ಗ್ರೀನ್ ಟೀ ಅಥವಾ ಬ್ಲಾಕ್ ಟೀ: ಯಾವುದು ಆರೋಗ್ಯಕ್ಕೆ ಉತ್ತಮ?

ನವದೆಹಲಿ,ಜೂ.23: ಬೆಳಗ್ಗಿನ ಚಹಾ ಇಲ್ಲದೆ ಹೆಚ್ಚಿನವರಿಗೆ ದಿನವೇ ಸಾಗುವುದಿಲ್ಲ. ಅದರಲ್ಲೂ ಬ್ಲಾಕ್ ಟೀ, ಗ್ರೀನ್ ಟೀ ಪ್ರಿಯರು ಬಹಳಷ್ಟು ಮಂದಿ ಇದ್ದು ಆರೋಗ್ಯಕ್ಕೂ ಒಳಿತು. ಇವರೆಡು ಕೂಡ ಜನಪ್ರಿಯ ಪಾನೀಯವಾಗಿದ್ದು ಅವುಗಳ ರುಚಿ, ಬಣ್ಣ ಮತ್ತು ಆರೋಗ್ಯ ಗುಣಲಕ್ಷಣಗಳು ವಿಭಿನ್ನ ವಾಗಿದೆ. ಗ್ರೀನ್ ಟೀ (Green Tea) ಆಕ್ಸಿಡೀಕರಣಗೊಳ್ಳದ, EGCG ನಂತಹ ಶುದ್ಧ ಕ್ಯಾಟೆಚಿನ್‌ಗಳನ್ನು ಸಂರಕ್ಷಿಸುತ್ತದೆ, ಇದು ಚಯಾಪಚಯ ಕ್ರಿಯೆಗೆ ಮತ್ತು ರಕ್ತದಲ್ಲಿನ ಸಕ್ಕರೆ ನಿಯಂತ್ರಣಕ್ಕೆ ಉಪ ಯೋಗಕಾರಿಯಾಗಿದೆ. ಬ್ಲಾಕ್ ಟೀ (Black Tea) ಸಂಪೂರ್ಣವಾಗಿ ಆಕ್ಸಿಡೀಕರಣ ಗೊಂಡಿದ್ದರೂ, ಕ್ಯಾಟೆಚಿನ್‌ಗಳನ್ನು ಥೀಫ್ಲಾ ವಿನ್‌ಗಳು ಮತ್ತು ಥೀರುಬಿಜಿನ್‌ಗಳಾಗಿ ಪರಿವರ್ತಿಸುತ್ತದೆ, ಇದು ಹೃದಯರಕ್ತನಾಳವನ್ನು ರಕ್ಷಿಸುವಲ್ಲಿ ಪ್ರಮುಖ ಪಾತ್ರವಹಿಸುತ್ತದೆ.

ಗ್ರೀನ್ ಟೀ:

ಹಸಿರು ಚಹಾವು ಉತ್ಕರ್ಷಣ ನಿರೋಧಕಗಳಾಗಿ ಕೆಲಸ ಮಾಡುತ್ತವೆ. ಇವು ಆಕ್ಸಿಡೇಟಿವ್ ಒತ್ತಡ ಕಡಿಮೆ ಮಾಡಿ ಉರಿಯೂತವನ್ನು ಕಡಿಮೆ ಮಾಡುವ ಮತ್ತು ದೀರ್ಘಕಾಲದ ಕಾಯಿಲೆಗಳ ಅಪಾಯವನ್ನು ಕಡಿಮೆ ಮಾಡುವ ಸಾಮರ್ಥ್ಯಕ್ಕೆ ಹೆಸರುವಾಸಿಯಾಗಿದೆ. ಇದರಲ್ಲಿರುವ EGCG ಅಂಶವು ಕೊಬ್ಬನ್ನು ಕರಗಿಸಲು ಮತ್ತು ಊಟದ ನಂತರ ರಕ್ತದಲ್ಲಿ ಸಕ್ಕರೆಯ ಮಟ್ಟಹೆಚ್ಚಾಗದಂತೆ ತಡೆಯಲು ಸಹಾಯ ಮಾಡುತ್ತದೆ.

