ಮೂಲತಃ ಬೆಂಗಳೂರಿನವರಾದ ಶ್ರೀಮತಿ. ರೂಪ ಗುರುರಾಜ್ ರೇಡಿಯೋ ಉದ್ಘೋಷಕಿಯಾಗಿ, ದೂರದರ್ಶನಗಳಲ್ಲಿ ನಿರೂಪಕಿ ಹಾಗೂ ವಾರ್ತಾ ವಾಚಕಿಯಾಗಿ, ಸೃಜನಾತ್ಮಕ ಬರಹಗಾರರಾಗಿ, ರೂಪದರ್ಶಿ, ನಟನೆ, ಸಮಾಜ ಸೇವೆ ಹೀಗೆ ಹಲವು ರಂಗಗಳಲ್ಲಿ ಅನುಭವ ಹೊಂದಿದ್ದಾರೆ. - ಬೆಂಗಳೂರು ದೂರದರ್ಶನದ ಚಂದನ ವಾಹಿನಿ. - ಆಕಾಶವಾಣಿ ನಿಲಯ. - ಎಫ್.ಎಂ ರೈನ್ ಬೋ ಕಂಪನಾಂಕ. - ಅಂತಾರಾಷ್ಟ್ರೀಯ ಡಿಜಿಟಲ್ ರೇಡಿಯೋ "ನಮ್ ರೇಡಿಯೋ" ಕಾರ್ಯಕ್ರಮಗಳಲ್ಲಿ ರೂಪ ಗುರುರಾಜ್ ಅವರ ಧ್ವನಿ ಚಿರಪರಿಚಿತ. ಕಳೆದ ಒಂದೂವರೆ ದಶಕಕ್ಕೂ ಅಧಿಕ ಕಾಲ ನಿರೂಪಣಾ ಕ್ಷೇತ್ರದಲ್ಲಿ ದೇಶ ವಿದೇಶಗಳಲ್ಲಿ 800ಕ್ಕೂ ಅಧಿಕ ಕಾರ್ಯಕ್ರಮಗಳ ನಿರೂಪಣೆ ಕಿರುತೆರೆ, ಹಲವು ಸಿನೆಮಾಗಳಲ್ಲಿ ಅಭಿನಯಿಸಿರುವುದಲ್ಲದೇ, ರೂಪದರ್ಶಿಯಾಗಿ ಉಡುಪು ಹಾಗೂ ಬೆಳ್ಳಿ ಆಭರಣ ಸಂಸ್ಥೆಗಳ ಜಾಹೀರಾತಿನಲ್ಲಿ ಕಾಣಿಸಿಕೊಂಡಿದ್ದಾರೆ. ಪ್ರಸ್ತುತ ವಿಶ್ವವಾಣಿ ದೈನಿಕದಲ್ಲಿ ಅಂಕಣಗಾರ್ತಿಯಾಗಿ "ಒಂದೊಳ್ಳೆ ಮಾತು" ಅಂಕಣವನ್ನು ಕಳೆದ 4 ವರ್ಷಗಳಿಂದ ಪ್ರತಿದಿನ ಬರೆಯುತ್ತಿದ್ದಾರೆ. ಅದಲ್ಲದೇ ಕನ್ನಡದ ಅನುಭವ ಮಂಟಪ ಎಂದೇ ಖ್ಯಾತಿ ಪಡೆದ "ವಿಶ್ವವಾಣಿ ಕ್ಲಬ್ ಹೌಸ್" ನ ಸಹ ನಿರೂಪಕಿಯಾಗಿ ಸತತ0 4 ವರ್ಷಗಳಿಂದ ( 1,100) ಪ್ರತಿದಿನ ನಡೆಸಿಕೊಂಡು ಬರುತ್ತಿದ್ದಾರೆ. ವಿಶ್ವವಾಣಿ ಟಿವಿಯಲ್ಲಿ ( ಯೂಟ್ಯೂಬ್ ಚಾನೆಲ್) ನಲ್ಲಿ ಇವರ “ಒಂದೊಳ್ಳೆ ಮಾತು “ ಸರಣಿ ವಿಡಿಯೋಗಳು ಬಿತ್ತರಗೊಳ್ಳುತ್ತಿವೆ. 50 ಕವನ ಸಂಕಲನಗಳ "ರೂಪಾಂತರ" ಹಾಗೂ ಮೂರು ಸಂಚಿಕೆಗಳ "ಒಂದೊಳ್ಳೆ ಮಾತು" ಪುಸ್ತಕಗಳು ಲೋಕಾರ್ಪಣೆಗೊಂಡಿದೆ. ಮನ: ಪ್ರಸಾದ, ಪ್ರೇರಣ ಮುಂತಾದ ಸರ್ಕಾರೇತರ ಸಂಸ್ಥೆಗಳಲ್ಲಿ ಸಮಾಜಸೇವೆಗಾಗಿ ತೊಡಗಿಸಿಕೊಂಡಿದ್ದಾರೆ.
