NEP vs ITA: ನೇಪಾಳ ತಂಡಕ್ಕೆ ಸೋಲು, ಟಿ20 ವಿಶ್ವಕಪ್ ಟೂರ್ನಿಯಲ್ಲಿ ಇಟಲಿಗೆ ಮೊದಲ ಜಯ!
ಐಸಿಸಿ ಟಿ20 ವಿಶ್ವಕಪ್ ಟೂರ್ನಿಯಲ್ಲಿ ಇಟಲಿ ತಂಡ ತನ್ನ ಮೊಟ್ಟ ಮೊದಲ ಪಂದ್ಯವನ್ನು ಗೆದ್ದಿದೆ. ಗುರುವಾರ ನೇಪಾಳ ವಿರುದ್ಧದ ಪಂದ್ಯದಲ್ಲಿ ಇಟಲಿ ತಂಡ 10 ವಿಕೆಟ್ಗಳ ಭರ್ಜರಿ ಗೆಲುವು ಪಡೆದಿದೆ. ಮೊದಲು ಬ್ಯಾಟ್ ಮಾಡಿದ್ದ ನೇಪಾಳ 123 ರನ್ ಗಳಿಸಿತ್ತು. ಬಳಿಕ ಇಟಲಿ ವಿಕೆಟ್ ನಷ್ಟವಿಲ್ಲದೆ ಗೆದ್ದು ಬೀಗಿತು.
ನೇಪಾಳ ವಿರುದ್ಧ ಇಟಲಿ ತಂಡಕ್ಕೆ 10 ವಿಕೆಟ್ ಭರ್ಜರಿ ಜಯ. -
ಮುಂಬೈ: ಐಸಿಸಿ ಟಿ20 ವಿಶ್ವಕಪ್ (T20 World Cup 2026) ಟೂರ್ನಿಯಲ್ಲಿ ಇಟಲಿ (Italy) ತನ್ನ ಮೊದಲ ಗೆಲುವು ಸಾಧಿಸಿದೆ. ಇದೇ ಮೊದಲ ಬಾರಿ ಇಟಲಿ ಚುಟುಕು ವಿಶ್ವಕಪ್ ಟೂರ್ನಿಯಲ್ಲಿ ಭಾಗವಹಿಸುತ್ತಿದೆ. ಮೊದಲ ಪಂದ್ಯದಲ್ಲಿ ಸ್ಕಾಟ್ಲೆಂಡ್ ವಿರುದ್ಧ ಸೋತ ನಂತರ, ಎರಡನೇ ಪಂದ್ಯದಲ್ಲಿ ನೇಪಾಳ (Nepala) ವಿರುದ್ಧ 10 ವಿಕೆಟ್ಗಳ ಭರ್ಜರಿ ಗೆಲುವು ಸಾಧಿಸಿತು. ಮುಂಬೈನ ವಾಂಖೆಡೆ ಕ್ರೀಡಾಂಗಣದಲ್ಲಿ ನಡೆದ ಪಂದ್ಯದಲ್ಲಿ ಮೊದಲು ಬ್ಯಾಟ್ ಮಾಡಿದ್ದ ನೇಪಾಳ, 19.3 ಓವರ್ಗಳಿಗೆ 123 ರನ್ಗಳನ್ನು ಗಳಿಸಿತ್ತು. ಬಳಿಕ ಗುರಿಯನ್ನು ಹಿಂಬಾಲಿಸಿದ ಇಟಲಿ ಪರ ಜಸ್ಟಿನ್ ಮೊಸ್ಕಾ ಮತ್ತು ಆಂಥೋನಿ ಮೊಸ್ಕಾ ಸಹೋದರರು ಬ್ಯಾಟಿಂಗ್ ಆರಂಭಿಸಿ 13ನೇ ಓವರ್ನಲ್ಲಿ ತಮ್ಮ ತಂಡವನ್ನು ಗೆಲ್ಲಿಸಿದರು.
ಜಸ್ಟಿನ್ ಮೊಸ್ಕಾ ಮತ್ತು ಆಂಥೋನಿ ಮೊಸ್ಕಾ ಸಹೋದರರು ಇನಿಂಗ್ಸ್ ಆರಂಭಿಸಿದರು. ಅವರು ತಕ್ಷಣ ದಾಳಿ ನಡೆಸಿ ನೇಪಾಳಕ್ಕೆ ಯಾವುದೇ ಅವಕಾಶ ನೀಡಲಿಲ್ಲ. ಮೊದಲ ಓವರ್ನಲ್ಲಿ ಕರಣ್ ಕೆಸಿ ಬೌಲಿಂಗ್ನಲ್ಲಿ ಆಂಥೋನಿ ಸಿಕ್ಸ್ ಬಾರಿಸಿದರು. ಮೂರನೇ ಓವರ್ನಲ್ಲಿ ಜಸ್ಟಿನ್ ಒಂದು ಸಿಕ್ಸ್ ಮತ್ತು ಎರಡು ಬೌಂಡರಿಗಳನ್ನು ಬಾರಿಸಿದರು. ಪವರ್ಪ್ಲೇನಲ್ಲಿ ಈ ಇಬ್ಬರು ಸಹೋದರರು ತಂಡವನ್ನು 68 ರನ್ಗಳಿಗೆ ಕೊಂಡೊಯ್ದರು.
T20 World Cup 2026: ಒಮನ್ ವಿರುದ್ಧ 105 ರನ್ಗಳ ಭರ್ಜರಿ ಗೆಲುವು ದಾಖಲಿಸಿದ ಶ್ರೀಲಂಕಾ!
