Piyush Goyal Column: ಸೋಮನಾಥದಿಂದ ಸಿಂದೂರದವರೆಗೆ ಭಾರತ ಪುನರುತ್ಥಾನ

ಭಕ್ತಿ-ಭಾವ

ಪಿಯೂಷ್‌ ಗೋಯಲ್

75 ವರ್ಷಗಳ ಹಿಂದೆ ಭವ್ಯವಾದ ಸೋಮನಾಥ ದೇವಾಲಯದ ಪುನರ್ನಿರ್ಮಾಣ ಮತ್ತು ಪ್ರತಿಷ್ಠಾಪನೆಯು ಭಾರತದ ನಾಗರಿಕತೆಯ ವೈಭವದ ಮರುಕಳಿಕೆಯಲ್ಲಿ ಒಂದು ನಿರ್ಣಾ ಯಕ ಕ್ಷಣವಾಗಿತ್ತು. ಇದು ಭಾರತದ ಚೇತರಿಸಿಕೊಳ್ಳುವ ಶಕ್ತಿ ಮತ್ತು ದೃಢಸಂಕಲ್ಪ ವನ್ನು ಪುನರುಚ್ಚರಿಸಿತು. ಇವೇ ಗುಣಗಳು ಇಂದು ಪ್ರಧಾನಮಂತ್ರಿ ನರೇಂದ್ರ ಮೋದಿಯವರ ‘ವಿಕಸಿತ ಭಾರತ 2047’ ಮಿಷನ್‌ನ ಕೇಂದ್ರಬಿಂದುವಾಗಿವೆ.

ಈ ಪವಿತ್ರ ಮೈಲಿಗಲ್ಲಿನ 75ನೇ ವಾರ್ಷಿಕೋತ್ಸವವು ರಾಷ್ಟ್ರಕ್ಕೆ ಒಂದು ಭವ್ಯವಾದ ಆತ್ಮ ವಿಶ್ವಾಸವನ್ನು ನೀಡುತ್ತದೆ. ಸಾವಿರ ವರ್ಷಗಳ ಕಾಲ ಮತಾಂಧರಿಂದ ಸರಣಿ ದಾಳಿಗಳಿಗೆ ಒಳಗಾದರೂ, ಅದನ್ನೆಲ್ಲ ಮೆಟ್ಟಿ ನಿಂತು ಮತ್ತಷ್ಟು ಬಲಿಷ್ಠವಾಗಿ ಹೊರಹೊಮ್ಮಿದ ಭಾರತೀಯ ನಾಗರಿಕತೆಯ ಅಡಿಪಾಯ ಮತ್ತು ಸಾಮರ್ಥ್ಯವನ್ನು ಇದು ಸಾಬೀತುಪಡಿಸು ತ್ತದೆ.

ಗುಜರಾತ್‌ನ ಪ್ರಶಾಂತ ಸಮುದ್ರತೀರದಲ್ಲಿರುವ ಈ ದೇವಾಲಯವು ಪ್ರತಿ ದಾಳಿಯ ನಂತರವೂ ತನ್ನೆಲ್ಲಾ ವೈಭವದೊಂದಿಗೆ ಅವಶೇಷಗಳಿಂದ ಮತ್ತೆ ಪುಟಿದೆದ್ದಿದೆ. ಹಲವು ವಿಧಗಳಲ್ಲಿ, ಈ ದೇವಾಲಯದ ಇತಿಹಾಸವು ನಮ್ಮ ದೇಶದ ಭೂತಕಾಲವನ್ನೇ ಪ್ರತಿಬಿಂಬಿಸುತ್ತದೆ; ಅಂದರೆ, ಶಾಂತಿಪ್ರಿಯರಾದ ನಮ್ಮ ಜನರು ತಮ್ಮ ನಂಬಿಕೆ, ಸಂಸ್ಕೃತಿ ಮತ್ತು ಪರಂಪರೆಯ ಮೇಲಿನ ಕ್ರೂರ ದಾಳಿಗಳ ನಂತರವೂ ಹೇಗೆ ಮತ್ತೆ ಪುಟಿದೆದ್ದರು ಎಂಬುದಕ್ಕೆ ಇದು ಸಾಕ್ಷಿಯಾಗಿದೆ.