ಮುಕ್ತಿಯನ್ನು ಮರಳಿ ಪಡೆಯಲು ನಮಗೆ ಮದವೆಂಬ ‘ವಾಲಿ’ಯ ಭಯ ಕಳೆದುಕೊಂಡ‘ ಸುಗ್ರೀವ’ ನೆಂಬ ಶುದ್ಧ ಮನಸ್ಸು ಮತ್ತು ‘ಹನು ಮಂತ’ನೆಂಬ ತೀಕ್ಷ ಶುದ್ಧ ಬುದ್ಧಿಯ ನೆರವು ಬೇಕು. ಪರಿಶುದ್ಧ ಬುದ್ಧಿ ಮಾತ್ರ ಅಜ್ಞಾನದ ಲಂಕೆಯನ್ನು ಹೊಕ್ಕು ಸತ್ಯದ ನೆಲೆ ಕಂಡುಕೊಳ್ಳಬಲ್ಲದು. ಮುಂದೆ ಎಪ್ಪತ್ತೆ ರಡು ಸಾವಿರ ನರನಾಡಿಗಳೆಂಬ ವಾನರ ಶಕ್ತಿಯಿಂದ ‘ಭಕ್ತಿ’ಯೆಂಬ ಸೇತುವೆ ಕಟ್ಟಿ, ಸತ್ಯವನ್ನು ಒಪ್ಪುವ ‘ವಿವೇಕ’ವೆಂಬ ವಿಭೀಷಣನ ಆಸರೆ ಪಡೆದು, ಕಾಮ-ಕ್ರೋಧಗಳೆಂಬ ಅರಿಷಡ್ವರ್ಗ ‘ರಾಕ್ಷಸ’ರನ್ನು ಸಂಹರಿಸಬೇಕು.
ಇಂದಿನ ವಾಸ್ತವ ಬದುಕಿನಲ್ಲೂ ನಾವು ಇದನ್ನೇ ಕಾಣುತ್ತಿದ್ದೇವೆ. ತಂದೆ ತನ್ನ ಮಗನ ಅನ್ಯಾಯ ಗಳನ್ನು ಪ್ರೀತಿಯ ಹೆಸರಿನಲ್ಲಿ ಸಮರ್ಥಿಸುತ್ತಾನೆ; ಸ್ನೇಹಿತ ದುಶ್ಚಟಗಳಿಗೆ ದಾಸನಾಗುತ್ತಿದ್ದರೂ ‘ಸ್ನೇಹ ಕೆಡಬಾರದು’ ಎಂದು ಸುಮ್ಮನಿರುತ್ತೇವೆ; ಸಂಗಾತಿಯ ತಪ್ಪುಗಳನ್ನು ಮುಚ್ಚಿಟ್ಟು ಬದುಕು ಸಾಗಿಸಲು ನೋಡುತ್ತೇವೆ; ಯಾರಾದರೂ ನಮ್ಮ ಲೋಪಗಳನ್ನು ಎತ್ತಿ ತೋರಿಸಿದರೆ ‘ಅವರು ನನ್ನ ಏಳಿಗೆಯನ್ನು ಸಹಿಸದೆ ಹೀಗೆ ಹೇಳುತ್ತಿದ್ದಾರೆ’ ಎಂದು ದೂರವಿಡುತ್ತೇವೆ.
