Ind vs Wi 2nd test: 518 ರನ್‌ ಬಾರಿಸಿ ವಿಶ್ವ ದಾಖಲೆ ಬರೆದ ಭಾರತ

ನವದೆಹಲಿ: ಇಲ್ಲಿನ ಅರುಣ್ ಜೇಟ್ಲಿ ಕ್ರೀಡಾಂಗಣದಲ್ಲಿ ನಡೆಯುತ್ತಿರುವ ವೆಸ್ಟ್ ಇಂಡೀಸ್(India vs West Indies) ವಿರುದ್ಧದ ಎರಡನೇ(Ind vs Wi 2nd test) ಟೆಸ್ಟ್ ಪಂದ್ಯದಲ್ಲಿ ಟೀಮ್ ಇಂಡಿಯಾ(Team India) ಗೆಲುವಿನ ಕಡೆ ಹೆಜ್ಜೆ ಹಾಕಿದೆ. ನಾಯಕ ಶುಭಮನ್ ಗಿಲ್ (129*) ಮತ್ತು ಯಶಸ್ವಿ ಜೈಸ್ವಾಲ್ (175) ಅವರ ಶತಕಗಳ ನೆರವಿನಿಂದ ಮೊದಲು ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡ ಭಾರತ ಮೊದಲ ಇನ್ನಿಂಗ್ಸ್‌ನಲ್ಲಿ ಐದು ವಿಕೆಟ್ ನಷ್ಟಕ್ಕೆ 518 ರನ್‌ಗಳ ಬೃಹತ್ ಮೊತ್ತ ಪೇರಿಸಿ ಡಿಕ್ಲೇರ್‌ ಘೋಷಿಸಿತು. ಈ ಪ್ರಕ್ರಿಯೆಯಲ್ಲಿ, ಟೆಸ್ಟ್ ಕ್ರಿಕೆಟ್‌ನ ಸುದೀರ್ಘ ಇತಿಹಾಸದಲ್ಲಿ ಭಾರತ ತಂಡ ಬಾಂಗ್ಲಾದೇಶದ ವಿಶ್ವ ದಾಖಲೆಯನ್ನು ಮುರಿದಿದೆ.

ಬೈ ಅಥವಾ ಲೆಗ್ ಬೈ ಇಲ್ಲದೆ ಟೆಸ್ಟ್ ಕ್ರಿಕೆಟ್‌ನಲ್ಲಿ ಅತಿ ಹೆಚ್ಚು ಮೊತ್ತ ದಾಖಿಸಿದ ವಿಶ್ವ ದಾಖಲೆಯನ್ನು ಭಾರತ ತನ್ನ ಹೆಸರಿಗೆ ಬರೆದಿದೆ. ಇದಕ್ಕೂ ಮುನ್ನ ಈ ದಾಖಲೆ ಬಾಂಗ್ಲಾದೇಶ ಹೆಸರಿನಲ್ಲಿತ್ತು. ಬಾಂಗ್ಲಾ, ಏಳು ವರ್ಷಗಳ ಹಿಂದೆ, 2018 ರಲ್ಲಿ ಚಟ್ಟೋಗ್ರಾಮ್‌ನಲ್ಲಿ ಶ್ರೀಲಂಕಾ ವಿರುದ್ಧ 513 ರನ್‌ಗಳನ್ನು ಗಳಿಸಿತ್ತು. ಇದೀಗ ಭಾರತ 518 ರನ್‌ಗಳನ್ನು ಕಲೆಹಾಕಿ ದಾಖಲೆ ತನ್ನ ಹೆಸರಿಗೆ ಬರೆದಿದೆ. ವಿಂಡೀಸ್‌ ಇತರ ರೂಪದಲ್ಲಿ ಕೇವಲ 2 ರನ್‌ ಮಾತ್ರ ಬಿಟ್ಟುಕೊಟ್ಟಿತು. ಅದು ಎರಡೂ ವೈಡ್ ಎಸೆತಗಳ ಮೂಲಕವೇ ಆಗಿತ್ತು.

ಬೈ ಅಥವಾ ಲೆಗ್ ಬೈ ಇಲ್ಲದೆ ಟೆಸ್ಟ್ ಕ್ರಿಕೆಟ್‌ನಲ್ಲಿ ಅತಿ ಹೆಚ್ಚು ರನ್‌

ಭಾರತ-518

ಬಾಂಗ್ಲಾದೇಶ-513

ಆಸ್ಟ್ರೇಲಿಯಾ-494

ಪಾಕಿಸ್ತಾನ-465

ಬಾಂಗ್ಲಾದೇಶ-429

ಇದನ್ನೂ ಓದಿ Kuldeep Yadav: 68 ವರ್ಷಗಳ ಹಳೆಯ ದಾಖಲೆಯನ್ನು ಸರಿಗಟ್ಟಿದ ಕುಲದೀಪ್ ಯಾದವ್

ಫಾಲೋ ಆನ್ ಹೇರಿದ ಭಾರತ

ಭಾರತದ 518 ರನ್ ಬೆನ್ನಟ್ಟಿದ ವಿಂಡೀಸ್‌ ತಂಡ ಭಾನುವಾರ ಮೂರನೇ ದಿನದಾಟದ ವೇಳೆ 248 ರನ್​ಗಳಿಸಿ ಆಲೌಟ್ ಆಯತು. 270 ರನ್​ಗಳ ಮುನ್ನಡೆ ಪಡೆದ ಭಾರತ, ಎದುರಾಳಿ ತಂಡದ ಮೇಲೆ ಫಾಲೋ ಆನ್ ಹೇರುವ ಮೂಲಕ ಮತ್ತೆ ಬ್ಯಾಟಿಂಗ್​ಗೆ ಆಹ್ವಾನಿಸಿದೆ. ಅದರಂತೆ ವೆಸ್ಟ್ ಇಂಡೀಸ್ ತಂಡವು 270 ರನ್​ಗಳಿಸುವ ಮುನ್ನ ಆಲೌಟ್ ಆದರೆ, ಟೀಮ್ ಇಂಡಿಯಾ ಇನಿಂಗ್ಸ್​ ಹಾಗೂ ರನ್​ಗಳ ಜಯ ಸಾಧಿಸಬಹುದು.