಿರುದ್ಧ, ಸಂವಿಧಾನ ವಿರೋಧಿ ಬೆಳವಣಿಗೆ.
ಈ ವರ್ಷದ ನೀಟ್- ಯುಜಿ ಪ್ರಶ್ನೆ ಪತ್ರಿಕೆಯ ಸೋರಿಕೆ ಮತ್ತು ನಂತರದಲ್ಲಿ ನಡೆದ ರಾಜಕೀಯ ಗೊಂದಲಗಳ ನಂತರ, ರಾಷ್ಟ್ರೀಯ ಪರೀಕ್ಷಾ ಏಜೆನ್ಸಿ (ಎನ್‌ಟಿಎ) ನಡೆಸುವ ಪರೀಕ್ಷೆಗಳಲ್ಲಿ ಮಹತ್ವದ ಸುಧಾರಣೆಗಳನ್ನು ತರಲು, ಇನ್ಫೋಸಿಸ್ ಸಹ ಸಂಸ್ಥಾಪಕ ನಂದನ್ ನಿಲೇಕಣಿ ನೇತೃತ್ವದಲ್ಲಿ ಉನ್ನತಾಧಿ ಕಾರಿಗಳ ಕಾರ್ಯಪಡೆ ರಚನೆಗೆ ಕೇಂದ್ರ ಸರಕಾರ ತೀರ್ಮಾನಿಸಿರುವುದು ಸ್ವಾಗತಾರ್ಹ.
ಕಳೆದ ಒಂದು ತಿಂಗಳ ಅವಽಯಲ್ಲಿ, ದೇಶದ ಪ್ರಮುಖ ಬಾಹ್ಯಾಕಾಶ ಸಂಸ್ಥೆ ಇಸ್ರೋದ ಸುಮಾರು 120 ಮಂದಿ ತಂತ್ರಜ್ಞರು ರಾಜೀನಾಮೆ ಕೊಟ್ಟು ಖಾಸಗಿ ಬಾಹ್ಯಾಕಾಶ ಸಂಸ್ಥೆ ಸೇರುತ್ತಿರುವುದು ಆತಂಕಕಾರಿ ಬೆಳವಣಿಗೆ. ದೇಶದಲ್ಲಿ ಖಾಸಗಿ ಬಾಹ್ಯಾಕಾಶ ಸಂಸ್ಥೆಗಳಿಗೆ ಅವಕಾಶ ನೀಡಿದ ನಂತರ, ಖಾಸಗಿ ಬಾಹ್ಯಾಕಾಶ ಸಂಸ್ಥೆಗಳು ಒಡ್ಡುತ್ತಿರುವ ಅತಿ ಹೆಚ್ಚಿನ ಸಂಬಳ ಮತ್ತು ಇತರ ಸವಲತ್ತುಗಳಿ ಗಾಗಿ ತಂತ್ರಜ್ಞರು ಮತ್ತು ವಿಜ್ಞಾನಿಗಳು ಖಾಸಗಿ ಬಾಹ್ಯಾಕಾಶ ಸಂಸ್ಥೆಗಳನ್ನು ಸೇರುತ್ತಿದ್ದಾರೆ ಎಂದು ಹೇಳಲಾಗುತ್ತಿದೆ.
ಸಹಜವಾಗಿ ಅದರ ನಡೆಯು, ‘ಆಯಾ ದೇವಾನುದೇವತೆಯ ಭಕ್ತಕುಲವನ್ನು ತರವೆಂದು-ತಮವೆಂದು ವರ್ಗೀಕರಿಸುವ ಕ್ರಿಯೆ’ ಎಂಬ ಕಾಂಡವನ್ನು ಬೆಳೆಸಿತು. ಅಷ್ಟೇ ಸಹಜವಾಗಿ, ಕಾಂಡ, ಎಲೆ, ಹೂ, ಹಣ್ಣುಗಳೆಂಬ ಜನಕೋಟಿಯು, ಬಗೆಬಗೆಯ ಮೌಢ್ಯಗಳನ್ನೂ ಭಿನ್ನ(ತೆಯ) ಭಾವನೆ ಗಳನ್ನೂ ತುಂಬಿಕೊಂಡಿತು. ದಾರ್ಶನಿಕರ ತತ್ತ್ವಗಳು ಈ ಎಲ್ಲ ಹಂತಗಳಲ್ಲಿಯೂ ಗೈರು ಹಾಜರಾಗಿದ್ದು, ಪ್ರಕ್ಷಿಪ್ತ ನುಡಿಗಳೇ ವೃಕ್ಷಕ್ಕೆ ನೀರು, ಗೊಬ್ಬರಗಳಾಗಿ ಮೆರೆದವು.
