Salman Khan : ಖಂಡಿತ ನನಗೆ ಮಕ್ಕಳಾಗುತ್ತೆ; ಕಾಫಿ ವಿತ್ ಕರಣ್ ಶೋನಲ್ಲಿ ಸಲ್ಮಾನ್ ಖಾನ್ ಮುಕ್ತ ಮಾತು
Salman Khan : ಕಾಫಿ ವಿತ್ ಕರಣ್ ಸೀಸನ್ 9 ರ ಆರಂಭಿಕ ಸಂಚಿಕೆಯಲ್ಲಿ ನಟ ಸಲ್ಮಾನ್ ಖಾನ್ , ಯಾವುದೇ ವಿಷಯದ ಬಗ್ಗೆ ಮಾತನಾಡಲು ಹಿಂಜರಿಯಲಿಲ್ಲ. ಕಾಫಿ ವಿತ್ ಕರಣ್ ಶೋನಲ್ಲಿ ಕರಣ್ ಜೋಹರ್ ಜೊತೆಗಿನ ಮಾತುಕತೆ ವೇಳೆ ಸಲ್ಮಾನ್ ಖಾನ್ ತಂದೆಯಾಗುವ ತಮ್ಮ ಆಸೆಯನ್ನು ಬಿಚ್ಚಿಟ್ಟಿದ್ದಾರೆ.
ಸಲ್ಮಾನ್ ಖಾನ್ -
ಕಾಫಿ ವಿತ್ ಕರಣ್ ಸೀಸನ್ 9 (Koffee with Karan 9) ರ ಆರಂಭಿಕ ಸಂಚಿಕೆಯಲ್ಲಿ ನಟ ಸಲ್ಮಾನ್ ಖಾನ್ , ಯಾವುದೇ ವಿಷಯದ ಬಗ್ಗೆ ಮಾತನಾಡಲು ಹಿಂಜರಿಯಲಿಲ್ಲ. ಕಾಫಿ ವಿತ್ ಕರಣ್ ಶೋನಲ್ಲಿ ಕರಣ್ ಜೋಹರ್ ಜೊತೆಗಿನ ಮಾತುಕತೆ ವೇಳೆ ಸಲ್ಮಾನ್ ಖಾನ್ (Salman Khan) ತಂದೆಯಾಗುವ ತಮ್ಮ ಆಸೆಯನ್ನು ಬಿಚ್ಚಿಟ್ಟಿದ್ದಾರೆ.
ತಂದೆಯಾಗುವ ಆಸೆ ನನಗೂ ಇದೆ
ನಿರೂಪಕ ಕರಣ್ ಜೋಹರ್ ಅವರು ಸಲ್ಮಾನ್ ಬಳಿ 'ಮಕ್ಕಳಿಲ್ಲ ಎಂಬ ಕೊರಗು ಕಾಡುತ್ತಿದೆಯೇ?' ಎಂದು ಕೇಳಿದ್ದಾರೆ. ಇದಕ್ಕೆ ಸಲ್ಮಾನ್ ಹೌದು ಎಂದಿದ್ದು, ತಂದೆಯಾಗುವ ಆಸೆ ನನಗೂ ಇದೆ ಎಂದಿದ್ದಾರೆ. ಡಿಸೆಂಬರ್ 2025ರಲ್ಲಿ 60 ವರ್ಷ ಪೂರೈಸಿದ ಸಲ್ಮಾನ್, ತಮ್ಮ ವೈಯಕ್ತಿಕ ವಿಚಾರಗಳನ್ನು ಸಾರ್ವಜನಿಕವಾಗಿ ಹೆಚ್ಚಾಗಿ ಹಂಚಿಕೊಳ್ಳುವುದಿಲ್ಲ. ಹೀಗಾಗಿ ಅವರ ಈ ಮಾತುಗಳು ಈಗ ತೀವ್ರ ಕುತೂಹಲ ಕೆರಳಿಸಿವೆ.ಕರಣ್, ಸಲ್ಮಾನ್ ಅವರ ವರ್ಜಿನಿಟಿ ಬಗ್ಗೆ ತಮ್ಮ ಹಳೆಯ ಪ್ರಶ್ನೆಯನ್ನು ಮತ್ತೆ ಕೇಳಿದ್ದಾರೆ. ಇದಕ್ಕೆ ಸಲ್ಮಾನ್, "ಕಂಟ್ರೋಲ್ ಮಾಡ್ಕೋ ಭಾಯ್, ಕಂಟ್ರೋಲ್ ಮಾಡ್ಕೋ" ಎಂದು ನಗುತ್ತಲೇ ಉತ್ತರಿಸಿದ್ದಾರೆ.
ಇದನ್ನೂ ಓದಿ: Bigg Boss Kannada 13: ಸಾಮರ್ಥ್ಯಕ್ಕೆ ಒಂದು ಸವಾಲ್; ಈ ತಂಡಕ್ಕೆ ಸಪೋರ್ಟ್‌ ಮಾಡಿದ ಕುಮಾರಿ!
