Star Fashion: ಅತ್ಯಾಕರ್ಷಕ ಕಟೌಟ್‌ ಡ್ರೆಸ್‌ನಲ್ಲಿ ನಟಿ ಸಮಂತಾ ಪ್ರಭು ಗ್ಲಾಮರಸ್‌ ಲುಕ್‌
Star Fashion: ಈ ಸೀಸನ್‌ನ ಟ್ರೆಂಡಿ ಗ್ಲಾಮರಸ್‌ ಟಾಪ್‌ ಲಿಸ್ಟ್‌ನಲ್ಲಿರುವ ಮಲ್ಟಿಪಲ್‌ ಕಟೌಟ್‌ ಡಿಸೈನ್‌ನ ಅತ್ಯಾಕರ್ಷಕ ಡ್ರೆಸ್‌ನಲ್ಲಿ ಬಹು ಭಾಷಾ ನಟಿ ಸಮಂತಾ ಪ್ರಭು ಕಾಣಿಸಿಕೊಂಡಿದ್ದಾರೆ. ಏನಿದು ಕಟೌಟ್‌ ಡ್ರೆಸ್‌? ಸ್ಟಾರ್‌ಗಳು ಯಾಕೆ ಇಂತಹ ಡ್ರೆಸ್‌ ಪ್ರಿಫರ್‌ ಮಾಡುತ್ತಾರೆ. ಇಲ್ಲಿದೆ ಡಿಟೇಲ್ಸ್.
ಚಿತ್ರಗಳು:ಸಮಂತಾ ಪ್ರಭು, ಬಹುಭಾಷಾ ನಟಿ, ಚಿತ್ರಕೃಪೆ: ಡಿಸ್ಟಾರ್ಟೆಡ್‌ ಮೆಮೋರಿಸ್‌ & ಅನುಷಾ ಪ್ರಭು
ಶೀಲಾ ಸಿ ಶೆಟ್ಟಿ
May 28, 2025 5:46 PM
ಗ್ಲಾಮರಸ್‌ ಕಟೌಟ್‌ ಡ್ರೆಸ್‌ನಲ್ಲಿ ನಟಿ ಸಮಂತಾ ಪ್ರಭು ಅತ್ಯಾಕರ್ಷಕವಾಗಿ ಕಾಣಿಸಿಕೊಂಡಿದ್ದಾರೆ. ಹೌದು, ಈ ಸೀಸನ್‌ನ ಟ್ರೆಂಡಿ ಗ್ಲಾಮರಸ್‌ ಟಾಪ್‌ ಲಿಸ್ಟ್‌ನಲ್ಲಿರುವ ಮಲ್ಟಿ ಕಟೌಟ್‌ ಡಿಸೈನ್‌ನ ಡಿಸೈನರ್‌ವೇರ್‌ನಲ್ಲಿ ನಟಿ ಸಮಂತಾ ಪ್ರಭು ಕಾಣಿಸಿಕೊಂಡಿದ್ದು, ಫ್ಯಾಷನ್ ಪ್ರಿಯರ ಮನ ಗೆದ್ದಿದೆ. ಹೊಸ ವಿನ್ಯಾಸದ ಈ ಡ್ರೆಸ್‌, ಈ ಸೀಸನ್‌ನಲ್ಲಿ ಅಲ್ಟ್ರಾ ಮಾಡರ್ನ್‌ ಹುಡುಗಿಯರನ್ನು ಸೆಳೆದಿದೆ.
ಏನಿದು ಕಟೌಟ್‌ ಡ್ರೆಸ್‌?
