IND vs SL: ಔಟ್ or ನಾಟ್ಔಟ್? ವಿವಾದ ಹುಟ್ಟು ಹಾಕಿದ ಧ್ರುವ್ ಜುರೆಲ್ ಪಡೆದ ಲೋ ಕ್ಯಾಚ್!
ಭಾರತ ಹಾಗೂ ಶ್ರೀಲಂಕಾ ತಂಡಗಳ ನಡುವಣ ಮೊದಲನೇ ಟೆಸ್ಟ್ ಪಂದ್ಯದ ನಾಲ್ಕನೇ ದಿನ ಧ್ರುವ್ ಜುರೆಲ್ ಪಡದ ಕ್ಯಾಚ್ ವಿವಾದವನ್ನು ಹುಟ್ಟು ಹಾಕಿದೆ. ಮಾನವ್ ಸುತಾರ್ ಅವರ ಬೌಲಿಂಗ್ನಲ್ಲಿ ಲಹಿರು ಫ್ರಂಟ್ ಫುಟ್ ಡಿಫೆನ್ಸ್ ಮಾಡಿದರೂ ಚೆಂಡು ಹೆಚ್ಚುವರಿ ಟರ್ನ್ ಆಗಿದ್ದರಿಂದ, ಸಿಲ್ಲಿ ಪಾಯಿಂಟ್ನಲ್ಲಿ ಜುರೆಲ್ ಕ್ಯಾಚ್ ಪಡೆದರು. ಈ ಕ್ಯಾಚ್ ವಿವಾದವನ್ನು ಹುಟ್ಟು ಹಾಕಿದೆ.
ಧ್ರುವ್ ಜುರೆಲ್ ಪಡೆದ ಕ್ಯಾಚ್ ವಿವಾದವನ್ನು ಹುಟ್ಟು ಹಾಕಿದೆ. -
ಗಾಲೆ: ಭಾರತ ಮತ್ತು ಶ್ರೀಲಂಕಾ (IND vs SL) ನಡುವಿನ ಮೊದಲ ಟೆಸ್ಟ್ ಪಂದ್ಯದ ನಾಲ್ಕನೇ ದಿನದಂದು ಲಹಿರು ಉದಾರ ಅವರನ್ನು ಔಟ್ ಮಾಡಲು ಧ್ರುವ್ ಜುರೆಲ್ (Dhruv Jurel) ತೆಗೆದುಕೊಂಡ ಕ್ಯಾಚ್ ವಿವಾದಕ್ಕೆ ಕಾರಣವಾಯಿತು. ಶ್ರೀಲಂಕಾದ ಎರಡನೇ ಇನಿಂಗ್ಸ್ನ 22ನೇ ಓವರ್ನಲ್ಲಿ ಉದಾರ, ಮಾನವ್ ಸುತಾರ್ ಅವರ ಎಸೆತವನ್ನು ಡಿಫೆನ್ಸ್ ಮಾಡಲು ಪ್ರಯತ್ನಿಸಿದರು; ಚೆಂಡು ನಿರೀಕ್ಷೆಗಿಂತ ಹೆಚ್ಚಿನ ತಿರುವು ಪಡೆದು ಅವರ ಬ್ಯಾಟ್ನ ಹೊರ ಅಂಚನ್ನು ತಾಗಿ ಗಲ್ಲಿಯಲ್ಲಿದ್ದ ಧ್ರುವ್ ಜುರೆಲ್ ಅವರ ಕೈ ಸೇರಿತು. ಜುರೆಲ್ ತೀಕ್ಷ್ಣವಾದ ಕ್ಯಾಚ್ ಅನ್ನು ತೆಗೆದುಕೊಂಡರು, ಆದರೆ ದಿನದ ಆಟ ಮುಗಿಯುವ ಮುಗಿಯುವುದಕ್ಕೂ ಮುನ್ನ ಈ ಕ್ಯಾಚ್ ವಿವಾದವನ್ನು ಹುಟ್ಟು ಹಾಕಿತು.
ಧ್ರುವ್ ಜುರೆಲ್ ನೆಲದಿಂದ ಇಂಚುಗಳ ಅಂತರದಲ್ಲಿ ಅದ್ಭುತ ಕ್ಯಾಚ್ ಪಡೆದರು. ಆದರೆ ಚೆಂಡು ಅವರ ಕೈಗೆ ಬೀಳುವ ಮುನ್ನ ನೆಲಕ್ಕೆ ಸ್ಪರ್ಶಿಸಿದೆಯಾ ಎಂಬ ಬಗ್ಗೆ ಮೈದಾನದಲ್ಲಿ ಚರ್ಚೆಗಳು ಆರಂಭವಾದವು. ವಿಡಿಯೊ ರೀಪ್ಲೆನಲ್ಲಿ ಇದು ಅತ್ಯಂತ ಬಿಗಿಯಾದ ಕರೆ ಎಂದು ತೋರಿಸಿದರೂ, ಮೂರನೇ ಅಂಪೈರ್ ಭಾರತದ ಪರವಾಗಿ ತೀರ್ಪು ನೀಡಿದರು; ಈ ನಿರ್ಧಾರವು ಸಾಮಾಜಿಕ ಮಾಧ್ಯಮದಲ್ಲಿ ಅಭಿಪ್ರಾಯವನ್ನು ವಿಭಜಿಸಿತು, ಅಭಿಮಾನಿಗಳು ಈ ತೀರ್ಪನ್ನು ಪ್ರಶ್ನಿಸಿದರು.
