IPL 2026: ರೋಹಿತ್ ಶರ್ಮಾ ರನ್ ಗಳಿಸುವ ಬಗ್ಗೆ ಡೇಲ್ ಸ್ಟೇನ್ ದೊಡ್ಡ ಹೇಳಿಕೆ!
2026ರ ಇಂಡಿಯನ್ ಪ್ರೀಮಿಯರ್ ಲೀಗ್ ಟೂರ್ನಿಯಲ್ಲಿ ಮುಂಬೈ ಇಂಡಿಯನ್ಸ್ ಮಾಜಿ ನಾಯಕ ರೋಹಿತ್ ಶರ್ಮಾ ಅತ್ಯುತ್ತಮ ಬ್ಯಾಟಿಂಗ್ ಪ್ರದರ್ಶನವನ್ನು ತೋರಲಿದ್ದಾರೆಂದು ದಕ್ಷಿಣ ಆಫ್ರಿಕಾ ದಿಗ್ಗಜ ಡೇಲ್ ಸ್ಟೇನ್ ಭವಿಷ್ಯ ನುಡಿದಿದ್ದಾರೆ. ಕಳೆದ ಒಂದು ವರ್ಷದಿಂದ ಅವರ ಫಿಟ್ನೆಸ್ ಆಧರಿಸಿ ದಕ್ಷಿಣ ಆಫ್ರಿಕಾ ದಿಗ್ಗಜ ಈ ಹೇಳಿಕೆಯನ್ನು ನೀಡಿದ್ದಾರೆ.
ರೋಹಿತ್ ಶರ್ಮಾ ಬಗ್ಗೆ ದೊಡ್ಡ ಹೇಳಿಕೆ ನೀಡಿದ ಡೇಲ್ ಸ್ಟೇನ್. -
ನವದೆಹಲಿ: ಇಂಡಿಯನ್ ಪ್ರೀಮಿಯರ್ ಲೀಗ್ನ (IPL 2026) 19ನೇ ಆವೃತ್ತಿಯಲ್ಲಿ ಮುಂಬೈ ಇಂಡಿಯನ್ಸ್ ತಂಡದ ಮಾಜಿ ನಾಯಕ ರೋಹಿತ್ ಶರ್ಮಾ (Rohit sharma) ಅತ್ಯುತ್ತಮ ಬ್ಯಾಟಿಂಗ್ ಪ್ರದರ್ಶನವನ್ನು ತೋರಲಿದ್ದಾರೆಂದು ದಕ್ಷಿಣ ಆಫ್ರಿಕಾ ಮಾಜಿ ವೇಗಿ ಡೇಲ್ ಸ್ಟೇನ್ (Dale Steyn) ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ. ರೋಹಿತ್ ಶರ್ಮಾ ತಮ್ಮ ನಾಯಕತ್ವದಲ್ಲಿ ಮುಂಬೈಗೆ 5 ಬಾರಿ ಟ್ರೋಫಿಯನ್ನು ಗೆದ್ದುಕೊಟ್ಟಿದ್ದಾರೆ. ಆದರೆ, ಕಳೆದ ಎರಡು ಆವೃತ್ತಿಗಳಿಂದ ಅವರು ಕೇವಲ ಹಿರಿಯ ಬ್ಯಾಟ್ಸ್ಮನ್ ಆಗಿ ಮಾತ್ರ ಆಡುತ್ತಿದ್ದಾರೆ.
