Alia Bhatt: ಬಾಲ್ಯದ ಗೆಳತಿಯ ಮದುವೆಗಾಗಿ ಸ್ಪೇನ್‌ಗೆ ತೆರಳಿದ ನಟಿ ಆಲಿಯಾ ಭಟ್- ಫೋಟೋಸ್ ಇಲ್ಲಿವೆ
ಬಾಲಿವುಡ್ ಖ್ಯಾತ ನಟಿ ಆಲಿಯಾ ಭಟ್ ಸಿನಿಮಾ ಅಲ್ಲದೆ ವೈಯಕ್ತಿಕ ಜೀವನದಲ್ಲೂ ಸದಾ ಸುದ್ದಿಯಲ್ಲಿರುತ್ತಾರೆ. ಇತ್ತೀಚೆಗಷ್ಟೇ ನಟಿ ಕೇನ್ಸ್ ನ 78ನೇ ಅಂತಾರಾಷ್ಟ್ರೀಯ ಫಿಲ್ಮ್ ಫೇಸ್ಟಿವಲ್ ನಲ್ಲಿ ಭಾಗಿಯಾಗಿದ್ದು ಅವರ ಮಾಡ ರ್ನ್ ಲುಕ್ ಕಂಡು ಫ್ಯಾನ್ಸ್ ಫಿದಾ ಆಗಿದ್ದರು. ಇದರ ಬೆನ್ನಲ್ಲೆ ಬ್ಯುಸಿ ಶೆಡ್ಯೂಲ್‌ ನಡುವೆಯೂ ನಟಿ ಆಲಿಯಾ ಭಟ್ ತಮ್ಮ ಬಾಲ್ಯದ ಗೆಳತಿಯ ಮದುವೆ ಕಾರ್ಯಕ್ರಮದಲ್ಲಿ ಪಾಲ್ಗೊಂಡಿದ್ದು ಸದ್ಯ ಅವರ ಫೋಟೊ ಸೋಶಿಯಲ್ ಮೀಡಿಯಾದಲ್ಲಿ ಬಹಳಷ್ಟು ವೈರಲ್ ಆಗುತ್ತಿದೆ.
Pushpa Kumari
May 28, 2025 9:08 PM
ನಟಿ ಆಲಿಯಾ ಭಟ್ ಇತ್ತೀಚೆಗಷ್ಟೇ ತಮ್ಮ ಬಾಲ್ಯದ ಗೆಳತಿಯ ವಿವಾಹ ಕಾರ್ಯಕ್ರಮಕ್ಕಾಗಿ ಸ್ಪೇನ್ ಗೆ ತೆರಳಿದ್ದಾರೆ. ಬಾಲ್ಯದ ಗೆಳತಿ ತಾನ್ಯಾ ಸಹಾ ಗುಪ್ತಾ ಅವರ ಅದ್ಧೂರಿ ವಿವಾಹ ಸಮಾರಂಭದಲ್ಲಿ ಬಹಳ ಖುಷಿಯಿಂದ ಭಾಗವಹಿಸಿದ್ದಾರೆ.
ಸ್ಪೇನ್‌ನಲ್ಲಿ ನಟಿ ಸಾಂಪ್ರದಾಯಿಕ ಲೆಹೆಂಗಾ ಧರಿಸಿ ಅದಕ್ಕೆ ಹೊಂದಿಕೊಳ್ಳುವ ಆಭರಣ ತೊಟ್ಟಿದ್ದಾರೆ. ಜೊತೆಗೆ ತಲೆಗೆ ನೀಲಿ ಬಣ್ಣದ ಸ್ಕಾರ್ಫ್, ಕಣ್ಣಿಗೆ ಸನ್ ಗ್ಲಾಸ್‌ಗಳನ್ನು ಧರಿಸಿ ಬಹಳ ಕ್ಯೂಟ್ ಆಗಿ ಕಂಡಿದ್ದಾರೆ. ನಟಿ ಆಪ್ತ ಗೆಳತಿಯರೊಂದಿಗೆ ಫೋಟೊಗೆ ಪೋಸ್ ನೀಡಿದ್ದಾರೆ.