ಇದನ್ನೂ ಓದಿ: Piyush Goel Column: ಭಾರತ-ನ್ಯೂಜಿಲೆಂಡ್‌ ಒಪ್ಪಂದ: ಅಭಿವೃದ್ದಿಯ ಮೈಲಿಗಲ್ಲು

ಪ್ರಧಾನಿ ಮೋದಿ ಅವರು ಹೇಳಿದಂತೆ, ಸೋಮನಾಥ ದೇವಾಲಯವನ್ನು ಧ್ವಂಸ ಗೊಳಿಸಲು ಹೇಗೆ ಪದೇ ಪದೆ ಪ್ರಯತ್ನಗಳು ಮತ್ತು ಸಂಚುಗಳು ನಡೆದವೋ, ಹಾಗೆಯೇ ವಿದೇಶಿ ಆಕ್ರಮಣಕಾರರು ಶತಮಾನಗಳ ಕಾಲ ಭಾರತವನ್ನು ಸರ್ವನಾಶ ಮಾಡಲು ಪ್ರಯತ್ನಿಸಿದರು. ಆದರೂ, ಪೂಜ್ಯನೀಯವಾದ ಆ ಪುಣ್ಯಕ್ಷೇತ್ರವಾಗಲಿ ಅಥವಾ ಈ ದೇಶವಾಗಲಿ ನಾಶವಾಗಲಿಲ್ಲ.

ಸೋಮನಾಥ ದೇವಾಲಯದ ಮೇಲಿನ ದಾಳಿಗಳ ಉದ್ದೇಶವು ಕೇವಲ ಲೂಟಿ ಮಾಡುವುದಕ್ಕಿಂತಲೂ ಹೆಚ್ಚು ಭೀಕರವಾಗಿತ್ತು ಎಂಬುದನ್ನು ಪ್ರಧಾನಿ ಸ್ಪಷ್ಟಪಡಿಸಿದರು. ದಾಳಿಗಳು ಕೇವಲ ಲೂಟಿಗಾಗಿ ಮಾತ್ರ ಆಗಿದ್ದರೆ, ಸಾವಿರ ವರ್ಷಗಳ ಹಿಂದಿನ ಮೊದಲ ದೊಡ್ಡ ಲೂಟಿಯ ನಂತರವೇ ಅವು ನಿಂತುಹೋಗಬೇಕಿತ್ತು. ಆದರೆ ಹಾಗಿರಲಿಲ್ಲ.

ಸೋಮನಾಥನ ಪವಿತ್ರ ಮೂರ್ತಿಯನ್ನು ಅಪವಿತ್ರಗೊಳಿಸಲಾಯಿತು, ದೇವಾಲಯದ ಸ್ವರೂಪವನ್ನು ಪದೇ ಪದೇ ಬದಲಾಯಿಸಲಾಯಿತು. ಆದರೆ ನಮಗೆ ಮಾತ್ರ ‘ಸೋಮನಾಥ ದೇವಾಲಯವನ್ನು ಕೇವಲ ಲೂಟಿಗಾಗಿ ಧ್ವಂಸಗೊಳಿಸಲಾಯಿತು’ ಎಂದು ಕಲಿಸಲಾಯಿತು.

ದ್ವೇಷ, ದಮನ ಮತ್ತು ಭಯೋತ್ಪಾದನೆಯ ಆ ಕ್ರೂರ ಇತಿಹಾಸವನ್ನು ನಮ್ಮಿಂದ ಮರೆಮಾಚಲಾಗಿತ್ತು ಎಂದು ಅವರು ಹೇಳಿದರು.

ನೆಹರೂ ಅವರ ವಿರೋಧ

ಸ್ವಾತಂತ್ರ್ಯದ ನಂತರ, ಸರ್ದಾರ್ ಪಟೇಲರು ಸೋಮನಾಥ ದೇವಾಲಯದ ಪುನರ್ನಿ ರ್ಮಾಣದ ಕಾರ್ಯದ ನೇತೃತ್ವ ವಹಿಸಿದರು. ಇದು ಹೊಸದಾಗಿ ಸ್ವತಂತ್ರಗೊಂಡ ಭಾರತದ ರಾಷ್ಟ್ರೀಯ ಆತ್ಮವಿಶ್ವಾಸದ ಆರಂಭಿಕ ಅಭಿವ್ಯಕ್ತಿಗಳಲ್ಲಿ ಒಂದಾಗಿತ್ತು. ಆದರೆ ಈ ಕಾರ್ಯ ವೂ ಅಡೆತಡೆಗಳನ್ನು ಎದುರಿಸಿತು. ಅಂದಿನ ರಾಷ್ಟ್ರಪತಿ ಡಾ.ರಾಜೇಂದ್ರ ಪ್ರಸಾದ್ ಅವರು ಈ ಐತಿಹಾಸಿಕ ಉದ್ಘಾಟನಾ ಸಮಾರಂಭದಲ್ಲಿ ಭಾಗವಹಿಸುವ ನಿರ್ಧಾರವನ್ನು ಭಾರತದ ಮೊದಲ ಪ್ರಧಾನಿ ಜವಾಹರಲಾಲ್ ನೆಹರೂ ಅವರು ಅಧಿಕೃತವಾಗಿ ವಿರೋಧಿಸಿದ್ದರು.