ರೋಹಿತ್ ಶರ್ಮಾ ಅವರ ಅತ್ಯುತ್ತಮ ಐಪಿಎಲ್ ಸೀಸನ್ 2013ರಲ್ಲಿ ಬಂದಿತ್ತು. ಆ ಸೀಸನ್ನಲ್ಲಿ ಅವರು 19 ಪಂದ್ಯಗಳಲ್ಲಿ 538 ರನ್ಗಳನ್ನು ಗಳಿಸಿ ಮುಂಬೈ ಇಂಡಿಯನ್ಸ್ ತಂಡದ ಮೊದಲ ಪ್ರಶಸ್ತಿ ಗೆಲುವಿಗೆ ನೆರವಾಗಿದ್ದರು. ಇದು ಅವರ ಐಪಿಎಲ್ ವೃತ್ತಿಜೀವನದಲ್ಲಿ 500ಕ್ಕೂ ಹೆಚ್ಚು ರನ್ ಗಳಿಸಿದ ಏಕೈಕ ಸೀಸನ್ ಆಗಿದೆ. ಡೇಲ್ ಸ್ಟೇನ್ ಅವರ ಪ್ರಕಾರ, ಈ ಬಾರಿ ಐಪಿಎಲ್ನಲ್ಲಿ ರೋಹಿತ್ ಶರ್ಮಾ ತಮ್ಮ ಅತ್ಯುತ್ತಮ ಆಟವನ್ನು ಪ್ರದರ್ಶಿಸಲಿದ್ದಾರೆ. ಜೊತೆಗೆ, ಭಾರತ ತಂಡದ ಜಯಶೀಲ ಮನೋಭಾವದಲ್ಲಿ ಅವರು ಇನ್ನಷ್ಟು ಬೆಳೆಯಲಿದ್ದಾರೆ ಎಂದು ಹೇಳಿದ್ದಾರೆ. ರೋಹಿತ್ ತಮ್ಮ ಫಿಟ್ನೆಸ್ನಲ್ಲಿ ತಂದಿರುವ ಬದಲಾವಣೆಯನ್ನೂ ಸ್ಟೇನ್ ಗುಣಗಾನ ಮಾಡಿದ್ದಾರೆ.
IPL 2026: ರೋಹಿತ್ ಶರ್ಮಾ ರನ್ ಗಳಿಸುವ ಬಗ್ಗೆ ಡೇಲ್ ಸ್ಟೇನ್ ದೊಡ್ಡ ಹೇಳಿಕೆ!
2025ರಲ್ಲಿ ಟೆಸ್ಟ್ ಕ್ರಿಕೆಟ್ಗೆ ವಿದಾಯ ಹೇಳಿದ ನಂತರ, 38ರ ವಯಸ್ಸಿನ ರೋಹಿತ್ ಶರ್ಮಾ ತಮ್ಮ ಫಿಟ್ನೆಸ್ ಮೇಲೆ ಹೆಚ್ಚಿನ ಗಮನ ಹರಿಸಿದ್ದು, 2027ರ ಏಕದಿನ ವಿಶ್ವಕಪ್ ಟೂರ್ನಿಯಲ್ಲಿ ಆಡಲು ಎದುರು ನೋಡುತ್ತಿದ್ದಾರೆ.
“ರೋಹಿತ್ ಶರ್ಮಾ ಈ ಬಾರಿ ಆಕ್ರಮಣಶೀಲವಾಗಿ ಆರಂಭಿಸಲಿದ್ದಾರೆ. ಅವರು ನಿಯಂತ್ರಣದೊಂದಿಗೆ ಗಮನ ಮತ್ತು ಆಕ್ರಮಣಶೀಲತೆಯೊಂದಿಗೆ ಆಡಲಿದ್ದಾರೆ. ಇದು ಅತಿಯಾದ ಶಾಟ್ಗಳನ್ನು ಹೊಡೆಯುವುದಲ್ಲ, ಪರಿಸ್ಥಿತಿಗೆ ಹೊಂದಿಕೊಳ್ಳುವ ಸಂಸ್ಕೃತ ಆಟವಾಗಿರುತ್ತದೆ. ಈ ಸೀಸನ್ನಲ್ಲಿ ರೋಹಿತ್ ಶರ್ಮಾ ಅವರ ಅತ್ಯುತ್ತಮ ಆಟವನ್ನು ನಾವು ನೋಡಬಹುದು,” ಎಂದು ಡೇಲ್ ಸ್ಟೇನ್ ಶುಕ್ರವಾರ ಹೇಳಿದ್ದಾರೆ.
“ಅವರ ದೇಹದ ಫಿಟ್ನೆಸ್ನಲ್ಲೇ ಇದು ಕಾಣಿಸುತ್ತಿದೆ. ಭಾರತದಲ್ಲಿ ಕ್ರಿಕೆಟ್ ಸದಾ ಪ್ರಮುಖವಾಗಿದ್ದರೂ, ಈಗ ಗೆಲುವಿನ ಸಂಸ್ಕೃತಿ ಇನ್ನಷ್ಟು ಬಲವಾಗುತ್ತಿದೆ. ವಿಶ್ವವೇ ಅದನ್ನು ಗಮನಿಸುತ್ತಿದೆ ಮತ್ತು ಭಾರತ ಇತರರಿಗಿಂತ ಎರಡು ಹೆಜ್ಜೆ ಮುಂದೆ ಇದೆ,” ಎಂದು ಅವರು ತಿಳಿಸಿದ್ದಾರೆ.
