ʻಫುಲ್‌ ಟಾಸ್‌ ಎಸೆದು, ಪಿಚ್ ಅನ್ನು ದೂಷಿಸಬೇಡಿʼ: ಟೀಕಾಕಾರರಿಗೆ ಸುನೀಲ್ ಗವಾಸ್ಕರ್ ತಿರುಗೇಟು!
IND vs WI: ಹೈದರಾಬಾದ್‌ನಲ್ಲಿ ಭಾರತ ತಂಡ ಸೋಲು ಕಂಡ ಬಳಿಕ ಪಿಚ್ ಬಗ್ಗೆ ಟೀಕೆ ಮಾಡಿದವರಿಗೆ ಸುನೀಲ್ ಗವಾಸ್ಕರ್ ತಿರುಗೇಟು ನೀಡಿದ್ದಾರೆ. ಸೋಲಿಗೆ ಮೈದಾನದ ಪಿಚ್ ಕಾರಣವಲ್ಲ, ಬೌಲರ್‌ಗಳು ಸರಿಯಾದ ಲೆನ್ತ್‌ನಲ್ಲಿ ಬೌಲ್‌ ಮಾಡದಿರುವುದು ಮತ್ತು ಹೆಚ್ಚಿನ ಫುಲ್‌ಟಾಸ್ ಎಸೆತಗಳನ್ನು ಹಾಕಿರುವುದೇ ಪ್ರಮುಖ ಕಾರಣ ಎಂದು ಅವರು ಅಭಿಪ್ರಾಯಪಟ್ಟಿದ್ದಾರೆ.
ಭಾರತ ತಂಡದ ಸೋಲಿಗೆ ಬೌಲರ್‌ಗಳು ಕಾರಣ ಎಂದ ಸುನೀಲ್ ಗವಾಸ್ಕರ್. -
ನವದೆಹಲಿ: ಹೈದರಾಬಾದ್‌ನಲ್ಲಿ ನಡೆದಿದ್ದ ನಾಲ್ಕನೇ ಟಿ20 ಪಂದ್ಯದಲ್ಲಿ (IND vs WI) ವೆಸ್ಟ್ ಇಂಡೀಸ್ ವಿರುದ್ಧ ಭಾರತ 24 ರನ್‌ಗಳಿಂದ ಸೋಲು ಕಂಡ ಬಳಿಕ, ಕ್ರಿಕೆಟ್ ಪಿಚ್‌ಗಳ ಬಗ್ಗೆ ಹೆಚ್ಚುತ್ತಿರುವ ಟೀಕೆಗಳಿಗೆ ಮಾಜಿ ನಾಯಕ ಸುನೀಲ್ ಗವಾಸ್ಕರ್ (Sunil Gavaskar) ತಿರುಗೇಟು ನೀಡಿದ್ದಾರೆ. ಪಂದ್ಯದ ಸೋಲಿಗೆ ಪಿಚ್ ಕಾರಣವಲ್ಲ, ಬದಲಾಗಿ ಭಾರತೀಯ ಬೌಲರ್‌ಗಳ ಕಳಪೆ ಪ್ರದರ್ಶನವೇ ಪ್ರಮುಖ ಕಾರಣ ಎಂದು ಅವರು ಅಭಿಪ್ರಾಯಪಟ್ಟಿದ್ದಾರೆ.
ಪಂದ್ಯದಲ್ಲಿ ಭಾರತೀಯ ಬೌಲರ್‌ಗಳು ಹೆಚ್ಚಿನ ಸಂಖ್ಯೆಯಲ್ಲಿ ಫುಲ್‌ಟಾಸ್ ಹಾಗೂ ಸರಿಯಾದ ಲೆನ್ತ್‌ ಇಲ್ಲದ ಎಸೆತಗಳನ್ನು ಹಾಕಿದ್ದನ್ನು ಗವಾಸ್ಕರ್ ಪ್ರಮುಖವಾಗಿ ಉಲ್ಲೇಖಿಸಿದ್ದಾರೆ. ಬೌಲರ್‌ಗಳು ತಮ್ಮ ಯೋಜನೆಗಳನ್ನು ಸರಿಯಾಗಿ ಕಾರ್ಯಗತಗೊಳಿಸಲು ವಿಫಲರಾದಾಗ ಪಿಚ್ ಅನ್ನು ದೂಷಿಸುವುದು ಸರಿಯಲ್ಲ ಎಂದು ಅವರು ಹೇಳಿದ್ದಾರೆ. ಇದರ ನಡುವೆ, ಭಾರತ ತಂಡದ ಮುಖ್ಯ ಕೋಚ್ ಗೌತಮ್ ಗಂಭೀರ್ ಬ್ಯಾಟ್ ಮತ್ತು ಬಾಲ್ ನಡುವೆ ಉತ್ತಮ ಪೈಪೋಟಿಗೆ ಅವಕಾಶ ನೀಡುವ ಪಿಚ್‌ಗಳ ಪರವಾಗಿ ತಮ್ಮ ನಿಲುವನ್ನು ಪುನರುಚ್ಚರಿಸಿದ್ದಾರೆ.
IND vs WI: ಐದನೇ ಟಿ20ಐ ಪಂದ್ಯಕ್ಕೆ ಭಾರತ ತಂಡದಲ್ಲಿ ಒಂದು ಬದಲಾವಣೆಯನ್ನು ಸೂಚಿಸಿದ ವರುಣ್‌ ಆರೋನ್‌!