ಆದಾಗ್ಯೂ, ರಾಷ್ಟ್ರಪತಿಯವರು ಮೇ 11, 1951ರಂದು ದೇವಾಲಯವನ್ನು ಉದ್ಘಾಟಿಸಿ ದರು. ಶತಮಾನಗಳ ಕ್ರೂರ ದಮನದ ನಂತರ, ಈ ಪುನರ್ನಿರ್ಮಾಣವು ಭಾರತದ ಸಾಂಸ್ಕೃತಿಕ ಪುನರುಜ್ಜೀವನ ಮತ್ತು ನಾಗರಿಕತೆಯ ಬಗ್ಗೆ ಹೆಮ್ಮೆಯ ಬೀಜಗಳನ್ನು ಬಿತ್ತಿತು.

ಕಾಶಿ ವಿಶ್ವನಾಥ ಮತ್ತು ಉಜ್ಜಯಿನಿಯ ಮಹಾಕಾಳೇಶ್ವರ ದೇವಾಲಯಗಳ ಕಾಯಕಲ್ಪ ದಿಂದ ಹಿಡಿದು ಅಯೋಧ್ಯೆಯ ಭವ್ಯ ರಾಮಮಂದಿರದವರೆಗೆ; ಕೇದಾರನಾಥದ ಪುನರುತ್ಥಾನದಿಂದ ಹಿಡಿದು ಅಸಂಖ್ಯಾತ ಪರಂಪರೆಯ ತಾಣಗಳ ಸಂರಕ್ಷಣೆಯವರೆಗೆ, ಭಾರತವು ಇಂದು ತನ್ನ ನಾಗರಿಕತೆಯ ಇತಿಹಾಸವನ್ನು ಘನತೆ ಮತ್ತು ಸ್ಪಷ್ಟ ಉದ್ದೇಶ ದೊಂದಿಗೆ ಮರಳಿ ಪಡೆಯುತ್ತಿದೆ. ಈ ಪ್ರಯತ್ನಗಳು ಪ್ರವಾಸಿಗರ ಸಂಖ್ಯೆಯನ್ನು ಹೆಚ್ಚಿಸುತ್ತಿವೆ ಮತ್ತು ಸ್ಥಳೀಯ ಜನರಿಗೆ ಹಲವಾರು ಉದ್ಯೋಗ ಹಾಗೂ ವ್ಯಾಪಾರ ಅವಕಾಶಗಳನ್ನು ಸೃಷ್ಟಿಸುತ್ತಿವೆ.

ಜಾಗತಿಕ ಹೆಜ್ಜೆಗುರುತು

ಸೋಮನಾಥ ದೇವಾಲಯದಂತೆಯೇ ಭಾರತವೂ ಇಂದು ಮತ್ತಷ್ಟು ಬಲಿಷ್ಠವಾಗಿ ಹೊರ ಹೊಮ್ಮಿದೆ. ವಿಶ್ವದ ವೇಗವಾಗಿ ಬೆಳೆಯುತ್ತಿರುವ ಪ್ರಮುಖ ಆರ್ಥಿಕತೆಯಾಗಿ ಮತ್ತು ಆಧುನಿಕತೆಯ ಜೊತೆಗೆ ತನ್ನ ಶ್ರೀಮಂತ ಪರಂಪರೆಯನ್ನು ವಿಶಿಷ್ಟವಾಗಿ ಸಮ್ಮಿಳಿತ ಗೊಳಿಸಿರುವ ದೇಶವಾಗಿ ಭಾರತವು ಜಾಗತಿಕ ಮಟ್ಟದಲ್ಲಿ ಅಲೆಗಳನ್ನು ಸೃಷ್ಟಿಸುತ್ತಿದೆ. 2014ರಲ್ಲಿ ದೇಶವು ಮೋದಿ ಸರ್ಕಾರಕ್ಕೆ ಅಭೂತಪೂರ್ವ ಬಹುಮತ ನೀಡಿ ಅಧಿಕಾರಕ್ಕೆ ತಂದ ನಂತರ, ವಿಶ್ವಸಂಸ್ಥೆಯ ಸಾಮಾನ್ಯ ಸಭೆಯು ದಾಖಲೆ ಮಟ್ಟದ 175 ದೇಶಗಳ ಬೆಂಬಲದೊಂದಿಗೆ ‘ಅಂತರರಾಷ್ಟ್ರೀಯ ಯೋಗ ದಿನ’ವನ್ನು ಆಚರಿಸುವ ನಿರ್ಣಯವನ್ನು ಅಂಗೀಕರಿಸಿತು.