ಸಹನೆಯಿಳಿದ ಪಾರ್ಥನು, ಹೇ ಮಧುಸೂದನಾ! ನನ್ನ ಬಾಣದ ಪ್ರಹಾರಕ್ಕೆ ಆ ರಾಧೇಯನ ರಥವು ಧೂಳೀಪಟವಾಗುವಂತೆ ಹತ್ತಾರು ಗಜಗಳಷ್ಟು ದೂರ ತಳ್ಳಲ್ಪಡುತ್ತಿದೆ. ಆದರೆ ಆತ ಬಿಟ್ಟ ಬಾಣಕ್ಕೆ ನಮ್ಮ ರಥವು ಕಿಂಚಿತ್ತೂ ಅಲುಗಾಡದೆ ಕೇವಲ ಎರಡು ಇಂಚು ಸರಿದಿದೆ. ಹೀಗಿರುವಾಗ ನನ್ನ ಭುಜಬಲವನ್ನು ಕಡೆಗಣಿಸಿ, ಶತ್ರುವಿನ ಅಲ್ಪ ಶೌರ್ಯವನ್ನು ಹೊಗಳುವುದರ ಔಚಿತ್ಯವೇನು ಕೃಷ್ಣಾ? ಎಂದು ರೋಷದಿಂದ ನುಡಿದನು.
ಒಂದು ಊರಿನಲ್ಲಿ ಅತ್ಯಂತ ಬಡ ಕೃಷಿಕನೊಬ್ಬನಿದ್ದ. ದಿನವಿಡೀ ದುಡಿದರೂ ಅವನಿಗೆ ಹೊಟ್ಟೆ ತುಂಬ ಊಟ ಸಿಗುತ್ತಿರಲಿಲ್ಲ. ಒಮ್ಮೆ ಆ ಊರಿಗೆ ಬಂದ ಹರಿದಾಸರ ಬಳಿ ಹೋಗಿ, ತನ್ನ ದಾರಿದ್ರ್ಯ ನೀಗಿಸಲು ಉಪಾಯ ಕೇಳಿದ. ದಾಸರು ಪೂಜೆ ಮಾಡು, ದೇವಸ್ಥಾನಕ್ಕೆ ಹೋಗು ಎಂದಾಗ, ಅದಕ್ಕೆ ಹಣವೂ ಇಲ್ಲ, ಎತ್ತುಗಳನ್ನು ಬಿಟ್ಟು ಹೋಗಲು ಸಮಯವೂ ಇಲ್ಲ ಎಂದ.
ಮಹಾ ವಿಷ್ಣುವಿನ ಅವತಾರವಾದ ಹಯಗ್ರೀವರು ತಪಸ್ವಿ ಅಗಸ್ತ್ಯ ಮಹರ್ಷಿಗಳಿಗೆ ಬೋಧಿಸಿದ ಸಂವಾದ ರೂಪದಲ್ಲಿ ಇದು ಉಪಲಬ್ಧವಿದೆ. ಲೋಕಕಲ್ಯಾಣಕ್ಕಾಗಿ ಮತ್ತು ಭಕ್ತರ ಅಜ್ಞಾನ, ಪಾಪಗಳನ್ನು ಕಳೆದು ಮುಕ್ತಿ ನೀಡಲು ಜಗನ್ಮಾತೆಯೇ ಸ್ವತಃ ಅನುಗ್ರಹಿಸಿದ ಶ್ರೇಷ್ಠ ರಹಸ್ಯವಿದು. ಈ ಸ್ತೋತ್ರದಲ್ಲಿರುವ ಪ್ರತಿಯೊಂದು ಹೆಸರೂ ಕೇವಲ ಅಕ್ಷರಗಳ ಜೋಡಣೆಯಲ್ಲ; ಅವು ಬ್ರಹ್ಮಾಂಡದ ಶಕ್ತಿಯನ್ನು ಹೊಮ್ಮಿಸುವ ಒಂದೊಂದು ಜೀವಂತ ಮಂತ್ರಗಳು.
