IPL 2027: 2 ವರ್ಷಗಳ ಬಳಿಕ ಡೆಲ್ಲಿ ಕ್ಯಾಪಿಟಲ್ಸ್‌ನಿಂದ ಸನ್ರೈಸರ್ಸ್ ಹೈದರಾಬಾದ್‌ಗೆ ಮರಳಿದ ಟಿ ನಟರಾಜನ್!
ಡೆಲ್ಲಿ ಕ್ಯಾಪಿಟಲ್ಸ್‌ ಹಾಗೂ ಸನ್ರೈಸರ್ಸ್ ಹೈದರಾಬಾದ್ ತಂಡಗಳು ಟ್ರೇಡ್ ಡೀಲ್‌ ಮಾಡಿಕೊಂಡಿವೆ. ಟಿ ನಟರಾಜನ್ ಅವರು ಎರಡು ವರ್ಷಗಳ ಬಳಿಕ ಡೆಲ್ಲಿ ತಂಡದಿಂದ ಎಸ್‌ಆರ್‌ಎಚ್‌ ತಂಡಕ್ಕೆ ಮರಳಿದ್ದಾರೆ. ಅವರು 5 ಕೋಟಿ ರು. ಗಳಿಗೆ ತಮ್ಮ ಐಪಿಎಲ್ ವೃತ್ತಿ ಜೀವನ ಆರಂಭಿಸಿದ ಮೊದಲ ತಂಡಕ್ಕೆ ಮರಳಿದ್ದಾರೆ. ಆದರೆ, ಅವರು ಈ ಪ್ರಕ್ರಿಯೆಯಲ್ಲಿ 5.75 ಕೋಟಿ ರು. ಗಳನ್ನು ಕಳೆದುಕೊಂಡಿದ್ದಾರೆ.
ಸನ್ರೈಸರ್ಸ್ ಹೈದರಾಬಾದ್‌ಗೆ ಮರಳಿದ ಟಿ ನಟರಾಜನ್. -
ನವದೆಹಲಿ: ಡೆಲ್ಲಿ ಕ್ಯಾಪಿಟಲ್ಸ್‌ (DC) ತಂಡದೊಂದಿಗೆ ಟ್ರೇಡ್ ಡೀಲ್‌ ಮಾಡಿಕೊಳ್ಳುವ ಮೂಲಕ ಸನ್ರೈಸರ್ಸ್ ಹೈದರಾಬಾದ್ ತಂಡ (SRH) ಟಿ ನಟರಾಜನ್ (T Natarajan) ಅವರನ್ನು ಕರೆಸಿಕೊಂಡಿದೆ. ಹಾಗಾಗಿ ಹೈದರಾಬಾದ್ ಫ್ರಾಂಚೈಸಿಯ ಈ ಟ್ರೇಡ್ ಡೀಲ್‌ ಮೂಲಕ ಸ್ಪಿನ್ನರ್‌ ಝೀಸನ್‌ ಅನ್ಸಾರಿ ಡೆಲ್ಲಿ ಫ್ರಾಂಚೈಸಿಗೆ ತೆರಳಿದ್ದಾರೆ. ಸೇಲಂ ಮೂಲದ ನಟರಾಜನ್ ಅವರು 2020 ರಿಂದ 2024ರ ವರೆಗೆ ಸನ್ರೈಸರ್ಸ್ ಹೈದರಾಬಾದ್ ತಂಡದ ಪರ ಆಡಿದ್ದರು.
