AFG vs CAN: ಕೆನಡಾ ವಿರುದ್ಧ ಗೆದ್ದು ಟಿ20 ವಿಶ್ವಕಪ್ ಅಭಿಯಾನ ಮುಗಿಸಿದ ಅಫ್ಘಾನಿಸ್ತಾನ!
2026ರ ಐಸಿಸಿ ಟಿ20 ವಿಶ್ವಕಪ್ ಟೂರ್ನಿಯ ತನ್ನ ಕೊನೆಯ ಪಂದ್ಯದಲ್ಲಿ ಅಫ್ಘಾನಿಸ್ತಾನ ತಂಡ, ಕೆನಡಾವನ್ನು 82 ರನ್ಗಳಿಂದ ಸೋಲಿಸತು. ಆ ಮೂಲಕ ಈ ಗೆಲುವಿನೊಂದಿಗೆ ತನ್ನ ಅಭಿಯಾನವನ್ನು ಕೊನೆಗೊಳಿಸಿತು. ಮೊದಲು ಬ್ಯಾಟ್ ಮಾಡಿದ್ದ ಆಫ್ಘನ್ 200 ರನ್ ಗಳಿಸಿತ್ತು. ಬಳಿಕ ಗುರಿಯನ್ನು ಹಿಂಬಾಲಿಸಿದ ಕೆನಡಾ 118 ರನ್ಗೆ ಸೀಮಿತವಾಯಿತು.
ಕೆನಡಾ ವಿರುದ್ಧ ಅಫ್ಘಾನಿಸ್ತಾನ ತಂಡಕ್ಕೆ ಭರ್ಜರಿ ಜಯ. -
ಚೆನ್ನೈ: ಸೂಪರ್-8ರ ಹಂತಕ್ಕೆ ಕೂದಲೆಯ ಅಂತರದಲ್ಲಿ ತಪ್ಪಿಸಿಕೊಂಡಿರುವ ಅಫ್ಘಾನಿಸ್ತಾನ (Afghanistan) ತಂಡ, 2026ರ ಟಿ20 ವಿಶ್ವಕಪ್ ಟೂರ್ನಿಯ (ICC T20 World Cup 2026) ಕೊನೆಯ ಪಂದ್ಯದಲ್ಲಿ ಕೆನಡಾವನ್ನು 82 ರನ್ಗಳಿಂದ ಸೋಲಿಸಿತು. ಆ ಮೂಲಕ ಚುಟುಕು ವಿಶ್ವಕಪ್ ಟೂರ್ನಿಯ ಅಭಿಯಾನವನ್ನು ಗೆಲುವಿನ ಮೂಲಕ ಮುಗಿಸಿತು. ಎರಡೂ ತಂಡಗಳು ಈಗಾಗಲೇ ಟೂರ್ನಿಯಿಂದ ಹೊರಬಿದ್ದಿದ್ದವು ಮತ್ತು ಈ ಪಂದ್ಯವು ಕೇವಲ ಔಪಚಾರಿಕವಾಗಿತ್ತು. ಮೊದಲು ಬ್ಯಾಟ್ ಮಾಡಿದ ಅಫ್ಘಾನಿಸ್ತಾನ, 4 ವಿಕೆಟ್ಗಳ ನಷ್ಟಕ್ಕೆ 200 ರನ್ ಗಳಿಸಿತು. ಇದಕ್ಕೆ ಪ್ರತಿಕ್ರಿಯೆಯಾಗಿ ಕೆನಡಾ (Canada) 20 ಓವರ್ಗಳಲ್ಲಿ 8 ವಿಕೆಟ್ಗಳ ನಷ್ಟಕ್ಕೆ 118 ರನ್ಗಳನ್ನು ಮಾತ್ರ ಗಳಿಸಲು ಸಾಧ್ಯವಾಯಿತು.