ʻನನ್ನನ್ನು ಉಳಿಸಿದ್ದಕ್ಕಾಗಿ ನಿಮಗೆ ಧನ್ಯವಾದʼ: ದೇವದತ್ ಪಡಿಕ್ಕಲ್ರನ್ನು ಅಪ್ಪಿಕೊಂಡ ಕೆಎಲ್ ರಾಹುಲ್!
ಪಂದ್ಯದ ಪರಿಸ್ಥಿತಿಯನ್ನು ಗಮನಿಸಿದರೆ, ಭಾರತ ತಂಡ ಪಂದ್ಯದಲ್ಲಿ ಬಲವಾದ ಹಿಡಿತ ಸಾಧಿಸಿದೆ. ಎರಡನೇ ಇನಿಂಗ್ಸ್ನಲ್ಲಿ ಆಲೌಟ್ ಆದ ಬಳಿಕ ಭಾರತ ತಂಡ, ಶ್ರೀಲಂಕಾ ತಂಡಕ್ಕೆ ಗೆಲುವಿಗಾಗಿ 372 ರನ್ಗಳ ಕಠಿಣ ಗುರಿ ನೀಡಿದೆ. ಮೊದಲ ಇನಿಂಗ್ಸ್ನಲ್ಲಿ ಭಾರತ 462 ರನ್ ಗಳಿಸಿತ್ತು. ಬಳಿಕ ಶ್ರೀಲಂಕಾವನ್ನು 284 ರನ್ಗಳಿಗೆ ಆಲೌಟ್ ಮಾಡುವ ಮೂಲಕ ಭಾರತ 178 ರನ್ಗಳ ಮಹತ್ವದ ಮುನ್ನಡೆ ಪಡೆದಿತ್ತು.
The third umpire decision on the Dhruv Jurel catch today is exactly why fans are losing faith in technology.
— Nervous90s (@Nrvs90s) August 18, 2026
Replays clearly showed a gap under the fingers where the leather made contact with the grass. If you need ten different angles and three minutes of slow-motion scrolling…
ಇದಕ್ಕೂ ಮೊದಲು, ನಾಲ್ಕನೇ ದಿನದಾಟದ ಆರಂಭ ಭಾರತಕ್ಕೆ ನಿರೀಕ್ಷೆಯಂತೆ ಇರಲಿಲ್ಲ. ಇನಿಂಗ್ಸ್ನ ಮೊದಲ ಓವರ್ನ ಮೂರನೇ ಎಸೆತದಲ್ಲೇ ಆರಂಭಿಕ ಆಟಗಾರ ಯಶಸ್ವಿ ಜೈಸ್ವಾಲ್ ಅವರನ್ನು ಆಸಿತಾ ಫೆರ್ನಾಂಡೊ ಔಟ್ ಮಾಡಿದರು. ಜೈಸ್ವಾಲ್ ಖಾತೆ ತೆರೆಯುವ ಮುನ್ನವೇ ಪೆವಿಲಿಯನ್ ಸೇರಿದರು.
IND vs SL: ನಾಲ್ಕನೇ ದಿನವೂ ಪ್ರಾಬಲ್ಯ ಸಾಧಿಸಿದ ಭಾರತ, ಗೆಲುವಿನ ಸನಿಹದಲ್ಲಿ ಶುಭಮನ್ ಗಿಲ್ ಪಡೆ!
ನಂತರ ಕೆಎಲ್ ರಾಹುಲ್ ಮತ್ತು ಮೊದಲ ಇನಿಂಗ್ಸ್ನಲ್ಲಿ ಶತಕ ಸಿಡಿಸಿದ್ದ ದೇವದತ್ ಪಡಿಕ್ಕಲ್ ಜೊತೆಗೆ ತಂಡದ ಜವಾಬ್ದಾರಿ ವಹಿಸಿಕೊಂಡರು. ಇಬ್ಬರೂ ಎರಡನೇ ವಿಕೆಟ್ಗೆ 64 ರನ್ಗಳ ಎಚ್ಚರಿಕೆಯ ಜೊತೆಯಾಟ ನಡೆಸಿ, ಭೋಜನ ವೇಳೆಗೆ ಭಾರತದ ಸ್ಕೋರ್ನ್ನು 116 ರನ್ಗಳಿಗೆ ಕೊಂಡೊಯ್ದರು. ರಾಹುಲ್ 35 ರನ್ ಗಳಿಸಿ ಔಟಾದರೆ, ಪಡಿಕ್ಕಲ್ 44 ರನ್ಗಳ ಹೋರಾಟದ ಇನಿಂಗ್ಸ್ ಆಡಿದರು.