ಪ್ರತಿ ಬೇಸಿಗೆಯ ಸೀಸನ್‌ನಲ್ಲಿ ಟ್ರೆಂಡಿಯಾಗುವ ಡ್ರೆಸ್‌ ಇದು. ಯಾವುದೇ ಡ್ರೆಸನ್ನು ಅಲ್ಲಲ್ಲಿ ಕಟ್‌ ಮಾಡುವ ವಿನ್ಯಾಸದಿಂದ ಸಿದ್ಧಪಡಿಸಲಾಗುತ್ತದೆ. ಅದು, ಯಾವುದೇ ಉಡುಪಾಗಬಹುದು. ಇದೊಂದು ರೀತಿಯ ಪ್ರಯೋಗಾತ್ಮಕ ವಿನ್ಯಾಸದ ಉಡುಗೆ ಎನ್ನಬಹುದು. ಎಲ್ಲಾ ಬಗೆಯ ಡ್ರೆಸ್‌ಗಳಲ್ಲೂ ಈ ಡಿಸೈನ್‌ ಕಾಣಬಹುದು. ಆದರೆ, ತಾರೆಯರು ಮಾತ್ರ ಕೊಂಚ ಅಬ್‌ಡೇಟೆಡ್‌ ವರ್ಷನ್‌ನ ಕಟೌಟ್‌ ಡ್ರೆಸ್‌ಗಳನ್ನು ಪ್ರಿಫರ್‌ ಮಾಡುತ್ತಾರೆ. ಅದು ಅವರಿಗೆ ಗ್ಲಾಮರಸ್‌ ಲುಕ್‌ ನೀಡಬೇಕು. ಅಂತಹದ್ದನ್ನು ಪ್ರಿಫರ್‌ ಮಾಡುತ್ತಾರೆ ಎನ್ನುತ್ತಾರೆ ಫ್ಯಾಷನಿಸ್ಟಾ ಕ್ರಿಶಾ ಬಜಾಜ್‌. ಅವರ ಪ್ರಕಾರ, ಬಹುತೇಕ ತಾರೆಯರು ಸಮಾರಂಭಗಳಲ್ಲಿ ಭಾಗವಹಿಸುವಾಗ ವಿಭಿನ್ನ ಡಿಸೈನ್‌ನ ಮಲ್ಟಿಪಲ್‌ ಕಟೌಟ್‌ ಇರುವಂತಹ ಬಾಡಿಕಾನ್‌ ಉಡುಗೆಗಳನ್ನು ಪ್ರಿಫರ್‌ ಮಾಡುತ್ತಾರೆ ಎನ್ನುತ್ತಾರೆ.
ಅತ್ಯಾಕರ್ಷಕವಾಗಿ ಕಾಣಿಸುತ್ತಿರುವ ಸಮಂತಾ
ವೋಗ್‌ ಸಮಾರಂಭದಲ್ಲಿ ಪಾಲ್ಗೊಂಡಿದ್ದ ಸಮಂತಾ ಅವರ ಈ ಮಲ್ಟಿಪಲ್‌ ಕಟೌಟ್‌ ಇರುವಂತಹ ಡ್ರೆಸನ್ನು ಸ್ಟೈಲಿಸ್ಟ್‌ ಹಾಗೂ ಡಿಸೈನರ್‌ ಕ್ರಿಶಾ ಬಜಾಜ್‌ ವಿನ್ಯಾಸಗೊಳಿಸಿದ್ದಾರೆ. ಅವರ ಬಾಡಿ ಟೋನ್‌ಗೆ ಹೊಂದುವಂತೆ ಗ್ಲಾಮರಸ್‌ ಆಗಿ ಸ್ಟೈಲಿಂಗ್‌ ಮಾಡಿದ್ದಾರೆ.
ಸಮಂತಾ ಫ್ಯಾಷನ್ ಲವ್‌
ಫಿಟ್‌ ಬಾಡಿ ಹೊಂದಿರುವ ಸಮಂತಾ ಈ ಚಾಕೋಲೇಟ್‌ ಶೇಡ್‌ನ ಕಟೌಟ್‌ ಡ್ರೆಸ್‌ನಲ್ಲಿ ಹಾಲಿವುಡ್‌ ತಾರೆಯಂತೆ ಕಾಣಿಸುತ್ತಿದ್ದಾರೆ. ತಮ್ಮ ಈ ಫ್ಯಾಷನ್ ಬಗ್ಗೆ ಸಮಂತಾ ಸಂತಸ ವ್ಯಕ್ತಪಡಿಸಿದ್ದಾರೆ. ಯಾವುದೇ ಉಡುಗೆಯನ್ನು ನಾವು ಪ್ರೀತಿಸಿ ಧರಿಸಿದಾಗ ಅದು ನಮಗೆ ಆಕರ್ಷಕವಾಗಿ ಕಾಣಿಸುತ್ತದೆ ಎಂದಿದ್ದಾರೆ.
ಕಟೌಟ್‌ ಡ್ರೆಸ್‌ನಲ್ಲಿ ಸಮಂತಾರಂತೆ ಕಾಣಿಸಲು ಬಯಸುವವರ ಗಮನಕ್ಕೆ
- ಅಲ್ಟ್ರಾ ಮಾಡರ್ನ್‌ ಲುಕ್‌ಗಾಗಿ ಈ ಡ್ರೆಸ್‌ ಟ್ರೈ ಮಾಡಬಹುದು.
- ಬಾಡಿ ಫಿಟ್‌ ಆಗಿದ್ದಲ್ಲಿ ಮಾತ್ರ ಈ ಡ್ರೆಸ್‌ ಧರಿಸುವುದು ಉತ್ತಮ.
- ಗ್ಲಾಮರಸ್‌ ಹೆಸರಲ್ಲಿ ಎಕ್ಸ್‌ಪೋಸ್‌ ಆಗಬಹುದು.