IPL 2026: ಈ ಬಾರಿಯ ಐಪಿಎಲ್ ಕಣದಲ್ಲಿರುವ ಕನ್ನಡಿಗರ ಪರಿಚಯ
ಭಾರತದ ಪರ ರೋಹಿತ್ ಶರ್ಮಾ ಈಗ ಏಕದಿನ (ODI) ಕ್ರಿಕೆಟ್ನಲ್ಲಿ ಮಾತ್ರ ಸಕ್ರಿಯರಾಗಿದ್ದು, ಟೆಸ್ಟ್ ಮತ್ತು ಟಿ20ಐಗಳಿಂದ ಈಗಾಗಲೇ ನಿವೃತ್ತರಾಗಿದ್ದಾರೆ. ಡೇಲ್ ಸ್ಟೇನ್ ಅವರ ಪ್ರಕಾರ, ಈ ಐಪಿಎಲ್ ಟೂರ್ನಿಯು ರೋಹಿತ್ ಶರ್ಮಾ ಅವರಿಗೆ ತಮ್ಮ ಕೌಶಲವನ್ನು ಪ್ರದರ್ಶಿಸಲು ಮತ್ತು ತಾವಿನ್ನೂ ಶ್ರೇಷ್ಠ ಆಟಗಾರರಲ್ಲಿ ಒಬ್ಬರಾಗಿದ್ದಾರೆ ಎಂಬುದನ್ನು ಸಾಬೀತುಪಡಿಸಲು ಉತ್ತಮ ವೇದಿಕೆಯಾಗಿದೆ.
“ಮೂರು ಸ್ವರೂಪಗಳಲ್ಲಿ ಅವರು ನಿರಂತರವಾಗಿ ಆಡುತ್ತಿಲ್ಲ. ಹಾಗಾಗಿ ಅವರು ಐಪಿಎಲ್ ಟೂರ್ನಿಯಲ್ಲಿ ತಮ್ಮ ಸಾಮರ್ಥ್ಯವನ್ನು ಸಾಬೀತುಪಡಿಸಲು ಎದುರು ನೋಡುತ್ತಿದ್ದಾರೆ. ವಿರಾಟ್ ಕೊಹ್ಲಿ ಹಾಗೂ ಇತರೆ ಅನುಭವಿಗಳೊಂದಿಗೆ ತಾವಿನ್ನೂ ಶ್ರೇಷ್ಠ ಆಟಗಾರರಲ್ಲಿ ಒಬ್ಬರಾಗಿದ್ದಾರೆ ಎಂಬುದನ್ನು ತೋರಿಸಲು ಈ ಟೂರ್ನಿ ನೆರವು ನೀಡಲಿದೆ," ಎಂದು ಹೇಳಿದ್ದಾರೆ.
IPL 2026: ಸಂಜು ಸಾಮ್ಸನ್ ಅಲ್ಲ! ಸಿಎಸ್ಕೆ ತಂಡದ ಬೆಸ್ಟ್ ಬ್ಯಾಟ್ಸ್ಮನ್ ಆರಿಸಿದ ಆರ್ ಅಶ್ವಿನ್!
"ಮುಂಬೈನ ವಾಂಖೆಡೆ ಕ್ರೀಡಾಂಗನದಲ್ಲಿ ಕ್ವಿಂಟನ್ ಡಿ ಕಾಕ್ ಜೊತೆ ರೋಹಿತ್ ಶರ್ಮಾ ಓಪನಿಂಗ್ ಮಾಡುವ ಸಾಧ್ಯತೆ ಇದೆ, ಜೊತೆಗೆ (ರಿಯನ್) ರಿಕ್ಲೆಟನ್ ಕೂಡ ತಂಡದಲ್ಲಿ ಇರಬಹುದು. ರೋಹಿತ್ ಭರ್ಜರಿಯಾಗಿ ಆರಂಭಿಸಲು ಸಿದ್ಧರಾಗಿದ್ದಾರೆ. ಇದು ನಿಜಕ್ಕೂ ರೋಚಕವಾಗಿರಲಿದೆ,” ಎಂದು ಸ್ಟೇನ್ ಹೇಳಿದರು.