ಯೋಗವು ಇಂದು ಜಾಗತಿಕ ಮಟ್ಟದ ಆರೋಗ್ಯ ಚಳುವಳಿಯಾಗಿ ಬೆಳೆದಿದ್ದು, ಪ್ರಪಂಚ ದಾದ್ಯಂತದ ಎಲ್ಲಾ ಸಂಸ್ಕೃತಿಗಳ ಜನರಿಗೆ ಪ್ರಯೋಜನವನ್ನು ನೀಡುತ್ತಿದೆ. ಒಂದು ದಶಕದ ನಂತರ, ಅರಬ್ ಸಂಯುಕ್ತ ಸಂಸ್ಥಾನ ಸರ್ಕಾರವು ಉಡುಗೊರೆಯಾಗಿ ನೀಡಿದ ಭೂಮಿಯಲ್ಲಿ ಪ್ರಧಾನಿ ಮೋದಿಯವರು ಮಧ್ಯಪ್ರಾಚ್ಯದ ಭವ್ಯ ದೇವಾಲಯವನ್ನು ಉದ್ಘಾಟಿಸಿದರು.

ಇದಕ್ಕೂ ಮೊದಲು, ಪ್ರಧಾನಿಯವರು ಬಹ್ರೇನ್‌ನಲ್ಲಿ 200 ವರ್ಷ ಹಳೆಯದಾದ ದೇವಾ ಲಯದ ನವೀಕರಣ ಕಾರ್ಯಕ್ಕೆ ಚಾಲನೆ ನೀಡಿದ್ದರು. ಅವರು ನಿಯಮಿತವಾಗಿ ಅನಿವಾಸಿ ಭಾರತೀಯರೊಂದಿಗೆ ಸಂವಾದ ನಡೆಸುತ್ತಿದ್ದು, ಅವರನ್ನು ಭಾರತೀಯ ಸಾಂಸ್ಕೃತಿಕ ಪರಂಪರೆಯ ಹೆಮ್ಮೆಯ ರಾಯಭಾರಿಗಳನ್ನಾಗಿ ಮಾಡುತ್ತಿದ್ದಾರೆ.

ಆಯುಷ್ ಮತ್ತು ಯೋಗದ ಜಾಗತೀಕರಣ

ಭಾರತದ ಸಾಂಸ್ಕೃತಿಕ ಪರಂಪರೆಯನ್ನು ಉತ್ತೇಜಿಸುವುದು ಮತ್ತು ನಮ್ಮ ಸಾಂಪ್ರದಾಯಿಕ eನ ವ್ಯವಸ್ಥೆಯ ವೃತ್ತಿಪರರಿಗೆ ಜಾಗತಿಕ ಅವಕಾಶಗಳನ್ನು ಸೃಷ್ಟಿಸುವುದು ಇತ್ತೀಚಿನ ವರ್ಷಗಳಲ್ಲಿ ಭಾರತವು ಅಭಿವೃದ್ಧಿ ಹೊಂದಿದ ದೇಶಗಳೊಂದಿಗೆ ಸಹಿ ಮಾಡಿರುವ ಮುಕ್ತ ವ್ಯಾಪಾರ ಒಪ್ಪಂದಗಳ ಪ್ರಮುಖ ಅಂಶವಾಗಿದೆ. ನಮ್ಮ ಕುಶಲಕರ್ಮಿಗಳು, ಕಾರ್ಮಿಕರು, ರೈತರು, ಮೀನುಗಾರರು, ಸಣ್ಣ ಉದ್ಯಮಗಳು ಮತ್ತು ನವೋದ್ಯಮಗಳಿಗೆ ಲಾಭದಾಯಕ ಜಾಗತಿಕ ಅವಕಾಶಗಳನ್ನು ಸೃಷ್ಟಿಸುವುದರ ಜೊತೆಗೆ, ಈ ವ್ಯಾಪಾರ ಒಪ್ಪಂದಗಳು ಪ್ರಧಾನಮಂತ್ರಿಯವರ ವಿಕಾಸ್ ಭಿ, ವಿರಾಸತ್ ಭಿ (ಅಭಿವೃದ್ಧಿಯೂ ಬೇಕು, ಪರಂಪರೆ ಯೂ ಬೇಕು) ಎಂಬ ದೃಷ್ಟಿಕೋನವನ್ನು ಮುಂದುವರಿಸುತ್ತಿವೆ.