ರಿಷಭ್ ಪಂತ್ ಅದ್ಭುತ ಇನಿಂಗ್ಸ್
ಮಧ್ಯಮ ಕ್ರಮಾಂಕದಲ್ಲಿ, ಶುಭಮನ್ ಗಿಲ್ ಕೇವಲ 8 ರನ್ಗಳಿಗೆ ಪ್ರಭತ್ ಜಯಸೂರ್ಯ ಅವರಿಗೆ ವಿಕೆಟ್ ಒಪ್ಪಿಸಿದರು. ಪ್ರಭತ್ ಈ ಇನಿಂಗ್ಸ್ನಲ್ಲಿ 43 ರನ್ಗಳಿಗೆ 3 ವಿಕೆಟ್ಗಳನ್ನು ಕಬಳಿಸಿದರು. ನಂತರ, ವಿಕೆಟ್ ಕೀಪರ್-ಬ್ಯಾಟ್ಸ್ಮನ್ ರಿಷಭ್ ಪಂತ್ ಕ್ರೀಸ್ಗೆ ಬಂದು ತಮ್ಮ ಆಕ್ರಮಣಕಾರಿ ಆಟದ ಮೂಲಕ ಶ್ರೀಲಂಕಾದ ಬೌಲರ್ಗಳನ್ನು ಬೆಂಡೆತ್ತಿದರು. ಪಂತ್ ಕೇವಲ 69 ಎಸೆತಗಳಲ್ಲಿ 66 ರನ್ಗಳ ಅದ್ಭುತ, ಆಕ್ರಮಣಕಾರಿ ಬ್ಯಾಟಿಂಗ್ ಪ್ರದರ್ಶಿಸಿದರು, ಇದರಲ್ಲಿ ಎರಡು ಸಿಕ್ಸರ್ಗಳೂ ಸೇರಿವೆ. ಈ ಸ್ಫೋಟಕ ಇನಿಂಗ್ಸ್ನಲ್ಲಿ ಪಂತ್ ವಿಶ್ವ ದಾಖಲೆಯನ್ನು ಬರೆದರು. ಟೆಸ್ಟ್ ಕ್ರಿಕೆಟ್ನಲ್ಲಿ 100 ಸಿಕ್ಸರ್ಗಳನ್ನು ಬಾರಿಸಿದ ಮೊದಲ ಭಾರತೀಯ ಮತ್ತು ಜಾಗತಿಕವಾಗಿ ಅತ್ಯಂತ ವೇಗವಾಗಿ 100 ಸಿಕ್ಸರ್ ಬಾರಿಸಿದ ಮೊದಲ ಬ್ಯಾಟ್ಸ್ಮನ್ ಎಂಬ ದಾಖಲೆಯನ್ನು ಬರೆದಿದ್ದಾರೆ.
IND vs SL: 100 ಟೆಸ್ಟ್ ಸಿಕ್ಸರ್ಗಳನ್ನು ಸಿಡಿಸಿ ದೊಡ್ಡ ದಾಖಲೆ ಬರೆದ ರಿಷಭ್ ಪಂತ್!
ಗೆಲುವಿನ ಸನಿಹದಲ್ಲಿ ಟೀಮ್ ಇಂಡಿಯಾ
372 ರನ್ಗಳ ಗುರಿಯನ್ನು ಹಿಂಬಾಲಿಸಿದ ಶ್ರೀಲಂಕಾ ತಂಡ, ನಾಲ್ಕನೇ ದಿನದಾಟದ ಅಂತ್ಯಕ್ಕೆ 34 ಓವರ್ಗಳಿಗೆ 4 ವಿಕೆಟ್ಗಳ ನಷ್ಟಕ್ಕೆ 84 ರನ್ ಗಳಿಸಿದೆ ಹಾಗೂ ಐದನೇ ದಿನ ಗೆಲ್ಲಲು 288 ರನ್ಗಳ ಅಗತ್ಯವಿದೆ. ಆದರೆ, ಐದನೇ ದಿನ ಇಲ್ಲಿನ ಪಿಚ್ ಬ್ಯಾಟ್ಸ್ಮನ್ಗಳಿಗೆ ಕಠಿಣ ಪಿಚ್ ಆಗುವ ಸಾಧ್ಯತೆ ಇದ್ದು, ಭಾರತೀಯ ಬೌಲರ್ಗಳು ಮೊದಲನೇ ಸೆಷನ್ ಅಥವಾ ಎರಡನೇ ಸೆಷನ್ನಲ್ಲಿ ಶ್ರೀಲಂಕಾದ 6 ವಿಕೆಟ್ಗಳನ್ನು ಕಬಳಿಸುವ ಸಾಧ್ಯತೆ ಇದೆ.