Fashion Show: ಡಿಸೈನರ್ಸ್ ಕ್ರಿಯೇಟಿವಿಟಿಗೆ ಸಾಕ್ಷಿಯಾದ ಸಿಇಎಸ್ ಕಾಲೇಜಿನ ಫ್ಯಾಷನ್ ಶೋ!
Fashion News: ಉದ್ಯಾನನಗರಿಯ ಯಲಹಂಕದಲ್ಲಿರುವ ಸಿಇಎಸ್ ಇನ್ಸ್‌ಟಿಟ್ಯೂಟ್ ಆಫ್ ಫ್ಯಾಷನ್ ಟೆಕ್ನಾಲಜಿ ಆಶ್ರಯದಲ್ಲಿ ನಡೆದ ಡಿಸೈನರ್ಸ್ ಅವಾರ್ಡ್ ಸೀಸನ್-4 ಕಾರ್ಯಕ್ರಮವು ಮುಂಬರುವ ಭಾವಿ ಡಿಸೈನರ್‌ಗಳ ಕ್ರಿಯೆಟಿವಿಟಿಗೆ ಸಾಕ್ಷಿಯಾಗಿತ್ತು. ಈ ಎಲ್ಲದರ ಕುರಿತಂತೆ ಇಲ್ಲಿದೆ ವರದಿ.
ಚಿತ್ರಗಳು: ಸಿಇಎಸ್ ಇನ್ಸ್‌ಟಿಟ್ಯೂಟ್ ಆಫ್ ಫ್ಯಾಷನ್ ಟೆಕ್ನಾಲಜಿ ಫ್ಯಾಷನ್ ಶೋ ಚಿತ್ರಗಳು.
ಶೀಲಾ ಸಿ ಶೆಟ್ಟಿ
Jun 2, 2025 8:02 PM
ಸಿಇಎಸ್ ಫ್ಯಾಷನ್ ರ‍್ಯಾಂಪ್ ಶೋನಲ್ಲಿ ಕ್ಯಾಟ್ ವಾಕ್ ಮಾಡಿದ ಮಾಡೆಲ್‌ಗಳ ಪ್ರತಿಯೊಂದು ಡಿಸೈನರ್‌ವೇರ್‌ಗಳು ಅತ್ಯದ್ಭುತವಾಗಿದ್ದವು. ಅಂದಹಾಗೆ, ಉದ್ಯಾನನಗರಿಯ ಯಲಹಂಕದಲ್ಲಿರುವ ಸಿಇಎಸ್ ಇನ್ಸ್‌ಟಿಟ್ಯೂಟ್ ಆಫ್ ಫ್ಯಾಷನ್ ಟೆಕ್ನಾಲಜಿ ಆಶ್ರಯದಲ್ಲಿ ಅಂಬೇಡ್ಕರ್ ಭವನದಲ್ಲಿ ನಡೆದ ಡಿಸೈನರ್ಸ್ ಅವಾರ್ಡ್ ಸೀಸನ್-4 ಕಾರ್ಯಕ್ರಮವು ಮುಂಬರುವ ಭಾವಿ ಡಿಸೈನರ್‌ಗಳ ಕ್ರಿಯೆಟಿವಿಟಿಗೆ ಸಾಕ್ಷಿಯಾಗಿತ್ತು. ಈ ಎಲ್ಲದರ ಕುರಿತಂತೆ ಇಲ್ಲಿದೆ ವರದಿ.
ಥೀಮ್‌ಗೆ ತಕ್ಕಂತೆ ಡಿಸೈನರ್‌ವೇರ್‌ಗಳ ಅನಾವರಣ
ನಾನಾ ಥೀಮ್ ಹಾಗೂ ಕಾನ್ಸೆಪ್ಟ್‌ಗಳನ್ನು ಅಳವಡಿಸಿಕೊಂಡ ಭಾವಿ ಡಿಸೈನರ್‌ಗಳು ತಮ್ಮ ಕ್ರಿಯೇಟಿವಿಟಿಗೆ ತಕ್ಕಂತೆ ಊಹೆಗೂ ಮೀರಿದ ವೇರಬಲ್ ಹಾಗೂ ನಾನಾ ವೇರಬಲ್ ಡಿಸೈನರ್‌ವೇರ್‌ಗಳನ್ನು ಸೃಷ್ಠಿಸಿ, ಮಾಡೆಲ್‌ಗಳ ಮೂಲಕ ಅನಾವರಣಗೊಳಿಸಿದರು. ಅವುಗಳಲ್ಲಿ ಓಷನ್, ವೆಡ್ಡಿಂಗ್, ಈಜಿಪ್ಟ್ , ಬ್ಲ್ಯಾಕ್ ಪ್ಯಾಂತರ್ ಕಾನ್ಸೆಪ್ಟ್‌ಗಳು ನೋಡುಗರ ಮನ ಸೆಳೆದವು.
