ಅರ್ಜುನ್ ತೆಂಡೂಲ್ಕರ್ಗೆ ಚಾನ್ಸ್ ಕೊಡ್ತಿಲ್ಲ ಏಕೆ? ರಿಷಭ್ ಪಂತ್ ವಿರುದ್ಧ ಮನೋಜ್ ತಿವಾರಿ ಕಿಡಿ!
ಮಾಸ್ಟರ್ ಬ್ಲಾಸ್ಟರ್ ಸಚಿನ್ ತೆಂಡೂಲ್ಕರ್ ಅವರ ಪುತ್ರ ಅರ್ಜುನ್ ತೆಂಡೂಲ್ಕರ್, ತಮ್ಮ ಪ್ರತಿಭೆಯನ್ನು ಅನಾವರಣ ಪಡಿಸಲು ಸೂಕ್ತ ಅವಕಾಶಕ್ಕಾಗಿ ಕಾಯುತ್ತಿದ್ದಾರೆ. ಇಂಡಿಯನ್ ಪ್ರೀಮಿಯರ್ ಲೀಗ್ ಅಖಾಡದಲ್ಲಿ ಈವರೆಗೆ ಸಿಕ್ಕ ಬೆರಳೆಣಿಕೆಯ ಅವಕಾಶಗಳಲ್ಲಿ ಅರ್ಜುನ್ ಅಷ್ಟು ಸದ್ದು ಮಾಡಿಲ್ಲ. ಆದರೆ, ಎಲ್ಎಸ್ಜಿ ತಂಡದಲ್ಲಿ ಅವರಿಗೆ ಸತತ ಅವಕಾಶ ಕೊಡಬಹುದಿತ್ತು ಎಂದು ಮಾಜಿ ಕ್ರಿಕೆಟಿಗರೊಬ್ಬರು ಅಭಿಪ್ರಾಯ ಪಟ್ಟಿದ್ದಾರೆ.
ಎಲ್ಎಸ್ಜಿ ತಂಡದ ಆಲ್ರೌಂಡರ್ ಅರ್ಜುನ್ ತೆಂಡೂಲ್ಕರ್. -
ಮುಂಬೈ: ಐಪಿಎಲ್ 2026 ಟೂರ್ನಿಯಲ್ಲಿ ಲಖನೌ ಸೂಪರ್ ಜಯಂಟ್ಸ್ (LSG) ತಂಡದ ಹೀನಾಯ ಪ್ರದರ್ಶನ ಮುಂದುವರಿದಿದ್ದು, ನಾಯಕ ರಿಷಭ್ ಪಂತ್ ವಿರುದ್ಧ ಟೀಕೆಗಳು ತೀವ್ರಗೊಂಡಿವೆ. ಸೋಮವಾರ ಮುಂಬೈನ ವಾಂಖೆಡೆ ಮೈದಾನದಲ್ಲಿ ನಡೆದ ಹೈ-ಸ್ಕೋರಿಂಗ್ ಪಂದ್ಯದಲ್ಲಿ 229 ರನ್ಗಳ ಬೃಹತ್ ಮೊತ್ತವನ್ನು ರಕ್ಷಿಸಲು ವಿಫಲವಾದ ಎಲ್ಎಸ್ಜಿ, ಮುಂಬೈ ಇಂಡಿಯನ್ಸ್ ಎದುರು 6 ವಿಕೆಟ್ಗಳ ಸೋಲುಂಡಿತು.
ಈ ಸೋಲಿನೊಂದಿಗೆ ಎಲ್ಎಸ್ಜಿ ಅಂಕಪಟ್ಟಿಯಲ್ಲಿ ಕೊನೆಯ ಸ್ಥಾನದಲ್ಲೇ ಉಳಿದಿದ್ದು, ಪಂತ್ ನಾಯಕತ್ವ ಮತ್ತು ತಂತ್ರಗಳ ಬಗ್ಗೆ ಪ್ರಶ್ನೆಗಳು ಹೆಚ್ಚಾಗಿವೆ. ಬ್ಯಾಟಿಂಗ್ನಲ್ಲಿ ಕೆಲವೇ ಸಮಯಗಳಲ್ಲಿ ಉತ್ತಮ ಪ್ರದರ್ಶನ ನೀಡಿದರೂ, ಪಂದ್ಯವನ್ನು ಗೆಲ್ಲುವ ಕ್ಷಣದಲ್ಲಿ ತಂಡ ವಿಫಲವಾಗುತ್ತಿರುವುದು ಬಹುದೊಡ್ಡ ಸಮಸ್ಯೆಯಾಗಿದೆ.