ಶಮಂತಕ ಮಣಿಯ ಘಟನೆಯ ನಂತರ ಶ್ರೀಕೃಷ್ಣನು ಜಾಂಬವತಿಯನ್ನು ವಿವಾಹವಾದರೂ ಅವರಿಗೆ ಬಹಳ ಕಾಲ ಸಂತಾನವಿರಲಿಲ್ಲ. ಜಾಂಬವತಿಯ ಕೋರಿಕೆಯ ಮೇರೆಗೆ ಶ್ರೀಕೃಷ್ಣನು ಉಪಮನ್ಯು ಮಹರ್ಷಿ ಗಳ ಮಾರ್ಗದರ್ಶನದಲ್ಲಿ ಕೈಲಾಸನಾಥನನ್ನು ಕುರಿತು ಕಠಿಣ ತಪಸ್ಸು ಆಚರಿಸಿದನು. ಸಾಂಬಶಿವನ ಅನುಗ್ರಹದಿಂದ ಜನಿಸಿದ ಬಾಲಕನಿಗೆ ‘ಸಾಂಬ’ ಎಂದು ನಾಮಕರಣ ಮಾಡಲಾಯಿತು.
ಮಹಾವಿಷ್ಣುವಿನ ಹೃದಯವು ತಾಯಿ ಮಹಾಲಕ್ಷ್ಮಿಯ ಶಾಶ್ವತ ನಿವಾಸ. ಶ್ರೀಹರಿ ಸಿಟ್ಟಿಗೇಳುವ ಬದಲು, ಶಾಂತಚಿತ್ತದಿಂದ ಎದ್ದು ನಿಂತು, ಮುನಿಶ್ರೇಷ್ಠರೇ, ವಜ್ರದಂತಿರುವ ನನ್ನ ಎದೆ ತಾಗಿ ನಿಮ್ಮ ಕೋಮಲ ಪಾದಗಳಿಗೆ ನೋವಾಯಿತೇ? ಎಂದು ಪಾದವನ್ನೊತ್ತಿದ. ಆ ಮೃದುಸ್ಪರ್ಶದ ಮುನಿಯ ಪಾದದಲ್ಲಿದ್ದ ಅಹಂಕಾರದ ಕಣ್ಣು ಕರಗಿ, ಜ್ಞಾನೋದಯವಾಯಿತು.
ಸತ್ಯಯುಗದಲ್ಲಿ ಕುಶಸ್ಥಳಿಯ (ಇಂದಿನ ದ್ವಾರಕೆ) ಕಕುದ್ಮಿ ಎಂಬ ಧೀಮಂತ ರಾಜನಿಗೆ ರೇವತಿ ಎಂಬ ಅಪ್ರತಿಮ ಸುಂದರಿ ಮತ್ತು ಸಕಲ ವಿದ್ಯಾವಂತೆಯಾದ ಮಗಳಿದ್ದಳು. ಆಕೆಯ ದಿವ್ಯ ತೇಜಸ್ಸು ಹಾಗೂ ಅಸಾಧಾರಣ ವ್ಯಕ್ತಿತ್ವಕ್ಕೆ ಸರಿಸಾಟಿಯಾದ ವರ ಭೂಮಂಡಲದಲ್ಲೂ ಸಿಗದೆ ಕಂಗಾಲಾದ ರಾಜನು, ಸೃಷ್ಟಿಕರ್ತನಾದ ಬ್ರಹ್ಮದೇವನನ್ನೇ ಮುಖಾಮುಖಿ ಭೇಟಿ ಮಾಡಿ ಸೂಕ್ತ ವರನನ್ನು ಕೇಳಲು ನಿರ್ಧರಿಸಿದನು.