ಜಸ್ಟಿನ್ 11ನೇ ಓವರ್ನ ನಾಲ್ಕನೇ ಎಸೆತದಲ್ಲಿ ಅರ್ಧಶತಕ ಬಾರಿಸಿದರು ಮತ್ತು ಆಂಥೋನಿ ಐದನೇ ಎಸೆತದಲ್ಲಿ ಅರ್ಧಶತಕ ಬಾರಿಸಿದರು. 13ನೇ ಓವರ್ನ ನಾಲ್ಕನೇ ಎಸೆತದಲ್ಲಿ ಇಟಲಿ ಪಂದ್ಯವನ್ನು ಗೆದ್ದುಕೊಂಡಿತು. ಜಸ್ಟಿನ್ ಮೊಸ್ಕಾ 44 ಎಸೆತಗಳಲ್ಲಿ 5 ಬೌಂಡರಿ ಮತ್ತು 3 ಸಿಕ್ಸರ್ಗಳೊಂದಿಗೆ 60 ರನ್ ಗಳಿಸಿದರು. ಆಂಥೋನಿ 32 ಎಸೆತಗಳಲ್ಲಿ 3 ಬೌಂಡರಿ ಮತ್ತು 6 ಸಿಕ್ಸರ್ಗಳೊಂದಿಗೆ 62 ರನ್ ಗಳಿಸಿದರು.
Crishan Kalugamage's excellent spell of bowling set up Italy's win over Nepal👌
— ICC (@ICC) February 12, 2026
He wins the @aramco POTM🏅
📝: https://t.co/ulPg6AgfVj pic.twitter.com/r5UVE56pKp
ನೇಪಾಳದ ಬ್ಯಾಟಿಂಗ್ ವೈಫಲ್ಯ
ಟಾಸ್ ಗೆದ್ದ ಇಟಲಿ, ನೇಪಾಳವನ್ನು ಮೊದಲು ಬ್ಯಾಟಿಂಗ್ಗೆ ಆಹ್ವಾನಿಸಿತು. ಕುಶಾಲ್ ಭುರ್ತೆಲ್ (5) ತಂಡದ ಮೊತ್ತ 8 ರನ್ ಇರುವಾಗ ಔಟ್ ಆದರು. ನಂತರ ನಾಯಕ ರೋಹಿತ್ ಪೌಡೆಲ್, ಆಸಿಫ್ ಶೇಖ್ ಅವರೊಂದಿಗೆ ಎರಡನೇ ವಿಕೆಟ್ಗೆ 30 ಎಸೆತಗಳಲ್ಲಿ 41 ರನ್ಗಳ ಪಾಲುದಾರಿಕೆಯನ್ನು ಹಂಚಿಕೊಂಡರು ಮತ್ತು ತಂಡವನ್ನು 49 ರನ್ಗಳ ಮಟ್ಟಕ್ಕೆ ಕೊಂಡೊಯ್ದರು. ರೋಹಿತ್ 14 ಎಸೆತಗಳಲ್ಲಿ ಎರಡು ಸಿಕ್ಸರ್ಗಳೊಂದಿಗೆ 23 ರನ್ ಗಳಿಸಿ ಔಟಾದರು, ಆದರೆ ಆಸಿಫ್ 20 ಎಸೆತಗಳಲ್ಲಿ ಎರಡು ಬೌಂಡರಿಗಳೊಂದಿಗೆ 20 ರನ್ ಗಳಿಸಿದರು.
A famous triumph for Italy against Nepal as they notch up their first-ever #T20WorldCup win 👏
— ICC (@ICC) February 12, 2026
📝: https://t.co/ulPg6AgfVj pic.twitter.com/Uic1aBwi2l
ನೇಪಾಳ 49 ರನ್ಗಳಿಗೆ 3 ವಿಕೆಟ್ಗಳನ್ನು ಕಳೆದುಕೊಂಡಿತು. ಇಲ್ಲಿಂದ ಆರಂಭವಾದ ದೀಪೇಂದ್ರ ಸಿಂಗ್ ಐರಿ ಮತ್ತು ಆಸಿಫ್ ಶೇಖ್ ನಾಲ್ಕನೇ ವಿಕೆಟ್ಗೆ 39 ಎಸೆತಗಳಲ್ಲಿ 44 ರನ್ಗಳ ಪಾಲುದಾರಿಕೆಯನ್ನು ನೀಡಿ ತಂಡವನ್ನು 93 ರನ್ಗಳ ಮಟ್ಟಕ್ಕೆ ಕೊಂಡೊಯ್ದರು. ದೀಪೇಂದ್ರ 18 ಎಸೆತಗಳಲ್ಲಿ 17 ರನ್ ಗಳಿಸಿದರೆ, ಆರಿಫ್ 24 ಎಸೆತಗಳಲ್ಲಿ 27 ರನ್ ಗಳಿಸಿದರು. ನೇಪಾಳ ತಂಡವು 19.3 ಓವರ್ಗಳಲ್ಲಿ 123 ರನ್ಗಳಿಗೆ ಆಲ್ಔಟ್ ಆಯಿತು. ತಂಡದ ಕೊನೆಯ 7 ವಿಕೆಟ್ಗಳು 30 ರನ್ ಅಂತರದಲ್ಲಿ ಪತನಗೊಂಡವು. ಇಟಲಿ ಪರ ಕ್ರಿಶನ್ ಕಲುಗಮಗೆ 18 ರನ್ಗಳಿಗೆ 3 ವಿಕೆಟ್ಗಳನ್ನು ಪಡೆದರೆ, ಬೆನ್ ಮಾನೆಂಟಿ 2 ವಿಕೆಟ್ಗಳನ್ನು ಪಡೆದರು.