ಪಂತ್ ನಾಯಕತ್ವದ ಮೇಲೆ ಪ್ರಶ್ನೆ
ಭಾರತದ ಮಾಜಿ ಬ್ಯಾಟರ್ ಮನೋಜ್ ತಿವಾರಿ ಅವರು ಪಂತ್ ನಾಯಕತ್ವದ ಬಗ್ಗೆ ಕಠಿಣವಾಗಿ ಟೀಕಿಸಿ, "ನಾಯಕತ್ವ ಅಂದ್ರೆ ಕೇವಲ ಆಕ್ರಮಣಕಾರಿ ಮನೋಭಾವ ಅಲ್ಲ, ಅದನ್ನು ಸರಿಯಾಗಿ ಅನುಷ್ಠಾನಗೊಳಿಸುವ ಸಾಮರ್ಥ್ಯವೂ ಇರಬೇಕು," ಎಂದು ಹೇಳಿದ್ದಾರೆ. ಈ ಮೂಲಕ ತಂಡದ ವೈಫಲ್ಯ ಹೆಚ್ಚುತ್ತಿದ್ದಂತೆ, ಪಂತ್ ಆಟಗಾರರಲ್ಲಿ ವಿಶ್ವಾಸ ಮೂಡಿಸಲು ಮತ್ತು ಅವರಿಂದ ಉತ್ತಮ ಪ್ರದರ್ಶನ ಪಡೆಯಲು ವಿಫಲವಾಗುತ್ತಿದ್ದಾರೆಯೇ ಎಂಬ ಪ್ರಶ್ನೆಗಳು ಉದ್ಭವಿಸುತ್ತಿವೆ.
MI vs LSG: ರೋಹಿತ್-ರಿಕೆಲ್ಟನ್ ಅಬ್ಬರ, ಲಖನೌ ಎದುರು ಗೆದ್ದು ಬೀಗಿದ ಮುಂಬೈ ಇಂಡಿಯನ್ಸ್!
ಲಖನೌ vs ಮುಂಬೈ: ಒಂದೇ ಪರಿಸ್ಥಿತಿ, ಬೇರೆ ತಂತ್ರ
ಈ ಸೀಸನ್ನಲ್ಲಿ ಲಖನೌ ಮತ್ತು ಮುಂಬೈ ಇಂಡಿಯನ್ಸ್ ಎರಡೂ ತಂಡಗಳು ನಿರೀಕ್ಷಿತ ಮಟ್ಟದಲ್ಲಿ ಪ್ರದರ್ಶನ ನೀಡಿಲ್ಲ. ಎಲ್ಎಸ್ಜಿ ಕೊನೆಯ ಸ್ಥಾನದಲ್ಲಿದ್ದರೆ, ಮುಂಬೈ ಒಂಬತ್ತನೇ ಸ್ಥಾನದಲ್ಲಿದೆ. ಆದರೆ, ಮುಂಬೈ ತಂಡದ ನಿರ್ವಹಣಾ ತಂತ್ರ ಹೆಚ್ಚು ಪರಿಣಾಮಕಾರಿಯಾಗಿದೆ. ಅವರು ತಂಡದ ಬಹುತೇಕ ಎಲ್ಲಾ ಆಟಗಾರರಿಗೆ ಅವಕಾಶ ನೀಡಿ, ವಿಭಿನ್ನ ಸಂಯೋಜನೆಗಳನ್ನು ಪರೀಕ್ಷಿಸಿದ್ದಾರೆ. ಈ ಕ್ರಮವು ತಂಡವನ್ನು ಸ್ಪರ್ಧಾತ್ಮಕವಾಗಿಡಲು ಸಹಾಯ ಮಾಡಿದೆ. ಇದಕ್ಕೆ ವಿರುದ್ಧವಾಗಿ, ಎಲ್ಎಸ್ಜಿ ತಂಡ ಒಂದೇ ಪ್ಲೇಯಿಂಗ್ ಇಲೆವೆನ್ಗೆ ಅಂಟಿಕೊಂಡಿದ್ದು, ಹೊಸ ಪ್ರಯೋಗಗಳಿಗೆ ಅವಕಾಶ ನೀಡದಿರುವುದು ಟೀಕೆಗೆ ಕಾರಣವಾಗಿದೆ.