."ಕರಣ್, ನಾನು ಅದರ ಬಗ್ಗೆ ಮಾತನಾಡಲು ಬಯಸುವುದಿಲ್ಲ ಎಂದು ಹೇಳುವ ಒಂದು ವಿಧಾನ ಅದು. ನೀವು 'ನಾನು ಇಂತಿಂಥ ವ್ಯಕ್ತಿಯೊಂದಿಗೆ ಡೇಟಿಂಗ್ ಮಾಡುತ್ತಿದ್ದೇನೆ' ಎಂದು ಹೇಳುತ್ತಲೇ ಇರುತ್ತೀರಿ, ಆದರೆ ಈ ವ್ಯಕ್ತಿ ನಿಮ್ಮ ಜೀವನದಲ್ಲಿ ಇರುತ್ತಾರೋ ಇಲ್ಲವೋ ಎಂದು ನಿಮಗೆ ತಿಳಿದಿರುವುದಿಲ್ಲ. ನಂತರ ಆ ವ್ಯಕ್ತಿ ಮುಂದೆ ಹೋಗಿ ಬೇರೊಬ್ಬರನ್ನು ಮದುವೆಯಾಗುತ್ತಾರೆ.
."ಕರಣ್ ಹೆಚ್ಚು ಭಾವನಾತ್ಮಕ ವಿಷಯಕ್ಕೆ ಹೋದಂತೆ - ಜೀವನ ಸಂಗಾತಿಯ ಕೊರತೆ - ಮತ್ತು ಅವನು ಒಂಟಿತನ ಅನುಭವಿಸಿದರೆ, ಸಲ್ಮಾನ್ ಹೀಗೆ ಹೇಳಿದರು, "ಯಾರೂ ನಿನ್ನೊಂದಿಗೆ ಇರಲು ಬಯಸದಿದ್ದಾಗ ನೀನು ಅತ್ಯಂತ ಒಂಟಿಯಾಗಿರುತ್ತೀಯ... ಯಾರೂ ನನಗೆ ಸಂಗಾತಿಯನ್ನು ಹೊಂದುವುದನ್ನು ತಡೆಯಲಿಲ್ಲ. ನನಗೆ ಇದರಿಂದ ಸಂತೋಷವಾಗಿದೆ."ಎಂದರು.
ಸಲ್ಮಾನ್ ತಂದೆಯಾಗುವ ಆಸೆ ವ್ಯಕ್ತಪಡಿಸುತ್ತಿರುವುದು ಇದೇ ಮೊದಲೇನಲ್ಲ. 2023ರಲ್ಲಿ 'ಆಪ್ ಕಿ ಅದಾಲತ್' ಕಾರ್ಯಕ್ರಮದಲ್ಲೂ ಅವರು ಮಕ್ಕಳನ್ನು ಪಡೆಯುವ ಬಗ್ಗೆ ಮಾತನಾಡಿದ್ದರು. ಆದರೆ ತಾವು ಯೋಚಿಸಿದ್ದ ದಾರಿಯಲ್ಲಿ ಸಾಕಷ್ಟು ಕಾನೂನು ತೊಡಕುಗಳಿವೆ ಎಂದು ಅವರು ಹೇಳಿಕೊಂಡಿದ್ದರು. ಬಾಡಿಗೆ ತಾಯ್ತನದ ಮೂಲಕ ಕರಣ್ ಜೋಹರ್ ತಂದೆಯಾದ ವಿಚಾರವನ್ನು ಪ್ರಸ್ತಾಪಿಸಿದ್ದ ಸಲ್ಮಾನ್, ತಾವೂ ಅದೇ ರೀತಿ ತಂದೆಯಾಗುವ ಬಗ್ಗೆ ಯೋಚಿಸಿದ್ದಾಗಿ ಸುಳಿವು ನೀಡಿದ್ದರು. ಆದರೆ ಕಾನೂನು ನಿಯಮಗಳು ಇದಕ್ಕೆ ಅಡ್ಡಿಯಾಗಿವೆ, ಹೀಗಾಗಿ ತಂದೆಯಾಗುವ ಪ್ರಶ್ನೆ ಹಾಗೇ ಉಳಿದಿದೆ ಎಂದಿದ್ದರು.
ಇದನ್ನೂ ಓದಿ: Bigg Boss Kannada 13: ಕ್ಯಾಪ್ಟನ್ಸಿ ಓಟದಿಂದ ಔಟ್‌; ಆಸಿಯಾ ಪರ ನಿಂತ ಸೌಂದರ್ಯ!
ಕಾಫಿ ವಿತ್ ಕರಣ್‌ನ ಅಂತಿಮ ಸೀಸನ್‌ನ ಮುಂಬರುವ ಕಂತುಗಳು ಶಾರುಖ್ ಖಾನ್‌ನಿಂದ ಸೈಫ್ ಅಲಿ ಖಾನ್, ಕರೀನಾ ಕಪೂರ್ ಖಾನ್ ಮತ್ತು ಇನ್ನೂ ಅನೇಕ ಕಾಫಿ ಕೌಚ್ ಅನುಭವಿಗಳನ್ನು ಮರಳಿ ಕರೆತರುತ್ತವೆ ಎಂದು ಹೇಳಲಾಗುತ್ತಿದೆ.