ಅಶೋಕವನದಲ್ಲಿ ಬೇರೆ ಹೂವುಗಳು ಕಾಣದೆ, ಅಲ್ಲಿಯೇ ಬೆಳೆದಿದ್ದ ಹಸಿರಾದ ವೀಳ್ಯದೆಲೆಗಳನ್ನು ಕೊಯ್ದು ಪ್ರೀತಿಯಿಂದ ಒಂದು ಸುಂದರ ಹಾರವನ್ನು ಕಟ್ಟಿ ಹನುಮಂತನ ಕೊರಳಿಗೆ ಹಾಕಿದಳು. ಜಗನ್ಮಾತೆಯ ಈ ಪ್ರೀತಿಯ ಉಡುಗೊರೆಯಿಂದ ಪುಳಕಿತನಾದ ಆಂಜನೇಯನು, ತಾಯೇ, ಇಂದಿನಿಂದ ಯಾರೇ ಭಕ್ತರು ಭಕ್ತಿ ಯಿಂದ ನನಗೆ ವೀಳ್ಯದೆಲೆಯ ಹಾರವನ್ನು ಅರ್ಪಿಸುತ್ತಾರೋ, ಅವರ ಕಷ್ಟ-ಕಾರ್ಪಣ್ಯ, ಮಾಟ-ಮಂತ್ರದ ದೋಷ, ಭಯ ಮತ್ತು ಗ್ರಹದೋಷಗಳನ್ನು ನಿವಾರಿಸಿ ಇಷ್ಟಾರ್ಥಗಳನ್ನು ಈಡೇರಿಸುತ್ತೇನೆ ಎಂದು ವರವಿತ್ತನು.
ಋಗ್ವೇದದ ಅತ್ಯಂತ ಪವಿತ್ರ ಭಾಗವಾದ ಶ್ರೀಸೂಕ್ತದಲ್ಲಿ ಲಕ್ಷ್ಮೀದೇವಿಯ ನಾಲ್ವರು ಪ್ರಮುಖ ಪುತ್ರರ ಅಥವಾ ಋಷಿಗಳ ಉಲ್ಲೇಖ ಬರುತ್ತದೆ: ‘ಆನಂದಃ ಕರ್ದಮಶ್ಬೈವ ಚಿಕ್ಲೀತ ಇತಿ ವಿಶ್ರುತಃ | ಋಷಯಃ ಶ್ರಿಯಃ ಪುತ್ರಾಶ್ಚ ಮಯಿ ಶ್ರೀರ್ದೇವಿ ದೇವತಾ’ ಈ ಮಂತ್ರದಲ್ಲಿ ಉಲ್ಲೇಖಿಸಲಾದ ಆನಂದ, ಕರ್ದಮ, ಚಿಕ್ಲೀತ ಮತ್ತು ಶ್ರೀದ ಕೇವಲ ಪೌರಾಣಿಕ ವ್ಯಕ್ತಿಗಳಲ್ಲ
1767ರಲ್ಲಿ ಅಹಲ್ಯಾ ಬಾಯಿಯವರು ತಮ್ಮ ರಾಜಧಾನಿಯನ್ನು ಇಂದೋರ್ನಿಂದ ಮಹೇಶ್ವರಕ್ಕೆ ಸ್ಥಳಾಂತರಿಸಿ, ನರ್ಮದಾ ನದಿಯ ಸುಂದರ ಘಾಟ್ಗಳ ಮೇಲೆ ಭವ್ಯವಾದ ಅಹಲ್ಯಾ ಕೋಟೆ (ರಾಜವಾಡ) ನಿರ್ಮಿಸಿ ದರು. ಕೋಟೆಯ ಆವರಣದಲ್ಲಿರುವ ರಾಣಿಯ ಖಾಸಗಿ ಪೂಜಾ ಮಂದಿರದ ಪಕ್ಕದಲ್ಲಿ ಆರಂಭವಾದ ಒಂದು ಆಧ್ಯಾತ್ಮಿಕ ವ್ರತ, ಕಳೆದ 250ಕ್ಕೂ ಹೆಚ್ಚು ವರ್ಷಗಳಿಂದ ಇಂದಿಗೂ ನಿರಂತರವಾಗಿ ನಡೆದುಕೊಂಡು ಬರುತ್ತಿದೆ. ಅದೇ ಪವಿತ್ರ ಪಾರ್ಥಿವ ಲಿಂಗಾರ್ಚನೆ
ಯಾವುದೇ ಗಾಯವಿಲ್ಲದೆ ಬಿದ್ದಿದ್ದ ವೀರ ಸಹೋದರರನ್ನು ನೋಡಿ, ಇದು ಸಾಮಾನ್ಯ ಶತ್ರುವಿನ ಕೆಲಸ ವಲ್ಲ, ಯಾವುದೋ ದೈವಿಕ ಪರೀಕ್ಷೆ ಎಂಬುದು ಆತನಿಗೆ ಅರ್ಥವಾಯಿತು. ದುಃಖದ ನಡುವೆಯೂ ನೀರಿಗಿಳಿದಾಗ, ಬಕರೂಪಿ ಯಕ್ಷ ಪ್ರತ್ಯಕ್ಷನಾಗಿ ಅದೇ ಸಾವಿನ ಎಚ್ಚರಿಕೆ ನೀಡಿದ. ಧರ್ಮರಾಯ ಧಾವಂತಕ್ಕೆ ಬೀಳದೆ, ಕೈಮುಗಿದು, ‘ಮಹಾತ್ಮನೇ, ನಿಮ್ಮ ಪ್ರಶ್ನೆಗಳನ್ನು ಕೇಳಿ, ನನ್ನ ಬುದ್ಧಿಗನುಸಾರ ಉತ್ತರಿಸುವೆ’, ಎಂದು ಶಾಂತಚಿತ್ತನಾಗಿ ನಿಂತ.