ಅರ್ಜುನ್ ತೆಂಡೂಲ್ಕರ್ಗೆ ಅವಕಾಶ ನೀಡದಿರುವುದು ವಿವಾದ
ಈ ಪಂದ್ಯದಲ್ಲಿ ಹೆಚ್ಚು ಚರ್ಚೆಗೆ ಕಾರಣವಾದ ವಿಷಯವೆಂದರೆ ಆಲ್ರೌಂಡರ್ ಅರ್ಜುನ್ ತೆಂಡೂಲ್ಕರ್ಗೆ ಇನ್ನೂ ಅವಕಾಶ ಸಿಗದಿರುವುದು. ತಂಡದ ಭಾಗವಾಗಿದ್ದರೂ, ಈ ಸೀಸನ್ನಲ್ಲಿ ಅವರಿಗೆ ಒಂದೂ ಪಂದ್ಯದಲ್ಲೂ ಅವಕಾಶ ಸಿಕ್ಕಿಲ್ಲ. ಇದಕ್ಕೆ ಪ್ರತಿಕ್ರಿಯಿಸಿದ ಮಾಜಿ ಭಾರತೀಯ ಬ್ಯಾಟರ್ ಮನೋಜ್ ತಿವಾರಿ, ಪಂತ್ ಹಾಗೂ ಎಲ್ಎಸ್ಜಿ ನಿರ್ವಹಣೆಯ ನಿರ್ಧಾರವನ್ನು ಪ್ರಶ್ನಿಸಿದ್ದಾರೆ.
IPL 2026 Playoffs Scenarios: 6 ಪಂದ್ಯ ಸೋತ ಲಖನೌ ತಂಡದ ಪ್ಲೇ ಆಫ್ ಪ್ರವೇಶದ ಲೆಕ್ಕಾಚಾರ ಹೇಗಿದೆ?
ಪಂದ್ಯದಲ್ಲಿ ಯುವ ಆಟಗಾರ ಪ್ರಿನ್ಸ್ ಯಾದವ್ ಮಾತ್ರ ಮೂರು ಓವರ್ಗಳಲ್ಲಿ ಕೇವಲ 24 ರನ್ ನೀಡಿ ಗಮನಾರ್ಹ ಎಕಾನಮಿ ಹೊಂದಿದ ಬೌಲರ್ ಆಗಿ ಹೊರಹೊಮ್ಮಿದರು. ಅವರು ನಿರಂತರವಾಗಿ ಯಾರ್ಕರ್ಗಳನ್ನು ಬಳಸಿದುದು ಪ್ರಶಂಸಾರ್ಹ.
"ಪಂತ್ ಅವರು ಇತರ ಬೌಲರ್ಗಳಿಗೆ ಇದೇ ತಂತ್ರ ಅನುಸರಿಸಲು ಸೂಚಿಸಬೇಕಿತ್ತು. ಜೊತೆಗೆ ನೆಟ್ಸ್ನಲ್ಲಿ ಅರ್ಜುನ್ ತೆಂಡೂಲ್ಕರ್ ಯಾರ್ಕರ್ ಅಭ್ಯಾಸ ಮಾಡುತ್ತಿರುವ ವಿಡಿಯೋಗಳು ಕಂಡಿವೆ. ಆದ್ದರಿಂದ ಅವರನ್ನು ಕೂಡ ಬಳಸಬಹುದಿತ್ತು," ಎಂದು ತಿವಾರಿ ಹೇಳಿದ್ದಾರೆ.
ಟೀಮ್ ಇಂಡಿಯಾಗೆ ಆಡೋದು ಗುರಿ ಅಲ್ಲ ಎಂದ ಅರ್ಜುನ್ ತೆಂಡೂಲ್ಕರ್!
ಧೋನಿ-ರೋಹಿತ್ ಜೊತೆ ಹೋಲಿಕೆ
ತಿವಾರಿ, ಎಂಎಸ್ ಧೋನಿ ಮತ್ತು ರೋಹಿತ್ ಶರ್ಮಾ ಅವರಂತಹ ನಾಯಕರು ಸಂಕಷ್ಟದ ಸಂದರ್ಭಗಳಲ್ಲಿ ತಕ್ಷಣ ತಂತ್ರ ಬದಲಾಯಿಸುವ ಸಾಮರ್ಥ್ಯ ಹೊಂದಿದ್ದಾರೆ ಎಂದು ಹೇಳಿದ್ದಾರೆ.
"ಪಂತ್ ಇನ್ನೂ ತಂತ್ರಗಾರಿಕೆ ವಿಷಯದಲ್ಲಿ ಬೆಳೆಯಬೇಕಿದೆ. ಧೋನಿ ಮತ್ತು ರೋಹಿತ್ನಂತಹ ನಾಯಕರು ಈ ಸಂದರ್ಭಗಳಲ್ಲಿ ವಿಭಿನ್ನ ನಿರ್ಧಾರಗಳನ್ನು ತೆಗೆದುಕೊಳ್ಳುತ್ತಾರೆ," ಎಂದು ಅವರು ಅಭಿಪ್ರಾಯ ಪಟ್ಟಿದ್ದಾರೆ.