ಆದರೆ, 2025ರ ಐಪಿಎಲ್ ಹರಾಜಿನಲ್ಲಿ ಟಿ ನಟರಾಜನ್ ಅವರನ್ನು ಡೆಲ್ಲಿ ಕ್ಯಾಪಿಟಲ್ಸ್‌ ತಂಡ 10.75 ಕೋಟಿ ರು. ಗಳಿಗೆ ಖರೀದಿಸಿತ್ತು. ಆದರೆ, ಟ್ರೇಡ್ ಡೀಲ್‌ ಮೂಲಕ ಟಿ ನಟರಾಜನ್ 5 ಕೋಟಿ ರು. ಗಳಿಗೆ ಹೈದರಾಬಾದ್ ಫ್ರಾಂಚೈಸಿಗೆ ಮರಳಿದ್ದಾರೆ. ಇನ್ನು ಅನ್ಸಾರಿ ಅವರು ಎಸ್‌ಆರ್‌ಎಚ್‌ ಪರ ಆಡಿದ 10 ಪಂದ್ಯಗಳಿಂದ 6 ವಿಕೆಟ್‌ಗಳನ್ನು ಕಬಳಿಸಿದ್ದರು. ಇದೀಗ ಅವರು ಡಿಸಿ ಪರ ಆಡಲು ಎದುರು ನೋಡುತ್ತಿದ್ದಾರೆ.
IPL 2027: ಹಾರ್ದಿಕ್‌ ಪಾಂಡ್ಯ ಔಟ್‌? ಮುಂಬೈ ಇಂಡಿಯನ್ಸ್‌ ನಾಯಕತ್ವಕ್ಕೆ ರೋಹಿತ್‌ ಶರ್ಮಾ ಮರಳುವ ಸಾಧ್ಯತೆ!
ಡೆಲ್ಲಿ ಪರ ವಿಫಲರಾಗಿದ್ದ ನಟರಾಜನ್
ಟಿ ನಟರಾಜನ್ ಅವರು ಎರಡು ಆವೃತ್ತಿಗಳಲ್ಲಿ ಡೆಲ್ಲಿ ಕ್ಯಾಪಿಟಲ್ಸ್‌ ತಂಡದ ಆಡಿದ 12 ಪಂದ್ಯಗಳನ್ನು ಮಾತ್ರ ಆಡಿದ್ದರು. 2025ರ ಐಪಿಎಲ್ ಟೂರ್ನಿಯ ವೇಳೆ ನಟರಾಜನ್ ಗಾಯದಿಂದ ಚೇತರಿಸಿಕೊಳ್ಳುತ್ತಿದ್ದರು ಹಾಗೂ ಒಂದೂ ಪಂದ್ಯವನ್ನು ಆಡಿರಲಿಲ್ಲ. ಆದರೆ, 2026ರ ಟೂರ್ನಿಯಲ್ಲಿ ಅವರು ಆಡಿದ 10 ಪಂದ್ಯಗಳಿಂದ 11.18ರ ಎಕಾನಮಿ ರೇಟ್‌ನಲ್ಲಿ 5 ವಿಕೆಟ್ ಕಿತ್ತಿದ್ದರು.
2027ರ ಐಪಿಎಲ್ ಸೀಸನ್‌ಗೂ ಮುನ್ನ ಅವರು ನಿರೀಕ್ಷಿತ ಬಜೆಟ್‌ನಲ್ಲಿ ತಂಡವನ್ನು ತೊರೆಯಬಹುದು ಎಂದು ಭಾವಿಸಲಾಗಿತ್ತು. ಆದರೆ, ಫ್ರಾಂಚೈಸಿಯೊಂದಿಗಿನ ಅವರ ಹಿಂದಿನ ಪ್ರದರ್ಶನ ಮತ್ತು ಪ್ರಭಾವವನ್ನು ಪರಿಗಣಿಸಿದ ಹೈದರಾಬಾದ್ ತಂಡ ಅವರನ್ನು ಟ್ರೇಡ್ ಮೂಲಕ ಬೇರೆ ತಂಡಕ್ಕೆ ಕಳುಹಿಸಲು ನಿರ್ಧರಿಸಿತು. ಇದಕ್ಕೆ ಪ್ರತಿಯಾಗಿ, ಜೀಶನ್ ಅವರನ್ನು ತಂಡಕ್ಕೆ ಸೇರಿಸಿಕೊಳ್ಳಲು ಡೆಲ್ಲಿ ಸಂತಸಪಡಲಿದೆ. ಏಕೆಂದರೆ, ರಿಷಭ್ ಪಂತ್ ಅವರಿಗಾಗಿ ಕುಲ್‌ದೀಪ್ ಯಾದವ್ ಅವರನ್ನು ಲಖನೌ ಸೂಪರ್ ಜಯಂಟ್ಸ್‌ಗೆ ಟ್ರೇಡ್ ಮಾಡಲಾಗಿತ್ತು.