ಅಫ್ಘಾನಿಸ್ತಾನ ತಂಡ, ಕೆನಡಾದ ಬ್ಯಾಟ್ಸ್ಮನ್ಗಳಿಗೆ ತಮ್ಮ ಖಾತೆಯನ್ನು ತೆರೆಯಲು ಅವಕಾಶ ನೀಡಲಿಲ್ಲ. ಮೊಹಮ್ಮದ್ ನಬಿ ಅದ್ಭುತ ಬೌಲಿಂಗ್ ಪ್ರದರ್ಶನವನ್ನು ತೋರಿದರು. 4 ಓವರ್ಗಳಲ್ಲಿ 7 ರನ್ಗಳಿಗೆ 4 ವಿಕೆಟ್ಗಳನ್ನು ಪಡೆದರು. ನಾಯಕ ರಶೀದ್ ಖಾನ್ ಎರಡು ವಿಕೆಟ್ಗಳನ್ನು ಪಡೆದರು. ಕೆನಡಾ ಪರ ಹರ್ಷ್ ಥಾಕರ್ 30 ರನ್ ಗಳಿಸಿದರೆ, ಸಾದ್ ಬಿನ್ ಜಾಫರ್ 28 ರನ್ ಗಳಿಸಿದರು.
SL vs ZIM: ಸಿಕಂದರ್ ರಾಝಾ ಅಬ್ಬರ, ಶ್ರೀಲಂಕಾಗೆ ಆಘಾತ ನೀಡಿದ ಜಿಂಬಾಬ್ವೆ!
ಇಬ್ರಾಹಿಂ ಝರ್ಡಾನ್ ಅದ್ಭುತ ಇನಿಂಗ್ಸ್
ಗುರುವಾರ ಇಲ್ಲಿ ಚೆನ್ನೈನ ಎಂಎ ಚಿದಂಬರಂ ಕ್ರೀಡಾಂಗಣದಲ್ಲಿ ನಡೆದಿದ್ದ ಐಸಿಸಿ ಟಿ20 ವಿಶ್ವಕಪ್ನ ತನ್ನ ಅಧಿಕೃತ ಗ್ರೂಪ್ ಡಿ ಪಂದ್ಯದಲ್ಲಿ ಕೆನಡಾ ವಿರುದ್ಧ ಅಫ್ಘಾನಿಸ್ತಾನ, ತನ್ನ ಪಾಲಿನ 20 ಓವರ್ಗಳಿಗೆ ನಾಲ್ಕು ವಿಕೆಟ್ಗಳಿಗೆ 200 ರನ್ ಗಳಿಸಿತು, ಇಬ್ರಾಹಿಂ ಝರ್ಡಾನ್ (ಅಜೇಯ 95, 56 ಎಸೆತಗಳು) ಅವರ ಅದ್ಭುತ ಅರ್ಧಶತಕವನ್ನು ಬಾರಿಸಿದರು. ಎರಡೂ ತಂಡಗಳು ಟೂರ್ನಿಯಿಂದ ಹೊರಬಿದ್ದಿವೆ ಆದರೆ ಗೆಲುವಿನೊಂದಿಗೆ ತವರಿಗೆ ಮರಳಲು ಎದುರು ನೋಡುತ್ತಿವೆ. ಮೊದಲು ಬ್ಯಾಟಿಂಗ್ ನಡೆಡೆಸಿದ ಅಫ್ಘಾನಿಸ್ತಾನ ಅದ್ಭುತ ಪ್ರದರ್ಶನ ನೀಡಿತು. ಝರ್ಡಾನ್ ಜೊತೆಗೆ, ಸೆಡಿಕುಲ್ಲಾ ಅಟಲ್ 44 ರನ್ ಮತ್ತು ವಿಕೆಟ್ ಕೀಪರ್-ಬ್ಯಾಟ್ಸ್ಮನ್ ರಹಮಾನಲ್ಲಾ ಗುರ್ಬಾಜ್ 30 ರನ್ ಕೊಡುಗೆ ನೀಡಿದರು.