ಜಿಯೋಹಾಟ್‌ಸ್ಟಾರ್‌ನಲ್ಲಿ ಮಾತನಾಡಿದ ಗವಾಸ್ಕರ್, ತಿಲಕ್ ವರ್ಮಾ ಮತ್ತು ನಿತೀಶ್ ಕುಮಾರ್ ರೆಡ್ಡಿ ಅವರ ಜೊತೆಯಾಟ ಬೆಳೆಯುತ್ತಿದ್ದ ಸಂದರ್ಭದಲ್ಲಿ ವೆಸ್ಟ್ ಇಂಡೀಸ್ ಬೌಲರ್‌ಗಳೂ ಹಲವು ತಪ್ಪುಗಳನ್ನು ಮಾಡಿದ್ದರು ಎಂದು ಹೇಳಿದ್ದಾರೆ. ಆದರೆ, ನಂತರ ಸರಿಯಾದ ಲೆನ್ತ್‌ನಲ್ಲಿ ಬೌಲಿಂಗ್ ಮಾಡುವುದರ ಜೊತೆಗೆ ಯಾರ್ಕರ್‌ಗಳನ್ನು ಪರಿಣಾಮಕಾರಿಯಾಗಿ ಬಳಸಿದಾಗ ಪ್ರವಾಸಿ ತಂಡಕ್ಕೆ ಯಶಸ್ಸು ಸಿಕ್ಕಿತು ಎಂದು ಅವರು ವಿವರಿಸಿದ್ದಾರೆ.
“ತಿಲಕ್ ವರ್ಮಾ ಮತ್ತು ನಿತೀಶ್ ನಡುವಿನ ಜೊತೆಯಾಟ ಬೆಳೆಯುತ್ತಿದ್ದಾಗ ವೆಸ್ಟ್ ಇಂಡೀಸ್ ಬೌಲರ್‌ಗಳೂ ಸಾಕಷ್ಟು ತಪ್ಪುಗಳನ್ನು ಮಾಡಿದರು. ಅವರು ಹೆಚ್ಚು ಫುಲ್‌ಟಾಸ್ ಎಸೆತಗಳನ್ನು ಹಾಕಿದರು. ನಾವು ಆಗಾಗ್ಗೆ ಪಿಚ್‌ಗಳ ಬಗ್ಗೆ ಮಾತನಾಡುತ್ತೇವೆ. ಬೌಲರ್‌ಗಳಿಗೆ ಯಾವುದೇ ನೆರವು ಸಿಗುತ್ತಿಲ್ಲ ಎಂದು ಹೇಳಿ ಪಿಚ್‌ಗಳನ್ನು ದೂಷಿಸುತ್ತೇವೆ. ಆದರೆ, ಬೌಲರ್‌ಗಳು ಫುಲ್‌ಟಾಸ್ ಎಸೆತಗಳನ್ನು ಹಾಕಿದರೆ ಅದಕ್ಕೆ ಪಿಚ್ ಅನ್ನು ದೂಷಿಸಲು ಸಾಧ್ಯವಿಲ್ಲ,” ಎಂದು ಗವಾಸ್ಕರ್ ಹೇಳಿದ್ದಾರೆ.
ವೆಸ್ಟ್ ಇಂಡೀಸ್ ಎದುರು 4ನೇ ಪಂದ್ಯದಲ್ಲಿ ಭಾರತದ ಸೋಲಿಗೆ ಟರ್ನಿಂಗ್‌ ಪಾಯಿಂಟ್‌ ತಿಳಿಸಿದ ಸಂಜು ಸ್ಯಾಮ್ಸನ್‌!
ಬೌಲರ್‌ಗಳು ಪಿಚ್‌ನಿಂದ ಗರಿಷ್ಠ ಪ್ರಯೋಜನ ಪಡೆಯಬೇಕಾದರೆ ಚೆಂಡನ್ನು ಸರಿಯಾದ ಲೆನ್ತ್‌ನಲ್ಲಿ ಪಿಚ್ ಮಾಡಬೇಕು ಎಂದು ಅವರು ಹೇಳಿದ್ದಾರೆ. ಫುಲ್‌ಟಾಸ್ ಎಸೆತಗಳು ಹಾಗೂ ಪಿಚ್‌ನ ಮಧ್ಯಭಾಗದಲ್ಲಿ ಬೀಳುವ ತಪ್ಪಾದ ಎಸೆತಗಳ ಮೂಲಕ ಬ್ಯಾಟರ್‌ಗಳಿಗೆ ಸುಲಭವಾಗಿ ರನ್ ಗಳಿಸುವ ಅವಕಾಶ ನೀಡಬಾರದು ಎಂದು ಗವಾಸ್ಕರ್ ಅಭಿಪ್ರಾಯಪಟ್ಟಿದ್ದಾರೆ.
“ನಂತರ ಬೌಲರ್‌ಗಳು ಸರಿಯಾದ ಲೆನ್ತ್‌ನಲ್ಲಿ ಬೌಲ್‌ ಮಾಡಲು ಆರಂಭಿಸಿದಾಗ ಅಥವಾ ಯಾರ್ಕರ್‌ಗಳನ್ನು ಎಸೆದಾಗ ಮಾತ್ರ ಅವರಿಗೆ ಯಶಸ್ಸು ಸಿಕ್ಕಿತು,” ಎಂದು ಅವರು ತಿಳಿಸಿದ್ದಾರೆ.