ಶಿಶಿರ ಹೆಗಡೆ ಅವರ ‘ತಲೆಹರಟೆ’ ಐದು ಕಂತುಗಳ ಪಯಣ ಧ್ಯಾನದ ಹೈವೇಗೆ ತಂದು ಹಾದಿ ತೋರಿಸಿದೆ. ನಡೆದು ಸಾಗುವುದು ನಮ್ಮ ಜವಾಬ್ದಾರಿ. ಮನಸ್ಸಿನ ಅಂತರಂಗದೊಳಗಿನ ಸಿಂಹಾವ ಲೋಕನ ಅದ್ಭುತ ಲೋಕದ ದರ್ಶನ ಮಾಡಿಸಿತು. ಒಟ್ಟಾರೆಯಾಗಿ ಕಂತಿನಿಂದ ಕಂತಿನವರೆಗೆ ಆಸಕ್ತಿಯನ್ನು ಉದ್ದಿಪನ ಗೊಳಿಸುತ್ತಾ ಮುಕ್ತಾಯಗೊಂಡಿದೆ. ಹಾರ್ದಿಕ ಅಭಿನಂದನೆಗಳು. ಇನ್ನೊಂದು ಸರಣಿಗೆ ಅಣಿಯಾಗಿ ದ್ದೇವೆ.
ಉಣ್ಣುವ ತಂಬುಳಿ, ಕುಡಿಯುವ ತಂಬುಳಿ ಬೇರೆ. ಅದರಲ್ಲೂ ನೂರೆಂಟು ಬಗೆ- ಶುಂಠಿ, ಜೀರಿಗೆ- ಮೆಂತೆ, ಯಲಬದ್ಗೆ ಕೊಡಿ, ಅಂಬೆಕೊಂಬು, ಒಂದೆಲ್ಗ, ಮಾವು, ವಾಮಕಾಳು, ಪೇರಲೆ ಕೊಡಿ, ಪತ್ರೆ ಕೊಡಿ, ಒಗ್ಗರಣೆ ಸೊಪ್ಪು, ಉರಗೆಲೆ ಹೀಗೆ ಹಲವಾರು. ಹವ್ಯಕರ ಕಜ್ಜಾಯದಲ್ಲೂ ವಿವಿಧತೆ. ಊರಿನಿಂದ ಎಷ್ಟೇ ದೂರ ಹೋದರೂ, ಹವ್ಯಕರು ತಮ್ಮ ಮೂಲ ಮರೆಯಲಾರರು.
ಕಲ್ಯಾಣ ಕರ್ನಾಟಕ ಸೇರಿದಂತೆ ಉತ್ತರ ಕರ್ನಾಟಕದ ಅನೇಕ ಗ್ರಾಮೀಣ ಪ್ರದೇಶಗಳ ಸರಕಾರಿ ಕಿರಿಯ ಪ್ರಾಥಮಿಕ ಶಾಲೆಗಳಲ್ಲಿ ಶಿಕ್ಷಕರ ಕೊರತೆ ತೀವ್ರವಾಗಿದ್ದು, ಮಕ್ಕಳ ಶಿಕ್ಷಣದ ಗುಣಮಟ್ಟದ ಮೇಲೆ ಪ್ರತಿಕೂಲ ಪರಿಣಾಮ ಬೀರುತ್ತಿದೆ. ಹಲವು ಶಾಲೆಗಳಲ್ಲಿ ಒಬ್ಬರೇ ಶಿಕ್ಷಕರು ಒಂದಕ್ಕಿಂತ ಹೆಚ್ಚು ತರಗತಿಗಳಿಗೆ ಪಾಠ ಮಾಡಬೇಕಾದ ಪರಿಸ್ಥಿತಿ ನಿರ್ಮಾಣವಾಗಿದ್ದು, ವಿದ್ಯಾರ್ಥಿಗಳಿಗೆ ಸಮರ್ಪಕ ಬೋಧನೆ ದೊರೆಯುತ್ತಿಲ್ಲ.