A clinical knock from Ibrahim Zadran sees Afghanistan sign off from #T20WorldCup on a high 👌
— ICC (@ICC) February 19, 2026
He's the @aramco POTM 🎖️ pic.twitter.com/bN74ashgPS
ಝರ್ಡಾನ್ಗೆ ಜೀವದಾನ ನೀಡಲಾಯಿತು ಮತ್ತು ನಂತರ ಕೆನಡಾದ ಬೌಲರ್ಗಳನ್ನು ದಂಡಿಸಿದರು. ಅವರ ಇನಿಂಗ್ಸ್ನಲ್ಲಿ ಏಳು ಬೌಂಡರಿಗಳು ಮತ್ತು ಐದು ಸಿಕ್ಸರ್ಗಳನ್ನು ಸೇರಿವೆ. ಗುರ್ಬಾಝ್ ಎಚ್ಚರಿಕೆಯಿಂದ ಪ್ರಾರಂಭಿಸಿದರು, ಆದರೆ ಅವರು ಔಟ್ ಆದರು.
T20 World Cup 2026: ಸೆಮಿಫೈನಲ್ಸ್ಗೆ ಪ್ರವೇಶಿಸಬಲ್ಲ 4 ತಂಡಗಳನ್ನು ಆರಿಸಿದ ಗ್ಲೆನ್ ಮೆಗ್ರಾಥ್!
ಜಸ್ಕರನ್ ಸಿಂಗ್ 3 ವಿಕೆಟ್ ಕಿತ್ತರು
ಕೇವಲ ಮೂರು ಎಸೆತಗಳ ನಂತರ, ಜಸ್ಕರನ್ ಸಿಂಗ್ ಅಪಾಯಕಾರಿ ಗುಲ್ಬದಿನ್ ನೈಬ್ ಎಲ್ಬಿಡಬ್ಲ್ಯು ಬಲೆಗೆ ಬೀಳಿಸಿದರು, ಅಫ್ಘಾನಿಸ್ತಾನವು 49 ರನ್ಗಳಿಗೆ 2 ವಿಕೆಟ್ ಕಳೆದುಕೊಂಡಿತು. ನಂತರ ಝರ್ಡಾನ್ ಜವಾಬ್ದಾರಿಯನ್ನು ವಹಿಸಿಕೊಂಡರು. ಬಲಗೈ ಬ್ಯಾಟ್ಸ್ಮನ್ ರನ್ ವೇಗವನ್ನು ನಿಧಾನಗೊಳಿಸಲು ಎಂದಿಗೂ ಬಿಡಲಿಲ್ಲ. ಅವರು ವೇಗದ ಬೌಲರ್ಗಳು ಮತ್ತು ಸ್ಪಿನ್ನರ್ಗಳ ವಿರುದ್ಧ ಮುಕ್ತವಾಗಿ ಆಡಿದರು. ಅವರು ಅಟಲ್ ಅವರೊಂದಿಗೆ ಮೂರನೇ ವಿಕೆಟ್ಗೆ 95 ರನ್ಗಳ ಅದ್ಭುತ ಪಾಲುದಾರಿಕೆಯನ್ನು ಹಂಚಿಕೊಂಡರು. ಸ್ಪಿನ್ನರ್ಗಳ ವಿರುದ್ಧ ಇಬ್ಬರೂ ಆಕ್ರಮಣಕಾರಿ ವಿಧಾನವನ್ನು ತೆಗೆದುಕೊಂಡರು. ಕೆನಡಾ ಪರ, ಜಸ್ಕರನ್ ಸಿಂಗ್ ಚೆಂಡಿನಲ್ಲಿ ಉತ್ತಮ ಪ್ರದರ್ಶನ ನೀಡಿದರು, 52 ರನ್ಗಳಿಗೆ ಮೂರು ವಿಕೆಟ್ಗಳನ್ನು ಪಡೆದರು, ಆದರೆ ವೇಗದ ಬೌಲರ್ ಡೈಲನ್ ಹೆಯ್ಲಿಗರ್ ಒಂದು ವಿಕೆಟ್ ಪಡೆದರು.