ಇತ್ತೀಚೆಗೆ ನ್ಯೂಜಿಲೆಂಡ್ ಜೊತೆಗೆ ಮುಕ್ತಾಯಗೊಂಡ ವ್ಯಾಪಾರ ಒಪ್ಪಂದವು ಸಾಂಪ್ರದಾಯಿಕ ಔಷಧ ಮತ್ತು ಸಮಗ್ರ ಆರೋಗ್ಯ ರಕ್ಷಣೆಯಲ್ಲಿ ಭಾರತದ ಜಾಗತಿಕ ತಲುಪುವಿಕೆಯಲ್ಲಿ ಒಂದು ಪ್ರಮುಖ ಮೈಲಿಗಗಿದೆ. ಇದು ಆಯುಷ್ ವೈದ್ಯರು ಮತ್ತು ಯೋಗ ತರಬೇತುದಾರರು ಹಾಗೂ ಇತರ ಭಾರತೀಯ ಸಾಂಸ್ಕೃತಿಕ ಮತ್ತು ಜ್ಞಾನ ವೃತ್ತಿಪರರಿಗೆ ನ್ಯೂಜಿಲೆಂಡ್‌ನಲ್ಲಿ ಕೆಲಸ ಮಾಡಲು ವೀಸಾ ಕೋಟಾಗಳನ್ನು ಒದಗಿಸುತ್ತದೆ.

ಈ ಒಪ್ಪಂದವು ಆಯುರ್ವೇದ, ಯೋಗ ಮತ್ತು ಇತರ ಸಾಂಪ್ರದಾಯಿಕ ವೈದ್ಯಕೀಯ ಸೇವೆಗಳ ವ್ಯಾಪಾರಕ್ಕೆ ಪೂರಕ ವಾತಾವರಣವನ್ನು ನಿರ್ಮಿಸುತ್ತದೆ ಮತ್ತು ಆಯುಷ್ ಅನ್ನು ಆಧುನಿಕ, ಜಾಗತಿಕವಾಗಿ ಪ್ರಸ್ತುತವಾಗಿರುವ ಆರೋಗ್ಯ ಪರಿಹಾರವಾಗಿ ಗುರುತಿಸು ತ್ತದೆ.

ಬ್ರಿಟನ್, ಐರೋಪ್ಯ ಒಕ್ಕೂಟ ಮತ್ತು ಆಸ್ಟ್ರೇಲಿಯಾದೊಂದಿಗಿನ ವ್ಯಾಪಾರ ಒಪ್ಪಂದಗಳೂ ಇಂತಹದೇ ನಿಬಂಧನೆಗಳನ್ನು ಹೊಂದಿವೆ. ಐರೋಪ್ಯ ಒಕ್ಕೂಟದೊಂದಿಗಿನ ಒಪ್ಪಂದವು ಆಯುಷ್ ವೈದ್ಯರು ಭಾರತದಲ್ಲಿ ಪಡೆದ ವೃತ್ತಿಪರ ಅರ್ಹತೆಗಳನ್ನು ಬಳಸಿಕೊಂಡು ಅಲ್ಲಿ ಸೇವೆಗಳನ್ನು ಒದಗಿಸಲು ಅನುವು ಮಾಡಿಕೊಡುತ್ತದೆ. ಇದು ಯುರೋಪಿನ ಸದಸ್ಯ ರಾಷ್ಟ್ರಗಳಲ್ಲಿ ಆಯುಷ್ ಸ್ವಾಸ್ಥ್ಯ ಕೇಂದ್ರಗಳು ಮತ್ತು ಚಿಕಿತ್ಸಾಲಯಗಳ ಸ್ಥಾಪನೆಗೆ ಸಹಕಾರಿಯಾಗಿದೆ.‌