ಕೋಟಿ ಕೋಟಿ ಹಣದ ಐದು ಗ್ಯಾರಂಟಿ ಘೋಷಿಸಿ ಅದನ್ನು ಕಾರ್ಯಗತ ಮಾಡಿರುವುದು ಸರಕಾರದ ಆರ್ಥಿಕ ಸ್ಥಿರತೆಗೆ ಸಾಕ್ಷಿ. ಆದರೆ ಕೆಲವೇ ಕೋಟಿ ವೆಚ್ಚದ ಗ್ರಂಥಾಲಯ ಏಕಗವಾಕ್ಷಿ ಯೋಜನೆಯನ್ನು ಸರಕಾರ ಮರೆತಿದೆಯೋ ತಿಳಿಯದು. ಪುಸ್ತಕಜ್ಯೋತಿ ಇಲ್ಲದೆ ಕತ್ತಲ ಗೂಡಾಗಿರುವ ಸಾರ್ವಜನಿಕ ಗ್ರಂಥಾಲಯಗಳು ನೂತನ ಸಿಎಂ ಅವರ ಕಣ್ಣು ಕುಕ್ಕಿರದಿರುತ್ತವೆಯೇ? 2021ರ ಪುಸ್ತಕ ಖರೀದಿ ಏಕಗವಾಕ್ಷಿ ಯೋಜನೆ ಅಡಿಯಲ್ಲಿ ಆಗಿಲ್ಲ.
ಏಪ್ರಿಲ್ ತಿಂಗಳಲ್ಲೇ 37000 ಟಿಕೆಟ್ ರಹಿತ ಪ್ರಯಾಣಿಕರು ರು.2.90ಕೋಟಿ ದಂಡವನ್ನು ನೀಡಿದ್ದಾರಂತೆ. ಇದು ಟಿಕೆಟ್ ಪಡೆಯದೇ ಸಿಕ್ಕಿಹಾಕಿಕೊಂಡವರ ಸಂಖ್ಯೆಯಾಗಿದ್ದು, ಸಿಕ್ಕಿಹಾಕಿಕೊಳ್ಳದೇ ಪ್ರಯಾಣಿಸಿ ದವರು ಮತ್ತು ಹೊಂದಾಣಿಕೆಯಿಂದ ದಂಡಕೊಡದವರ ಸಂಖ್ಯೆಎಷ್ಟೋ? ಕೇವಲ ಒಂದು ರೈಲು ಮಾರ್ಗದ ಕಥೆ ಹೀಗಾದರೆ, ಇಡೀ ದೇಶದಲ್ಲಿ ಟಿಕೆಟ್ ರಹಿತ ಪ್ರಯಾಣಿಕರ ಸಂಖ್ಯೆ ಎಷ್ಟಿರಬಹುದು? ಕೊಂಕಣ ರೈಲು ಮಾರ್ಗದಲ್ಲಿ ಸುಮಾರು 50 ಜತೆ ರೈಲುಗಳು ಪ್ರಯಾಣಿಕರಿಂದ ಕಿಕ್ಕಿರಿದು ತುಂಬಿ ಓಡುತ್ತಿದ್ದರೂ, ಈ ಮಾರ್ಗ ನಿರೀಕ್ಷೆಯ ಲಾಭ ತರದಿರುವ ಹಿಂದಿನ ಕಾರಣ ಇದು ಎನ್ನಬಹುದೇ?