ಮೈಸೂರ್ ಸಿಲ್ಕ್ ಸೀರೆಗಳ ರ‍್ಯಾಂಪ್ ವಾಕ್
ಪ್ರತಿ ವರ್ಷದಂತೆ ಈ ವರ್ಷವೂ ಕೂಡ ಮೈಸೂರು ಸಿಲ್ಕ್ ಉಟ್ಟ ಮಾಡೆಲ್‌ಗಳು ಇಂಡೋ-ವೆಸ್ಟರ್ನ್ ಕಾನ್ಸೆಪ್ಟ್‌ನಲ್ಲಿ ನಯಾ ಲುಕ್‌ನಲ್ಲಿ ಮೈಸೂರು ಸಿಲ್ಕ್ ಸೀರೆ ಉಟ್ಟು ರ‍್ಯಾಂಪ್ ವಾಕ್ ಮಾಡಿ, ಫ್ಯಾಷನ್ ಪ್ರಿಯರ ಮನ ಸೆಳೆದರು. ಈ ಜನರೇಷನ್‌ನವರಿಗೂ ಇಷ್ಟವಾಗುವಂತಹ ವಿನ್ಯಾಸದ ಸೀರೆ ಬ್ಲೌಸ್‌ಗಳಲ್ಲಿ ಕಾಣಿಸಿಕೊಂಡು, ಹೊಸ ಕಾನ್ಸೆಪ್ಟ್ ಸೀರೆ ಲುಕ್‌ಗೆ ನಾಂದಿ ಹಾಡಿದರು.
ವಿಜೇತ ಡಿಸೈನರ್‌ಗಳ ಪಟ್ಟಿ
ಈ ಫ್ಯಾಷನ್ ಪ್ರದರ್ಶನದಲ್ಲಿ ತಮ್ಮೇ ಆದ ಡಿಸೈನರ್‌ವೇರ್‌ಗಳನ್ನು ಡಿಸೈನ್ ಮಾಡಿದವರಲ್ಲಿ, ಓಷನ್ ಥೀಮ್‌ನವರು ಬೆಸ್ಟ್ ಡಿಸೈನರ್ ಅವಾರ್ಡ್ ಪಡೆದು ವಿಜೇತರಾದರು.
ಕಾರ್ಯಕ್ರಮದ ಹೈಲೈಟ್ಸ್
ಅರ್ಧ ದಿನಕ್ಕೂ ಹೆಚ್ಚು ಕಾಲ ನಡೆದ ಈ ಕಾರ್ಯಕ್ರಮದಲ್ಲಿ ಫ್ಯಾಷನ್ ರ‍್ಯಾಂಪ್ ಶೋಗಳ ಮಧ್ಯೆ ಮಧ್ಯೆ ಇತರೇ ನೃತ್ಯ ಕಾರ್ಯಕ್ರಮಗಳು ನಡೆದವು. ಫ್ಯಾಷನ್ ಶೋನ ಜ್ಯೂರಿ ಪ್ಯಾನೆಲ್‌ನಲ್ಲಿ ಮಿಸ್ ಇಂಡಿಯಾ ಕಾಸ್ಮೊಪಾಲಿಟನ್ 2029 ಐಶ್ವರ್ಯಾ, ಮಿಸೆಸ್ ಇಂಡಿಯಾ ವರ್ಲ್ಡ್ ವೈಡ್ 2019 ಶ್ವೇತಾ ನಿರಂಜನ್, ಫ್ಯಾಷನ್ ಡಿಸೈನರ್ ರೋಮಿತಾ ಸೇರಿದಂತೆ ಈ ಕ್ಷೇತ್ರದ ಸಾಕಷ್ಟು ಮಂದಿ ಭಾಗವಹಿಸಿದ್ದರು. ಕಾರ್ಯ್ರಕಮದಲ್ಲಿ ಅತಿಥಿಗಳಾಗಿ ಮಿಸ್ ತಾಜ್ ಯೂನಿವರ್ಸ್ ಸಂಗೀತಾ ಹೊಳ್ಳ, ನಟ ಭಾರ್ಗವ್, ಫ್ಯಾಷನ್ ಜರ್ನಲಿಸ್ಟ್/ಲೇಖಕಿ ಶೀಲಾ ಸಿ. ಶೆಟ್ಟಿ ಸೇರಿದಂತೆ ಕ್ಷೇತ್ರದ ನಾನಾ ಸೆಲೆಬ್ರೆಟಿಗಳು ಪಾಲ್ಗೊಂಡಿದ್ದರು.