ಇನ್ನೊಂದು ಫೋಟೊದಲ್ಲಿ ವಧು ತಾನ್ಯ ಜೊತೆಗೆ ಆಲಿಯಾ ಭಟ್ ಕಾಣಿಸಿಕೊಂಡಿದ್ದಾರೆ. ಗ್ರೇ ಕಲರ್ ಸೀರೆಯಲ್ಲಿ ನಟಿ ಆಲಿಯಾ ಭಟ್ ಅವರು ಸಖತ್ ಮಾಡರ್ನ್ ಬೆಡಗಿಯಂತೆ ಕಂಗೊಳಿಸಿದ್ದಾರೆ. ಈ ಸೀರೆ ಟ್ರಾನ್ಸ್‌ಪರೆಂಟ್‌ ಆಗಿದ್ದು, ಅವರ ಆಭರಣದ ಕಾಂಬಿನೇಶನ್ ಪ್ರಿಟಿ ಲುಕ್ ನೀಡಿದೆ.
ಸ್ಪೇನ್‌ನಲ್ಲಿ ಈ ವಿವಾಹ ಕಾರ್ಯಕ್ರಮ ಅನೇಕ ದಿನಗಳ ಕಾಲ ನಡೆದಿದ್ದು ಮೆಹಂದಿ, ಹಳದಿ ಶಾಸ್ತ್ರ, ಆರತಕ್ಷತೆ, ಸಂಗೀತ್ ಎಲ್ಲವೂ ಗ್ರ್ಯಾಂಡ್ ಆಗಿ ನಡೆದಿದೆ. ಇನ್ನೊಂದು ಗ್ರೂಪ್ ಫೋಟೊದಲ್ಲಿ ನಟಿ ಆಲಿಯಾ ಭಟ್ ಬ್ಲೂ ಬಣ್ಣದ ಲೆಹೆಂಗಾ ತೊಟ್ಟು ಟ್ರೆಡಿಶನಲ್ ಆಗಿ ಕಾಣಿಸಿದ್ದಾರೆ.
ರಾತ್ರಿಯ ವೆಡ್ಡಿಂಗ್ ಪಾರ್ಟಿ ಕಾರ್ಯಕ್ರಮದಲ್ಲಿ ನಟಿ ಆಲಿಯಾ ಭಟ್ ಅವರು ಮಾಡರ್ನ್ ಸೀರೆ ಉಟ್ಟು ಸ್ನೇಹಿತರ ಜೊತೆಗೆ ಖುಷಿಯ ಕ್ಷಣ ಕಳೆದಿದ್ದಾರೆ. ಈ ಮೂಲಕ ಈ ನೆನಪು ಅವಿಸ್ಮರಣೀಯವಾಗಿರಲು ಈ ಫೋಟೊವನ್ನು ಫ್ರೇಮ್ ಹಾಕಿಸಿ, ಅದನ್ನೇ ಉಡುಗೊರೆಯಾಗಿ ನೀಡಿದ್ದಾರೆ.
ನಟಿ ಆಲಿಯಾ ಭಟ್ ಅವರು ತಮ್ಮ ಸ್ನೇಹಿತೆ ಜೊತೆಯಲ್ಲಿ ಖುಷಿಯ ಕ್ಷಣ ಕಳೆದಿದ್ದಾರೆ. ಇದರಲ್ಲಿ ನಟಿ ಆಲಿಯಾ ಭಟ್ ಪಿಂಕ್ ಚೂಡಿದಾರ್ ಧರಿಸಿ ಸಿಂಪಲ್ ಮೇಕಪ್ ನಿಂದ ಮುದ್ದಾಗಿ ಕಾಣಿಸಿದ್ದಾರೆ. ಒಟ್ಟಿನಲ್ಲಿ ಸಿನಿಮಾ ಮತ್ತು ವೈಯಕ್ತಿಕ ಬದುಕಿನ ಬ್ಯುಸಿ ನಡುವೆಯು ಬಾಲ್ಯದ ಗೆಳತಿಗಾಗಿ ಸ್ಪೇನ್ ಗೆ ತೆರಳಿ ಅದ್ಧೂರಿ ಮದುವೆ ಕಾರ್ಯಕ್ರಮದಲ್ಲಿ ಪಾಲ್ಗೊಂಡಿದ್ದಾರೆ.