ಪ್ರಸ್ತುತ ಭಾರತದ ಅತ್ಯುತ್ತಮ ಟಿ20 ಆಟಗಾರನನ್ನು ಹೆಸರಿಸಿದ ಚೇತೇಶ್ವರ್‌ ಪೂಜಾರ!
ಹೀಗಾಗಿ, ಎರಡೂ ತಂಡಗಳು ತಮ್ಮ ಆಟಗಾರರ ಬಳಗವನ್ನು ಬಲಪಡಿಸಿಕೊಳ್ಳಲಿವೆ. ಕುಲ್‌ದೀಪ್ ಯಾದವ್ ನಿರ್ಗಮನದ ಬಳಿಕ ದೆಹಲಿ ತಂಡಕ್ಕೆ ಭಾರತೀಯ ಸ್ಪಿನ್ನರ್‌ನ ಅಗತ್ಯವಿತ್ತು. ಮತ್ತೊಂದೆಡೆ, ಹೈದರಾಬಾದ್ ತಂಡವು ತನ್ನ ವೇಗದ ಬೌಲಿಂಗ್ ವಿಭಾಗದಲ್ಲಿ ವೈವಿಧ್ಯತೆ ಹೆಚ್ಚಿಸಿಕೊಳ್ಳಲು ಬಯಸಿತ್ತು. ಕಳೆದ ಐಪಿಎಲ್ ಸೀಸನ್‌ನಲ್ಲಿ ಹರ್ಷಲ್ ಪಟೇಲ್ ನಿರಾಶಾದಾಯಕ ಪ್ರದರ್ಶನ ನೀಡಿದ್ದರು. ಅವರು ಆಡಿದ ಐದು ಪಂದ್ಯಗಳಲ್ಲಿ ಒಂದೇ ಒಂದು ವಿಕೆಟ್ ಪಡೆಯಲು ಸಾಧ್ಯವಾಗಿರಲಿಲ್ಲ. ಹೀಗಾಗಿ, ಹೈದರಾಬಾದ್ ತಂಡ ಹರ್ಷಲ್ ಪಟೇಲ್ ಬದಲಿಗೆ ಟಿ. ನಟರಾಜನ್ ಅವರನ್ನು ಡೆತ್ ಓವರ್‌ಗಳಲ್ಲಿ ಬಳಸಿಕೊಳ್ಳುವ ಸಾಧ್ಯತೆ ಇದೆ.
ಹೈದರಾಬಾದ್‌ನ ಪಿಚ್ ಸಾಮಾನ್ಯವಾಗಿ ಐಪಿಎಲ್‌ನಲ್ಲಿ ಬ್ಯಾಟರ್‌ಗಳಿಗೆ ಹೆಚ್ಚು ಅನುಕೂಲಕರವಾಗಿರುತ್ತದೆ. ಇಂತಹ ಪರಿಸ್ಥಿತಿಯಲ್ಲಿ ನಟರಾಜನ್ ಅವರ ಅನುಭವ ಪ್ಯಾಟ್ ಕಮಿನ್ಸ್ ನಾಯಕತ್ವದ ಹೈದರಾಬಾದ್ ತಂಡಕ್ಕೆ ನೆರವಾಗಬಹುದು. ವಿಶೇಷವಾಗಿ ಪಂದ್ಯದ ಕೊನೆಯ ಓವರ್‌ಗಳಲ್ಲಿ ಅವರ ಬೌಲಿಂಗ್ ತಂಡಕ್ಕೆ ಮಹತ್ವದ ಬಲ ನೀಡುವ ನಿರೀಕ್ಷೆಯಿದೆ.