ನವಗ್ರಹಗಳಾದ ಸೂರ್ಯ, ಚಂದ್ರ, ಮಂಗಳ, ಬುಧ, ಗುರು, ಶುಕ್ರ, ಶನಿ, ರಾಹು ಮತ್ತು ಕೇತುಗಳ ಶಕ್ತಿಯನ್ನು ನಿಯಂತ್ರಿಸಿ ಲೋಕಕಲ್ಯಾಣ ಮಾಡಲು, ಆತ ಒಂಬತ್ತು ಗ್ರಹಗಳ ಪ್ರತೀಕವಾಗಿ ಒಂಬತ್ತು ಶಿವಲಿಂಗಗಳನ್ನು ಸ್ವತಃ ಪ್ರತಿಷ್ಠಾಪಿಸಿದನು. ಬ್ರಹ್ಮನೇ ಇಲ್ಲಿ ಗ್ರಹ- ನಕ್ಷತ್ರಗಳ ಜ್ಯೋತಿಷ್ಯ ಅಧ್ಯಯನ ನಡೆಸಿದ್ದರಿಂದ, ಈ ನಗರಕ್ಕೆ ‘ಪ್ರಾಗ್ಜ್ಯೋತಿಷಪುರ’ (ಪೂರ್ವದ ಜ್ಯೋತಿಷ್ಯದ ಅಥವಾ ಬೆಳಕಿನ ನಗರಿ) ಎಂಬ ಹೆಸರು ಶಾಶ್ವತವಾಯಿತು.
ಅವಳು ತನ್ನೊಳಗೆ ಚಿಂತಿಸಿದಳು ಕ್ಷಣಿಕವಾದ ಸುಖ, ಹಣ ಮತ್ತು ಜನರ ಮೆಚ್ಚುಗೆಗಾಗಿ ನಾನು ಎಷ್ಟು ನಿಕೃಷ್ಟವಾಗಿ ಇತರರನ್ನು ಅವಲಂಬಿಸಿದ್ದೆ! ನಶ್ವರವಾದ ದೇಹವನ್ನು ಪ್ರೀತಿಸುವ, ಕ್ಷಣಮಾತ್ರದಲ್ಲಿ ಬದಲಾಗುವ ಮನುಷ್ಯರಿಂದ ನಾನು ಶಾಶ್ವತ ಸುಖವನ್ನು ನಿರೀಕ್ಷಿ ಸುತ್ತಿದ್ದೆ. ಆದರೆ ನನ್ನ ಹೃದಯದಲ್ಲೇ ಸದಾ ನೆಲೆಸಿರುವ ಪರಮಾತ್ಮನನ್ನು (ಶ್ರೀಕೃಷ್ಣನನ್ನು) ಮರೆತಿದ್ದೆ.
