ಹೊನ್ನಾವರದ 2 ವರ್ಷದ ಬಾಲಕಿಯ ಅಪರೂಪದ ಸಾಧನೆ: ತಬಲಾದಲ್ಲಿ 12 ತಾಳ ಬಾರಿಸಿ ಇಂಡಿಯಾ ಬುಕ್ ಆಫ್ ರೆಕಾರ್ಡ್‌ನಲ್ಲಿ ಸ್ಥಾನ ಪಡೆದ ಸ್ವರಶ್ರೀ ಹೆಗಡೆ!

ಹೊನ್ನಾವರ, ಅ. 29: ಕಲೆಗೆ ಯಾವುದೇ ಬಡತನ, ವಯಸ್ಸು ಹೀಗೆ ಯಾವುದರ ಹಂಗಿಲ್ಲ. ವೃದ್ಧರು ಕೂಡ ವಯಸ್ಸನ್ನು ಮೀರಿ ಸಾಧನೆ ಮಾಡಿರುವುದನ್ನು ನೀವು ನೋಡಿರಬಹುದು. ಹಾಗೆಯೇ ಇಲ್ಲೊಂದು ಪುಟ್ಟ ಎರಡು ವರ್ಷದ ಬಾಲಕಿ ತಬಲಾ ವಾದನದಲ್ಲಿ ಮಹತ್ವದ ಸಾಧನೆ ಮಾಡಿದ್ದಾಳೆ. ಉತ್ತರ ಕನ್ನಡ ಜಿಲ್ಲೆಯ ಹೊನ್ನಾವರದ ಎರಡು ವರ್ಷ ಹತ್ತು ತಿಂಗಳ ಮಗು ಸ್ವರಶ್ರೀ ಹೆಗಡೆ ತಬಲಾ ವಾದನ ಬಾರಿಸಿ ಇಂಡಿಯಾ ಬುಕ್ ಆಫ್ ರೆಕಾರ್ಡ್ಸ್‌ನಲ್ಲಿ ಸ್ಥಾನ ಪಡೆದಿದ್ದಾಳೆ. ಈ ವಿಡಿಯೊ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ (Viral News) ಆಗುತ್ತಿದ್ದಂತೆ ನೆಟ್ಟಿಗರು ಪುಟ್ಟ ಬಾಲಕಿಯ ಕಲೆಗೆ ಮೆಚ್ಚುಗೆ ನೀಡಿದ್ದಾರೆ.

ಬಾಲಕಿಯೂ ಹನ್ನೇರಡು ವಿಭಿನ್ನ ತಾಳಗಳನ್ನು ತಬಲಾದಲ್ಲಿ ಬಾರಿಸಿ ಅವುಗಳನ್ನು ಸ್ಪಷ್ಟವಾಗಿ ಉಚ್ಚರಿಸಿ ಇಂಡಿಯಾ ಬುಕ್ ಆಫ್ ರೆಕಾರ್ಡ್ಸ್ ಸೇರ್ಪಡೆಯಾಗಿದ್ದಾಳೆ. ಇಷ್ಟು ಸಣ್ಣ ವಯಸ್ಸಿನ ಈ ಪ್ರತಿಭೆಗೆ ನಿಜಕ್ಕೂ ಮೆಚ್ಚಲೇಬೇಕು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಕೆಲವರು ಆಕೆಯನ್ನು ಪ್ರತಿಭಾನ್ವಿತ ಮಗು ಎಂದು ಕರೆದರೆ, ಇತರರು ಅವಳ ಸಾಧನೆಯನ್ನು ಉತ್ತರ ಕನ್ನಡಕ್ಕೆ ಹೆಮ್ಮೆಯ ಕ್ಷಣವೆಂದು ಆಚರಿಸಿದ್ದಾರೆ

ವಿಡಿಯೊ ನೋಡಿ:

ರಶ್ರೀ ಹೆಗಡೆ ಉತ್ತರ ಕನ್ನಡ ಜಿಲ್ಲೆಯ ಹೊನ್ನಾವರದವಳು. ಬಾಲಕಿ ಸುಮಾರು 12 ಪ್ರತ್ಯೇಕ ತಾಳಗಳನ್ನು ಬಾರಿಸಿ ಹಾಗೂ ಉಚ್ಚರಿಸಿ ಇಂಡಿಯಾ ಬುಕ್ ಆಫ್ ರೆಕಾರ್ಡ್ಸ್ ಸಾಧನೆ ಮಾಡಿದ್ದಾಳೆ. ಇಷ್ಟು ಚಿಕ್ಕ ವಯಸ್ಸಿನಲ್ಲಿ ಬಹು ಲಯಬದ್ಧ ಮಾದರಿಗಳನ್ನು ಪ್ರದರ್ಶಿಸಿದ ಸಾಮರ್ಥ್ಯವನ್ನು ಸಂಗೀತ ಉತ್ಸಾಹಿಗಳು ಮತ್ತು ಸಾಮಾಜಿಕ ಮಾಧ್ಯಮ ಬಳಕೆದಾರರು ಮೆಚ್ಚಿದ್ದಾರೆ.

ಪೆಟ್ರೋಲ್‌ ಬಂಕ್‌ ಸಿಬ್ಬಂದಿಯನ್ನು ಎಳೆದೊಯ್ದ ಕಾರ್‌

ಇನ್ನೂ ತಮ್ಮ ಸುತ್ತಲಿನ ಪ್ರಪಂಚವನ್ನು ಕಂಡುಕೊಳ್ಳುತ್ತಿರುವ ವಯಸ್ಸಿನಲ್ಲಿಯೇ ತಬಲಾ ಕೌಶಲ್ಯವನ್ನು ಪ್ರದರ್ಶಿಸಿದ್ದಾಳೆ. ನೆಟ್ಟಿಗರು ಇದು ಉತ್ತರ ಕನ್ನಡ ಹಾಗೂ ಕರ್ನಾಟಕಕ್ಕೆ ಹೆಮ್ಮೆಯ ಕ್ಷಣ ಎಂದು ಹರ್ಷ ವ್ಯಕ್ತಪಡಿಸಿದ್ದಾರೆ. ಬಳಕೆದಾರೊಬ್ಬರು ಈಕೆಯನ್ನು "ಸರಸ್ವತಿ ದೇವಿಯ ಅವತಾರ" ಎಂದು ಕರೆದಿದ್ದಾರೆ.