ಬೆಂಗಳೂರು ಉದ್ಯಾನ ನಗರಿಯಂತೆ. ಇಲ್ಲಿ ರಸ್ತೆ ಬದಿ ಕಸ ಸುರಿಯುವವರು, ಖಾಲಿ ಸೈಟ್‌ನಲ್ಲಿ ಮನೆ ಕಟ್ಟಡದ ಕಸ ಹಾಕುವವರಿಗೆ ನಮ್ಮ ಊರು, ನಮ್ಮ ಬಡಾವಣೆ ಸ್ವಚ್ಛವಾಗಿ ಇರಬೇಕು ಎಂಬ ಪರಿಜ್ಞಾನವೇ ಇಲ್ಲ. ಯುವಜನ ರಾತ್ರಿ ಕುಡಿದು ಬಾಟಲ್‌ ಗಳನ್ನು ರಸ್ತೆ ಬದಿ ಸುರಿಯು ತ್ತಾರೆ. ಮಕ್ಕಳ ಡೈಪರ್ ರಸ್ತೆ ಬದಿ ಹಾಕ್ತಾರೆ. ನಾಯಿಗಳ ಸಂಖ್ಯೆ ಇದರಿಂದಲೇ ಜಾಸ್ತಿ.
ನಮ್ಮ ಸರಕಾರಿ ಶಾಲಾ ಮಕ್ಕಳ ಬಗ್ಗೆ ಕಾಳಜಿ ವಹಿಸಿ ಸರಕಾರಿ ಶಾಲೆಗಳ ಅಭಿವೃದ್ಧಿಗೆ ಸಮಾಜದ ಪ್ರತಿಯೊಬ್ಬರು ಸರಕಾರದೊಂದಿಗೆ ಕೈ ಜೋಡಿಸುವುದು ಅಗತ್ಯ. ರಾಜ್ಯದ ಪ್ರತಿಯೊಂದು ಹಳ್ಳಿಗಳಲ್ಲಿ ರುವ ಸರಕಾರಿ ಶಾಲೆಗಳನ್ನು ಪ್ರತಿ ಷ್ಠಿತ ವ್ಯಕ್ತಿಗಳು ಸೇರಿದಂತೆ ವಿವಿಧ ಸಂಘ-ಸಂಸ್ಥೆಗಳು ದತ್ತು ಪಡೆದು ಶಾಲೆಗಳನ್ನು ಮುನ್ನಡೆಸುವ ಜವಾಬ್ದಾರಿ ತೆಗೆದುಕೊಂಡಾಗ ಈ ಶಾಲೆಗಳ ಸಬಲೀಕರಣ ಹೆಚ್ಚಾಗಿ ಶಾಲೆಗಳಲ್ಲಿ ದಾಖಲಾತಿ ಹಾಗೂ ಹಾಜರಾತಿ ವೃದ್ಧಿಸುತ್ತದೆ.
ಮಧ್ಯಪ್ರಾಚ್ಯ ಬಿಕ್ಕಟ್ಟಿನ ನಡುವೆ ಮುಂಗಾರು ಆರಂಭವಾಗುತ್ತಿದೆ. ರೈತರು ಬಿತ್ತನೆ ಮಾಡಲು ಸಜ್ಜಾಗುತ್ತಿದ್ದಾರೆ. ಆದರೆ, ಇರಾನ್ ಅಮೆರಿಕ ನಡುವಿನ ಉದ್ವಿಗ್ನತೆಯ ಬಿಸಿ ರಸಗೊಬ್ಬರದ ಮೇಲೂ ತಟ್ಟುವ ಆತಂಕ ಇದೀಗ ರೈತರಲ್ಲಿ ಮನೆ ಮಾಡಿದೆ. ಈ ಕುರಿತು ಸ್ವತಃ ಕೃಷಿ ಸಚಿವ ಚಲುವ ನಾರಾಯಣ ಸ್ವಾಮಿಯವರೇ ತುಟಿ ಬಿಚ್ಚಿದ್ದು, ರಾಜ್ಯಕ್ಕೆ ಅಗತ್ಯ ಗೊಬ್ಬರ ಪೂರೈಕೆಯಾಗುತ್ತಿಲ್ಲ ಎಂದಿದ್ದಾರೆ.