ಹೊಸ ಬೆದರಿಕೆಗಳ ನಿರ್ಮೂಲನೆ ಭಾರತದ ಸಾಂಸ್ಕೃತಿಕ ಪರಂಪರೆಯು ಜಾಗತಿಕ ಗಮನ ಸೆಳೆಯುತ್ತಿರುವ ಈ ಹೊತ್ತಿನ, ದೇಶವು ಈಗಲೂ ಕೆಲವು ಮತಾಂಧರ ಗುರಿಯಾಗಿದೆ. ಇವರು ಭಾರತದ ಸೌಹಾರ್ದಯುತ ಪರಂಪರೆಯನ್ನು ಕೆಡಿಸಲು ಭಯೋತ್ಪಾದನೆ ಮತ್ತು ನುಸುಳು ವಿಕೆಯನ್ನು ಬಳಸಿಕೊಳ್ಳುತ್ತಿದ್ದಾರೆ.

ಪ್ರಧಾನಿ ಮೋದಿಯವರ ನೇತೃತ್ವದ ಈ ‘ನವ ಭಾರತ’ ಇಂತಹ ಬೆದರಿಕೆಗಳಿಗೆ ಪ್ರಬಲ ವಾಗಿಯೇ ಪ್ರತಿಕ್ರಿಯಿಸುತ್ತದೆ. ‘ಆಪರೇಷನ್ ಸಿಂದೂರ್’ ಮೂಲಕ ಭಾರತವು ಭಯೋ

ತ್ಪಾದಕರಿಗೆ ಮತ್ತು ಗಡಿಯಾಚೆಗಿನ ಅವರ ಪೋಷಕರಿಗೆ ತಕ್ಕ ಪಾಠ ಕಲಿಸಿದೆ. ಇತ್ತೀಚಿನ ವಿಧಾನಸಭಾ ಚುನಾವಣೆಗಳಲ್ಲಿ, ಪಶ್ಚಿಮ ಬಂಗಾಳದ ಮತದಾರರು ನುಸುಳುವಿಕೆಯನ್ನು ಬೆಂಬಲಿಸುವ, ಮತಬ್ಯಾಂಕ್ ರಾಜಕಾರಣ ಮಾಡುವ ಮತ್ತು ಭಾರತದ ಸಾಂಸ್ಕೃತಿಕ ಪರಂಪರೆಯನ್ನು ಕುಗ್ಗಿಸುವ ಪಕ್ಷಗಳನ್ನು ತಿರಸ್ಕರಿಸಿದ್ದಾರೆ.

ಗಮನಾರ್ಹವೆಂದರೆ, ಆಪರೇಷನ್ ಸಿಂದೂರ್‌ನ ವಾರ್ಷಿಕೋತ್ಸವ ಮತ್ತು ಸೋಮನಾಥ ದೇವಾಲಯದ ಪುನರ್ನಿರ್ಮಾಣದ ವಾರ್ಷಿಕೋತ್ಸವಗಳು ಕೇವಲ ಕೆಲವೇ ದಿನಗಳ ಅಂತರದಲ್ಲಿ ಬರುತ್ತವೆ. ಈ ಎರಡೂ ಘಟನೆಗಳು ಭಾರತದ ಚೇತರಿಸಿಕೊಳ್ಳುವ ಶಕ್ತಿ ಮತ್ತು ಸಾಮರ್ಥ್ಯವನ್ನು ಎತ್ತಿ ತೋರಿಸುತ್ತವೆ.

ಸೋಮನಾಥದ ಕಥೆ ರಾಜಕೀಯವನ್ನು ಮೀರಿದಂತದ್ದು. ಇದು ಶರಣಾಗಲು ಒಪ್ಪದ ಒಂದು ನಾಗರಿಕತೆಯ ಕಥೆ. ಪುನರ್ನಿ ರ್ಮಾಣಗೊಂಡು ಎಪ್ಪತ್ತೈದು ವರ್ಷಗಳ ನಂತರ, ಸೋಮನಾಥವು ಇಂದು ಕೇವಲ ಒಂದು ದೇವಾಲಯವಾಗಿ ಮಾತ್ರವಲ್ಲದೆ, ಭಾರತದ ಸ್ಥಿತಿಸ್ಥಾಪಕತ್ವ, ನಿರಂತರತೆ ಮತ್ತು ರಾಷ್ಟ್ರೀಯ ಆತ್ಮವಿಶ್ವಾಸದ ಶಾಶ್ವತ ಸಂಕೇತವಾಗಿ ಅಚಲವಾಗಿ ನಿಂತಿದೆ.

(ಕೇಂದ್ರ ವಾಣಿಜ್ಯ ಮತ್ತು ಕೈಗಾರಿಕಾ ಸಚಿವರು)