Health Tips: ವ್ಯಾಯಾಮಕ್ಕೂ ಮುನ್ನ ಈ ಹಣ್ಣುಗಳ ಸೇವನೆ ಮಾಡಿದರೆ ಆರೋಗ್ಯಕ್ಕೆ ಉತ್ತಮ!

ಉಪಯೋಗವೇನು?

*ಸಂಶೋಧನೆಯ ಪ್ರಕಾರ ಗ್ರೀನ್ ಟೀ ಮೆದುಳಿನ ಕಾರ್ಯವನ್ನು ಬೆಂಬಲಿಸಿ ಕೊಬ್ಬನ್ನು ಸುಡುವಲ್ಲಿ ಸಹಾಯ ಮಾಡುತ್ತದೆ.

*ಹೃದಯಕಾಯಿಲೆಯ ಅಪಾಯವನ್ನು ಕಡಿಮೆ ಮಾಡುತ್ತದೆ.

*ಹಸಿರು ಚಹಾದಲ್ಲಿ ಕಂಡುಬರುವ ಅಮೈನೋ ಆಮ್ಲವಾದ ಎಲ್-ಥಿಯಾನೈನ್ ವಿಶ್ರಾಂತಿಯನ್ನು ಉತ್ತೇಜಿಸುತ್ತದೆ.

*ಮಾನಸಿಕ ಒತ್ತಡವನ್ನು ಕಡಿಮೆ ಮಾಡಿ, ಏಕಾಗ್ರತೆಯನ್ನು ಹೆಚ್ಚುಮಾಡುತ್ತದೆ.

ಬ್ಲ್ಯಾಕ್ ಟೀ:

ಬ್ಲ್ಯಾಕ್ ಟೀ, ಕಡು ಬಣ್ಣ ಮತ್ತು ಉತ್ತಮ ರುಚಿಯನ್ನು ಹೊಂದಿರುತ್ತದೆ. ಕಾಫಿಗೆ ಪರ್ಯಾಯವಾಗಿ ಇದನ್ನು ಬಳಸಲಾಗುತ್ತದೆ. ಆದರೆ ಇದು ಹಸಿರು ಚಹಾಕ್ಕಿಂತ ಹೆಚ್ಚಿನ ಕೆಫೀನ್ ಅಂಶವನ್ನು ಹೊಂದಿರುತ್ತದೆ.

ಉಪಯೋಗವೇನು?

*ಕಪ್ಪು ಚಹಾವು ಕರುಳಿನ ಆರೋಗ್ಯವನ್ನು ಸುಧಾರಿಸಬಹುದು ಅದೇ ರೀತಿ ಕೊಲೆಸ್ಟ್ರಾಲ್ ಮಟ್ಟವನ್ನು ಕಡಿಮೆ ಮಾಡಬಹುದು

*ರಕ್ತನಾಳಗಳ ಕಾರ್ಯವನ್ನು ಸುಧಾರಿಸುವ ಮೂಲಕ ಹೃದಯದ ಆರೋಗ್ಯವನ್ನು ಬೆಂಬಲಿಸಬಹುದು.

ಪರಿಣಾಮವೇನು?

ಹಸಿರು ಚಹಾವು ಕಬ್ಬಿಣದ ಹೀರಿಕೊಳ್ಳುವಿಕೆಯನ್ನು ತಡೆಯುತ್ತದೆ. ಏಕೆಂದರೆ ಹೆಚ್ಚಿನ ಕ್ಯಾಟೆಚಿನ್ ಮಟ್ಟಗಳು ನಿಮ್ಮ ಜೀರ್ಣಾಂಗದಲ್ಲಿ ಕಬ್ಬಿಣದ ಹೀರಿಕೊಳ್ಳುವಿಕೆಯನ್ನು ತಡೆಯುತ್ತದೆ. ಕಪ್ಪು ಚಹಾವು ಶಕ್ತಿಯನ್ನು ತುಂಬಬಹುದಾದರೂ, ಅತಿಯಾದ ಸೇವನೆಯು ಆತಂಕ ಮತ್ತು ನಿದ್ರೆಯ ಅಡಚಣೆ ಉಂಟು ಮಾಡಬಹುದು.