ನಷ್ಟದಲ್ಲಿದ್ದ ನೂರಾರು ಮಳಿಗೆಗಳನ್ನು ಮುಚ್ಚಿ, ಸುಮಾರು 450 ರಿಂದ 500 ಅತ್ಯಂತ ಲಾಭದಾಯಕ ಕೆಫೆಗಳ ಮೇಲೆ ಮಾತ್ರ ಗಮನ ಕೇಂದ್ರೀಕರಿಸಿದರು. ನಿರ್ವಹಣಾ ವೆಚ್ಚ ಕಡಿಮೆ ಇರುವ ಕಾರ್ಪೊರೇಟ್ ಕಾಫಿ ವೆಂಡಿಂಗ್ ಮೆಷಿನ್ಗಳ ಸಂಖ್ಯೆಯನ್ನು 50000ಕ್ಕೂ ಹೆಚ್ಚು ಕಚೇರಿಗಳಿಗೆ ವಿಸ್ತರಿಸಿದರು. ಈ ನಿಖರ ನಿರ್ಧಾರಗಳ ಫಲವಾಗಿ, 2019ರಲ್ಲಿ ರು.7200 ಕೋಟಿಗೂ ಅಧಿಕವಾಗಿದ್ದ ಸಾಲವು, 2021ರ ವೇಳೆಗೆ ರು.1731 ಕೋಟಿಗೆ, ನಂತರ ರು.800 - ರು.1000 ಕೋಟಿಯ ಆಸುಪಾಸಿಗೆ ಇಳಿಯಿತು
‘ಹೇ ಪ್ರಭು, ಭವಿಷ್ಯದಲ್ಲಿ ಮಾನವಕುಲದ ಉದ್ದಾರ ಕ್ಕಾಗಿ ಮತ್ತು ಭಕ್ತರ ರಕ್ಷಣೆಗಾಗಿ ನೀನು ಈ ಪವಿತ್ರ ವಾದ ‘ಕೇದಾರ’ ಕ್ಷೇತ್ರದಲ್ಲಿ ಜ್ಯೋತಿಲಿಂಗದ ರೂಪದಲ್ಲಿ ಶಾಶ್ವತವಾಗಿ ನೆಲೆಸಬೇಕು’ ಎಂದು ಪ್ರಾರ್ಥಿಸು ತ್ತಾರೆ. ಅವರ ನಿಸ್ವಾರ್ಥ ಕೋರಿಕೆಯನ್ನು ಮನ್ನಿಸಿದ ಕರುಣಾಮಯಿ ಶಿವನು, ಭಕ್ತರ ಪಾಪಗಳನ್ನು ನಾಶ ಮಾಡಲು ಮತ್ತು ಅವರ ಇಷ್ಟಾರ್ಥಗಳನ್ನು ಈಡೇರಿಸಲು ಹಿಮಾಲ ಯದ ಆ ಬೆಟ್ಟಗಳ ನಡುವೆ ‘ಕೇದಾರೇಶ್ವರ’ ಎಂಬ ಹೆಸರಿನಿಂದ ಜ್ಯೋತಿಲಿಂಗವಾಗಿ ಶಾಶ್ವತವಾಗಿ ನೆಲೆಸಲು ನಿರ್ಧರಿಸುತ್ತಾನೆ.
ಕತ್ತಲು ಆವರಿಸಿದಾಗ ಬೆಳಕಾಗಿ, ಕರಾಳತೆ ಮುತ್ತಿ ಕೊಂಡಾಗ ರಕ್ಷಕನಾಗಿ ನಿಲ್ಲುವ ಹನುಮಂತನ ಅತ್ಯಂತ ಪ್ರಭಾವಶಾಲಿ ಕಥೆ ತೆರೆದುಕೊಳ್ಳುವುದು ರಾಮಾಯಣದ ಯುದ್ಧದ ಕೊನೆಯ ಘಟ್ಟದಲ್ಲಿ. ಲಂಕೆಯ ಯುದ್ಧಭೂಮಿಯಲ್ಲಿ ರಾವಣನಿಗೆ ಸೋಲಿನ ಸುಳಿವು ಸಿಕ್ಕಿಯಾಗಿತ್ತು. ತನ್ನೆ ಶಕ್ತಿ ಕುಂದಿದಾಗ ಆತ ಕತ್ತಲ ಲೋಕದ ಮೊರೆ ಹೋಗುತ್ತಾನೆ.
